Fréttablaðið - 27.06.2008, Blaðsíða 72

36 27. júní 2008 FÖSTUDAGUR
sport@frettabladid.is
Laugardalsvöllur, áhorf.: 5323
Ísland Grikkland
TÖLFRÆÐIN
Skot (á mark) 28–2 (16–1)
Varin skot Þóra 1 – Falida 7
Horn 6–1
Aukaspyrnur fengnar 7–19
Rangstöður 3–0
1-0 Sara Björk Gunnarsdóttir (4.)
2-0 Hólmfríður Magnúsdóttir (13.)
3-0 Margrét Lára Viðarsdóttir (30.)
4-0 Hólmfríður Magnúsdóttir (53.)
5-0 Hólmfríður Magnúsdóttir (56.)
6-0 Katrín Ómarsdóttir (66.)
7-0 Margrét Lára Viðarsdóttir (68.)
7-0
Kunick frá Þýskal. (8)
FÓTBOLTI Íslenska kvennalands liðið
tryggði sér toppsætið í sínum riðli
með sjö marka stórsigri á Grikkj-
um á Laugardalsvellinum í gær.
Íslenska liðið átti frábæran dag,
tók völdin strax í upphafi leiks og
gaf gestunum frá Grikklandi engin
grið. Íslensku stelpunum nægir
því jafntefli við Frakka í lokaleikn-
um til þess að tryggja sér sæti í
úrslitakeppninni í Finnlandi á
næsta ári. Það er óhætt að segja
kvennalandsliðið sé stolt íslenska
fótboltans þessa stundina aðeins
einu skrefi frá EM 2009.
Markatalan er 18-0
Þetta var fjórði og síðasti heima-
leikur íslenska liðsins í undan-
keppninni og uppskeran er ekki
amaleg, fullt hús, hreint mark og
markatalan 18-0. Fram undan er
útileikur gegn Frökkum þar sem
jafntefli skilar liðinu beint í úrslita-
keppnina í Finnlandi en tapist leik-
urinn á liðið enn góða möguleika
því eftir tvo stórsigra á fimm
dögum er íslenska liðið í góðri
stöðu að fá viðráðanlega mótherja
í umspilinu.
Fyrsti hálftíminn í gær var
hreinlega frábær, stanslaus stór-
sókn með Margréti Láru allt í öllu.
Hún lagði upp fyrstu tvö mörkin
áður en hún skorað það þriðja með
glæsilegum hætti. Sara Björk
Gunnarsdóttir skoraði fyrsta
mark leiksins og sitt fyrsta á
heimavelli þegar hún fékk frá-
bæra stungusendingu Margrétar
Láru inn fyrir og skoraði af öryggi.
Það er enn í fersku minni þegar
Hólmfríður Magnúsdóttir lagði
upp mark fyrir Margréti Láru í
sigrinum á Slóveníu á dögunum og
Margrét Lára launaði henni greið-
ann með því að leggja upp mark
Hólmfríðar á 13. mínútu leiksins í
gær. Þriðja markið var síðan af
betri gerðinni þegar Margrét Lára
fékk boltann utarlega í teignum
frá Dóru Maríu Lárusdóttur og
skoraði með glæsilegu skoti.
Stelpurnar voru gáfu ekkert
eftir í seinni hálfleik og hver sókn-
in á fætur annarri dundi á grísku
vörninni. Hólmfríður skoraði tvö
skallamörk með þriggja mínútna
millibili og fullkomnaði með því
þrennuna. Fyrra markið skoraði
hún eftir magnaða sendingu Dóru
Maríu en hið seinna eftir að Grikkj-
um mistókst að hreinsa frá. Katrín
Ómarsdóttir kom inn á og skoraði í
þriðja leiknum í röð og Margrét
Lára skoraði síðan sjöunda markið
eftir sendingu Katrínar.
