Fréttablaðið - 25.06.2008, Síða 11
MARKAÐURINN 11MIÐVIKUDAGUR 25. JÚNÍ 2008
S K O Ð U N
„Brynjólfur er mjög strategískur stjórn-
andi og er góður í að sjá stóru mynd-
ina. Það hefur komið best í ljós hjá
Skiptum þar sem hann hefur verið að
þróa starfsemi félagsins. Hann er gríðar-
lega öflugur rekstrarmaður og með
eindæmum talnaglöggur,“ segir sam-
starfsmaður hans um Brynjólf Bjarna-
son, forstjóra hjá Skiptum.
Eru þessir eiginleikar og áratuga
reynsla sögð hafa reynst ómetanleg á
undanförnum mánuðum.
Brynjólfur þykir alls staðar hafa náð
góðum árangri í rekstri fyrirtækja. Hann
er sagður treysta fólki fyrir verkefnum
og þykir góður í að skapa góða liðsheild.
Honum er lýst sem mjög vinnusömum
manni sem geri miklar kröfur til sjálfs
sín og annarra.
Fólki líkar almennt vel að vinna með
Brynjólfi og sem dæmi má nefna að
einn öflugasti fjármálastjóri landsins,
Kristín Guðmundsdóttir, fylgdi Brynjólfi
frá Granda til Símans og síðan Skipta.
Brynjólfur er mikill fjölskyldumað-
ur og mjög náinn sinni fjölskyldu. Segja
samstarfsmenn að honum takist að láta
fjölskylduna njóta forgangs þrátt fyrir
annir í starfi sínu.
Brynjólfur er fæddur árið 1946 í
Reykjavík. Lauk stúdentsprófi frá Versl-
unarskólanum árið 1967 og viðskipta-
fræðiprófi frá Háskóla Íslands árið
1971. Hann lauk síðan MBA-prófi frá
University of Minnesota árið 1973.
Brynjólfur var framkvæmdastjóri Al-
menna bókafélagsins frá 1976 til 1984
þegar hann var ráðinn framkvæmda-
stjóri Bæjarútgerðar Reykjavíkur og
ári síðar var félagið einkavætt og varð
Grandi hf. þá til. Hann starfaði hjá fyrir-
tækinu til ársins 2002 þegar hann réð sig
til Landssíma Íslands.
Tengsl hans við Bakkabræður eru
sterk. Brynjólfi voru á sínum tíma kynnt-
ar áætlanir Bakkabræðra sem honum
leist vel á og árið 1995 hófu Grandi og
Bakkavör samstarf.
Frá þeim tíma hafa tengsl Brynjólfs við
Bakkabræður verið mikil. Hefur Brynj-
ólfur meðal annars setið í stjórn Bakka-
varar og er nú forstjóri Skipta sem þeir
bræður eiga meirihluta í.
Brynjólfur er kvæntur Þorbjörgu
Kristínu Jónsdóttur. Þau eiga saman tvö
börn en Brynjólfur á fjögur börn frá
fyrra hjónabandi.
Með eindæmum talnaglöggur
Við spámenn
Íslenska krónan er handónýt.
Gjörsamlega vita gagnslaus.
Eins og margir vita hefur í gegn-
um tíðina lítið gagnast að skipta
henni út fyrir aðrar myntir í
bönkum erlendis – hvað þá á fjar-
lægari stöðum. Eins og hún hefur
fallið núna er maður guðslifandi
feginn að hafa skipt henni út
fyrir evrur í haust. Þetta var
eina tilefnið til að ég signdi mig
í fyrra, trúlaus maðurinn. Hitt
skiptið var á mánudag þegar ég
skrifaði undir jenalánið.
Þetta er besta ástand í heimi
fyrir menn eins og mig sem geri
lítið annað þessa dagana en að
horfa á gamlar skuldir í krónum
gufa sjálfkrafa upp og draga síð-
asta andvarpið milli þess sem ég
fer í ræktina og tásnyrtingu.
Við spámenn höfum annars
í gegnum aldirnar verið sára-
saklausir. Á tíðum skemmtilegir,
sérstaklega þegar við höfum rétt
fyrir okkur – sem er furðu al-
gengt. Við erum auðvitað afar
skarpskyggnir, hæfilega góð-
hjartaðir, sæmilega varðir og
flottir í tauinu með góðan smekk
á víni og konum.
Sjáiði Nostradamus, kallinn.
Þótt hann hafi ekki beint verið
flottur á því og spádómarnir so
og so þá má hafa gaman af því
sem hann skrifaði. Já, jafnvel
þótt maður botnaði lítið í því sem
hann sagði. „Þetta er allt svo opið
hjá honum,“ svo maður bregði
fyrir sig orðfæri kunningja míns
sem horfir til sama kyns.
Þeir eru verri óþokkarnir sem
vilja vera spámenn en hafa ekki
snefil af hæfileikum til þess, litla
skarpskyggni og eru bókstaflega
illa þenkjandi. Seðlabankamenn
eru í þessum flokki, að margra
mati.
Seðlabankinn kastar reglulega
fram spádómum um stýrivaxta-
ferlið, verðbólgumarkmiðin og
efnahagslífið. Til að úr rætist er
öllu þjösnað til svo hægt verði að
kreista fram þá niðurstöðu sem
falast var eftir.
Þjösnaskapur er ekki vísdómur.
Það er kvikindisskapur, illkvittni
sem virðist ætla að færa allt á
bólakaf, því miður. Ekki skil ég
hvernig þeir Davíð og félagar
ætla að monta sig þegar fram-
tíðarsýn þeirra verður að veru-
leika. Enda skiljanlega strembið
að standa í stefni á sokknu skipi.
Spákaupmaðurinn á horninu
S P Á K A U P M A Ð U R I N N
S A G A N Á B A K V I Ð . . . B R Y N J Ó L F B J A R N A S O N , F O R S T J Ó R A S K I P T A
Fáðu ferskar
íþróttafréttir á
hverjum morgni
Fréttablaðið stendur vaktina á hverju kvöldi – líka á laugardögum.
Þannig færum við þér nýjustu úrslitin og staðgóða umfjöllun á
morgunverðarborðið hvern einasta morgun.*
*Sunnudagsútgáfa Morgunblaðsins er prentuð á laugardegi áður en íþróttaúrslit
dagsins liggja fyrir og 24 stundir koma hvorki út á sunnudögum né mánudögum. Auk
þess fara 24 stundir í prentun aðra daga áður en íþróttaleikjum kvöldsins er lokið.
Fréttablaðið er eina dagblaðið sem færir þér ferskar íþróttafréttir alla morgna
vikunnar, líka á sunnudögum.
Allt sem þú þarft – alla daga
F
í
t
o
n
/
S
Í
A