Fréttablaðið - 26.06.2008, Blaðsíða 64

36 26. júní 2008 FIMMTUDAGUR
bio@frettabladid.is
> SMART SPÆJARI SNÝR AFTUR
Sjónvarpsserían Get Smart gekk frá
árinu 1965 til 1970. Þættirnir voru
sýndir á Íslandi undir heitinu Smart
spæjari og nutu hylli í sauðalitunum.
Reynt var að endurvekja seríuna í sjón-
varpi árið 1995 en það var skamm-
líf endurkoma. Í síðustu viku
kom kvikmyndin Get Smart með
Steve Carell í hlutverki Smarts
og virðist hún ætla að slá í
gegn, var best sótta myndin í
Bandaríkjunum í síðustu viku.
Myndin er væntanleg til Íslands
um miðjan ágúst.
Það er sumar og sól og bíóin því kannski
ekki að spila út stærstu trompunum sínum.
Aðeins tvær myndir eru frumsýndar í þess-
ari viku, hasarmyndin Wanted með Angel-
inu Jolie og grínmyndin Big Stan með Rob
Schneider.
Wanted hefur fengið fína dóma og þykir vel heppnuð
spennumynd. Hún er lauslega byggð á samnefndri
teiknimyndaseríu eftir Mark Millar. Hann er
skoskur en hefur starfað fyrir Marvel, meðal annars
samið og teiknað Spider-man og Fantastic Four.
Leikstjórinn Timur Bekmambetov er samlandi
Borats, er frá Kasakstan og hefur gert auglýsingar
og nokkrar myndir í Rússlandi sem slegið hafa í
gegn. Wanted er fyrsta myndin sem hann gerir í
Hollywood.
Rekald verður hetja
Wanted segir frá hinum 25 ára Wesley Gibson, sem í
byrjun myndarinnar er stefnulaust rekald á
skrifstofu. Hann er niðurlægður af kærustunni og
yfirmanninum og framtíðin virðist allt annað en
björt. Wesley er leikinn af Skotanum James McAvoy,
sem lék meðal annars eftirminnilega á móti Forest
Whitaker í The Last King of Scotland.
Líf hins stefnulausa rekalds tekur stakkaskiptum
þegar hann hittir hina funheitu Fox, sem leikin er af
Angelinu Jolie. Á svipuðum tíma er pabbi Wesleys
myrtur, en hann var leigumorðingi. Fox tekur
Wesley inn í Bræðralagið, leynisamtök mikil, og
þjálfar hann til að hefna föður síns og leysa úr
læðingi ógurlega krafta sem búa innra með honum.
Taka nú við ýmsir hörkuspennandi atburðir og inn í
plottið blandast Morgan Freeman, sem leikur Sloan,
höfuð Bræðalagsins, og Terence Stamp, sem leikur
aðal vonda karlinn. Í Wesley takast á hetjudáð og
hefndarhugur en í lokin kemst hann að einu: Hann
einn stýrir örlögum sínum.
Wanted hefur fengið góða dóma, til dæmis 83 hjá
netmiðlinum Rotten Tomatoes, 78 hjá Metacritic og
77 á Imdb. Myndin er frumsýnd í Sambíóunum í dag,
en verður frumsýnd í Bandaríkjunum á morgun.
Fangelsisgrín
Grínmyndir Robs Schneider verða seint taldar til
þroskuðustu verka kvikmyndasögunnar, en fullt af
fólki hefur þó gaman af myndum eins og The Animal,
Deuce Bigolow og The Hot Chick. Big Stan er nýjasta
myndin og verður frumsýnd í Smára-, Háskóla- og
Borgarbíói á Akureyri, á morgun. Í útvarpsviðtali
nýlega sagði Rob að Big Stan væri „grínmynd gegn
nauðgunum í fangelsum“.
Rob leikur Stan Minton, smákrimma í fasteigna-
bransanum, sem fer á taugum þegar hann er dæmdur
til fangelsisvistar. Hann hræðist svo að vera nauðgað
innan múranna að hann ræður dularfullan gúrú
(David Carradine) og fær hann til að kenna sér
bardagalistir. Þegar Stan fer í fangelsi er hann
útlærður bardagamaður og notar nýfundna hæfileik-
ana til að kúga hina fangana. Hann verður að lokum
foringi fanganna og kemur á friði og ró. Spilltum
yfirfangaverði líst þó alls ekki á þetta ástand og gerir
allt sem hann getur til að koma Stan í klípu.
