Fréttablaðið - 28.06.2008, Blaðsíða 36

● heimili&hönnun
Vegna Ólympíuleikanna í ár hefur Peking
tekið á sig framtíðarlega mynd með nýstár-
legum byggingum og glerhýsum. Ævaforn
menning Kínverja er þó ekki látin víkja því
á einu glerhýsinu er stórt gat svo að drekar
geti flogið þar í gegn. Þar eru höfuðstöðvar
CCTV, sem rekur sjö sjónvarpsstöðvar með
útsendingar um allan heim, meðal annars á
Íslandi.
Kínversk stjórnvöld hafa lagt milljarða í
byggingu á þessum glæsihýsum og ber þar
hæst íþróttaleikvanginn sem arkitektarn-
ir Herzog og de Meuron hönnuðu og kallað-
ur er Fuglshreiðrið, en hann lítur út eins og
stórt hreiður. Leikvangurinn tekur um 100
þúsund manns í sæti og þar mun opnunar-
hátíð Ólympíuleikanna fara fram.
Í grennd við leikvanginn er síðan að finna
Vatnskubbinn, sundhöll Ólympíuleikanna.
Ferköntuð bygging sem virðist alsett vatns-
bólum eða sameindamódelum og gæti allt
eins átt heima í vísindaskáldsögu. Hún er
þó hönnuð með kínverskar goðsagnir og
hefðir í huga þar sem kassalega formið er
eitt frummótið.
Eggið er ein byggingin sem boðar breytta
tíma í Peking, en var þó ekki sérstaklega
reist fyrir Ólympíuleikana. Eggið er óperu-
hús borgarinnar og eins og nafnið bendir
til er það egglaga. Við hönnun hússins var
reynt að ögra umhverfinu ekki um of og
láta það falla vel inn í. Ekki eru borgarbúar
þó á eitt sáttir um hversu vel tókst til.
Peking státar því nú af risastóru hreiðri,
eggi og flugleið fyrir dreka sem vísar til
þess að goðsögur og ævintýri ráða för í kín-
verskri byggingarlist nútímans þótt stál,
gler og víravirki segi annað. - keþ
Glerhýsi hindra
ekki flug drekans
● Framtíðin í byggingarlist skýtur rótum í hinni fornu borg Peking þar sem
Ólympíuleikarnir verða haldnir í sumar. Kínversk stjórnvöld hafa varið millj-
örðum í byggingarframkvæmdir þar sem hefðir og nýir tímar togast á.
Íþróttaleikvangur Peking verður miðdepill Ólympíuleikanna. Hann kallast Fuglshreiðrið og er hannaður af
hinum heimsþekktu arkitektum Herzog og de Meuron.
Sundhöll Peking kallast Vatnskubburinn og lítur út eins og vatnsfylltur kassi. Útveggir kubbsins geta skipt
litum, auk þess sem hægt er að nota þá sem risaskjái.
Eggið er óperuhús Peking, sem hannað var með tilliti til umhverfisins. Húsið mátti ekki raska jafnvægi þess en sumir íbúar Peking telja það of nútímalegt. NORDICPHOTOS/GETTY
Senlin Gongyuan Nanmen-neðanjarðarlestarstöðin
á að þjóna nýrri lestarleið vegna Ólympíuleikanna.
Hér sést innan í glæsilegan íþróttaleikvanginn í
Peking.
28. JÚNÍ 2008 LAUGARDAGUR6