Fréttablaðið - 01.07.2008, Blaðsíða 22
● lh hestar 1. JÚLÍ 2008 ÞRIÐJUDAGUR2
Hella er 750 manna bær á Suður-
landi, um 100 kílómetra austur frá
Reykjavík og um 50 kílómetrum
austar en Selfoss. Gaddstaða flatir,
mótssvæðið, er alveg við bæjar-
mörkin á Hellu og minnsta mál að
fara gangandi í „kaupstaðinn“.
Suðurland er þéttbýlt og víða
hægt að fá gistingu á notalegum
sveitabæjum, auk þess sem næg
tjaldstæði eru á Gaddstaðaflötum.
Margir ferðaþjónustubæir eru með
hestaleigu, lengri og styttri ferðir.
Einnig eru í boði óteljandi aðrir
afþreyingarmöguleikar: Skoðunar-
ferðir um Njáluslóðir, siglingar í ám
og vötnum, og allt þar á milli! Ef þú
hefur ekki ennþá uppgötvað Lands-
mót, eða hefur ennþá ekki tekið
ákvörðun um hvort þú ætlar þang-
að, þá getur þú fundið allar hagnýt-
ar upplýsingar á www.landsmot.is. Gaddstaðaflatir við Hellu. MYND/LANDSMÓT EHF.
Landsmót haldið á Hellu
L
andsmót hestamanna eru haldin annað hvert
ár. Hið átjánda í röðinni fer nú fram hér á
Gaddstaðaflötum við Hellu. Landsmótsár
eru jafnan þrungin spennu og eftirvæntingu. Allir
sem rækta, temja og sýna hross, leggja nótt við dag.
Landsmótin eru gluggi á það hvernig til tekst. Hér
gefst hestafólki tækifæri til að kynna sér strauma
og stefnur og meta hvort við séum á réttri braut
Mikið vatn hefur runnið til sjávar frá því fyrsta
Landsmótið var haldið á Þingvöllum 1950. Þá átti
íslenski hesturinn undir högg að sækja. Framsýn-
ir hestamenn snéru vörn í sókn og bundust samtökum um að standa vörð
um þennan mikilvæga þjóðararf. Landssamband hestamannafélaga var
stofnað. Hlutverk hestsins hefur breyst frá því að vera þarfasti þjónninn,
sem flutti björg í bú og var helsta samgöngutæki þjóðarinnar, yfir í að vera
gleðigjafi þúsunda, bæði hér heima og erlendis.
Nú eru fjörutíu og sjö hestamannafélög í Landssambandi hestamanna-
félaga, hringinn í kringum landið. LH er þriðja stærsta sérsambandið innan
ÍSÍ með yfir þrjátíu þúsund iðkendur. Hestamennskan er fjölskylduvæn
íþrótt sem nýtur sívaxandi vinsælda. Iðkendum fjölgar stöðugt. Íslendingar
teljast orðið til hestaþjóða heimsins.
LH er aðili að FEIF, alþjóðlegum samtökum eigenda íslenskra hrossa. Í
FEIF eru nú átján þjóðir og iðkendur eru um sjötíu þúsund. Í útlöndum eru
meira en hundrað þúsund hross, töluvert fleiri en til eru hér á landi. Erlend
samskipti hafa stóraukist og verða æ stærri þáttur í félagsstarfi hesta-
manna með hverju árinu. Það er viðurkennt að íslenski hesturinn hefur
kynnt Ísland og íslensku þjóðina meira og betur heldur en nokkuð annað.
Hann hefur verið kallaður besti íslenski ambassadorinn. Hestatengd at-
vinnustarfsemi hér á landi blómstrar. Talið er að hún velti nú um fjórtán
milljörðum króna á ári og er hún þar með orðin mikilvægur þáttur í ís-
lenska hagkerfinu.
Það er ánægjulegt fyrir okkur hestamenn að verða vitni að því hér á
þessu Landsmóti hversu vel hestamannafélögin í landinu hafa sinnt sínu
hlutverki. Hestaíþróttinni vex stöðugt fiskur um hrygg. Hún var og er snar
þáttur í menningu þjóðarinnar. Ég vil fyrir hönd stjórnar Landssambands
hestamannafélaga þakka öllu því góða fólki sem komið hefur að undir-
búningi og framkvæmd þessa móts. Þátttakendum óska ég góðs gengis og
áhorfendum góðrar skemmtunar.
Að lokum vil ég minna á kjörorð Landssambands hestamannafélaga.
