Fréttablaðið - 29.06.2008, Blaðsíða 20

4 FERÐALÖG
London: Tower of London
Allir krakkar fara núna í London Eye en
þessi gamli kastali er alltaf jafn áhugaverð-
ur fyrir yngstu kynslóðina. Tower of Lond-
on hýsti einu sinni fræga konunga, fagrar
kapellur og óhugnanlegt fangelsi. Hér er
ýmislegt að skoða, allt frá konunglegum
gersemum upp í hryllilega fangaklefa og
svo hina frægu „Beefeaters“ verði drottn-
ingar sem spássera um skrautklæddir.
Gefið ykkur nógan tíma því það er svo mikið
að sjá.
París: Batobus
Þegar þið hafið fengið nóg af Eiffelturnin-
um og Sigurboganum er upplagt að skella
sér í bátsferð um Signu. Batobus er eins-
konar vatnaleigubíll sem stoppar á helstu
túristastöðum borgarinnar eins og Louvre
og Notre Dame. Það er hægt að kaupa dag-
passa og hoppa í og úr bátnum eftir vild.
Barcelona: Montjuic-garðurinn
Stórfenglegur staður fyrir krakka að skoða.
Montjuic er kastali frá 18. öld með útsýni
yfir Miðjarðarhafið og endalausum falleg-
um garði. Krakkar geta hlaupið um og baðað
sig í kælandi gosbrunnum, skoðað listaverk
eftir Joan Miro, skemmt sér á leikvöllum
eða farið í lautarferðir.
Berlín: Zoologischer Garten
Einn skemmtilegasti dýragarður í heimi er
einmitt í Berlín og er algjörlega ómissandi
fyrir unga sem aldna. Hér er til dæmis
ísbjörninn Knútur og það er hægt að horfa á
flóðhesta synda, í gegnum þar til gert gler.
Börnum þykir líka spennandi að skoða krók-
ódíla, marglyttur og kolkrabba í sjávarsafn-
inu og svo er skemmtilegur leikvöllur eða
Spielplatz þar sem hægt er að klifra í ævin-
týralegum leikgrindum.
HEIMURINN MEÐ AUGUM SMÁFÓLKSINS
Börnum fi nnst ævintýralega gaman að skoða nýja staði. Það er óþarfi að kvíða því að börnin hafi ekki nóg fyrir stafni í borgarferðum því
af nógu er að taka. Anna Margrét Björnsson tók saman nokkra skemmtilega hluti sem krakkar geta skoðað í sumar.
HVAÐ Á AÐ TAKA MEÐ?
Ef þú ert að ferðast með ungbarn eða smábarn er gott
að reyna að hafa sem minnst með. Margir foreldrar
virðast halda að það sé bráðnauðsynlegt að taka með
„réttu“ bleyjutegundina, barnamatinn og allan fata- og
dótaskápinn. En börn eru mun nægjusamari en við
höldum og helstu nauðsynjar eru fáanlegar á flestöllum
stöðum (nema þú hafir skipulagt frumskógarferð með
litla erfingjann).
HLUTIR SEM MAÐUR ÆTTI EKKI AÐ GLEYMA ERU:
1. Vegabréf, sjúkratrygging og heilsufarsupplýsingar.
2. Fatnaður: Föt til að vera í á löngum ferðalögum,
sundföt, þægilegir skór, regnyfirhöfn og eitthvað spari-
legt ef maður fer fínt út að borða. Og auðvitað nóg af
nærfötum og sokkum. Mundu líka að það er oft kalt í
flugvélum svo að hlýjar golftreyjur eru bráðnauðsynleg-
ar. 3. Lítið snyrtiveski með helstu meðulum, naglas-
kærum og plástrum er líka eitthvað sem alltaf ætti að
vera í farteskinu. 4. Myndavél til að rifja upp með þeim
alla þessa skemmtilegu hluti sem þið gerðuð í fríinu.
