Fréttablaðið - 28.06.2008, Blaðsíða 20

20 28. júní 2008 LAUGARDAGUR
Þ
etta hefur verið ærið
verkefni,“ segir Þór-
hallur Ólafsson sem
hefur síðastliðin
þrjú ár sigrað sér-
hvern fjallstind sem
frá er greint í bók Ara Trausta
Guðmundssonar og Péturs Þor-
leifssonar, Íslensk fjöll, alls 151.
Þórhallur hefur á leið sinni á
tindana klifið nær tíu þúsund
metra og gengið tæplega 1800
kílómetra sem jafngildir göngu
hringinn í kringum landið og aftur
til Akureyrar.
Þeir félagar gengu á Baulu í
vikunni til þess að marka tíma-
mótin og vekja athygli á bókinni,
sem vonir standa til að komi bráð-
lega einnig út á ensku.
Björgunarsveitin til hjálpar
Margir tindar standa upp úr hjá
Þórhalli eftir að hafa gengið á alla
151 en gangan á Grendil í Vatna-
jökli er þó sérlega eftirminnileg.
„Við lentum í slæmu veðri á
leiðinni og höfðum ekki þann
búnað sem þurfti til að standa
óveðrið af okkur,“ segir Þórhallur.
„Björgunarsveitin kom okkur þá
til hjálpar og færði okkur gas og
búnað til að hafast við í tvo daga.
Þá daga fengum við besta veður
sem hægt er að fá á fjöllum og
ferðin varð alveg ógleymanleg.“
Ævintýri á oddmjóum tindi
Ara Trausta Guðmundssyni er
sérlega eftirminnileg ganga á
áður óklifinn tind við suðurjaðar
Vatnajökuls.
„Þetta var spennandi klifur og
löng ganga á afar fallegt fjall sem
er 1324 metra hátt og gnæfir yfir
Kálfafellsdal í Suðursveit. Tind-
urinn var svo uppmjór að aðeins
einn okkar í einu gat kropið þar og
haldið sér fast,“ segir Ari.
Í fárviðri á Hvannadalshnúk
„Þetta var alveg einstök lífs-
reynsla sem ég man meðan ég
lifi,“ segir Pétur Þorleifsson um
fjallgöngu á Hvannadalshnúk að
vetrarlagi fyrir mörgum árum en
það var fyrsta ganga hans á háa
tinda. Pétur nálgast nú 75 ára ald-
urinn og hefur síðan gengið á
hnúkinn fjórum sinnum en þetta
fyrsta skipti er alltaf eftirminni-
legt.
„Við hrepptum fárviðri uppi í
fjallinu og urðum að fara út í nótt-
ina og hlaða í kringum tjöldin,“
segir Pétur. „Veðrið stóð alla nótt-
ina og allan daginn eftir en
þar næsta dag birti loks og við
gengum á hnúkinn í glampandi
veðri.“
Þessi fjallganga var merkileg
fyrir margra hluta sakir, að sögn
Péturs, en einkum þó að þetta var
í fyrsta skipti sem gist var í tjöld-
um að vetrarlagi uppi á jökli.
Veðrið
stóð alla
nóttina
og all-
an daginn eftir en
þarnæsta dag birti
loks og við gengum á
hnúkinn í glampandi
veðri.
Göngunni á alla tindana lokið
Þórhallur Ólafsson göngugarpur hefur síðastliðin þrjú ár gengið á alla tindana sem nefndir eru í bókinni Íslensk fjöll eftir
Ara Trausta Guðmundsson og Pétur Þorleifsson. Þeir félagarnir gengu á Baulu á fimmtudaginn til að marka tímamótin. Helga
Tryggvadóttir ræddi við þá garpana um sérstaklega eftirminnilegar fjallgöngur eftir að fjöldamargir tindar hafa verið unnir.
BAULA Þórhallur kleif fjallið ásamt
höfundum bókarinnar Íslensk fjöll, þeim
Ara Trausta Guðmundssyni og Pétri
Þorleifssyni, í síðustu viku.
KERLINGAFJÖLL Þórhallur Ólafsson í Kerlingarfjöllum. Á rétt rúmum þremur árum
lagði Þórhallur að baki einn tind í viku og kleif tíu kílómetra af fjöllum.
UPPI Á BAULU Þórhallur Ólafsson kleif Baulu í vikunni og hafði þá klifið tindana, alls 151. Hér sést Þórhallur á toppnum ásamt Guðmundi Frey Jónssyni og Jóni Helga Guðmundssyni. MYND/GUÐMUNDUR FREYR JÓNSSON
STÖNG Í BERUFIRÐI Þórhallur ásamt Jóni Helga Guðmundssyni og Guðmundi Frey
Jónssyni sem gengu saman á Stöng í Berufirði en það hefur örsjaldan verið gert
áður. MYND/GUÐMUNDUR FREYR JÓNSSON
■ Snæfellsjökull
■ Hrútfellstindar
■ Herðubreið
■ Stöng
■ Þverártindsegg
■ Dyrfjöll
■ Hrútfjallstindar
■ Eyjafjallajökull
■ Arnarfell hið mikla
Skemmtilegar
gönguleiðir