Fréttablaðið - 26.06.2008, Blaðsíða 38
26. JÚNÍ 2008 FIMMTUDAGUR6 ● fréttablaðið ● vinnuvélar
Bílasmiðurinn hf.
Bíldshöfða 16 s. 567 2330
Eitt mesta úrval landsins af ljósum og
glitmerkjum fyrir vagna og farartæki
Vélasvið Heklu tók nýjan smur-
þjónustubíl af fullkomnustu
gerð í notkun fyrir skemmstu.
Bíllinn er af gerðinni Scania
P270 og útbúinn samkvæmt
ströngustu stöðlum frá Cater-
pillar, í samstarfi við Skeljung.
„Þegar ákveðið var að fara út í
gerð nýja smurþjónustubílsins
settumst við niður, mestu reynsl-
uboltarnir í smurþjónustunni, og
skrifuðum niður á lista hvað þyrfti
að vera til staðar svo bíllinn yrði
eins góður og mögulegt væri. Þar
ákváðum við að allar loft-, vatns-
og olíulagnir yrðu í upprúlluðum
slöngum með aðgengi í gengum
lúgu utan frá, svo ekki þyrfti að
fara inn í bílinn og valda þar kámi
og óhreinindum meðan þau störf
væru unnin,“ segir Sveinn Sím-
onarson, þjónustustjóri Vélasviðs
Heklu, um nýja smurþjónustubíl-
inn sem hlotið hefur verðskuld-
aða aðdáun Caterpillar, stærsta
vélaframleiðanda heims.
„Caterpillar sendi hingað menn
til að taka út verkstæði okkar og
þjónustubílana, og þeir urðu svo
hrifnir af nýja smurþjónustubíln-
um að þeir tóku af honum myndir
til að sýna öðrum og stærri um-
boðsaðilum í Evrópu hvernig ætti
að gera góða hluti,“ segir Sveinn
stoltur um nýjasta þjón Véla-
sviðs, sem samanstendur af tólf
mismunandi þjónustubílum, en
alls starfa fjörutíu vélvirkjar á
Vélasviði Heklu.
„Þjónustubílarnir eru full búin
verkstæði á hjólum, með verk-
færi upp á hundruð þúsunda í
hverjum bíl. Þeir fara þangað
sem vinnuvélar bila, en einnig á
vinnusvæði til að sinna skoðun-
um og eftirliti margra vinnuvéla
í einu. Við leggjum mikinn metn-
að í að geta veitt viðskiptavinum
þjónustu sem hann þarfnast á því
vinnusvæði sem hann er. Það er
gríðarlega dýrt fyrir bæði eig-
endur vinnuvéla og skattgreið-
endur að burðast með fleiri tuga
tonna þungar vinnuvélar í gegn-
um höfuðborgina til þess eins að
stoppa við í klukkutíma viðgerð
á verkstæðinu okkar. Þess vegna
förum við með verkstæðið til
þeirra,“ segir Sveinn.
Allur búnaður og uppsetning
nýja smurþjónustubílsins miðast
við að hægt sé að bjóða viðskipta-
vinum fullkomnustu smurþjón-
ustu sem völ er á. Sem fyrr segir
liggur slöngubúnaður á keflum
til að auðvelda vinnu og viðhalda
hreinleika, hvort heldur sem um
er að ræða háþrýstiþvottatæki,
olíur, loft eða vatn. Gömul olía er
sogin upp í tank og gamlar síur
settar í hólf utan á bílnum.
Í nýja smurþjónustubíln-
um er einnig tæki til að greina
hreinleika olíunnar (e. particle
counter). Með því er unnt að grípa
inn í áður en skaði verður, ef eitt-
hvað finnst að olíu sem ekki á að
skipta um.
Á næstu vikum munu starfs-
menn Vélasviðs Heklu kynna þá
fjölbreyttu möguleika sem við-
skiptavinum bjóðast með tilkomu
nýja þjónustubílsins; smurþjón-
ustu, þjónustuskoðanir og fleira.
Þjónusta þessi stendur eigendum
allra tegunda vinnuvéla til boða,
hvort sem um er að ræða Caterp-
illar eða aðrar tegundir.
- þlg
Fullkomin smurstöð á hjólum
Sveinn Símonarson, þjónustustjóri Vélasviðs Heklu, við einn af tólf þjónustubílum fyrirtækisins. FRÉTTABLAÐIÐ/VALLI
Nýi smurþjónustubíllinn er fullkomnasti smurbíll sem starf-
ræktur er af umboðsaðilum Caterpillar í Evrópu.
Í nýja smurþjónustubílnum er lögð áhersla á gott vinnuum-
hverfi til viðgerða og olíuskipta, en ekki síður mikið hreinlæti
við starfannEinn af sportlegri þjónustubílum Vélasviðsins, sem skýst á vinnusvæði til viðgerða.
Hér sést rafstöðin sem knýr öll tæki og tól sem notuð eru á
þessari fullkomnu smurstöð á hjólum.
Starfsmann Vélasviðs Heklu sjást hér draga út slöngu utan
á smurþjónustubílnum, en hönnun og hugmynd á þessum
búnaði er íslensk að uppruna.