Hestamennska er: ÍÞRÓTT – MENNING – LÍFSSTÍLL.
Átjánda Landsmót
hestamanna
Haraldur Þórarinsson
Toyota á Íslandi hefur heitið
nýjum Hilux jeppa að verð-
mæti 4,3 milljónir króna á
þann sem slær heimsmet Drífu
frá Hafsteinsstöðum í 100
metra skeiði á LM2008. Hlaup-
ið er á dagskrá klukkan 19.30 á
laugardagskvöldið.
Flott er hjá Toyota-mönnum að
leggja svo rausnarlega undir. Lík-
urnar á að þeir vinni eru góðar.
En þeir gætu líka tapað. Það sem
einu sinni hefur gerst getur alltaf
gerst aftur. Drífa er eitt fljótasta
skeiðhross í heimi. Hún setti metið
í fyrra á skeiðleikum Skeiðfélags-
ins á velli Sleipnis á Selfossi, 7,18
sekúndur. Hún gæti auðveldlega
slegið það aftur við góðar aðstæður
og hefur ótal sinnum hlaupið undir
7,5 sekúndum. Hundrað metra
skeiðið er ung keppnisgrein. Nýtt
heimsmet hefur verið slegið á
hverju ári undanfarin ár. Það má
því segja að helmingslíkur séu á
að metið verði slegið.
FLEIRI FLJÓT SKEIÐHROSS
En það eru fleiri fljót hross skráð
til leiks. Má þar nefna fyrrver-
andi heimsmethafa í greininni,
Móses frá Grenstanga (7,26 sek-
úndur) og knapa hans Ragnar
Tómasson, Ester frá Hólum (7,29
sekúndur) og Þórarin Eymunds-
son, og Hreim frá Barkarstöðum
(7,64 sekúndur) og Viðar Ingólfs-
son. Þessi hross hafa öll getu til
að hlaupa hratt og gætu auðveld-
lega gert usla á góðum degi. Krist-
inn G. Bjarnason hjá Toyota á Ís-
landi er þó hvergi banginn, enda
tilbúinn að taka hvorri niðurstöð-
unni sem er. „Bíllinn verður á mót-
inu og lyklarnir eru klárir um leið
og við fáum staðfestingu á að nýtt
met hafi verið slegið,“ segir hann.
Hilux fyrir heimsmet
Drífa frá Hafsteinsstöðum, heimsmethafi í 100 metra skeiði. Knapi Sigurður Sigurðarson. MYND/JENS EINARSSON
Kristinn G. Bjarnason og Jóna Fanney Friðriksdóttir, framkvæmdastjóri LM2008, við
nýja Hiluxinn eftir að hafa handsalað veðmálið. MYND/TOYOTA Á ÍSLANDI
Gæðingar geta enst fram í háa
elli. Á LM2008 eru skráðir til
leiks hestar sem eru komnir vel
á þrítugsaldurinn. Þar má nefna
Seið frá Sigmundarstöðum, 23
vetra. Hann hefur verið í keppni
meira og minna frá því hann var
5 vetra. Hann var keppnis hestur
Daníels Inga Smárasonar í Sörla
í mörg ár. Síðan gekk hann yfir
til kærustunnar, Berglindar Rósu
Guðmundsdóttur. Bæði unnu
þau marga Íslandsmeistaratitla
á honum. Nú hefur Seiður feng-
ið enn eitt hlutverkið og er nú
keppnishestur Valdísar Bjarkar
Guðmundsdóttur, systur Berg-
lindar. Þau keppa í barnaflokki á
LM2008 fyrir Gust.
Gamlir og góðir á
Landsmóti 2008
Seiður frá Sigmundarstöðum. Knapi
Berglind Rósa Guðmundsdóttir.
MYND/JENS EINARSSON
Málgagn Landssambands hestamannafélaga
Útgefandi: Landssamband hestamannafélaga
Heimilisfang: Íþróttamiðstöðin, Engjavegi 6, 104 Reykjavík
Netfang: lh@isisport.is Sími: 514-4030
Ritstjóri og ábyrgðarmaður: Jens Einarsson
Netfang: jenseinars@simnet.is Sími: 862-7898
Auglýsingar: Fréttablaðið/Bjarni Þór Sigurðsson
sími: 512-5435, GSM 822-5062
HELSTU SAMSTARFSAÐILAR LH ERU:
lh hestar
ÍÞRÓTT • MENNING • LÍFSSTÍLL