Fréttablaðið - 26.06.2008, Blaðsíða 2

2 26. júní 2008 FIMMTUDAGUR
DÝRAHALD „Ég vil ekki að barnið
mitt leiki sér í kattaskít,“ segir
Hrafnhildur Þorsteinsdóttir, íbúi í
Vogahverfi í Reykjavík.
Hrafnhildur segir ítrekað hafa
verið eftir því leitað við borgar -
yfirvöld að skipt sé um sand í
tveimur sandkössum á opnu leik-
svæði við Ljósheima í Reykjavík
en því hafi ekki verið sinnt.
„Sandkassarnir eru báðir fullir
af kattaskít og í hvorugum þeirra
hægt að hafa barn,“ segir Hrafn-
hildur. „Í morgun sáum við einnig
að kassinn iðaði af lirfum sem haf-
ast við í sandinum.“
Hrafnhildur hefur ásamt ungri
dóttur sinni hitt nokkrar dagmæð-
ur með fleiri börn á opnu leik-
svæði við Ljósheima í Reykjavík
reglulega. Leiksvæðið er mjög
gott og vel nýtt að sögn Hrafnhild-
ar, oft komi samtals fleiri en
tuttugu þar saman á morgnana
þegar veðrið er gott. „Það er auð-
vitað mjög leiðinlegt að geta ekki
leyft börnunum að leika sér í sand-
kössunum,“ segir Hrafnhildur.
„Þetta vandamál hefur verið til
staðar mjög lengi,“ segir Hrafn-
hildur. „Við búum hér í grenndinni
og höfum brugðist við með því að
vara aðra foreldra við að setja
börnin sín í sandkassann.“
Hrafnhildur segir vandamálið
erfitt við að eiga enda komi kett-
irnir alltaf aftur. „Ég held að eina
lausnin sé bann við lausagöngu
katta.“
Ekki eru til beinar reglur um
sandskipti í sandkössum á opnum
leiksvæðum í borginni en Rósa
Magnúsdóttir hjá Umhverfissviði
Reykjavíkurborgar segir að það
sé gert einu sinni á ári, yfirleitt að
vori.
Gott eftirlit er með sandkössum
á leikskólalóðum en það er að sögn
Rósu illframkvæmanlegt á opnum
svæðum sem eru um þrjú hundruð
talsins í borginni. „Við getum ekki
komið í veg fyrir þetta,“ segir
Rósa. „Leikvellirnir eru opnir
öllum.“
Rósa segir mjög mikilvægt að
láta vita ef vandamál komi upp á
leiksvæðunum. Hægt er að leita til
Umhverfissviðs og hverfamið-
stöðva borgarinnar með kvart anir.
helgat@frettabladid.is
Fullir sandkassar af
kattaskít á leikvelli
Sandkassar á opnu leiksvæði við Ljósheima í Reykjavík eru fullir af kattaskít.
Beiðni til borgaryfirvalda um að skipt sé um sand í kössunum ekki sinnt. Ill-
framkvæmanlegt að fylgjast með sandkössum á opnum leiksvæðum í borginni.
KATTASKÍTUR Mæður sem koma saman
á leikvellinum sópuðu þar saman tals-
verðu magni af kattaskít á þriðjudag.
KATTASKÍTUR Í SANDKASSA Fjöldi barna kemur saman á leikvelli við Ljósheima í
Reykjavík flesta morgna en leika sér ekki í sandkössunum vegna kattaskítsins.
FRÉTTABLAÐIÐ/ANTON
Mál prests til saksóknara
Mál séra Gunnars Björnssonar, sókn-
arprests á Selfossi, hefur verið sent til
ríkissaksóknara. Fjórar stúlkur kærðu
Gunnar fyrir kynferðislega áreitni.
Hann hefur neitað þeim ásökunum.
DÓMSTÓLAR
Grill-leikur
me› s‡r›um rjóma!
Taktu þátt í grillleik MS og þú gætir
unnið glæsilegt Weber-grill eða
vandað grillsett. Kauptu dós af sýrðum
rjóma frá MS, farðu á www.ms.is, sláðu
inn lukkunúmerið sem er í lokinu og þú
færð strax að vita
hvort þú hefur
unnið.
