Fréttablaðið - 29.06.2008, Blaðsíða 18
ÞAÐ HEITASTA Í ...
HÓTELUM, VEITINGASTÖÐUM, GRÆJUM, BÚÐUM, MÖRKUÐUM OG FERÐANÝJUNGUMMIÐBAUGUR
ferðalög kemur út mánaðarlega
með sunnudagsblaði Fréttablaðsins.
Ritstjóri Anna Margrét Björnsson amb@frettabladid.is
Útlit Arnór Bogason og Kristín Agnarsdóttir
Forsíðumynd GettyImages
Pennar Klemens Ólafur Þrastarson
Ljósmyndir Fréttablaðið, Silja Magg, Yvan Rodic
Auglýsingar Stefán P.Jones spj@frettabladid.is
E
itt minnistæðasta fríið mitt og sennilega eitt
það minnistæðasta líka fyrir foreldra mína
var þegar ég var fjögurra ára gömul og fjöl-
skyldan fór til Bahamaeyja. Í raun er þetta
frí með mínum fyrstu minningum þar sem ég held að
fæst okkar muni mjög mikið um tímann upp að fjög-
urra ára aldrinum.
En þarna vorum við sumsé, litla fjölskyldan á sann-
kallaðri paradísareyju þar sem ég bragðaði minn fyrsta
alvöru hamborgara með frönskum, þar sem ég varð fag-
urlega cappucino-brún í fyrsta sinn og dundaði mér á
mannlausri bleikri strönd allan liðlangan daginn. En
sterkasta minningin frá þessu afbragðsfríi var þegar að
ég vakna upp með andfælum eina nóttina á hótelher-
berginu okkar. Ég svipaðist um eftir pabba og mömmu
en rúmið þeirra var enn uppbúið og enginn í herberginu
nema sofandi tveggja ára bróðir minn og jú, skælbros-
andi svartur maður sem ég hafði aldrei áður séð á minni
stuttu ævi. Ég rak upp skelfingaróp og vakti bróður
minn sem var sennilega mjög vond hugmynd því þá
gekk hann undir viðurnefninu „Schreihals“ eða öskur-
háls þar sem hann gat látið ómannleg hljóð hljóma úr
sínum litla englabúk. Aumingja maðurinn sem ég síðar
komst að að var bara barnapían okkar, reyndi að róa
okkur niður á ensku sem við skildum ekki, rétti okkur
tyggjó og ísmola en allt kom fyrir ekki. Ég var sannfærð
um að heimsendir væri í nánd og ég yrði að bjarga bróð-
ur mínum úr þessum skelfilegu aðstæðum. Ég dró hann
með mér fram á gang þar sem við hófumst handa við að
berja á hurðir hjá gestum og æpa á hjálp. Ég man sér-
staklega eftir því í hversu miklum náttfötum allir voru
sem þeystust fram til að aðstoða æpandi börnin. Einn
miðaldra maður var meira að segja með nátthúfu. Við
öskruðum áfram og vorum komin með sirka þrjátíu
manns á eftir okkur um gangana og næsta stopp var
lyftan. Hersingin hélt niður í lobbý og nú var þetta risa-
stóra hótel orðið flóðlýst klukkan tvö um nótt.
Þegar aumingja foreldrar mínir komu heim af sínu
eina djammi á þessu þriggja vikna ferðalagi með smá-
fólkið sitt beið þeirra flóðlýst hótel og allir gestirnir í
náttfötum sem litu á þau ásakandi augnaráði. „Eru þetta
foreldrarnir?“ sögðu þau og hristu hausinn.
Vanti ykkur hressandi ábendingar um ferðalög með
börnum má lesa síðu fjögur í Ferðalögum júlímánaðar.
BÖRN Á FERÐ
Anna Margrét Björnsson skrifar
ÍS
L
E
N
S
K
A
SI
A.
IS
FL
U
42
03
6
04
.2
00
8
1 kr. aðra leiðina + 690 kr.
(flugvallarskattur)
Aðeins 1 króna fyrir börnin
www.flugfelag.is | 570 3030
Gildir til 31. maí – bókaðu á
www.flugfelag.is
2 FERÐALÖG
Ambos Mundos, Kúba
Herbergi Ernest Hemingways á hótelinu
hefur verið varðveitt eins og það var
þegar hann dvaldist á hótelinu sem hann
lýsti sem góðum stað til skrifta.
Umhverfi hótelsins og iðandi mannlífið í
kring veitti honum innblástur að ýmsum
verkum og meðal annars skrifaði hann
fyrstu kaflana í skáldsögunni „Hverjum
klukkan glymur“ á hótelherberginu.
Hvað er betra en að sitja í rólegheitun-
um á þaki hótelsins, njóta útsýnis yfir
smábátahöfnina og gamla bæinn, láta
hugann reika eða diskútera heimsins
innsta eðli með mojito í hönd að hætti
Hemingways?
Askanischer Hof, Berlín
Franz Kafka skrifaði stóran hluta Réttar-
haldanna, einnar frægustu bókar sinnar,
á Askanischer Hof-hótelinu. Á hótelinu
upplifði Kafka ýmsa atburði sem höfðu
áhrif á líf hans og skrif, eins og sam-
bandsslit hans og Felice Bauer, sem rata
einmitt í frásögnina í Réttarhöldunum.
