Fréttablaðið - 27.06.2008, Blaðsíða 10
10 27. júní 2008 FÖSTUDAGUR
GRÆNEÐLA OG KOMODO-DREKI
Græneðla af tegund í útrýmingarhættu
stendur á höfði komodo-dreka í dýra-
garði í Sydney í Ástralíu. FRÉTTABLAÐIÐ/AP
„Ég fór á Snæ-
fellsnesið um
síðustu helgi
og það var
alveg dýrðlegt,
þetta er einn
af mínum
uppáhalds-
stöðum í
Evrópu,“ segir
Charlotte, sem hefur þó víða farið
og kallar ekki allt ömmu sína í
ferðamálum.
En það er líka gott í bænum.
„Kærasti minn hélt upp á afmæli
sitt í vikunni og þá var hátíðlegur
matur í foreldrahúsum hans. Að
honum loknum fór ég með móður
hans í hjólreiðatúr í miðnætur-
sólinni en karlarnir fóru í golf.
Þetta eru náttúrlega forréttindi að
geta leikið golf á miðnætti, einn
af mörgum kostum við íslenska
sumarið.“
Charlotte Ólöf Jónsdóttir:
Dýrð undir Jökli
„Ég var í
grillpartíi
um helgina í
bakgarði hjá
vinafólki sem
býr í miðbæ
Reykjavíkur,“
segir Junphen.
„Veðrið var
alveg frábært
og við lágum í sólbaði næstum
allan daginn. Hitinn var þvílíkur
að mér fannst ég komin heim til
Taílands, hverjum hefði dottið það
í hug að ég ætti eftir að upplifa
slíkt hér á Íslandi.“
En þó að veðrið sé gott skiptast
á skyn og skúrir í einkalífinu. „Ég
fékk þær fregnir frá móður minni
að hún komist ekki hingað í sumar.
Þetta eru mikil vonbrigði, mig lang-
ar nefnilega að sýna henni hversu
fagurt Ísland er að sumarlagi.“
Junphen Sriyoha:
Minnir á Tailand
„Nú yfir
hásumarið er
mun meira að
gera í vinn-
unni,“ segir
Rachid, sem
vinnur á Grand
hóteli. „Enda
fjölmargir
ferðamenn á
ferli núna. Flestum er umhugað að
hafa það gott í fríinu svo fólk sýnir
sínar bestu hliðar. Og hingað kemur
auðvitað fólk af ýmsu þjóðerni.
Reyndar hef ég aldrei hitt fólk hér
frá heimalandi mínu, Marokkó,
en þó hef ég hitt nokkra araba, til
dæmis frá Sameinuðu furstadæm-
unum. Það er eiginlega eins og að
hitta heimamenn; þeir tala sama
mál og við Marokkóbúar og eru
sömu trúar.“
Rachid Benguella:
Allra þjóða fólk
NEYTENDUR Verslunin IKEA
innkallar svonefnda Barnslig-
svefnpoka.
Fyrirtækið hefur fengið tvær
tilkynningar frá viðskiptavinum
þar sem botninn á rennilásnum
hefur losnað frá en
það gerir það
mögulegt að
sleðarofinn losni
frá. Báðir þessir
hlutir geta skapað
hættu á köfnun
fyrir lítil börn.
IKEA hefur
hætt fram-
leiðslu á
svefnpokunum.
- hþj
Svefnpokar skapa hættu:
IKEA innkallar
Barnslig-poka
VIKA 21
DAGBÓK NÝRRA
ÍSLENDINGA
Filipe Figueredo:
Kærkomið frí
„Dagarnir eru
afskaplega
lengi að líða
nú þegar fríið
er á næsta
leiti,“ segir
Filipe. „Ég fer
heim til Portú-
gals næsta
miðvikudag. Ég
get ekki annað sagt en að sumarið
sé svo sannarlega komið hér á
Ísafirði en mér er sama, ég er farinn
að þrá portúgalska sumarið.
Meðal þess sem ég mun gera
er að fara á heimstónlistarhátíð
sem haldin er í sjávarbænum Sine.
Þar mun ég slá tvær flugur í einu
höggi því í Sine býr vinur minn
sem ég hef ekki séð lengi svo þar
mun ég una við góða tónlist og svo
skemmtilega endurfundi,“ segir Fil-
ipe, sem er þegar kominn á loft og
hálfa leið í huganum á vestanverð-
an Íberíuskaga.