Frábærar í síðustu leikjum
Það hefur verið frábært að fylgj-
ast með stelpunum í þessum tveim-
ur heimaleikjum. Þær settu pressu
á sig fyrir þessa leiki og stóðust
hana og gott betur. Með samvinn-
una og sjálfstraustið að vopni áttu
andstæðingarnir frá Slóveníu og
Grikklandi engin svör við leik
stelpnanna, sem skoruðu hvert
frábæra markið á fætur öðru í
þessum tveimur leikjum. Stelp-
urnar sundurspiluðu gestina frá
Suður-Evrópu og sýndu að þær
hafa allt til alls til þess að vera
fyrsta íslenska A-landsliðið í knatt-
spyrnu sem kemst á stórmót.
ooj@frettabladid.is
Stelpurnar sundurspiluðu Grikki
Íslenska kvennalandsliðið komst einu skrefi nær úrslitakeppni EM með stórglæsilegum 7-0 stórsigri á
Grikkjum. Stelpurnar náðu þar með efsta sætinu í riðlinum. Hólmfríður Magnúsdóttir skoraði þrennu.
Á SKOTSKÓNUM Margrét Lára Viðarsdóttir og Hólmfríður Magnúsdóttir skoruðu
saman fimm af sjö mörkum Íslands í gær og fagna hér einu þeirra saman. Til vinstri
má sjá að mikið fjör var á pöllunum í gær enda vel mætt. FRÉTTABLAÐIÐ/VILHELM
ÍSLENSKI RIÐILLINN
Ísland 7 6 0 1 26-2 18
Frakkland 7 6 0 1 29-1 18
Slóvenía 7 3 0 4 8-20 9
Slóvenía 7 3 0 4 8-20 9
Serbía 7 1 0 6 6-24 3
Grikkland 6 1 0 5 3-25 3
Efsta liðið fer beint í úrslitakeppnina í Finna-
landi en liðið í 2. sæti og liðin með besta
árangurinn í 3. sæti komast í umspilið.
STAÐA MÁLA
FÓTBOLTI Sigurður Ragnar Eyjólfs-
son landsliðsþjálfari þjáist af
höfuð verk sem hann kvartar ekki
yfir. „Það er ekki spurning að
þetta er erfiðasta byrjunarlið sem
ég hef valið. Höfuðverkurinn við
að velja í liðið er gríðarlegur en ég
ætla ekkert að vorkenna sjálfum
mér yfir því,“ sagði hann eftir
leikinn.
„Yfirburðir okkar í þessum leik
voru algjörir og ég reiknaði ekki
með svona stórum sigri. Ég hafði
fulla trú á því að við myndum
vinna þennan leik en við sýndum
mjög mikla yfirburði yfir
Grikkjunum á öllum sviðum knatt-
spyrnunnar,“ sagði landsliðs-
þjálfarinn.
Hann segir jafnframt að liðið sé
í stöðugri sókn og mikill munur á
liðinu sé frá því í fyrri leiknum
ytra. „Við áttum í erfiðleikum með
að skapa okkur færi gegn þeim úti
en nú gerum við það á auðveldan
hátt. Auk þess höldum við mark-
inu hreinu fjóra leiki í röð sem er
met hjá landsliðunum. Leikmenn
eru að leggja á sig mjög mikla
vinnu og þær eru mjög opnar fyrir
tilsögn og allri taktík. Við þekkj-
um hvert annað líka og undirbún-
ingsleikirnir hafa hjálpað mikið.“
Fram undan er úrslitaleikur við
Frakka um laust sæti á EM þar
sem íslenska liðinu dugir jafntefli.
„Metnaðurinn í hópnum er gríðar-
legur og ég held að þær finni alveg
að möguleikinn á að fara alla leið
er mikill,“ sagði landsliðsþjálfar-
inn, sem hrósaði einnig þjóðinni
fyrir mikinn stuðning. - hþh
Sigurður Ragnar Eyjólfsson landsliðsþjálfari var eðlilega kampakátur eftir stórsigurinn á Grikkjum:
Metnaðurinn í hópnum er gríðarlegur
> Hreint mark í 360 mínútur
Íslenska kvennalandsliðið hefur
ekki fengið á sig mark í fjórum
leikjum í röð, allt síðan Finna
jöfnuðu metin í uppbótar-
tíma í vináttulandsleik
þjóðanna 4. maí síðast-
liðinn. Síðan þá hafa
íslensku stelpurnar skorað
sextán mörk í röð. Íslenska liðið
hefur aðeins fengið á sig tvö
mörk í níu leikjum á þessu ári
og markatalan er 29-2 stelpun-
um okkar í vil.
