Fréttablaðið - 01.07.2008, Blaðsíða 10

10 1. júlí 2008 ÞRIÐJUDAGUR
FÓTBOLTASVÍN Þessi knáu fótboltasvín
– sem eru að vísu úr plasti – sáust á velli
í þýska bænum Meckenbeuren nærri
Friedrichshafen í tilefni af EM. Slátrari á
staðnum setti hinn svínslega fótboltaleik
á svið í auglýsingaskyni. FRÉTTABLAÐIÐ/AP
MATVÆLI Neytendur verða að geta
treyst því að fiskafurðir sem þeir
kaupa séu unnar úr stofnum sem
nýttir eru á sjálfbæran hátt. Þetta
var meðal niðurstaðna sumar-
fundar matvælaráðherra
Norðurlandanna, sem Einar K.
Guðfinnsson, sjávarútvegs- og
landbúnaðarráðherra, sótti í
síðustu viku. Fundinum lauk í
Växjö í Svíþjóð á föstudag.
Ráðherrarnir hvöttu til
merkinga og rekjanleika á
fiskafurðum sem veiddar eru á
sjálfbæran hátt. Einnig lýstu þeir
yfir áhyggjum af fyrirhuguðu
banni Evrópusambandsins á
viðskiptum með selskinn. Þá var
töluvert rætt um áhrif loftslags-
breytinga á matvælaframleiðslu á
Norðurlöndum. - kg
Fundur matvælaráðherra:
Hvetja til auk-
ins rekjanleika
PÓLLAND, AP Áfrýjunardómstóll í
Varsjá úrskurðaði í gær að ekkert
væri lengur því til fyrirstöðu að
Wojciech Jaruzelski, fyrrverandi
hershöfðingi og leiðtogi kommún-
istastjórnarinnar í landinu, yrði
dreginn fyrir rétt fyrir að hafa sett
herlög árið 1981.
Í skjóli herlaganna var á sínum
tíma gerð tilraun til að ganga milli
bols og höfuðs á andófi lýðrétt-
indasinna sem verkalýðshreyfing-
in Samstaða fór fyrir. Um 100
manns dóu í átökunum.
Með þessari niðurstöðu var
úrskurði undirréttar hnekkt. Þar
var krafist að saksóknarar söfnuðu
frekari sönnunargögnum. - aa
Dómstóll í Póllandi:
Hægt að rétta
yfir Jaruzelski
HEILBRIGÐISMÁL Fyrstu fimm
mánuði ársins bárust samtals
þrjátíu tilkynningar frá sýkla-
fræðideild Landspítala til
sóttvarnalæknis um kampýló-
baktersýkingar í mönnum.
Flestir, eða 16 manns, voru
búsettir á höfuðborgarsvæðinu
en sex sem greindust voru með
búsetu á Reyðarfirði í maímán-
uði.
Sýkingarnar á Reyðarfirði
voru ekki tengdar ferðalögum
heldur smituðust einstaklingarn-
ir á staðnum.
Upptök smitsins eru ókunn
þrátt fyrir ítarlega rannsókn í
samvinnu við heilbrigðiseftirlit
Austurlands og lækna á Austur-
landi.
Reglubundnar árstíðabundnar
sveiflur í fjölda sýkinga af
völdum kampýlóbakters eru vel
þekktar með auknum fjölda
tilfella á sumrin. - shá
Kamfýlóbaktersýkingar:
30 tilkynningar
um sýkingar
MENNTAMÁL Háskóla Íslands hefur
verið skipt í fimm fræðasvið og
myndar Kennaraháskólinn stofn-
inn í einu þeirra, menntasviði.
Önnur fræðasvið verða nú félags-
vísindasvið, heilbrigðisvísinda-
svið, hugvísindasvið og verkfræði-
og náttúruvísindasvið.
Ólafur Proppé, fráfarandi rektor
Kennaraháskólans, lýkur störfum í
haust þegar ráðið hefur verið í
stöðu forseta menntavísindasviðs.
„Ég er að fara á eftirlaun svo að nú
fá ferskir vindar að blása,“ segir
Ólafur. Hann bætir því við að þrátt
fyrir að sameiningin eigi sér stað í
dag sé ferlið ennþá í vinnslu og það
eigi eftir að taka nokkur misseri
fyrir alla þætti sameiningarinnar
að falla á sinn stað.
Ólafur segir að samstarfið á milli
skólanna hafi verið einkar ánægju-
legt. „Það hefur verið langur
aðdragandi, við höfum unnið mark-
visst að sameiningunni um nokkurt
skeið og hér hefur ríkt góður hugur.
Samstarfið hefur verið í senn ögr-
andi og skemmtilegt verkefni.“
Kennaraháskólinn hefur verið á
háskólastigi síðan árið 1971. Hann
var fyrir rúmum tíu árum
sameinaður Þroskaþjálfaskólan-
um, Fósturskólanum og Íþrótta-
skólanum sem þá voru færð upp á
háskólastig. Skólinn hefur síðan
myndað öflugan kjarna kennara-
menntunar á Íslandi. Í Háskóla
Íslands verður uppeldis- og mennt-
unarfræðideild einnig innan
vébanda menntunarsviðsins en
þannig verður kennaramenntun-
inni gert kleift að eflast enn frekar,
bæði á grunn- og framhaldsstigi.