Að síðustu, munið að það getur komið fyrir að maður
þurfi að hlaupa á flugvellinum til að ná tengiflugi og
því er alltaf betra að hafa sem fæstar töskur og láta
smáfólkið bera sem minnst.
HVERNIG Á AÐ DREPA TÍMANN?
Foreldrar eru oft alltof hræddir við að börnum
þeirra byrji að leiðast um leið og þau eru sest upp
í flugvélina/bílinn/rútuna. Börnum finnst yfirleitt
gaman að nýjungum og að horfa út um gluggann
í dágóða stund. Ræðið við þau um það sem fyrir
augu ber og það er alltaf gott að vera vel upp-
fræddur sjálfur um áfangastaðina framundan svo
þið getið rætt um hvað þið ætlið að sjá þegar
þangað kemur. Þegar þolinmæðin er alveg á
þrotum er gott að vera með ferðaleiki, spil, bækur
og iPod (það er stórsniðugt að hlaða nokkrum
skemmtilegum barnasögum og plötum inn á hann
áður en haldið er af stað. Krakkarnir fíla kannski
ekki Sigur Rós). Svo er vinsælt að kaupa eitt nýtt
leikfang til að skoða á leiðinni, það þarf ekki að
vera dýrt en allt sem er nýtt er óneitanlega meira
spennandi.
HVAÐ Á AÐ BORÐA Í NÝJU LANDI?
Matur getur verið eitt það skemmtilegasta við það
að ferðast með börnum, en einnig það leiðinlegasta.
Þegar börn verða svöng geta þau orðið bæði skap-
vond og matvönd. Nokkur góð ráð eru 1. Að byrja dag-
inn á staðgóðum morgunverði. 2. Lautarferðir. Það er
alltaf hægt að setjast á bekk í skemmtigarði, á grasið í
sveitinni eða jafnvel í lest og flugvél með ilmandi ferskt
„baguette“ og ávaxtasafa. 3. Ekki ákveða fyrirfram að
börnin borði bara pylsur og hamborgara. Minningar
okkar um staði tengjast gjarnan matnum sem við borð-
uðum. Leyfðu þeim endilega að bragða á matnum sem
heimamenn borða og hvettu börnin til að prófa nýja
hluti og leyfðu þeim að velja sjálf af matseðlinum. 4.
Farðu einu sinni fínt út að borða. Börn hafa líka gaman
af því að vera prúðbúin og njóta fallegs veitingastaðar.
En til þess að vera viss um að þjónarnir stari ekki á þig
með súrum svip er ágætt að spyrja áður en maður sest
hvort börn séu velkomin eða hvort staðurinn bjóði upp
á barnamatseðil.
HVAÐ Á AÐ VARAST Í STÓRBORGUM?
Það er gott að hafa allan vara á en óþarfi að vera
í svo mikilli paník að maður hræði börnin. Ekki
ákveða fyrirfram að allt sé hættulegt og allir séu
bófar. Áður en þú ferð með börn út að ganga er
ágætt að lesa sér til um hvaða hverfi eru talin
óæskilegri en önnur. Reynið að villast ekki sjálf
og vera vel undirbúin: með kort af borginni og
óhrædd að spyrja ótal spurninga á hótelinu. Munið
að vera með öll veski vel rennd upp og passa ætíð
upp á að lenda ekki í vasaþjófum.
,
www.icelandexpress.is
með ánægju
Eins og alltaf fá börn helmingsafslátt* og því tilvalið fyrir
fjölskylduna að skella sér í ævintýraferð til Evrópu með
Iceland Express. Barnabox með léttri máltíð, litabók og
litum stytta svo ungum ferðalöngum stundir á leiðinni!
Bókaðu fjölskylduferðina á www.icelandexpress.is
*Börn, 11 ára og yngri í fylgd með fullorðnum, fá helmingsafslátt af verði fyrir skatta og aðrar greiðslur.
50%