Fréttablaðið - 25.06.2008, Qupperneq 14

MARKAÐURINN 25. JÚNÍ 2008 MIÐVIKUDAGUR14
F Y R S T O G S Í Ð A S T
F R Í S T U N D I N
„Yfir sumartímann hjóla ég
mikið um borgina,“ segir Stella
Marta Jónsdóttir, framkvæmda-
stjóri Kaffitárs. Hjólreiðar eru
hennar helsta áhugamál. Helg-
arnar eru nýttar mikið til hjóla-
ferða og ósjaldan er farið upp
í Heiðmörk. En í sumar ætlar
fjölskyldan í hjólaferð til Dan-
merkur.
„Áhugamál mín tengjast
einkum mikilli útiveru. Ég
stunda gönguferðir á fjöll, fer
út að hlaupa og ég fer reglu-
lega í ræktina.“ Líkamsræktin
er Stellu greinilega mjög hug-
leikin enda segir hún að liður í
þessu öllu sé að afstressa sig,
eins og hún orðar það.
Stella býr með fjölskyldu
sinni í Fossvoginum. Þar er
heldur betur góð aðstaða fyrir
hjólreiðafólk. „Við hjólum til
dæmis mikið niður í bæ, upp í
Grafarholt, jafnvel til Hafnar-
fjarðar og þar alla leið að álver-
inu í Straumsvík.“
Hjólið er fyrirtaks samgöngu-
tæki og hljóta fleiri að fara að
byrja á því að hjóla, sérstak-
lega nú á tímum þegar bensín-
dropinn verður sífellt dýrari.
Stella stingur upp á hjólaferð
í stað bíltúrs á kaffihúsið eða
labb á pöbbinn. Stella og hennar
maður hafa tekið upp á þeim sið
að hjóla á milli kaffihúsa Kaffi-
társ um helgar í stað þess að
ganga eða keyra. Þannig sam-
einar Stella áhugamálið og vinn-
una, enda hluti af starfi fram-
kvæmdastýrunnar að vera í
sem bestum tengslum við við-
skiptavini og starfsfólk.
Fyrir utan útiveruna gefur
Stella sér tíma til að lesa. „Við
erum fjórtán konur sem hitt-
umst einu sinni í mánuði. Í
leshringnum ákváðum við að
hafa það fyrirkomulag að lesa
til skiptis íslenskar og enskar
bækur. Nú erum við að lesa bók-
ina hennar Yrsu Sigurðar dóttur,
sem heitir Aska, og á næsta
fundi verður sú bók rædd.“ - vg
STELLA Stella býr með fjölskyldu sinni
í Fossvoginum og hjólar þaðan um alla
borgina og lengra, jafnvel alla leið að
álverinu í Straumsvík. MARKAÐURINN/GVA
Útivist og lestur
Stella Marta Jónsdóttir, framkvæmdastjóri
Kaffitárs, hjólar um borgina á sumrin.
07.15 Klukkan hringir, leggst aðeins aftur á koddann, næ tíu mínút-
um í viðbót.
07.30 Kristinn opnar hurðina, harkalega, þetta er merkið, vakna og
hefja morgunverkin.
08.15 Lagt af stað með guttann í leikskóla, hann er syngjandi glaður
að venju. Unglingarnir á leið í vinnuskólann, fullorðna fólkið í vinn-
una.
08.45 Sest við skrifborðið mitt með tebollann, tilbúin í daginn, byrja
á að lesa póst.
09.00 Næsti klukkutími fer í að lesa póst og vinna ýmsa undirbún-
ingsvinnu vegna fundar með greiningaraðilum. Mikið um spurningar
þessa dagana um stöðu efnahagsmála á Íslandi.
10.00 Farið yfir fjárhagstölur maímánaðar, sendi spurningar og
athugasemdir til dótturfélaga og móðurfélags.
11.00 Móttaka hjá frú Vigdísi Finnbogadóttur, afhending þakkar-
gjafar frá íslenskum konum til Vigdísar.
12.30 Hádegismatur í mötuneyti bankans.
13.00 Unnið í tölvupósti, svara ýmsum fyrirspurnum og fylgi eftir
verkefnum í vinnslu.
15.00 Fundur til að fara yfir næstu skref í IT-innleiðingarverkefnum.
Stórt verkefni þar sem stöðugt þarf að endurmeta hvort verið sé að
fara bestu og hagkvæmustu leiðina.
16.15 Skrepp heim, þarf að keyra aðra dóttur mína til læknis.
17.30 Mæti í móttöku hjá Auði Capital. Þær stöllur, Kristín og Halla,
hafa boðið til veislu til að fagna starfsleyfi og opnun félagsins.
Skemmtileg stund þar sem ég hitti margt fólk.
19.30 Komin heim, kvöldmatur og spjall við unglingsdæturnar. Síðan
breytist ég í dreka sem riddarinn, þriggja ára sonur minn, vill koma
fyrir kattarnef.
