Fréttablaðið - 27.06.2008, Blaðsíða 6
6 27. júní 2008 FÖSTUDAGUR
IÐNAÐUR Bætist tvö álver í hóp
þeirra þriggja sem þegar eru
starfandi hér á landi mun álfram-
leiðsla aukast um ríflega 63 pró-
sent þegar fullri framleiðslugetu
verður náð í nýju álverunum.
Viljayfirlýsing um álver Alcoa á
Bakka við Húsavík var endurnýj-
uð í gær, en þar er stefnt á að reisa
álver með 250 þúsund tonna fram-
leiðslugetu á ári. Þá er vinna við
250 þúsund tonna álver Norðuráls
í Helguvík hafin.
Álver Alcoa á Reyðarfirði, Rio
Tinto Alcan í Straumsvík og
Norðuráls á Grundartanga fram-
leiða í dag samtals um 780 þúsund
tonn af áli á ári.
Samtals starfa um 1.350 starfs-
menn í þeim álverum sem nú eru
starfandi. Búist er við að um 700
fái störf í nýju álverunum.
Heimsmarkaðsverð á áli hefur
verið afar hátt undanfarið og
hækkað mikið frá áramótum. Í
gær stóð verðið á hverju tonni af
áli í 3.038 Bandaríkjadölum, um
245 þúsund krónum, á málmmark-
aðinum í London.
Verðið fór í tæplega 3.200
dollara í mars, en um áramót var
það nálægt 2.300 dollurum.
Miðað við verðið eins og það
stóð í gær er verðmæti álfram-
leiðslu hér á landi um 193 millj-
arðar króna á ári, eða rúmar 500
milljónir króna á dag.
Haldist verðið óbreytt, sem
ómögulegt er að segja fyrir um,
yrði verðmæti framleiðslu þegar
álverin á Bakka og Helguvík hafa
náð fullri framleiðslugetu rúmir
300 milljarðar króna á ári, eða
tæpar 900 milljónir króna á dag.
brjann@frettabladid.is
Stóraukin framleiðsla
Álframleiðsla hér á landi mun aukast um 60 prósent frá því sem nú er þegar
álver Alcoa og Norðuráls verða tilbúin. Störfum mun fjölga um helming. Verð-
mæti framleiðslu álvera á einum degi er um hálfur milljarður króna.
Kringlunni • sími 568 1822
www.polarnopyret.is
HEILBRIGÐISMÁL Leifar af miltisbrandssýktum
dýrabeinum sem fundust í Garðabæ á miðvikudag
voru í gær fjarlægðar ásamt jarðvegi af svæðinu.
„Við munum pakka jarðveginum vandlega inn og
setja hann í gáma. Svo munum við eyða honum
síðar,“ segir Gunnar Örn Guðmundsson héraðs-
dýralæknir.
Óvíst er hvenær eyðingin á sér stað, en í
nóvember síðastliðnum fundust tvö miltisbrands-
sýkt dýrahræ sem enn hefur ekki verið eytt.
„Það er auðvitað ekki gott að þetta ferli taki
svona langan tíma en ég vil taka fram að það stafar
engum hætta af þessum leifum. Það er svo vel frá
þeim gengið,“ segir Gunnar og bætir við að málið
sé enn þá í biðstöðu.
Páll Stefánsson hjá heilbrigðiseftirlitinu telur
biðina stafa af því að menn séu að bíða eftir
kaupum á heppilegum brennsluofni. „Það er búið
að taka ákvörðun um að umhverfisstofnun kaupi
svona ofn sem er nauðsynlegur svo hægt sé að
brenna hræ af þessu tagi og annan sóttnæman
úrgang,“ segir Páll en samsinnir því að engin
hætta sé á ferðum í þessu tilviki.