SKOÐANAKÖNNUN Rétt rúmlega
helmingur, eða 53,2 prósent, segir
að skattar á bifreiðar eigi að hækka
í samræmi við hversu mikið þeir
menga, samkvæmt nýrri skoðana-
könnun Fréttablaðsins. Því mótfall-
in eru 46,8 prósent. Hugmyndir um
slíka skatta eru í samræmi við til-
lögur starfshóps um heildarstefnu-
mótun um skattlagningu ökutækja
og eldsneytis. Starfshópurinn skil-
aði af sér tillögum í lok maí. Tillög-
ur nefndarinnar eru til umræðu hjá
fjármálaráðuneytinu, sem hefur
skatta á sinni könnu, en ekki hafa
komið fram tillögur í þessa veru
frá Árna M. Mathiesen fjármála-
ráðherra.
Nokkur munur er á afstöðu fólks
eftir kyni og eru konur frekar því
fylgjandi að bifreiðaskattar hækki
með aukinni mengun en karlar.
Vilja 57,2 prósent kvenna að slíkur
skattur sé lagður á, en rétt tæpur
helmingur karla, 49,4 prósent.
Þá er einnig nokkur munur á
afstöðu til mengunarskatta á bif-
reiðar eftir búsetu og eru íbúar
höfuð borgarsvæðisins frekar fylgj-
andi slíkum sköttum. Þeim fylgjandi
eru 58,0 prósent íbúa á höfuðborgar-
svæðinu, en 45,4 prósent íbúa á
landsbyggðinni.
Þá eru kjósendur þriggja stjórn-
málaflokka fylgjandi stighækkandi
bifreiðasköttum: 55,0 prósent kjós-
enda Framsóknarflokks, 64,4 pró-
sent kjósenda Samfylkingar og 76,5
prósent kjósenda Vinstri grænna.
Meirihluti kjósenda Sjálfstæðis-
flokks og Frjálslynda flokksins er
hins vegar andvígur slíkum skött-
um: 60,0 prósent kjósenda Sjálf-
stæðisflokksins og 54,5 prósent
kjósenda Frjálslynda flokksins.
Hringt var í 800 manns laugar-
daginn 21. júní og skiptust svarend-
ur jafnt eftir kyni og hlutfallslega
eftir búsetu. Spurt var: Eiga bif-
reiðaskattar að hækka í samræmi
við hversu mikið bílar menga? Tóku
85,5 prósent svarenda afstöðu til
spurningarinnar.
svanborg@frettabladid.is
Konur eru hlynntari
mengunarskatti á bíla
Rétt rúmur helmingur landsmanna er því fylgjandi að skattar á bifreiðar
hækki í samræmi við hve mikið þeir menga. Tæpur helmingur er þessu and-
snúinn samkvæmt nýrri skoðanakönnun Fréttablaðsins.
EIGA SKATTAR Á BÍLA AÐ
HÆKKA EFTIR ÞVÍ HVAÐ
ÞEIR MENGA MIKIÐ?
Skv. könnun Fréttablaðsins 21. júní
Já
Nei
46,8%
53,2%
SVIFRYK Í REYKJAVÍK Nokkur munur er á afstöðu til mengunarskatta á bíla eftir búsetu og eru íbúar höfuðborgarsvæðisins frekar
fylgjandi mengunarsköttum. FRÉTTABLAÐIÐ/GVA
AKRANES Eyjólfur R. Stefánsson,
tölvurekstrarfræðingur á Akra-
nesi, hefur sent bæjarráði bréf
þar sem hann gerir athugasemdir
við það í 26 liðum hvernig staðið
var að því að ganga til samninga
við fyrirtæki um endurnýjun á
tölvukerfi bæjarins.
Til stóð að bjóða verkið út og
hafði fyrrverandi bæjarstjórn
þegar látið undirbúa útboðið fyrir
650 þúsund krónur. Hætt var við
útboðið á síðustu stundu og ákveð-
ið að ganga til samninga við tölvu-
þjónustufyrirtækið sem hefur
þjónustað bæinn árum saman.
Í bréfi sínu, sem barst bæjar-
yfirvöldum 9. júní, mælist Eyjólfur
til þess að samningsgerðinni verði
frestað þar til athugasemdir hans
hafi verið teknar fyrir og spurn-
ingum hans svarað. Engu að síður
voru samningarnir undirritaðir
tveimur dögum eftir að bréfið
barst. Gísli S. Einarsson bæjar-
stjóri segir svars að vænta frá
bænum.
