Fréttablaðið - 27.06.2008, Blaðsíða 73
FÖSTUDAGUR 27. júní 2008
KÖRFUBOLTI Íslenska körfu-
boltalandslið karla ræðst ekki á
garðinn þar sem hann er lægstur
þegar það byrjar undirbúning sinn
fyrir Evrópukeppnina í haust.
Körfuknattleikssambandið hefur
þegið frábært boð frá litháíska
sambandinu um að fara í æfinga-
búðir til Litháens og mæta Ólympíu-
liði Litháa í tvígang.
Litháar bjóða íslenska liðinu
æfingaaðstöðu og umgjörð eins og
hún gerist best og mótherjarnir eru
eitt af bestu landsliðum í heimi.
Íslenska liðið hefur hafið undirbún-
ing sinn en farið verður 11. júlí út
til Litháen og dvalið þar til 16. júlí.
Leikirnir fara fram 13. júlí í Kaunas
og í Vilnius tveimur dögum síðar.
Litháar hafa ekki farið leynt með
það að þeir stefna á gullið í Peking.
Þeir unnu bronsið á leikunum 1992,
1996 og 2000 en töpuðu leiknum um
3. sætið á móti Bandaríkjunum á
síðustu leikum, í Aþenu 2004.
Zydrunas Ilgauskas, leikmaður
Cleveland Cavaliers, hafði sýnt
mikinn áhuga á að spila með lands-
liðinu á ný en ekkert varð úr því
eftir að forráðamenn Cleveland
lögðust á móti því.
Þó er nóg af öðrum frábærum
leikmönnum í liðinu og tveir þeirra
spila í NBA, Linas Kleiza og Darius
Songaila.
Kleiza, sem er 203 cm framherji,
sló í gegn með Denver í vetur þar
sem hann skorað 11,1 stig í leik á
aðeins 23,9 mínútum en hann var á
sínu þriðja ári í deildinni. Darius
Songaila var með 6,2 stig og 3,4
fráköst á 19,4 mínútum með Wash-
ington Wizards á sínu fimmta ári í
NBA.
Jón Arnór Stefánsson ætti að
þekkja þá Rimantas Kaukenas og
Ksystof Lavrinovic vel en þeir urðu
einmitt Ítalíumeistarar með Monte-
paschi Siena eftir sigur á Jóni og
félögum í Lottomatica Roma. Lavr-
inovic, sem er stór og sterkur fram-
herji, átti frábæra leiki í úrslitun-
um, sérstaklega þegar á reyndi í
lok leikja.
Aðrir í hópi bestu leikmanna
heims eru Sarunas Jasikevicius,
sem varð Evrópumeistari með FC
Barcelona 2003 og Maccabi Tel
Aviv 2004 og 2005, og Ramunas Sis-
kauskas sem varð Evrópumeistari
með CSKA Moskvu í ár og með Pan-
athinaikos í fyrra.
Sarunas Jasikevicius sneri aftur
í evrópska boltann eftir tvö tímabil
í NBA og samdi við gríska liðið
Panathinaikos til tveggja ára. Jasik-
evicius fékk sjö milljónir evra í
sinn hlut (895 milljónir íslenskra
króna) sem sýnir hversu mikils
Grikkir mátu þennan snjalla bak-
vörð.
Ramunas Siskauskas var valinn
besti leikmaður Evrópukeppninnar
í vetur en hann er 198 cm fjölhæfur
framherji sem fáir ráða við einn á
einn. Hann var einn af lykilmönn-
nunum á bak við sigurinn.
Þetta er aðeins rjóminn af fjöl-
mörgum frábærum leikmönnum
Litháa sem íslenska landsliðið fær
að mæla sig við um miðjan næsta
mánuð. - óój
Leika við Ólympíulið Litháa
Íslenska karlalandsliðinu í körfubolta hefur verið boðið í keppnisferð til
Litháens þar sem liðið fær að nýta sér æfingaðastöðu eins og hún gerist best.
FRÁBÆR Sarunas Jasikevicius er með yfir
447 milljónir í árslaun. NORDICPHOTOS/GETTY
FÓTBOLTI „Ég ætlaði mér að skora
mark númer 43 og ná þrenn-
unni, ég viðurkenni það,“ sagði
Margrét Lára Viðarsdóttir
glaðbeitt. Það sást langar
leiðir að hana hungraði í
þrennuna en hún hefur
nú skorað 42 mörk í 43
leikjum. „En ég kvarta
ekki yfir þessum tveim-
ur mörkum,“ sagði Mar-
grét.
