Fréttablaðið - 27.06.2008, Blaðsíða 25

[ ]
Nú stendur yfir sýning í Gerða-
skóla í Garði á saumuðum
myndverkum Guðrúnar Guð-
mundsdóttur. Sýningin hefur
hlotið feiknagóða dóma og er
opin fram yfir helgi.
Guðrún hefur lengi stundað handa-
vinnu en það er fyrst nú sem verk
hennar eru opinberuð almenningi.
„Tildrögin voru þau að frænkur
mínar suður í Garði báðu mig um að
halda sýningu en ég ætlaði aldrei að
sýna þessi verk. Það hefur alltaf
verið siður minn að mynda teppi og
setja inn í jólakort til systkinabarna
minna. Þess vegna vita þau þetta,“
segir Guðrún. Myndefnin koma að
miklu leyti úr biblíunni og þykir
Guðrúnu fallegustu myndefnin í
gömlum handritum vera trúarlegs
eðlis. En hvernig hófst listaferill
Guðrúnar?
„Þetta hófst þannig að ég fór til
Reykjavíkur til þess að fara í Mynd-
lista- og handíðaskólann en fékk
ekki nema kvöldtíma svo ég var þar
fram að áramótum og síðan varð nú
ekki meira úr því námi. En ég fór í
alls konar annað nám eins og að
læra að smíða og taka mál, síðan fór
ég aðeins í málaratíma. Svo kynntist
ég manninum mínum og fór í Hús-
mæðraskólann á Laugarvatni þegar
ég var átján ára en í gegnum tíðina
hef ég farið á ýmis námskeið í
Reykjavík,“ útskýrir Guðrún en hún
byrjaði á fyrsta veggteppinu sínu
þegar hún var 22 ára gömul.
„Upphafið að því að ég fór að gera
teppin var þannig að svilkona mín
var að sauma Maríudúkinn í fyrsta
skipti sem ég heimsótti hana. Ég
heillaðist og hugsaði mér að ég gæti
kannski gert eitthvað með hjálp þar
sem þetta var á þeim tíma sem ég
var að byrja eiga börnin. Þá átti
maðurinn minn Flateyjarbók og þar
eru lýsingar sem ég fór eftir og
litlar myndir sem ég stækkaði,“
segir Guðrún en hún vissi að hún
yrði að bjarga sér sjálf. Verkin eru
unnin með hliðsjón af teikningum
og lýsingum úr íslenskum og erlend-
um handritum frá 14., 15. og 16. öld
en að öðru leyti eru þau algjörlega
hugarfóstur Guðrúnar. „Á sjötta
áratugnum gefur Björn Th. Björns-
son út Teiknibókina í Árnasafni og
þá fannst mér ég fá gull í hendurnar
og hóf ég að vinna úr henni,“ segir
Guðrún áhugasöm.
Hvert teppi tekur sinn tíma að
útbúa en auk þess að gera teppin var
Guðrún sífellt að sauma og prjóna.
„Ég saumaði til dæmis föt á börnin
mín en ég er svolítið ofvirk og er
alltaf á fullu,“ segir Guðrún kímin
en hún segir að vinnan við vegg-
teppin hafi gefið henni fyllingu í líf
sitt. „Ég hef aldrei verið útstáelsis-
manneskja og hef frekar viljað vera
heima. Auk þess að hugsa um mín
eigin börn tók ég önnur svolítið að
mér líka og því var oft í nógu að snú-
ast en ég hef alltaf reynt að grípa
hverja stund til að sinna veggtepp-
unum,“ útskýrir Guðrún einlæg og
finnst henni róandi að sinna handa-
vinnu. „Ég hef alltaf elskað að vera
með fallegt garn og efni í höndun-
um, það er svo mikil gleði,“ segir
Guðrún hlæjandi. hrefna@frettabladid.is
Elska og gleði í garni
Veggteppi Guðrúnar eru unnin með hliðsjón af teikningum og lýsingum úr íslenskum og erlendum handritum frá 14., 15. og 16.
öld en Guðrún hannar þó teppin frá grunni og lagar þau að eigin smekk. MYND/VÍKURFRÉTTIR
Guðrún útskýrir hér handverk sitt fyrir herra Ólafi Ragnari Grímssyni, forseta Íslands,
og Dorrit Moussaieff forsetafrú. MYND/VÍKURFRÉTTIR
Hvert teppi tekur tíma að vinna.
Um helgina halda Eyrbekkingar Jónsmessu-
hátíð í tíunda sinn og dagskráin er vægast sagt
árennileg.
Á bjartasta tíma ársins leynist hið óvænta við hvert
fótmál á landi elds og ísa, og margar kynngimagnað-
ar sögur til um þau undur sem menn hafa upplifað á
íslenskri sumarnótt. Allt stefnir í að slík undur og
stórmerki á Eyrarbakka á föstudag og laugardag, og
löngu þekkt að selir í fjöruborði þess fagra bæjar
eigi til að kasta hömum sínum.
Dagskráin verður hefðbundin með einni undan-
tekningu þegar farið verður út í náttúruna á
föstudagskvöld í fylgd Jóhanns Óla Hilmarssonar
fuglafræðings sem mun leiða göngu um friðland
fugla á Ölfusárbökkum, en samverustundinni lýkur
með rómantískum orgelleik Jörg Sondermanns í
Eyrarbakkakirkju. Á laugardag hefst dagskrá klukk-
an 11 með leikjum fyrir yngri kynslóðir á Garðstúni,
Jónmessumatseðill verður í boði í Rauða Húsinu þar
sem hljómsveitin Svarta skerið heldur uppi fjöri um
kvöldið og boðið verður heim til nokkurra Eyrbekk-
inga. Myndlistarmaðurinn Mýrmann opnar sýningu
í Gallerí Gónhól, gamlir antikbílar verða glansandi
fínir um allar trissur og sölubásar á sínum stað.
Stúlkurnar í Húsinu draga fram peysuföt sín og bera
fram te eins og tíðkaðist í den tid, en í borðstofunni
er sýningin „Faldarnir lyftust og síðpilsin sviptust“.
Hvarvetna um bæinn verður mikið um tónlist og
aðrar dýrðir, upplýsandi göngur og gestrisni.
Formlegri dagskrá Jónsmessuhátíðarinnar lýkur
með Jónsmessubrennu í fjörunni vestan við þorpið
klukkan 22 á laugardagskvöld. - þlg
Jónsmessuhátíð í áratug
Húsið á Eyrarbakka í sumarsól og íslenskum skýjum.
MYND/NJÖRÐUR HELGASON
Sumarbústaðaferðir með fjölskyldunni eru góðar á
sumrin. Fátt er skemmtilegra en skella sér í helgarferð í
sumarbústað með fjölskyldu og vinum. Eiga góða stund
saman og njóta lífsins.