Þó svo að engin hætta stafi af þessum ákveðnu
hræjum má ímynda sér að ofnleysið geti haft
uggvænlegar afleiðingar, ef ske kynni að stærra
mál, eins og til dæmis riðuveiki, kæmi upp. - ges
Miltisbrandssýktar beinaleifar og jarðvegur fjarlægður úr Garðabæ í gær:
Miltisbrandurinn í öruggt skjól
MILTISBRANDSSÝKTUR JARÐVEGUR Hefur ekki verið eytt en er
þó kominn bak við vel luktar dyr. FRÉTTABLAÐIÐ/GVA
STJÓRNSÝSLA Ríkisendurskoðun gagnrýnir
skipurit Vegagerðarinnar í stjórnsýsluúttekt
sinni um samgönguframkvæmdir.
Í úttektinni er sjónum beint að skipulagi og
stjórnun Vegagerðarinnar og Siglingastofnun-
ar Íslands. Einnig er lagt til að stjórnvöld
kanni breytta stofnanaskipan samgöngumála.
Ríkisendurskoðun segir að þrátt fyrir að
skipurit stofnananna sé í grundvallaratriðum
rökrétt, þá séu dæmi þess að hjá Vegagerðinni
sé það óþarflega flókið og boðleiðir langar.
Rekstur stofnananna hefur jafnan verið
innan fjárheimilda utan ársins 2006 þegar
Vegagerðin stóð að endurbótum á nýrri ferju
án skýrra heimilda. Samgönguáætlun er hins
vegar breytt oft og mikið og fellur nokkuð
stór hluti framkvæmda utan eðlilegra frávika
um kostnaðaráætlun.
Siglingastofnun hefur tekist að fá hluta
starfsemi sinnar gæðavottaðan. Hins vegar
hefur Vegagerðinni gengið illa að að fara að
samgönguáætlun. Þeim er breytt mikið og ört
og að auki sé ekki nægilega vel haldið utan um
kostnaðaráætlanir, á öllum undirbúningsstig-
um framkvæmda.
Ríkisendurskoðun telur það mikilvægt að
samgöngumannvirki séu byggð samkvæmt
vel skilgreindum stöðlum. Flugvallafram-
kvæmdir eru komnar lengst að þessu leyti en
þær eru miðaðar við og teknar út samkvæmt
stöðlum Alþjóðaflugmálastjórnarinnar.
Vegagerðin hefur komið sér upp eigin
stöðlum auk þess að notast við staðla frá
nágrannalöndunum en þeir eru frekar notaðir
sem viðmið en reglur. Ríkisendurskoðun
metur það „brýnt að stjórnvöld samgöngu-
mála móti skýra staðla um gæði og gerð
vegmannvirkja og fari eftir þeim“. - hþj
Ríkisendurskoðun segir framkvæmdir Vegagerðarinnar breytast mikið og ört:
Gengur illa að fara að samgönguáætlun
AUSTUR-TÍMOR, AP Forseti Austur-
Tímors, „Íslandsvinurinn“ José
Ramos-Horta, tilkynnti í gær að
hann íhugaði að sækjast eftir
embætti æðsta erindreka
Sameinuðu þjóðanna í mannrétt-
indamálum.
Ramos-Horta hlaut friðarverð-
laun Nóbels árið 1996 fyrir hlut
sinn í friðsamlegri baráttu fyrir
sjálfstæði Austur-Tímors frá
Indónesíu. Hann var kjörinn
forseti Austur-Tímors á síðasta
ári. - gh
Forseti Austur-Tímor:
Horta sækist
eftir SÞ-stöðu
Samtals munu álverin framleiða 1.289.000 tonn af áli, nota 2.170
megavött af rafmagni og af þessu munu 2.050 manns hafa atvinnu.