Big Stan er fyrsta myndin sem Rob leikstýrir
sjálfur. Myndin verður frumsýnd í Bandaríkjum í
haust og hefur því ekki fengið dóma ennþá.
gunnarh@frettabladid.is
Hetjuhasar og fangelsisgrín
LÚÐINN ORÐINN HETJA James McAvoy dritar niður vondu karlana í Wanted.
Annað tölublað DVD-sjón-
tímaritsins Rafskinnu er
væntanlegt. Í tímaritinu
verður að finna aldarfjórð-
ungsgamla stuttmynd eftir
listahópinn Oxsmá í leik-
stjórn Óskars Jónassonar,
Oxsmá pláneta. Myndinni
fylgir möguleikinn á sér-
stakri leiðsögn (e. comm-
entary) þeirra Óskars
og Hrafnkels Sigurðs-
sonar, myndlistamanns
og aðalleikara myndar-
innar. „Við höfðum
nýlega séð Leitina að
eldinum og vorum að
tala um hvað það væri
auðvelt að gera svona
mynd,” segir Óskar á
disknum um tilurð þessarar
framtíðarmyndar um frum-
stæðu plánetuna Oxsmá.
„Við þyrftum bara að fara
með nokkra apabúninga upp
í Heiðmörk og málið væri
dautt.“
Margt fleira spennandi er
í nýju Rafskinnu. Þrívíddar-
gleraugu, sem gera áhorf-
endum kleift að sjá nýtt
myndband Bjarkar við lagið
„Wanderlust“, fylgja með og
meðal listamanna sem eiga
verk í ritinu eru Arcade Fire,
Hjaltalín, múm, The Rapt-
ure, Hreinn Friðfinnsson,
Huldar Breiðfjörð, Músik-
vatur, Botton og Takashi
Homma.
Í apabúningum í Heiðmörk
Fátt setti jafn sterkan svip á menn-
ingu tíunda áratugarins og sjón-
varpsþættirnir X-files með þeim
Mulder og Scully og yfirnáttúru-
legum ævintýrum þeirra. Þættirn-
ir náðu níu árgöngum í sýningu og
voru sýndir frá 1993 til 2002. Kvik-
myndin The X-Files: Fight the Fut-
ure var sýnd árið 1998 og nú, að
því er virðist upp úr þurru, er von
á myndinni The X-Files: I Want to
Believe. Myndin verður frumsýnd
í júlí í Bandaríkjunum.
Myndin var fyrst boðuð árið
2001 en velktist í stúdíókerfinu
árum saman. Allt gamla gengið er
á sínum stað; David Duchovny og
Gillian Anderson leika auðvitað
Mulder og Scully, Chris Carter,
höfundur X-files, leikstýrir mynd-
inni og Mark Snow, höfundur X-
files-lagsins, semur tónlistina.
Mikil leynd er yfir söguþræði
myndarinnar. Hún mun gerast sex
árum eftir að atburðir sjóvarps-
þáttanna áttu sér stað og sagan er
sjálfstæð og tengist ekki flókinni
fortíð þáttanna. Myndir af aðal-
leikurunum í innilegum faðmlög-
um á tökustað birtust á netinu og
kveiktu kjaftasögur um að Mulder
og Scully hefðu loksins náð saman.
Síðar viðkenndu þau að þetta hefði
verið sviðsett grín.
Mulder og Scully
mæta aftur til leiks
GLEYMDUR GULLMOLI GRAFINN UPP Oxsmá pláneta, stuttmynd Oxsmá-
hópsins, er að finna í væntanlegu tölublaði Rafskinnu. Þetta var fyrsta
kvikmyndin sem Óskar Jónasson leikstýrði.
KÆRASTAN HEIMSÆKIR FANGANN Rob Scneider í Big Stan
með kærustunni, sem leikin af er af Jennifer Morrison úr
House-sjónvarpsþáttunum.
EN NENNIR
EINHVER Á
ÞAU? X-files
fólkið snýr
aftur á hvíta
tjaldið.
Smáralind
ÚTSALA
30-70%
afsláttur