H
V
ÍT
A
H
Ú
S
IÐ
/S
ÍA
0
8
-1
0
2
0

Hrefna, var ísbjörninn ekkert
kindarlegur?
„Nei, það var ekkert kindarlegt við
hann.“
Hrefna Björg Guðmundsdóttir kveðst
fullviss um að hafa séð ísbjörn á Skaga,
þótt leit hafi engu skilað og einu sporin
sem fundist hafi eru eftir kindur.
STJÓRNMÁL Ólöf Guðný Valdimars-
dóttir mun láta af störfum sem
aðstoðarmaður
Ólafs F.
Magnússonar
borgarstjóra á
næstunni,
samkvæmt
heimildum
Fréttablaðsins.
Ólöf Guðný
varð aðstoðar-
maður þegar
Ólafur tók við í
janúar á þessu
ári. Samkvæmt
samkomulagi
meirihlutans í Reykjavík situr
hann sem borgarstjóri til mars á
næsta ári, en þá tekur Hanna
Birna Krist jáns dóttir við.
Ólöf Guðný vildi hvorki
staðfesta né neita þegar blaða-
maður náði tali af henni. „Ég var í
vinnunni í dag og verð í vinnunni
á morgun, meira hef ég ekki um
það að segja.“ - kóp
Ólöf Guðný Valdimarsdóttir:
Aðstoðarmaður
Ólafs F. hættir
ÓLÖF GUÐNÝ
VALDIMARSDÓTTIR
ENGLAND, AP Elísabet önnur
Englandsdrottning svipti í gær
Robert Mugabe, forseta Simbab-
ve, titli heiðursriddara.
Utanríkisráðherra Bretlands,
David Milibrand, beindi því til
drottningarinnar að Mugabe yrði
sviptur titlinum vegna mannrétt-
indabrota stjórnar Mugabes.
Mugabe var gerður að heiðurs-
riddara árið 1994 þegar litið var á
hann sem hetju í baráttunni gegn
nýlendustefnunni. Slík svipting er
afar óvenjuleg en þó ekki óheyrð.
Nicolae Ceausescu, fyrrverandi
forseti Rúmeníu, var sviptur
titlinum meðan á byltingu stóð í
Rúmeníu 1989. - gh
Elísabet II. sviptir Mugabe titli:
Mugabe sviptur
riddaratitli
SAFNAMÁL TF-SIF, björgunarþyrla
Landhelgisgæslunnar sem lenti í
sjónum við Straumsvík í fyrra,
hefur verið afhent flugsafni
Íslands á Akureyri til varðveislu.
Landhelgisgæslan fékk TF-SIF
nýja frá verksmiðju árið 1985 og
á 22 ára ferli sínum átti Sifin, eins
og hún var oft kölluð, þátt í
björgun 250 mannslífa, að áætlað
er. Hún flaug samtals 7.056
klukkustundir á ferlinum áður en
hún lenti í sjónum við Straumsvík
á síðastliðnu ári.
Vélin var afhent safninu um
flughelgi flugsafnsins um liðna
helgi. - shá
Höfðingleg gjöf:
TF-SIF komin á
Flugsafn Íslands
Á SAFNI Eftir langa þjónustu mun Sifin
gleðja augu safngesta. MYND/LHG
TRÚMÁL Séra Guðni Már Harðarson
verður prestur í Lindaprestakalli
frá og með fyrsta september
næstkomandi.
Valnefnd prestakallsins tók
ákvörðun um embættisveitinguna
á fundi sínum síðastliðinn
mánudag. Umsækjendur um
stöðuna voru þrír. Valnefndina
skipuðu níu aðilar úr prestakallinu
ásamt prófasti Reykjavíkurpróf-
astsdæmis eystra.
Guðni Már lauk guðfræðiprófi
frá Háskóla Íslands 2006. Sama ár
var hann vígður til prestsþjónustu
sem skólaprestur á vegum
Kristilegu skólahreyfingarinnar.
- ges
Nýr prestur ráðinn í embætti:
Sr. Guðni Már í
Lindaprestakall
DÝRAVERND „Þeir voru bara hjá hús-
inu hér á horninu í lokuðum poka
sem þeir hefðu líklega getað dáið í
ef þeir hefðu verið mikið lengur í
honum,“ segir Sigríður Heiðberg,
formaður Kattavinafélagsins, sem
rekur Kattholt.
