Fréttablaðið - 28.06.2008, Blaðsíða 14

28. júní 2008 LAUGARDAGUR
S
tórmyndin
Journey to
the Center of
the Earth
verður
frumsýnd í kvik-
myndahúsum í
Bandaríkjunum 11.
júlí næstkomandi.
Íslenska leikkonan
Aníta Briem fer með
eitt aðalhlutverkanna
í myndinni. Þrátt
fyrir að vera aðeins
nýorðin 26 ára virðist
Aníta stefna hratt og
örugglega að því að
ná langt í drauma-
borginni Hollywood,
nokkuð sem fáir
Íslendingar geta
státað af.
Leyndardómar
Snæfellsjökuls, eins
og stórmynd Anítu
heitir upp á íslensku,
er byggð á frægri
sögu Jules Verne. Í
myndinni fer Aníta
með hlutverk
leiðsögukonunnar
Hönnuh sem fylgir
vísindamanni og
ungum frænda hans í
mikinn leiðangur, leið-
angur að miðju
heimsins, en inngang-
inn er að finna í
Snæfellsjökli.
Aðalhlutverk myndar-
innar er í höndum
stórstjörnunnar
Brendans Fraser.
Mikil eftirvænting
ríkir vegna myndar-
innar. Talað hefur
verið um að hún verði
sýnd í 1.500 kvik-
myndahúsum í
Bandaríkjunum og í
henni verður í fyrsta
sinn þrívídd varpað á
kvikmyndatjald án
þess að áhorfendur
þurfi að notast við þar
til gerð gleraugu. Það
eru sem sagt allra
augu á hinni ungu
Anítu.
Snemma varð
augljóst að Aníta
myndi velja sér
starfsvettvang í
listageiranum. Hún
fylgdi foreldrum
sínum, tónlistarfólk-
inu Gunnlaugi Briem
og Ernu Þórarinsdótt-
ur, hvert sem þau
fóru; hvort sem það
var við hljóð-
vers vinnu eða á
tónleikum. Það hefði
eflaust ekki gengið ef
Aníta hefði ekki verið
einstaklega rólegt og
þægilegt barn. Hún
lærði sjálf á flautu og
söng í Gradualekór
Langholtskirkju og
þótti standa sig
ágætlega í tónlistinni.
Reyndar er það svo að
tónlistin er enn eins
konar hliðargrein hjá
Anítu. Hún á gítar og
semur og spilar lög í
frístundum sínum.
Fjölskylda hennar
bindur miklar vonir
við að einhvern
daginn fái lögin að
heyrast utan veggja
heimilisins.
Aníta steig sín
fyrstu spor í leiklist-
inni þegar hún lék í
Þjóðleikhúsinu níu
ára gömul. Hlutverkið var Ída systir Emils í
Kattholti. Eftir það varð ekki aftur snúið; hún
hafði fengið bakteríuna. Við tóku ýmis hlutverk á
leiksviði og við hljóðsetningu.
Aníta var sautján ára gömul þegar hún fluttist
með fjölskyldu sinni til London. Viðbrigðin voru
talsverð í fyrstu en hún var fljót að komast yfir
erfiðustu hindranirnar. Til að mynda náði hún
fljótt afar góðum tökum á enskunni, en það átti
eftir að koma sér mjög vel þegar kom að námi í
leiklistarskóla.
Anítu er lýst sem
afskaplega duglegri
manneskju. Hún sé
mjög fylgin sér sem
lýsi sér best í því að
hún nái alltaf þeim
markmiðum sem hún
setur sér. Aníta er
sögð afar jarðbundin,
hún reisi sér aldrei
neinar skýjaborgir.
Hins vegar geti hún
verið fulldramatísk á
köflum, það komi sér
vissulega vel í
leiklistinni en getur
lagst misjafnlega í
fólkið í kringum hana.