Að ganga inn á hótelið er eins og að fara
aftur í tímann, öll umgjörð þess og stíll
er eins og hann var á fjórða áratug síð-
ustu aldar og ekki skemmir fyrir að það
er vel staðsett í miðborg Berlínar.
Goldeneye, Jamaica
James Bond-myndin Golden Eye dregur
nafn sitt af heimili Ians Fleming á Jam-
aíka, en húsið er nú gististaður fyrir
ferðamenn. Húsið stendur á kletti með
útsýni yfir Karíbahafið, umlukið hita-
beltisgróðri. Rólegt andrúmsloftið og
fallegt umhverfið reyndist fullkominn
staður fyrir Flemming til að skrifa
bækur sínar um James Bond en alls
skrifaði Flemming fjórtán bókanna um
njósnarann í húsinu.
The Royal Albion Hotel, England
Charles Dickens eyddi meirihluta sumr-
anna 1837 til 1859 í bænum Broadstairs í
Kent á Englandi. Dickens skrifaði verkið
Nicholas Nickleby á Albionstræti 40 sem nú
er hluti af Royal Albion hótelinu. Útsýninu
úr svítunni sinni lýsti hann sem „fallegustu
sjávarsýn sem þú gætir ímyndað þér“.
The Old Inn, Crawfordsburn, Írland
Margir frægir rithöfundar hafa dvalist á
þessu ævaforna írska gistihúsi. Á sautj-
ándu og átjándu öldinni stunduðu höf-
undar eins og Swift, Tennyson, Thack-
ery, Dickens og Trollop staðinn. Á
tuttugustu öldinni varð þetta svo sam-
komustaður og menningarmiðstöð C.S.
Lewis og félaga hans. Staðurinn var
Lewis sérlega hugleikinn og fór hann
meðal annars í síðbúna brúðkaupsferð
þangað.
HÚS SEM VEITA INNBLÁSTUR
Ferðalög grófu upp hótel og hús þar sem frægir rithöfundar hafa skrifað sín mestu verk.
Goldeneye Breski rithöfundurinn Ian Fleming á ströndinni við hús sitt, Goldeneye á eyjunni Jamaíku.
H
jónin Sesselja Birgisdóttir og Ragnar
Fjalar hafa sett á fót skemmtilega nýjung
í ferðamennsku með fyrirtækinu Red
Apple Apartments. Eins og nafnið gefur
til kynna sérhæfir fyrirtækið sig í leigu á íbúðum til
styttri tíma, frá einni nóttu upp í nokkra mánuði og
þær eru nú í boði í Reykjavík og Kaupmannahöfn,
en bráðum bætast við borgirnar Ósló, Helsinki og
Stokkhólmur. „ Við útskrifuðumst bæði í fyrra úr
mastersnámi í alþjóðamarkaðsfræðum og vöru-
merkjastjórnun frá háskólanum í Lundi í Svíþjóð,“
útskýrir Sesselja. „Ég hafði hug á að nema meira í
stjórnun en Ragnar ætlaði að stofna sitt eigið
fyrirtæki. Svo skemmtilega vildi til að Lundarhá-
skóli bauð í fyrsta sinn upp á mastersnám í frum-
kvöðlafræðum og meginmarkmið námsins var að
stofna fyrirtæki og við nýttum að sjálfsögðu námið
til að steypa grunninn að Red Apple Apartments.“
Að sögn Sesselju er Red Apple Apartments fjöl-
skyldufyrirtæki sem rekur miðlun á internetinu.
„Markmið okkar er að bjóða upp á fjölbreytt úrval
fullbúinna íbúða sem jafnast á við eigið heimili. Við
hvetjum íbúðareigendur sem hafa áhuga á að skrá
íbúðir sínar til leigu að hafa samband og skráning er
að kostnaðarlausu.“ Frekari upplýsingar er að finna
á www.redapplecopenhagen.wordpress.com og
www.redapplereykjavik.wordpress.com
ÍBÚÐIR SEM JAFNAST Á VIÐ EIGIÐ HEIMILI
Ambos Mundos Barinn á hótelinu á Kúbu þar sem Hemingway dvaldi við skrif.
[ SÉRBLAÐ FRÉTTABLAÐSINS UM FERÐALÖG ]
ferðalög
JÚLÍ 2008
FRÁ SÖGUSLÓÐUM GRIKKLANDS
UPP Á TINDINN Á MONT BLANC
HÓTEL ÞAR SEM FRÆGUSTU RITHÖFUNDAR HEIMS GISTU. LEYNDARDÓMAR KAMBÓDÍU.
SVEITASÆLA Í CAMBRIDGE. FULLKOMNAR HELGARFERÐIR.
HEIMURINN
MEÐ AUGUM
SMÁFÓLKSINS
HVERT Á AÐ FARA, HVAÐ Á AÐ
BORÐA OG HVERNIG Á AÐ DREPA
TÍMANN Á LÖNGUM FERÐALÖGUM?
FERÐIR FYRIR FÓLK SEM ÞRÁIR
AÐRA HLUTI EN SÓL, BJÓR OG STUÐ
RÉTTSÝNI
FERÐALANGURINN
GÖNGUFERÐIR
UM EVRÓPU