Framleiðsla hófst
2007
Framleiðsla hófst
1998
Framleiðsla hefst
2012 - 2014
Framleiðsla hefst
2010
Framleiðsla hófst
1969
GrundartangiFjarðaál á
Reyðarfirði
Bakki Norðurál í
Helguvík
450 störf 450 störf 400 störf 400 störf 450 störf
Framleiðsla:
346.000 tonn
á ári
Framleiðsla:
260.000 tonn á ári
Framleiðsla:
250.000 tonn á ári
Framleiðsla:
250.000 tonn á ári
Framleiðsla:
183.000 tonn á ári
Straumsvík
Orkunotkun:
560 MW á ári
Orkunotkun:
440 MW á ári
Orkunotkun:
400 MW á ári
Orkunotkun:
435 MW á ári
Orkunotkun:
335 MW á ári
Finnst þér að stjórnvöld eigi að
rannsaka veikingu krónunnar?
Já 94,4%
Nei 5,6%
SPURNING DAGSINS Í DAG
Er álver á Bakka í mótsögn við
umhverfisáætlun Samfylkingar-
innar, Fagra Ísland?
Segðu skoðun þína á vísir.is.
FRAMKVÆMDIR VEGAGERÐARINNAR Vegagerðin
starfar ekki samkvæmt föstum stöðlum. FRÉTTABLAÐIÐ/GVA
BRUNI „Þetta er klárlega milljón-
atjón en nákvæmari tölu er að
vænta á næstu dögum,“ segir
Eyjólfur Gunnarsson, fram-
kvæmdastjóri hjá Íslenskum
aðalverktökum. Eldur kom upp í
viðgerðarverkstæði fyrirtækisins
í Njarðvík um hádegisbil í gær.
„Það var mjög mikill eldur og
mikill hiti þegar slökkviliðsmenn
komu á vettvang,“ segir Jón
Guðlaugsson, varaslökkviliðs-
stjóri hjá Brunavörnum Suður-
nesja. Það tók rúmlega tuttugu
slökkviliðsmenn þrjár stundir að
ráða niðurlögum eldsins auk þess
sem kalla þurfti til liðsauka frá
Sandgerði.
„Menn voru aldrei í hættu og
það skiptir mestu máli,“ segir
Eyjólfur Gunnarsson. - ges
Milljónatjón á verkstæði:
Börðust við eld-
inn í þrjá tíma
ELDUR Í NJARÐVÍK Slökkviliðsmenn
börðust við eld hjá Íslenskum aðalverk-
tökum í þrjá tíma. MYND/VÍKURFRÉTTIR
Lýst eftir vitnum
Lögreglan lýsir eftir vitnum að
aðdraganda slyss sem átti sér stað á
Hafnarfjarðarvegi við Kópavogslæk
aðfaranótt laugardagsins 21. júní. Í
tilkynningu lögreglu segir að vegna
rannsóknar málsins sé brýnt að vitni
hafi samband í síma 444-1100.
LÖGREGLUFRÉTTIR UMHVERFI Forsætisráðuneytið
hefur endurnýjað samning við
Kolvið um kolefnisbindingu
vegna bílaflota ríkisins fyrir árið
2008. Slíkur samningur var einnig
gerður í fyrra.
Á heimasíðu Kolviðar kemur
fram að Áætlað sé að losun frá
ríkisflotanum muni nema um
9.000 tonnum af koldíoxíði (CO2)
á þessu ári. Til að binda samsvar-
andi magn kolefnis mun Kolviður
gróðursetja um 84 þúsund plöntur
á Geitasandi á Rangárvöllum. Þar
er mjög gróðursnautt.
Markmið ríkisstjórnarinnar er
að minnka nettólosun á CO2 fyrir
árið 2050. - kóp
Kolviður kolefnisjafnar:
Gróðursett fyr-
ir bíla ríkisins
SAMIÐ Á NÝ Kolviður kolefnisjafnar bíla-
flota ríkisins í ár líkt og í fyrra. Guðfinna
Bjarnadóttir er talsmaður Kolviðar.
Bruni í vörubíl
Vörubílstjóri slapp ómeiddur þegar
eldur kom upp í bíl hans við Háöldu-
kvísl á Suðurlandsvegi um kaffileytið í
gær. Stýrishúsið skemmdist mikið en
farmur bílsins, sjávarfang, var heilt.
KJÖRKASSINN