Fréttablaðið - 25.06.2008, Blaðsíða 8
8 25. júní 2008 MIÐVIKUDAGUR
VINNUMARKAÐUR Stjórnendur Ice-
landair kynntu í gær samdrátt í
vetraráætlun, fækkun starfs-
fólks, fækkun í stjórnendahópi
auk eldsneytissparandi aðgerða í
flugi. Stöðugildum verður fækk-
að um 190, úr 1.230 í 1.040. Það
þýðir að um 240 starfsmenn
fengu uppsagnarbréf í gær.
Icelandair segir upp um 240
starfsmönnum. Rúmlega 200
starfsmenn fengu uppsagnar-
bréf í gær, 138 flugfreyjur af 436
og 64 af rúmlega 300 flugmönn-
um. Einnig fækkar á tæknisviði,
í flugumsjón og starfsmönnum á
söluskrifstofum, að hluta með
uppsögnum.
Sigrún Jónsdóttir, formaður
Flugfreyjufélagsins, segir að um
110 flugliðar lækki í launum.
Ferðum Icelandair verður
fækkað um fjórtán prósent. Vetr-
arhlé í flugi til og frá Minnea-
polis verður lengt og heilsárs-
flugi til Toronto og Berlínar
frestað. Dregið verður úr flugi
til Parísar en flug aukið til New
York.
Samhliða breytingunum hafa
deildir verið lagðar niður og
sameinaðar öðrum. Forstöðu-
mönnum hefur verið fækkað úr
fimmtán í sjö. Reynt er að draga
úr rekstrarkostnaði og unnið að
því að draga úr eldsneytiskostn-
aði.
„Við hörmum þessar uppsagn-
ir,“ segir Sigrún. „Hópurinn sem
heild er í nettu áfalli. Við þurfum
að skoða þetta mál og höfum
boðað til félagsfundar í næstu
viku og fáum lögfræðing ASÍ til
okkar. Við erum að stíga fyrstu
skrefin út úr þessu áfalli,“ segir
hún og bendir á að fyrirtækið
hafi ekki mikið svigrúm til að
koma til móts við fólk, ekki sé í
boði að minnka við sig vinnu
tímabundið en hugsanlega launa-
laust leyfi. „Við þurfum að skoða
það frekar.“
Jóhannes Bjarni Guðmunds-
son, formaður Félags íslenskra
atvinnuflugmanna, segir að um
leiðindafréttir sé að ræða. „Við
vonum bara að sem minnst komi
til framkvæmda. Dýfan er óvenju
skörp. Félagið hefur ráðið til sín
fleira fólk en nokkru sinni áður
og því er þetta stærri hópur en
áður. Við höfum beint því til Ice-
landair að kanna möguleikana á
því að flugmenn fái vinnu annars
staðar innan samstæðunnar. Von-
andi skilar það einhverju.“
Alls var um 315 starfsmönnum
Icelandair Group sagt upp í gær,
þar á meðal hátt í 100 starfs-
mönnum Flugþjónustunnar á
Keflavíkurflugvelli. Tólf fyrir-
tæki hafa sagt upp um 800 starfs-
mönnum frá áramótum.
ghs@frettabladid.is
Yfir 300 sagt
upp hjá Ice-
landair Group
Þriðjungi flugmanna og ríflega fjórðungi flugfreyja
hefur verið sagt upp hjá Icelandair. Uppsagnir Ice-
landair Group eru í allt 315 talsins. „Hörmum þess-
ar uppsagnir,“ segir formaður Flugfreyjufélagsins.
UPPSAGNIRNAR
HJÁ ICELANDAIR
Stöðugildum fækkar um 190 og
verða 1.040 talsins.
Um 240 einstaklingar fengu upp-
sagnarbréf í gær. Þeir skiptast
þannig:
Flugfreyjur 138
Flugmenn 64
Stjórnendur og millistjórnendur 8
Aðrir 30
Samtals 240
FLUGFREYJUR Á FUNDI Stjórnendur Icelandair kynntu fjöldauppsagnirnar á fundum
með starfsmönnum í gær. Jóhannes Bjarni Guðmundsson, formaður Félags íslenskra
atvinnuflugmanna, bendir á að félagið hafi ráðið til sín fleira fólk en nokkru sinni og
því sé hópurinn stærri en áður sem fær uppsagnarbréf. FRÉTTABLAÐIÐ/GVA
ÁSTRALÍA, AP Ástralskur karlmað-
ur hefur verið kærður fyrir
ölvunarakstur eftir að hann
fannst sofandi í hjólastól á
áströlskum þjóðvegi. Bifreiðar
þurftu að taka sveig fram hjá
manninn þar sem hann hafði
staðnæmst og sofnað.
Maðurinn mældist með meira
en sexfalt löglegt magn áfengis í
blóði í blástursprufu lögreglu.
Hann mætir fyrir rétt 7. júlí og
gæti þurft að greiða háar sektir.