Sameiningin eykur möguleika á
þverfaglegri nálgun í kennslu og
rannsóknum. Í vor var lögum um
skólastig í landinu breytt en þau
fela í sér lengingu kennaranáms og
kröfu um meistaragráðu.
Ólafur segir sameininguna vera
afskaplega jákvætt skref fyrir
kennaramenntun hérlendis. „Ég tel
að ef við höldum vel á málum þá
verði þetta til þess að efla kennslu
hér á landi enn frekar.“
helgath@frettabladid.is
Kennaraháskólinn í
eina sæng með HÍ
Í dag sameinast Kennaraháskóli Íslands og Háskóli Íslands undir einu nafni og
merki. Á sama tíma verður ný stjórnskipan Háskólans tekin í notkun. Eftir sam-
eininguna verða nemendur Háskóla Íslands um þrettán þúsund talsins.
Skólinn er jafngamall opinberri
fræðsluskyldu á Íslandi. Hann var
stofnaður með lögum árið 1907 en
hóf kennslu haustið 1908. Lengi
voru karlmenn í meirihluta í stétt-
inni en árið 1919 voru kennslukonur
þó fjölmennasta kvennastéttin sem
naut sömu kjara og karlar.
Framan af voru inntökupróf í
skólann en árið 1947 voru það
landspróf og gagnfræðapróf sem
veittu rétt til náms. Skólinn fékk
viðbótarrými í Stakkahlíð árið 1962
þar sem hann hefur haft aðstöðu
síðan.
Kennaraskólanum var breytt í
Kennaraháskóla Íslands með lögum
árið 1971. Lengi var aðeins grunn-
nám í boði en á tíunda áratugunum
hófst framhaldsnám og útskrifuðust
fyrstu nemar með M.Ed. gráðu árið
1996.
Kennaraháskólinn hefur boðið
upp á öfluga fjarkennslu í áraraðir.
Fyrst hófst hún sem tækifæri fyrir
starfandi kennara til að ná sér í
réttindi en nú er fjarnám hliðstætt
staðnáminu.
Nýjar námsbrautir bættust við
þegar Kennaraháskólinn sameinað-
ist Fósturskólanum, Íþróttakennara-
skólanum og Þroskaþjálfaskólanum
í byrjun árs 1998.
Sameining KHÍ við Háskóla
Íslands markar hundrað ára afmæli
skólans.
KENNARAHÁSKÓLINN Í HUNDRAÐ ÁR
STJÓRNMÁL „Með þessari laga-
breytingu hefur ríkisstjórnin
útrýmt lagalegri mismunun
gagnvart samkynhneigðum og því
ber að fagna.“ Þetta segir í ályktun
Heimdallar, félags ungra sjálf-
stæðismanna í Reykjavík.
Í ályktuninni fagna Heimdelling-
ar breytingu á lögum um staðfesta
samvist en með þeim er prestum
og forstöðumönnum trúfélaga gert
heimilt að staðfesta samvist
samkynhneigðra.
„Það er táknrænt að lögin taki
gildi í dag, 27. júní, á alþjóðlegum
mannréttindabaráttudegi samkyn-
hneigðra,“ segir enn fremur í
ályktuninni. - vsp
Heimdallur ályktar:
Fagna laga-
breytingu
FJÖLMIÐLAR Foreldrasamtök gegn áfengisaug-
lýsingum hafa sent menntamálaráðherra,
Lögreglustjóranum í Reykjavík og stjórn RÚV
ohf. bréf þar sem kerfisbundnum áfengisaug-
lýsingum, til dæmis í Popplandi, er mótmælt
og skorað á stjórn RÚV að stöðva allar þessar
beinu og óbeinu áfengisauglýsingar.
Foreldrasamtökin lýsa vonbrigðum sínum
með það að RÚV birti kerfisbundið áfengis-
auglýsingar og virði þannig réttindi barna og
unglinga í landinu að vettugi og brjóti á
lögvörðum rétti þeirra til þess að vera laus við
áfengisáróður.
„Samtökin skora hér með á stjórn RÚV ohf.
að stöðva allar þessar beinu og óbeinu
áfengisauglýsingar sem allar eiga það
sammerkt að vera ólöglegar og langt fyrir
neðan virðingu fyrirtækisins. Telji fyrirtækið
minnsta vafa hvað varðar „lögmæti“ þessara
áfengisauglýsinga þá ber því hlutverki sínu
samkvæmt að láta börn og unglinga í landinu
njóta þess vafa,“ segir í bréfinu.
