Fréttablaðið - 27.06.2008, Blaðsíða 65

FÖSTUDAGUR 27. júní 2008 29
Um nokkurt skeið hefur staðið
yfir vinna í Nýlistasafninu við
skráningu á verkum safnsins, þar
á meðal gjöf Dieters Roth til
safnsins. Þar í er stórt safn bók-
verka hans, en Aðalsteinn Ing-
ólfsson listfræðingur hefur talið
bókverkið eitt helsta framlag
Dieters til samtímalistar. Áhersla
hans á vinnu við bókagerð hafi
skapað bókinni sem verki rúm í
myndlist Vesturlanda á ný. Gjöf-
in til Nýlistasafnisns sem var
sumpart eðlilegt framhald af
starfsemi SUM við Vatnsstíg, en
Dieter var í verulegum tenglsum
við þá kynslóð sem safnaðist
undir það heiti, ól hana að vissu
leiti upp, studdi á ýmsan hátt, sá
meðal annars um sýningarskrá
fyrir fyrstu SUM-sýninguna í
Ásmundarsal 1965.
Dieter tók að gera bækur strax
eftir komuna hingað til Íslands
1957. Þær fyrstu skar hann út
sjálfur og voru þær bækur beint
áframhald af vinnu hans með
kinetisk element og róttækar
hugmyndir hans um konkret-list-
ina. Bækur sínar prentaði hann
sumar hér í samstarfi við Litróf.
Nú gefst almenningi kostur á að
sjá yfirlit um bókverk Dieters
frá því fyrir 1960 fram yfir 1990.
Catherine Fayek og Ann Katrin
Risse hafa tekið sýninguna saman
en hún verður opnuð í húsnæði
Nýlistasafnisns á föstudag.
Bækur Roths
LISTIR Dieter Roth, myndlistarmaður og
höfundur í besta skilningi orðsins.
Íslenskir myndlistarmennn
gera það gott í New York-
borg um þessar mundir.
Ólafur Elíasson afhjúpaði í
gærkvöldi gríðarstóra fossa
sína sem frussast fram
undir Brooklyn-brúnni og
í dag verður opnuð sýning
níu íslenskra myndlistar-
manna í Luhring Augu-
stine-sýningarrýminu.
Listamennirnir níu eru þau
Birgir Andrésson, Hrafnhildur
Arnardóttir, Ásmundur Ásmunds-
son, Ásdís Sif Gunnarsdóttir,
Unnar Örn, Haraldur Jónsson,
Ragnar Kjartansson, Katrín Sig-
urðardóttir og Magnús Sigurðar-
son, en sýningarstjóri er Markús
Þór Andrésson. Sýningin heitir
upp á enska tungu It´s not your
fault, en myndi á íslensku
útleggjast sem Þetta er ekki þér
að kenna. Titillinn er fenginn úr
myndbandsverki listakonunnar
Ásdísar Sifjar Gunnarsdóttur, en
í því má sjá listakonuna troða
upp á svokölluðu uppistands-
kvöldi og hughreysta áhorfendur
með þessum sektarminnkandi
orðum.
Annars mætti segja að rauði
þráðurinn í sýningunni sé átök
listamannanna við uppruna sinn,
bæði í landafræðilegum og sagn-
fræðilegum skilningi. Lista-
mennirnir takast á við fortíðina
og menningararfinn hvert á sinn
hátt; sum þeirra eru gagnrýnin á
áhrif þessara þátta á verk sín, en
notast þó öll að einhverju leyti
við hefðbundnar norrænar frá-
sagnahefðir og framsetningarað-
ferðir í verkum sínum.
Verk eftir Birgi Andrésson
heitinn er þungamiðja sýningar-
innar. Í verkinu leitaðist Birgir
við að raða saman ýmsum prent-
uðum heimildum til þess að
varpa nokkru ljósi á það einstaka
umhverfi sem fóstrað hefur
íslenska menningu og finna
þannig sannleikann í skáldskap
þjóðarinnar. Meðal annarra
menningarafreka þjóðarinnar
sem sjá má á sýningunni er
bleika myndbandsinnsetningin
Guð eftir Ragnar Kjartansson
sem hann sýndi í Nýlistasafninu
í haust við góðar undirtektir
bæði myndlistarrýna og leik-
manna og svo ísilagt landslag
Katrínar Sigurðardóttur sem
áhorfendur þurfa að verða hlut-
ar af til að upplifa.
