Fréttablaðið - 27.06.2008, Blaðsíða 64
28 27. júní 2008 FÖSTUDAGUR
menning@frettabladid.is
Möguleikhúsinu við Hlemm verður brátt
lokað. Breytingar á styrkjum til leikhússins
sem er eitt fárra sjálfstæðra leikhúsa sem
hafa ráðið yfir eigin húsnæði, valda því að
eigendur þess treysta sér ekki til að halda
húsnæðinu og selja það. Síðasta sýningin í
hinum netta sal við Hlemm er á föstudag.
Frá árinu 1995 hefur Möguleikhúsið staðið fyrir
leikhúsnámskeiðunum Leikhús möguleikanna fyrir
börn á sumrin við Hlemm. Um er að ræða þriggja
vikna námskeið þar sem unnið er með börnunum
fimm tíma á dag fimm daga vikunnar og fengist við
flest þau atriði sem tengjast leikshúsuppsetningu.
Allir þessir þættir eru síðan nýttir til að vinna leik-
sýningu frá grunni, sem sýnd er í Möguleikhúsinu í
lok námskeiðsins. Skapast hefur sú hefð að sýning-
in sé sýnd a.m.k. tvisvar, annars vegar fyrir börn á
nokkrum leikjanámskeiðum og hins vegar fyrir
aðstandendur barnanna.
Nú í sumar hófst námskeiðið 9. júní og lýkur með
sýningu næstkomandi föstudag, 27. júní. Sýningin
ber heitið „Hentu í mig hamrinum“ og byggir á
sögum úr norrænni goðafræði, nánar tiltekið frá-
sögninni af því er Þrymur stelur hamri Þórs. Þátt-
takendur eru 12 börn á aldrinum 9 til 12 ára en leið-
beinendur á námskeiðinu eru Pétur Eggerz og
Margrét Pétursdóttir.
Sýningin á föstudag verður jafnframt síðasta
leiksýningin í Möguleikhúsinu við Hlemm. Í júlí-
byrjun mun starfsemi leikhússins flytja úr húsnæð-
inu, verður geymsluhúsnæði fyrir Félagsbústaði
Reykjavíkurborgar.
Möguleikhúsið mun þó ekki hætta starfsemi
heldur starfa áfram sem ferðaleikhús án eigin hús-
næðis.
Möguleikhúsið opnaði leikhúsið við Hlemm í júní
1994 og hefur því haft þar aðsetur í fjórtán ár. Leik-
húsið hefur frá upphafi verið helgað sýningum fyrir
börn og unglinga og er fyrsta leiksviðið hér á landi
sem eingöngu er ætlað í þeim tilgangi. Það hlýtur
því að teljast til nokkurra tíðinda að nú sé að því
komið að loka þurfi Möguleikhúsinu við Hlemm, en
vonandi kemur sá tími síðar að stuðningur finnist
til að tryggja rekstur sérstaks leikhúss fyrir yngstu
kynslóðina á Íslandi. pbb@frettabladid.is
Lokað við Hlemm
Kl.22
Brasilísk-íslensk tónlistarupplifun
verður í boði á tónleikum í Fríkirkj-
unni í Reykjavík í kvöld kl. 22. Þar
koma fram tónlistarmennirnir Óskar
Guðjónsson, Ife Tolentino, Ómar
Guðjónsson, Matthíast MD Hem-
stock, Ágústa Eva Erlendsdóttir,
Arnljótur Sigurðsson, Eyþór Gunn-
arsson, Skúli Sverrisson og Davíð Þór
Jónsson og seiða fram suðræna tóna.
> Ekki missa af...
Sýningu Rúríar, Sökkvun,
sem nú stendur yfir í StartArt
listamannahúsi, Laugavegi
12b, en henni lýkur nú um
helgina. Á sýningunni má sjá
stóra myndbandsinnsetn-
ingu, ljósmyndir og skúlptúr.
Sýningin var framlag StartArt
til Listahátíðar í Reykjavík og
hefur verið vel sótt, enda þykir
hún áhrifamikil.
Dean Ferrell bassaleikari og
Sigurður Halldórsson sellól-
eikari syngja og leika á ýmsa
strengi á tónleikum á Gljúfra-
steini á sunnudag kl. 16. Á
efnisskránni eru ýmis verk
fyrir hljóðfærið violone sem
er forfaðir kontrabassans, en
Dean hefur lengi leikið og kynnt
sér fjölskyldu bassans. Hann
stundaði kontrabassanám við
The Juilliard School of Music,
hefur verið meðlimur í Hong
Kong Philharmonic, San Diego
Symphony, San Jose Symphony,
Pacific Symphony, Den Norske
Opera, Íslensku Óperunni og
Sinfóníuhljómsveit Íslands. Dean
tekur reglulega þátt í flutningi
barokktónlistar hérlendis sem
erlendis.
Sigurður Halldórssson hefur
starfað sem einleikari og kamm-
ertónlistarmaður á Íslandi í um
tvo áratugi. Hann hefur tekist á
við fjölbreytilega tónlistarstíla,
allt frá gregorsöng miðalda
til nýjustu tónverkanna, og er
meðal annars meðlimur og einn
stofnandi Caput hópsins. Auk
þess starfar hann með Voces
Thules, Camerarctica, Skálholts-
kvartettinum og Bachsveitinni í
Skálholti.
Það má því búast við
skemmtilegum söng og hressi-
legu spili á framandi hljóðfæri í
stofunni á Gljúfrasteini á sunnu-
dag. Sem fyrr er aðgangseyrir
aðeins 500 kr. og allir velkomnir
meðan húsrúm leyfir.
- vþ
Bassi og selló í húsi skáldsins
DEAN FERRELL Kemur fram
á tónleikum á Gljúfrasteini á
sunnudag ásamt Sigurði Hall-
dórssyni.
Myndlistarmaðurinn Hrefna Víg-
lundsdóttir opnar málverkasýningu
í Reykjavík Art Gallery á Skúlagötu
30 á morgun kl. 14. Hrefna hefur
fengist við myndlist í rúma þrjá
áratugi; hún hóf myndlistarnám hjá
Hafsteini Austmann 1974, en var
síðast í masterklassnámi hjá Bjarna
Sigurbjörnssyni 2007. Hún hefur
bæði haldið einkasýningar og tekið
þátt í samsýningum.
Hrefna hefur vakið athygli fyrir
einstaklega bjartar og kraftmiklar
náttúrustemmdar og ljóðrænar
óhlutbundnar myndir, sem eiga
rætur í íslensku landslagi og
íslenskum jarðvegi. Myndlist henn-
ar hefur síðustu misserin þróast í
sjálfsprottna upplifun náttúrufyrir-
brigða, en myndirnar málar hún
með þykkum og kraftmiklum pens-
ilförum og einkennast þær af mik-
illi birtu og gleði.
Reykjavík Art Gallery er opið
alla daga nema mánudaga kl. 14-17.
- vþ
Bjart og ljóðrænt
landslag
HREFNA VÍGLUNDSDÓTTIR Opnar sýningu í Reykjavík Art Gallery á laugardag.
LEIKLIST Möguleikhúsið við Hlemm. Þar verður hætt starfsemi,
húsnæðið selt og Möguleikhúsið slæst þá í hóp leikflokka
sem eru án húsnæðis. FRÉTTABLAÐIÐ/GVA