Á námsárunum í
London hélt Aníta
góðu sambandi við
íslenskar vinkonur
sínar sem búsettar
voru þar. Hún og
Álfrún Örnólfsdóttir
leigðu saman íbúð eitt
árið og þriðja vinkon-
an í hópnum var
söngkonan Hafdís
Huld Þrastardóttir. Þá
var gott samband á
milli Anítu og Védísar
Hervarar Árnadóttur.
Vinkonur Anítu segja
að hún sé afar opin og
hress stelpa, það sé
alltaf mikið stuð í
kringum hana og
alltaf hafi verið mikið
stuð á árunum í
London.
Eftir að hafa lokið
leiklistarskólanum
RADA fékk Aníta
strax nokkur spenn-
andi verkefni, bæði í
leikhúsi, sjónvarpi og
kvikmyndum. Hún lék
til að mynda í
spænsku hrollvekj-
unni The Nun og í
íslensku spennumynd-
inni Köld slóð. Þá lék
hún á móti stórum
nöfnum á borð við
Martin Landau í
spennuþáttunum The
Evidence, sem einmitt
hefja göngu sína á
SkjáEinum á mánu-
dag.
Næstum þrjú ár eru
síðan Aníta fluttist frá
London til Los
Angeles. Í fyrstu var
það fyrir upptökur á
The Evidence. Síðan
hefur margt breyst og
nú hefur Aníta fest
þar rætur. Það er ekki
síst vegna unnustans,
hins grískættaða
leikstjóra Dean
Paraskevopoulos. Þau
hafa verið saman í
tæp tvö ár og hafa
komið sér vel fyrir í
borg englanna. Ekkert
fararsnið virðist á
Anítu enda bíða
hennar mörg tæki-
færi. Til að mynda
kvikmyndin The
Storyteller sem
kemur fyrir sjónir
almennings á næsta
ári. Þar leikur hún á
móti Wes Bentley úr
American Beauty og
American Idol-
stjörnunni Katharine
McPhee. Þá má ekki
gleyma sjónvarpsþátt-
unum The Tudors sem
vakið hafa talsverða
athygli. Þar leikur
Aníta Jane Seymour.
Víst má telja að stórmyndin Leyndardómar
Snæfellsjökuls, sem frumsýnd verður hérlendis
12. september, muni opna enn fleiri dyr fyrir
Anítu Briem. Og velgengni Anítu kom viðmælend-
um Fréttablaðsins alls ekki á óvart: „Það kemur
ekkert á óvart að hún sé í Hollywood.
Hún er hæfileikarík, gullfalleg og kann að
sjarmera fólk, hreinlega laðar fólk að sér. Hún
ætlaði alltaf að komast á toppinn,“ sagði einn
þeirra. hdm@frettabladid.is
MAÐUR VIKUNNAR
Með stjörnunum í Hollywood
ANÍTA BRIEM
ÆVIÁGRIP
Aníta Briem fæddist í Reykjavík 29. maí árið 1982. Foreldrar
hennar eru tónlistarfólkið Gunnlaugur Briem trommuleikari
og Erna Þórarinsdóttir söngkona. Aníta er búsett í Los
Angeles. Sambýlismaður hennar er hinn grískættaði leikstjóri
Dean Paraskevopoulos.
Aníta gekk í Hvassaleitisskóla og lauk einu ári í Mennta-
skólanum við Sund. Árið 1999 flutti hún með fjölskyldu
sinni til London. Þar lauk hún menntaskóla sem bauð upp á
leiklistarkennslu meðfram hefðbundnu námi. Leiklistarbakt-
eríuna fékk Aníta strax á unga aldri. Hún var ekki nema níu
ára gömul þegar hún fékk hlutverk Ídu í Emil í Kattholti sem
Þjóðleikhúsið setti upp. Hlutverkinu deildi hún með Álfrúnu
Örnólfsdóttur. Eftir þetta lék Aníta í Kardemommubænum,
Óskastjörnunni og Fiðlaranum á þakinu svo eitthvað sé
nefnt.