Í öðru bréfi sem Eyjólfur sendi
sama dag tekur hann fram að hann
hafi hitt Gísla í fyrirtæki sínu,
sem er á efri hæð í sama húsi og
bæjarskrifstofur Akraness. Þar
segir að Gísli hafi minnst á fyrra
bréfið við Eyjólf, sagt það miður
fallegt og verða Eyjólfi ekki til
vinsælda. Gísli segir að um sak-
leysisleg ummæli hafi verið að
ræða, sem hann lét falla þegar
Eyjólfur innti hann eftir skoðun á
fyrra bréfinu. - sh
Tölvurekstrarfræðingur á Akranesi vill skýringar á samningi um tölvukerfi:
Gagnrýnir yfirvöld í 26 liðum
AKRANES Fyrirtæki Eyjólfs er til húsa
beint fyrir ofan bæjarskrifstofur Akra-
ness.
DÓMSMÁL Fimm menn hafa í Hér-
aðsdómi Reykjavíkur verið
dæmdir í fangelsi fyrir innflutn-
ing á rúmum 700 grömmum af
mjög sterku kókaíni til landsins í
október 2006. Efninu var smyglað
til landsins í tvennu lagi, en það
var falið í skóm.
Tveir menn, Anton Kristinn
Þórarinsson og Jón Halldór Arnar-
son, hlutu tveggja ára fangelsis-
dóm hvor fyrir að skipuleggja
smyglið.
Anton neitaði öllu og sagðist
hvergi hafa komið nærri brotinu.
Enginn hinna mannanna benti á
Anton, en dómurinn taldi niður-
stöður lögreglurannsóknar,
meðal annars hleranir, gefa full-
nægjandi sönnun á því að Anton
hefði verið höfuðpaur smygls-
ins. Jón Halldór játaði sök að
hluta, en sagðist eingöngu hafa
verið milliliður í smyglinu. Það
var ekki tekið trúanlegt.
Þrír menn á þrítugs-, fertugs-
og fimmtugsaldri hlutu sex, níu
og tólf mánaða dóma fyrir að
flytja efnið til landsins í skónum
sínum. Einn var sýknaður, en
ekki þótti sannað að hann hefði
vitað að um fíkniefnasmygl var
að ræða þegar hann bar skilaboð
um fjármál á milli manna.
Allir eiga mennirnir sakaferil
að baki, þótt mismikill sé. Anton
hlaut þriggja ára fangelsisdóm
árið 2000 fyrir kaup og sölu á
hundruðum e-taflna.
- sh
Fimm hlutu dóm fyrir að flytja til landsins 700 grömm af sterku kókaíni í skóm:
Fimm í fangelsi fyrir kókaínsmygl
Lögreglan lagði hald á fleira en
701,54 grömm af kókaíni við
rannsókn málsins. Annað sem gert
var upptækt var:
■ 0,95 grömm af amfetamíni
■ 9,62 grömm af hassi
■ Slöngvubyssa
■ Kastöxi
■ Butterfly-hnífur
EKKI BARA KÓKAÍN
OFBELDI Alþjóðlegur dagur
Sameinuðu þjóðanna gegn
pyntingum var í gær. Af því
tilefni skoraði Amnesty Inter-
national á öll ríki heimsins að láta
af pyntingum.
Í síðustu ársskýrslu Amnesty
kom fram að pyntingar voru
stundaðar í 81 ríki í fyrra. Nú er
21 ár síða Samningur Sameinuðu
þjóðanna gegn pyndingum og
annarri grimmilegri, ómannlegri
eða vanvirðandi meðferð eða
refsingu gekk í gildi.
Amnesty krefst þess að öll ríki
fullgildi og virði reglur samnings-
ins. Þá verði allir fyrirvarar við
hann dregnir til baka og eftirlits-
fólki engar skorður settar. - kóp
Amnesty gegn pyntingum:
Pyntað í 81
landi í fyrra
ABU GHRAIB Amnesty hefur sakað
Bandaríkin um að beita fanga sína
pyntingum. FRÉTTABLAÐIÐ/AP
FJÖLMIÐLAR Bloggsíðu Ólafs Þórs
Eiríkssonar á visir.is var lokað í
fyrradag eftir að kvartanir bárust
til forsvarsmanna Vísis frá
lesendum síðunnar vegna mynda
sem höfðu birst á henni.
Myndirnar voru af fóstureyð-
ingum og þótti sumum nóg komið.
Vísi höfðu oft áður borist
kvartanir vegna Ólafs að sögn
ritstjóra Vísis en færslur hans
hafa oft þótt klámfengnar.
Ólafur hafði áður bloggað á
mbl.is en var, rétt eins og á Vísi,
bannaður á bloggsíðunni. - vsp
Ljósmyndir vöktu óhug:
Bloggari rekinn
vegna kvartana