„Við erum búnar með sjö skref af átta og
við ætlum okkur á EM,“ sagði Hólmfríður
Magnúsdóttir, sem skoraði þrennu í gær.
„Við mættum gríðarlega vel stemmdar í
leikinn og ætluðum okkur sigur frá fyrstu
mínútu. Við spiluðum vel og stuðningurinn
var frábær. Fólk öskraði allan leikinn og það
er mjög hvetjandi,“ sagði Hólmfríður, sem
hræðist úrslitaleikinn við Frakka ekki vitund.
„Við vorum að senda þeim góð skilaboð
með 7-0 sigri og þær eru eflaust hræddar við
okkur,“ sagði Hólmfríður, sem viðurkenndi
að þetta væri einn allra besti leikur hennar
í íslensku landsliðstreyjunni. Guðrún Sóley
Gunnarsdóttir átti traustan leik í vörninni og
hún var hreinskilin í leikslok.
„Þetta var léttara en ég bjóst við, ég hélt
að þær væru sterkari. Þetta er það sem við
ætluðum okkur að gera, að halda hreinu
og skora nóg af mörkum,“ sagði Guðrún,
sem myndar afar sterkt
miðvarðarpar með fyrirlið-
anum Katríni Jónsdóttur.
„Já við náum vel saman.
Eftir 4-0 tapið gegn Englandi í fyrra
tókum við varnarleikinn aðeins í gegn. Við
höldum stöðu og þegar allt liðið pressar
með okkur er þetta bara auðvelt. Eins og
núna, við ekkert að gera,“ sagði Guðrún,
sem bíður eftir Frakkaleiknum. „Sjálfstraustið
í liðinu er mikið og nú tekur bara við niður-
talning að leiknum.“
Sara Björk Gunnarsdóttir hefur heldur
betur stimplað sig inn í landsliðið. Hún átti
stórleik gegn Slóvenum líkt og í gær þar sem
hún kom Íslandi á bragðið með fyrsta marki
leiksins, hennar þriðja landsliðsmarki í tíu
leikjum.
„Mér er búið að ganga vel og ég
hef verið nokkra leiki í röð í
byrjunarliðinu. Ég hef því
kannski aðeins
verið að stimpla
mig inn. Ég er
mjög ánægð með minn
leik og það var frábært að
skora á heimavelli, ég er
mjög sátt,“ sagði Sara
brosandi.
„Það var
frábært
að setja
hann þarna strax og halda
einbeitingu alla leið. Það
var markmiðið. Næst er
það svo Frakkland,“ sagði
Sara.
STELPURNAR Í ÍSLENSKA LANDSLIÐINU: TELJA NIÐUR AÐ ÚRSLITALEIKNUM GEGN FRÖKKUM
Sendum Frökkum skýr skilaboð
FÓTBOLTI Edda Garðarsdóttir
skemmti sér greinilega vel í
leiknum í gær. „Þetta er náttúr-
lega bara snilld. Að skora mörk
og hafa gaman, sýna léttleikandi
fótbolta, það er skemmtilegt. Við
vissum að við yrðum sterkari
aðilinn og að þær myndu bakka.
Við ætluðum að skemmta
áhorfendum, það er ekki oft sem
áhorfendur á Íslandi fá að sjá
svona leiftrandi sóknarbolta og
mörg mörk,“ sagði Edda ljómandi
af gleði.
Hún hrósar einnig karakternum
í hópnum, sem er mjög samstillt-
ur. „Þetta er mjög þéttur hópur,
bæði innan sem utan vallar.
Stelpurnar eru allar gull af
manni. Það er gaman þegar vel
gengur og við höfum farið í
gegnum súrt og sætt saman,“
sagði Edda en sigurinn í gær var
svo sannarlega sætur. „Nú
byrjum við að hlakka til, Frakka-
leikurinn verður rosalegur,“ sagði
Edda full tilhlökkunar. - hþh
Edda Garðarsdóttir:
Þær eru allar
gull af manni
SAMSTILLTAR Edda Garðarsdóttir segir
að stelpurnar í landsliðinu séu afar
samstilltar og hreinlega allar gull af
manni. Hér er Erla Steina Arnardóttir í
baráttunni í gær. FRÉTTABLAÐIÐ/VILHELM
SAMSTAÐA Sigurður fagnar
með stelpunum eftir leikinn.