Í gærmorgun fundust þrír kettir í
poka fyrir utan Kattholt og höfðu
verið skildir eftir.
„Þetta var skelfilegur poki. Það
var blessunarlega allt í lagi með kis-
urnar en þær höfðu greinilega ekki
verið lengi í pokanum því hann var
ansi þéttur,“ segir Sigríður sem brá
mjög við að finna kettlingana.
Hún segir þó ekki algengt að þetta
komi fyrir en gerist þó nokkrum
sinnum á ári. Venjulegu séu þeir þá
í kassa. „Það á samt ekki að koma
svona fram við dýr, að senda þau í
kassa. Það er þó betra en að þeim sé
hent út í hraun.“
Taka verður harðar á dýraníðing-
um að mati Sigríðar og hafa háar
sektir og viðurlög við þessum brot-
um.
„Hér hafa kettir verið teknir út úr
íbúðum og fólk sleppur alveg með
ákæru. Í Bandaríkjunum væri fólki
skellt í handjárn fyrir svona fram-
komu við dýr.“
Kettlingarnir þrír eru tveggja
mánaða gamlir og þeim heilsast vel,
þótt einn sé örlítið veikburða.
- vsp
Við Kattholt biðu þrír kettlingar í gærmorgun sem höfðu verið skildir þar eftir:
Skildir eftir í loftlausum poka
KISUR Í POKA Hér sjást kettlingarnir þrír
í loftlausum poka sem þeir voru skildir
eftir í.
LÖGREGLUMÁL Kynferðisbrotadeild lögreglunnar á
höfuðborgarsvæðinu rannsakaði hátt í tvö hundruð
kynferðisbrotamál á síðasta ári. Þar af voru 48
nauðganir og 62 kynferðisbrot gegn börnum.
Þetta kemur fram í ársskýrslu lögreglustjórans á
höfuðborgarsvæðinu fyrir árið 2007.
Þá voru til rannsóknar hjá deildinni fjölmörg mál
er varða barnaklám í tengslum við netið.
Auk ofangreinds komu fjöldamörg önnur krefj-
andi verkefni á borð lögreglunnar á höfuðborgar-
svæðinu á árinu. Má þar nefna tvö morðmál, annað á
Sæbraut, hitt í fjölbýlishúsi við Hringbraut. Mál
sem risu vegna ofbeldisbrota voru rúmlega 900 á
síðasta ári. Af þeim voru rúmlega 100 mál flokkuð
sem alvarleg. Þá rannsakaði lögregla Fáskrúðsfjarð-
ar málið, sem er eitt stærsta fíkniefnamál sem upp
hefur komið hér á landi. Samtals var 41 rán framið á
síðasta ári.
Ránsmennirnir voru flestir ungir að árum. Þeir
sögðu fjármögnun fíkniefnakaupa hafa verið ástæðu
ránanna. Eitt grófasta ránið var framið í Vogahverfi.
Þar var jafnframt gengið í skrokk á hinum rænda.
Hann var bundinn bæði á höndum og fótum og
gúmmímotta dregin yfir höfuð hans meðan á
athæfinu stóð. - jss
RÁN Rúmlega fjörutíu rán voru framin á síðasta ári. Vel gekk
að upplýsa þau. FRÉTTABLAÐIÐ/VALLI
Mörg krefjandi verkefni hjá lögreglu höfuðborgarsvæðisins 2007:
Rúmlega 60 kynferðisbrot
gegn börnum á einu ári
TÆKNI Bilanir í gervihnetti í Basel
í Sviss voru valdandi þeim
truflunum sem urðu á útsending-
um Sjónvarpsins frá leik Þýska-
lands og Tyrklands í EM í
knattspyrnu í gærkvöldi.
Bilanirnar komu oftar en ekki á
versta tíma og þurftu lýsendur að
geta í eyðurnar. Leikurinn var
þrælspennandi og fór 3-2 fyrir
Þýskalandi. - kóp
Útsendingatruflanir á EM:
Bilun í gervi-
hnetti í Basel
SPURNING DAGSINS