Ómar Benediktsson, stjórnarformaður
RÚV, hafði ekki fengið bréfið eða séð það í
gær en hafði heyrt af því og spurst fyrir um
það. Hann sagði að auglýsingabirtingar RÚV
væru í samræmi við lög og reglur. RÚV virti
lög og reglur og auglýsingarnar væru í
samræmi við það. Ef sleppa ætti að birta
einhvern hluta þeirra væri verið að „opna hít.
Það verða bara allir að fara eftir sömu
reglum,“ sagði hann.
Ómar vildi ekki segja hvort bréfið yrði tekið
fyrir í stjórn Foreldrasamtakanna. - ghs
Foreldrasamtök mótmæla birtingu áfengisauglýsinga hjá RÚV:
Vilja að RÚV hætti birtingum
ALLIR FARI EFTIR REGLUNUM „Það verða bara allir að
fara eftir sömu reglum,“ segir Ómar Benediktsson,
stjórnarformaður RÚV ohf.
KAUPMANNAHÖFN Skiptar skoðanir eru meðal Dana
um risavaxinn skúlptúr sem fyrirhugað er að reisa í
sjónum fyrir utan Trekroner í Kaupmannahöfn.
Ráðgert er að hann vegi átján hundruð tonn og verði
72,5 metrar á hæð, sem er aðeins tveimur metrum
lægra en Hallgrímskirkjuturn. Hann mun því bera
nafnið Stóri-Róbert með rentu en nafnið er til komið
annars vegar vegna stærðarinnar og hins vegar til
minningar um listamanninn Robert Jacobsen sem
gerði styttuna. Vakin er athygli á því að nafnið
tengist ekki samnefndri fatakeðju fyrir stóra
karlmenn.
Stóri-Róbert er talinn geta orðið nokkurs konar
frelsisstytta eða táknmynd Kaupmannahafnar og
hefur Berlingske Tidende eftir einum fylgismanna
styttunnar að hún geti orðið táknmynd fyrir alla
Danmörku og jafnvel Norðurlöndin.
Skoðanir hafa ekki einungis verið skiptar um
fegurð verksins og stærð heldur hefur kostnaðurinn
við styttuna líka vakið umtal. Hann er tæpir 3,3
milljarðar íslenskra króna.
Ef af framkvæmdum verður mun Stóri-Róbert að
öllum líkindum vera tilbúinn árið 2010. - ges
Deilt um áform um að reisa risavaxinn skúlptúr fyrir utan Kaupmannahöfn:
70 metra risi við innsiglinguna
STÓRI-RÓBERT Skúlptúrinn er enginn smásmíði og sitt sýnist
hverjum um fegurðargildi hans.
KÍNA, AP Í dag hefjast tveggja
daga viðræður kínverskra
yfirvalda við
sendimenn Dalai
Lama, andlegs
leiðtoga Tíbeta,
um stöðu Tíbets í
Kína.
Viðræðurnar
eru framhald
viðræðna sem
fram fóru í maí í
kjölfar uppreisn-
ar Tíbeta í Lhasa,
höfuðstað Tíbets,
og víðar í Kína í
mars. Tugir létu
þá lífið í blóðugum uppþotum.
Kínverjar hafa stjórnað Tíbet
með harðri hendi frá því þeir
réðust þangað inn á sjötta áratug
síðustu aldar.
Sumir sérfræðingar telja að
Kínverjar hafi aðeins samþykkt
viðræður til málamynda, til að
losna við gagnrýni fyrir Ólympíu-
leikana í Peking. - gh
Viðræður í Kína:
Rætt við full-
trúa Dalai Lama
DALAI LAMA.
FRÉTTABLAÐIÐ/AP
GAMLI KENNARA-
HÁSKÓLINN KHÍ
verður nú hluti af
Háskóla Íslands.
FRÉTTABLAÐIÐ/ANTON
ÓLAFUR PROPPÉ
Fráfarandi rektor
Kennaraháskól-
ans.
BANDARÍKIN, AP George W. Bush
Bandaríkjaforseti staðfesti í gær
fjárveitingu Bandaríkjaþings til
stríðsrekstursins í Írak og
Afganistan upp á 162 milljarða
dollara, jafnvirði tæplega þrettán
þúsund milljarða íslenskra króna.
Bush lýsti ánægju sinni með að
samstaða hefði náðst með
repúblikönum og demókrötum í
þinginu um fjárveitinguna sem
dugar nokkuð fram á næsta ár,
þegar nýr forseti verður tekinn
við.
Bandaríska þingið hefur nú í
heild samþykkt jafnvirði rúmlega
fimmtíu þúsund milljarða króna
fjárveitingar í stríðsreksturinn í
Írak og tæplega sextán þúsund
milljarða í aðgerðir í Afganistan.
- gh
Stríðsrekstur Bandaríkjanna:
Sjötíu þúsund
milljarðar
GEORGE W. BUSH Demókrötum á Banda-
ríkjaþingi hefur ekki tekist að fá settan
tímaramma fyrir brottför bandarískra
hermanna frá Írak. FRÉTTABLAÐIÐ/AP