21.00 Ég fæ það hlutverk að lesa fyrir svefninn fyrir drenginn,
ómetanleg stund sem við hjónin reynum að skipta bróðurlega á milli
okkar.
21.30 Komin fram aftur, sest og les yfir tölvupóst, svara nokkrum
fyrirspurnum.
22.30 Helgin skipulögð, stefnt á að fara í útilegu, en taka verður mið
af veðri og vindum.
23.00 Sofnuð eftir nokkrar blaðsíður í spennubók, mun líklega taka
mig árið að klára bókina með sama áframhaldi.
D A G U R Í L Í F I …
Guðnýjar Örnu Sveinsdóttur, fjármálastjóra Kaupþings
GUÐNÝ ARNA Fer yfir greiningarvinnu með samstarfsmanni hjá Kaupþingi.
MARKAÐURINN/VILHELM
Annas Sigmundsson
skrifar
„Saxo Bank hafði samband við okkur eftir að
hafa verið bent á okkur,“ segja þau Jóhanna
Ríkarðsdóttir viðskiptafræðingur og Nicholas
Albert O´Keeffe, sérfræðingur í viðskiptaþróun.
Þau Jóhanna og Nicholas eru á meðal sex Íslend-
inga sem nú vinna hjá danska bankanum Saxo
Bank. Á þeim tíma sem Saxo Bank hafði samband
við þau vann Nicholas að doktorsritgerð sinni við
Viðskiptaháskólann í Kaupmannahöfn (CBS) og
Jóhanna stundaði meistaranám við sama skóla.
Varðandi umfjöllun danskra fjölmiðla um ís-
lenskt efnahagslíf á undanförnum árum segja
þau að oft rati neikvæðar greinar í dönskum blöð-
um auðveldar í fjölmiðla á Íslandi. Færa megi rök
fyrir því að efnis innihald endurspegli oft þekk-
ingarleysi blaðamanna á íslensku efnahagslífi. Í
viðskiptalífinu í Danmörku sé þó almennt traust
og virðing borin til íslenskra fyrirtækja sem
birtist að hluta til í þeirri velgegni sem íslensk
útrásar fyrirtæki hafi hlotið í Danmörku.
Aðspurð hvort Danir finni jafnmikið fyrir efna-
hagsþrengingum nú og við Íslendingar segja
þau áhrifin ekki eins mikil í Danmörku. „Dönsk
króna er gengistengd evru sem hefur haldið
gjaldmiðlinum hingað til öruggum. Hér er um-
talsverð lægð á fasteignamarkaðinum og hefur
sala dregist saman og verð almennt lækkað á
fasteignum. Samtímis því hafa vextir á langtíma
húsnæðislánum hækkað á síðastliðnum tveimur
árum, úr rúmum fjórum prósentum í sjö,“ segir
Nicholas.
Nicholas og Jóhanna segja að yfirlýsing Davids
Karsbøl, yfirmanns í greiningardeild Saxo Bank,
um að skuldatryggingaálag Kaupþings benti til
þess að bankinn gæti orðið gjaldþrota innan nokk-
urra mánaða og samlíking Íslands við Simbabve
hafi komið þeim í opna skjöldu.
„Þetta mál fór fyrir brjóstið á Lars Seier
Christensen, einum stofnenda og aðaleiganda
Saxo Bank, sem hefur sterk persónuleg tengsl við
Ísland,“ segir Jóhanna. Þau segja að Saxo Bank
líti upp til velgegni íslensku bankanna og taki at-
hafnasemi og metnað þeirra til fyrirmyndar.
Þau ítreka það að viðskiptavinir Saxo Bank hafi
ekki skortselt bréf í íslenskum bönkum því bank-
inn bjóði ekki upp á aðgengi að íslenska markað-
inum og ekki sé hægt að skortselja íslensk fyrir-
tæki í gegnum Saxo Bank.
Hins vegar sé hægt að taka skortstöður í
erlendum fyrirtækjum, þar á meðal í dönsk-
um bönkum með svokölluðum CFD-afleiðum
(hlutabréfaafleiður). „Það hefur verið nokkuð
vinsælt meðal Íslendinga,“ segir Jóhanna.
Saxo Bank verður með námskeið hérlendis
2. og 3. júlí næstkomandi þar sem fjallað verð-
ur meðal annars um viðskipti með gjaldeyri og
CFD-afleiður. Segja þau Nicholas og Jóhanna að
von sé á góðri þátttöku Íslendinga.
Velvilji hjá Saxo
Bank í garð Íslands
Hjá danska bankanum vinna nú sex Íslendingar. Almennt
njóta íslensk fyrirtæki trausts og virðingar í Danmörku.
JÓHANNA OG NICHOLAS Þau segja að yfirlýsing Davids Karsbøl um að skuldatryggingaálag Kaupþings benti til þess að bankinn gæti
orðið gjaldþrota innan nokkurra mánaða og samlíking Íslands við Simbabve hafi komið þeim í opna skjöldu. AÐSEND MYND