Sýningin stendur til 8. ágúst og
fá því New York-búar tækifæri
næstu vikurnar til að fá beint í
æð margt af því skemmtilegasta
og umhugsunarverðasta sem
íslensk samtímamyndlist hefur
upp á að bjóða á einni þægilegri
sýningu. Ekki amalegt það.
vigdis@frettabladid.is
Ekki þér að kenna
RAGNAR KJARTANSSON MYNDLISTARMAÐUR Einn þeirra sem taka þátt í sýningunni
It´s not your fault í Luhring Augustine-sýningarrýminu í New York. FRÉTTABLAÐIÐ/GVA
Heimildarmyndin Kjötborg, eftir
þær Helgu Rakel Rafnsdóttur og
Huldu Rós Guðnadóttur, hlaut
áhorfendaverðlaun sem besta
myndin á heimildarmyndahátíð-
inni Skjaldborg núna í maí og var
fyrr í þessum mánuði tekin til sýn-
inga í Háskólabíói. Skemmst er
frá því að segja að myndin hefur
laðað að sér fjölda áhorfenda,
enda hefur hún fengið einróma lof
gagnrýnenda og vakið lukku hjá
hverjum þeim sem hana sér.
Vegna góðrar aðsóknar verður
myndin sýnd eina viku í viðbót í
Háskólabíó en áætlað hafði verið
að ljúka sýningum á henni í gær.
Myndin fjallar um kaupmenn-
ina Gunnar og Kristján og horn-
verslun þeirra Kjötborg í Vestur-
bænum.
Bræðurnir eru goðsögur í lif-
anda lífi og síðustu móhíkanarnir í
sínum geira. Myndin er full af
húmor og gáska, viðkvæmni,
óreiðu og fegurð og kemur áhorf-
endum til þess að hlæja og gráta
til skiptis. - vþ
Kjötborg áfram
KAUPMENNIRNIR Á HORNINU Gunnar og Kristján reka verslunina Kjötborg í vestur-
bæ Reykjavíkur.
Listakonurnar Ingibjörg Birgis-
dóttir og Lilja Birgisdóttir opna
sýningu sína „...og konungar
hrundu úr hásætum sínum“ í
Gallerí Íbíza Bunker, kjallara
Þingholtsstrætis 31, í dag kl. 17.
Á sýningunni má berja augum
bæði ljósmyndir og innsetningu.
Ingibjörg Birgisdóttir er
útskrifuð úr Listaháskóla Íslands
og hefur tekið þátt í mörgum sýn-
ingum hérlendis ásamt því að
hafa vakið mikla athygli víða um
heim, þökk sé undri veraldar-
vefjarins, fyrir tónlistarmynd-
band sem hún gerði við lag með
hljómsveitinni múm. Lilja Birgis-
dóttir nam ljósmyndun í Hollandi
og hóf svo nám í Listaháskóla
Íslands síðastliðið haust. Hún er
vinsæll ljósmyndari og hefur
mikið starfað með tónlistar-
mönnum hér heima. Hún hefur
einnig tekið þátt í mörgum sam-
sýningum.
Á opnuninni verður ekki aðeins
boðið upp á myndlist heldur fá
eyrun einnig glaðning. Únettinn
Harpa verður á staðnum og býður
upp á konunglega hörputóna
fyrir glaðbeitta opnunargesti.
Einnig verður farið í hressandi
leiki í garði gallerísins.
Gallerí Íbíza Bunker er ný við-
bót við galleríin í Reykjavík,
stofnað í apríl síðastliðnum af
Ragnheiði Káradóttur og Sigríði
T. Tulinius. Markmið stjórnenda
sýningarrýmisins er að sýna verk
framsækinna myndlistarmanna
óháð aldri, menntun og fyrri
störfum. Verkefnið hlaut styrk
frá skapandi sumarstörfum Hins
hússins. - vþ
Konungleg myndlist í kjallara
KONUNGLEGT Verk á sýningu Ingibjargar
og Lilju Birgisdætra í Gallerí Íbíza
Bunker.