Að loknum menntakóla í London var Aníta ákveðin í
að verða leikkona. Hún fékk hlutverk í leikritinu Lenin in
Love sem sett var upp í Norður-London. Aðalhlutverkin í
sýningunni léku þau Maryam d‘Abo, sem lék í Bond-mynd-
inni The Living Daylights, og James Faulkner. Eftir þetta
tækifæri varð ekki aftur snúið; Aníta sótti um í fimm helstu
leiklistarskólana á Bretlandi. Hún fékk vilyrði fyrir inngöngu í
alla skólana en valdi að endingu Royal Academy of Dramatic
Art, hinn virta RADA. Þaðan útskrifaðist hún árið 2004.
Eftir útskrift hefur Aníta fengið nokkur bitastæð hlutverk.
Hún lék í sjónvarpsþáttaröðinni The Evidence og í sjónvarps-
þáttunum The Tudors. Stærsta hlutverkið er svo vitaskuld í
stórmyndinni Leyndardómar Snæfellsjökuls, Journey to the
Center of the Earth, sem frumsýnd verður í Bandaríkjunum
eftir tvær vikur.
HVAÐ SEGJA AÐRIR?
„Ég vissi nú ekkert um hana fyrr en ég sá viðtal við hana í
blaði og fannst góður tónn í því. Ég boðaði hana því í prufu
sem hún leysti vel. Svo boðaði ég hana í aðra prufu fyrir
stærra hlutverk og hún sótti bara í sig veðrið. Samvinna
okkar var mjög góð, hún var mjög fagmannleg í öllu. Þetta
er greind og hæfileikarík stúlka sem getur alveg leikið með
þeim bestu í hvaða mynd sem er.“
Björn Brynjúlfur Björnsson, sem leikstýrði Anítu í Kaldri
slóð.
HVAÐ SEGIR HÚN?
„Það hefur aldrei heillað mig. Fólk sem vill fá fullt af athygli
og peningum fer þangað en það er ekki ástæðan fyrir því
að ég er í leiklist. Væri mér hins vegar boðið að leika í
Hollywood-mynd þá væri það náttúrulega frábært tækifæri.
Stundum þarf maður að gera hluti sem maður hefur ekki
persónulegan áhuga á til að koma sér á framfæri. Það koma
einstakar myndir frá Hollívúdd sem eru virkilega góðar en
þessar týpísku myndir eru í raun bara afþreying.“
Aníta spurð um framtíðardrauma í Hollywood, í Fókus 2.
febrúar 2001.
Bátar um land allt
Komdu við í Útilegumanninum á Fosshálsi 5-7
um helgina og skoðaðu glæsilegt úrval af bátum.
Karnic sportveiðibátar
Karnic 2265 er mjög skemmtilegur og hraðskreiður
sportveiðibátur, bæði fyrir fisk- og skotveiði. Karnic
bátarnir frá Kýpur eru margverðlaunaðir og hafa getið
sér gott orð víða um heim fyrir stöðugleika og góða
hönnun.
Galeon skemmtibátarnir hafa verið framleiddir í tugi
ára við frábæran orðstír og slegið í gegn um allan heim.
Styrkur þeirra og þyngd gefa þeim mikinn stöðugleika
og ganghraða í straumþunga Atlantshafsins. Bátarnir
eru einstaklega vel hannaðir og ríkulega útbúnir.
Galeon skemmtibátar
290 HT 330 FLY/HT 390 FLY/HT 530FLY
Regal hrað- og sportbátar hafa verið framleiddir í
Bandaríkjunum frá 1968. Á síðustu þremur árum hefur
Regal hlotið alls fimm J.D. Power neytendaverðlaun
og er fyrsti framleiðandinn til að vinna tvenn verðlaun
tvö ár í röð.
Regal sportbátur
FasTrack 1900/2200/2450
Limited Editionpakki
Galia vatna- og sjóbátar
FasTrack 1900/2200/2450
Galia bátarnir eru einstaklega vel hannaðir, mjög sterk-
byggðir, stöðugir og ráða yfir mikilli sjóhæfni. Galia bátarnir
eru allir í hönnunarflokki C og henta því mjög vel til notkunar
á bæði vatni og sjó.