Að eigin sögn var maðurinn á
leið í heimsókn til vinar síns
sem bjó í fjórtán kílómetra
fjarlægð.
- gh
Kærður fyrir ölvunarakstur:
Sofnaði ölvaður
í hjólastólnum
NÁTTÚRA Leit að þriðja ísbirninum á Skaga var hætt í
fyrrinótt. Leitarflokkur fór á staðinn þar sem meintur
björn náðist á mynd en í blautum jarðveginum þar
fundust einungis spor eftir sauðfé. Konan sem tók
ljósmyndina er sannfærð um að hún sé ekki af kind.
Stefán Vagn Stefánsson, yfirlögregluþjónn á
Sauðárkróki, segir engin ummerki eftir ísbjörn hafa
fundist á staðnum. Að mati lögreglu er hins vegar
ótrúlegt að bjarndýr hefði getað farið um svæðið án
þess að slíkt myndi sjást á rökum jarðveginum og því
var ekki talin ástæða til að halda leitinni áfram.
Stefán brýnir þó fyrir fólki að vera á varðbergi
áfram. „Fyrst það eru komnir tveir þá er alls ekki
útilokað að það séu fleiri.“
Hrefna Björg Guðmundsdóttir sá dýrið ásamt
vinkonu sinni og tók af því myndina sem leitin var
byggð á. Hún segist enn viss í sinni sök. „Þetta var ekki
kind sem ég sá,“ segir hún. „Við erum báðar alveg
handvissar um það.“
Hún segist svekkt yfir því að orð hennar skuli ekki
vera tekin trúanleg, en hefur skilning á því að erfitt sé
að finna björninn. „Þetta er auðvitað stórt svæði og
ekki langt frá sjó. Ég vona bara að hann finnist sem
fyrst.“ - sh
Konan sem sá þriðja ísbjörninn segist viss í sinni sök þótt leit hafi engu skilað:
Þetta var ekki kind sem ég sá
KIND EÐA BJÖRN? Lögreglan segir
hvíta hnoðrann líkast til vera kind, en
Hrefna ísbjörn.
MYND / HREFNA BJÖRG GUÐMUNDSDÓTTIR
HREFNA BJÖRG
GUÐMUNDSDÓTTIR
TAÍVAN, AP Árlegir „stríðsleikar“
Taívana, þar sem líkt er eftir
kínverskri árás á Taívan með
hjálp tölvuforrits, standa yfir
þessa vikuna, að því er varnar-
málaráðuneyti Taívans upplýsir.
Líkt er eftir því að Kínverjar
hafi ráðist á og eytt loft- og
sjóher Taívana. Landherinn
standi einn eftir til varna.
Taívan og Kína skildust að í
borgarastyrjöld 1949. Kínverjar
telja Taívan hluta Kína og hafa
hótað innrás stefni Taívanar að
fullu sjálfstæði. Samskipti
landanna hafa þó batnað að
undanförnu. - gh
Árlegur „stríðsleikur“ í Taívan:
Líkja eftir inn-
rás Kínverja
1 Hvaða starfsstétt hefur sam-
þykkt að boða yfirvinnubann
frá og með 10. júlí?
2 Hvaða þekkti baráttumaður
prýðir umslag nýrrar plötu
hljómsveitarinnar Atóm-
stöðvarinnar?
3 Hvers lenskur er þingfor-
setinn sem nú er í opinberri
heimsókn á Íslandi?
EFNAHAGSMÁL „Grunnurinn að
góðri efnahagsstjórn síðustu
tveggja áratuga er frelsi í við-
skiptum, einkavæðing og skatta-
lækkanir,“ sagði Geir H. Haarde í
ræðu á alþjóðlegu þingi fjárfesta í
Lundúnum í gær.
Í ræðunni rakti hann helstu
ástæður þess að Ísland er meðal
ríkustu þjóða heims. Hann sagði
að skapgerð og dugnaður Íslend-
inga hefði haft mikið að segja í
þeim málum sem og þær ríku nátt-
úruauðlindir sem landið hefur upp
á að bjóða.
Geir sagði að einkavæðing
helstu ríkisfyrirtækja á 10. áratug
síðustu aldar hefði leyft íslensk-
um ríkisborgurum að taka þátt í
verðbréfamarkaðnum og skapað
þannig mikinn auð.
Geir sagði í ræðunni að þrátt
fyrir mikla ólgu í efnahagslífi
heimsins væri Ísland á góðu róli
og viðskiptahallinn myndi minnka
á næstu misserum.
Í fyrirspurnatíma eftir ræðuna
var Geir spurður að því hve lengi
við ætluðum að halda úti okkar
eigin gjaldmiðli. Svar Geirs var að
fleiri kostir en gallar fylgdu krón-
unni og því ættum við að halda í
hana meðan svo væri.
- vsp
Geir H. Haarde á alþjóðaþingi fjárfesta í Lundúnum:
Kostir fylgja krónunni
VEISTU SVARIÐ?