Fréttablaðið - 28.06.2008, Blaðsíða 61

LAUGARDAGUR 28. júní 2008 37
Hið fornfræga uppboðshús
Christie‘s í New York hélt á
dögunum uppboð til styrktar
hermönnum sem særst hafa í
Íraksstríðinu. Meðal þeirra
hluta sem hægt var að
bjóða í voru blóðug
föt mafíuforingj-
ans Tonys Soprano
úr samnefndum
sjónvarpsþáttum.
Fötin eru þau
sömu og Tony
klæddist þegar
frændi hans,
Uncle Junior, skaut hann í
fyrsta þætti sjöttu þáttaraðar.
Blóðidrifnar buxur, nærbolur
og skyrta seldust fyrir 43.750
dollara, sem jafngildir um 3,5
milljónum íslenkra
króna. Aðrir aðdá-
endur fengu þó líka
tækifæri til að eign-
ast flíkur sem átrún-
aðargoðið hafði
klæðst í þáttunum
því í boði voru
einnig önnur föt
Tonys.
Föt Tonys Soprano
seldust á 3,5 milljónirNú þegar sumarið er
loksins komið til landsins
vilja flestir nýta vel þá fáu
sólardaga sem okkur er
úthlutað. Margir sleikja
sólina á bökkum sundlauga,
aðrir leggja leið sína út á
land og enn aðrir skella sér
í miðbæinn þar sem þeir
geta tyllt sér á kaffihús og
notið veðurblíðunnar með
svaladrykk sér við hönd.
Sirkusportið fræga var mikið sótt
á blíðviðrisdögum á meðan það
var og hét. Þar safnaðist fólk á
öllum aldri saman og naut sólar-
innar. Þar var markaður, tónleikar
haldnir, menn gátu tekið leik í
backgammon og síðast en ekki
síst, þar var ávallt skjól fyrir
kaldri norðangolunni. Nú þegar
þessi vin í eyðimörkinni er horfin
verða menn að róa á önnur mið.
Fréttablaðið gerði stutta úttekt á
þeim kaffihúsum þar sem hægt er
að eyða fallegum sólardögum í
sumar.
Hressingarskálinn við Austur-
stræti er einn fárra veitingastaða
sem geta státað af fallegum og
gróðursælum garði. Hingað kemur
breiður hópur fólks til þess að
njóta veðurblíðunnar og sýna sig
og sjá aðra. Á sumrin spila mis-
góðar hljómsveitir og trúbadorar í
garðinum og hægt er að kaupa mat
og drykk á viðráðanlegu verði.
Á bak við Te og kaffi, sem er til
húsa í bókabúðinni Eymundsson á
Austurstræti, er góður og skjól-
sæll pallur. Hingað sækja mikið
nýbakaðar mæður og barnafólk
með ungana sína og því er hér oft
mikið og líf og fjör. Kaffidrykkju-
menn hafa úr nægu að velja en
þeir sem kjósa öl fram yfir kaffi
ættu að leita annað.
Við Austurvöll eru allnokkur
kaffihús og veitingastaðir þar sem
hægt er að sitja úti á góðum sum-
ardögum, þar á meðal eru Thor-
valdsen og Kaffi París. Héðan er
hægt að fylgjast með mannlífinu á
Austurvelli en stundum hlýst
ónæði af rónunum sem þar halda
sig til.
Café Oliver er með ágæta ver-
önd þar sem gestir geta notið sól-
arinnar og gætt sér á einum af
þeim fjölda rétta sem staðurinn
býður upp á. Hér er ágætt skjól en
um helgar getur stundum verið
erfitt að næla sér í borð.
Á bak við rokkbúlluna Dillon
leynist ágætur garður með bekkj-
um og sviði þar sem ýmsar hljóm-
sveitir og plötusnúðar skemmta
gestum um helgar. Tónlistin er
mismunandi eftir dögum og getur
rúmað allt frá gömlum íslenskum
slögurum yfir í þyngra rokk. Síð-
hærðir karlmenn í svörtum fötum
eru áberandi meðal gesta en þó er
hér að finna alla flóru mannlífs-
ins.
Fyrir framan Qbar í Ingólfs-
stræti er lítill pallur þar sem fólk
getur sest og fengið sér einn kald-
ann. Pallurinn snýr að götu þannig
forvitnir geta fylgst með mannlíf-
inu á meðan þeir sötra drykkinn
sinn.
Vegamót eru enn einn vinsæl-
asti staðurinn í bænum og útiað-
staðan pakkfyllist um leið og sést
til sólar. Þolinmæði er það sem
gildir ef fólk vill verða sér út um
sæti hér.
Babalú er lítið kaffihús á Skóla-
vörðustíg sem er með ágætar sval-
ir þar sem hægt er að sleikja sól-
ina þegar vel viðrar.
Café Flóra er í Grasagarðinum í
Laugardal. Hér er hægt að setjast
niður í fallegu og rómantísku
umhverfi og fá sér veitingar á
meðan maður nýtur sólarinnar og
ilms af blómum. sara@frettabladid.is
Sumarið er tími kaffihúsanna
GESTIR SLEIKJA SÓLINA Útikaffihúsinu eru vinsæl á góðum sumardegi.
FRÉTTABLAÐIÐ/STEFÁN
TONY SOPRANO