Fréttablaðið - 01.07.2008, Blaðsíða 24

● lh hestar 1. JÚLÍ 2008 ÞRIÐJUDAGUR4
Alltaf er forvitnilegt að skoða elsta og yngsta
keppandann á hverju Landsmóti. Oftast eru
það margir áratugir sem skilja á milli. Kyn-
slóðabil í hestamennsku er ekkert.
Að þessu sinni er það Erling Sigurðsson, 66
ára, sem vermir toppsætið í elsta flokki. Hann
keppir fyrir Andvara. Yngsti fulltrúi ungu
kynslóðarinnar er aftur á móti Ylfa Guðrún
Svafarsdóttir, átta ára. Hún keppir fyrir Fák.
Erling, eða Elli Sig eins og við hestamenn
köllum hann, er gamalreyndur keppnismað-
ur í hestaíþróttum. Hann hefur tekið þátt í
öllum Landsmótum hestamanna frá LM1958
á Skógar hólum, ýmist sem knapi eða eigandi
keppnishrossa. Hann er frægur fyrir keppnis-
skap og þrautseigju. Það væri lygi að segja
að hann sé alltaf ljúfur sem lamb. Hann lætur
stundum í sér heyra og þá hressilega. En 98
prósent er hann húmoristi fram í fingurgóma,
hjálpsamur og góður félagi. Síungur í anda.
Erling keppir í A-flokki á Hnikari frá Ytra-
Dalsgerði.
Ylfa Guðrún er að stíga, eða öllu heldur
ríða, sín fyrstu spor í keppni. Hún er eld heitur
hestamaður og keppnismaður. Hún veit hvað
hún vill. Vont veður er ekki til í hennar orða-
forða. Það er alltaf hægt að ríða út. Þótt hún sé
aðeins átta ára er hún smám saman að taka að
sér framkvæmdastjórnina í hesthúsinu. Það er
hún sem dregur mömmu og pabba á hestbak.
Barnaflokkur er í raun fyrir tíu til þrettán
ára börn. Yngri börn mega þó taka þátt sam-
kvæmt reglum. Guðrún Ylfa keppir á hestin-
um Gammi frá Ási I í Hegranesi. Þess má geta
að hún varð efst í pollaflokki á gæðingamóti
Fáks á Hvin frá Syðra-Fjalli.
Kynslóðabil í hestamennsku er ekkert
Ekkert kynslóðabil er í hestamennskunni. Erling, 66 ára,
og Guðrún Ylfa, átta ára, taka bæði þátt í Landsmóti.
MYND/JENS EINARSSON
Hertz bílaleiga er einn af
styrktaraðilum LM2008. Fram-
kvæmdastjóri Hertz er Björgvin
Njáll Ingólfsson. Þegar LH Hestar
höfðu samband við kappann
kom ýmislegt forvitnilegt í ljós.
MEÐ BINDI Í BÆNUM  Í STRIGASKÓM Í
FLÓANUM
Björgvin getur vart talist hefð-
bundinn framkvæmdastjóri í stór-
fyrirtæki í Reykjavík. Hann býr
ásamt konu sinni Sóleyju Andrés-
dóttur á Tungu í Flóahreppi. Þar eru
þau með nokkra hesta, kindur, naut-
gripi, íslenskar landnáms hænur
og síðast en ekki síst sveitabúð-
ina Sóley, gjafavörubúð að danskri
fyrirmynd. Einnig taka þau á móti
óvissuferðum frá fyrirtækjum og
bjóða upp á ýmiskonar afþreyingu
fyrir þá hópa. Björgvin var að slá
þegar blaðamann bar að garði í
Tungu. Hann var frjálslegur þegar
hann stökk niður úr gömlum Zetor, í
jogging buxum og strigaskóm.
AÐ LÁTA SVEITADRAUMINN RÆTAST
„Það kemur ekkert annað til greina
en að búa í sveit,“ segir Björgvin.
„Við erum búin að vera hér í sex ár
og þar áður áttum við jörð í Rangár-
vallasýslu. Ég vinn í Reykjavík.