Hún bíður nú spennt
eftir leiknum gegn Frökk-
um líkt og allt liðið en hún
varar við því að Frakkarn-
ir séu með frábært lið.
Hvað sem því líður sé
íslenska liðið til alls lík-
legt. „Við erum bara með
þrusugott lið, ef ég á að
vera alveg hreinskilin.
Allir leikmenn þurfa að
spila góða vörn og við eigum
erfiðan leik fyrir höndum. Við
erum hrikalega gráðugar í að
komast á EM og það er að
fleyta okkur langt,“ sagði
Margrét, sem fagnaði
mörkum sínum á all sér-
stakan hátt.
„Þetta er að sleppa
lundapysju. Ég gerði
þetta til heiðurs
Vestmannaeyingum.
Þeir styðja alltaf vel
við bakið á mér og
þetta var smá þakk-
lætisvottur til þeirra og
ég tileinka þeim mörkin,“
sagði Eyjahnátan Mar-
grét Lára. - hþh
Margrét Lára skoraði tvö og lagði upp tvö í stórsigrinum á Grikkjum:
Tileinkar Eyjamönnum mörkin
GAMAN Margrét bregst við
eftir að skot hennar fór í
stöngina í fyrri hálfleik.
FRÉTTABLAÐIÐ/VILHELM
LUNDAPYSJU SLEPPT Margrét Lára
fagnar öðru marki sínu í leiknum. Hún
tileinkaði Vestmannaeyingum mörk sín í
leiknum. FRÉTTABLAÐIÐ/VILHELM
FÓTBOLTI Pálmi Rafn Pálmason sér
eftir ummælum sínum um Kristin
Jakobsson dómara. Pálmi hringdi
í Kristinn í gær og bað hann per-
sónulega afsökunar á ummælun-
um í sjónvarpsviðtali við Stöð 2
Sport eftir sigurleik FH á Val. Þar
talaði Pálmi meðal annars um að
Kristinn dæmdi alltaf víti á Val.
„Það er erfitt að halda sig á
mottunni hálfri mínútu eftir að
maður tapar leik fyrir FH á víti í
uppbótartíma. Ég veit það alveg
að Kristinn er ekki óheiðarlegur
dómari en það er erfitt að vera
rólegur eftir svona uppákomu,“
viðurkenndi Pálmi fullur auð-
mýktar og er maður að meiri fyrir
vikið.
Pálmi kvað Kristin hafa tekið
vel í símtalið. „Hann er fagmaður
í þessu. Ég yrði eflaust ekki sáttur
með hann ef hann færi í blöðin og
segði að ég væri ömurlegur leik-
maður,“ sagði Húsvíkingurinn
spræki.
Hann sér þó léttu hliðina á mál-
inu. „Þetta gerir fótboltann líklega
skemmtilegri, annars hefðuð þið
ekkert til að fjalla um, en menn
verða auðvitað að passa hvað þeir
segja,“ sagði Pálmi léttur. Hann
viðurkennir einnig að Valsmenn
geti sjálfum sér um kennt að hafa
ekki unnið leikinn gegn FH.
„Það er svo sem aldrei dómar-
inn sem tapar leikjum, við áttum
að klára þennan leik fyrir vítið. En
við erum fúlir með okkar gengi og
fúlir með þetta tap en við verðum
bara að takast á við það,“ sagði
Pálmi Rafn. - hþh
Pálmi Rafn Pálmason bað Kristin Jakobsson dómara afsökunar á ummælum:
Yrði eflaust ekki sáttur ef Kristinn
kallaði mig ömurlegan leikmann
HÚSVÍKINGURINN Pálmi Rafn sér eftir
ummælum sínum um Kristin Jakobsson
dómara og hefur beðið hann afsökunar.
FRÉTTABLAÐIÐ/DANÍEL
TM styður kvennaknattspyrnu
Þolir Margrét Lára
ísbaðið hans Gauja?
Kíktu á mlv.is
ÍS
L
E
N
S
K
A
/S
IA
.I
S
/T
M
I
48
59
0
6/
08
Ný Heimasíða
www.mlv.is