Sóley er kennari og sjúkraliði en
hefur haft atvinnu af þessum bú-
skap okkar hér undanfarin ár. Við
erum með um þrjátíu kindur og dá-
lítið af nautgripum. Við seljum af-
urðirnar sjálf og höfum meira út
úr því en að leggja gripina inn, þótt
við þurfum að greiða sláturkostnað
og kjötvinnslu. Sveitabúðin Sóley
er opin allt árið, en bara þegar
við erum heima. Viðskiptavinirn-
ir eru meðal annars fólk úr sumar-
bústöðum hér í kring, en einnig er
tölvuvert um að fólk geri sér ferð
úr höfuð borginni. Fólk hringir á
undan sér og spyr hvort að það sé
opið. Það er hægt að skapa sér at-
vinnu á ýmsan hátt. Tækifærin eru
alls staðar, bara spurning um vilja
til að koma auga á þau.“
FYRIRTÆKIN OG SAMFÉLAGIÐ
„Hertz er ein af þremur stærstu
bílaleigum á Íslandi. Ég er búinn að
vinna þar í eitt og hálft ár og líkar
það mjög vel. Starfsmenn eru 45
á veturna en áttatíu á sumrin. Við
erum með um 1.300 bíla yfir sum-
armánuðina, en fækkum þeim í 600
á veturna. Kúnstin í þessum bransa
er að þreyja þorrann og góuna. Það
gildir líka að vera með opinn huga.
Hertz á Íslandi er fyrsta bílaleiga í
heimi til að taka vetnisbíla í flotann.
Það hefur vakið mikla athygli er-
lendis. Hertz er í eigu Magnúsar
Kristinssonar. Hann er góður vinnu-
veitandi. Eitt af því sem hann leggur
áherslu á er að taka þátt í samfélags-
legum verkefnum, eins og Lands-
móti hestamanna til dæmis. Hefð-
bundnar auglýsingar eru ágætar. En
okkur finnst það ekki síður góður
kostur ef hægt er að sameina mark-
aðssetningu, og að láta gott af sér
leiða,“ segir Björgvin.
Að lokum er vakin athygli á því
að Hertz er með bíla til leigu á
LM2008 á Gaddstaðaflötum. Þar
verður hægt að fá fjölbreytt úrval
bíla af öllum stærðum á góðu verði.
Hertz – Hestamennska
Björgvin og Sóley á góðri stund í sveitabúðinni. MYND/JENS EINARSSON
Landsmót var fyrst haldið á Gadd-
staðaflötum árið 1986. Einar
Öder Magnússon var aðalstjarna
mótsins. Hann sat efsta hest í A
flokki, Júní frá Syðri-Gróf, bræð-
urna Otur og Kjarval frá Sauðár-
króki, sem stóðu efstir í fjögra og
fimm vetra flokki, stóðhestinn
Flosa frá Brunnum og klárhryss-
una Tinnu frá Flúðum. Kristall
frá Kolkuósi varð efstur í B flokki
gæðinga, knapi Gylfi Gunnarsson,
og Olil Amble vann töltið á Snjalli
frá Gerðum. Ófeigur frá Hvanneyri
hlaut Sleipnisbikarinn og Krafla
frá Sauðárkróki varð efst í elsta
flokki hryssna.
Næsta Landsmót á Gaddstaða-
flötum var haldið 1994. Þá sló
Rauðhetta í gegn og setti heims-
met í einkunn kynbótahrossa,
fékk 8,81 í aðaleinkunn. Knapi var
Þórður Þorgeirsson, sem var knapi
mótsins og helsta stjarnan. Galsi
frá Sauðárkróki sló í gegn í fjögra
vetra flokki stóðhesta, knapi Bald-
vin Ari Guðlaugsson. Gustur frá
Hóli varð efstur í elsta flokki stóð-
hesta, fékk 9,01 fyrir kosti, knapi
Ragnar Ingólfsson. Þokki frá Garði
hlaut Sleipnisbikarinn. Töltið vann
Sigurbjörn Bárðarson á Oddi
frá Blönduósi. Orri frá Þúfu varð
efstur í B flokki gæðinga, knapi
Gunnar Arnarson, og í A flokki
varð efstur Dalvar frá Hrappsstöð-
um, eftir sögulegt fráhvarf Gýmis
frá Vindheimum. Knapi á Dalvari
var Daníel Jónsson.
Síðast var Landsmót haldið á
Gaddstaðaflötum 2004. Þar setti
Þóroddur frá Þóroddsstöðum
heimsmet í aðaleinkunn, 8,74, þá
fimm vetra. Knapi Daníel Jóns-
son. Hryðja frá Hvoli fékk 8,65 í
flokki sex vetra hryssna, þar af 10
fyrir skeið. Knapi Þorvaldur Árni
Þorvaldsson. Björk frá Litlu-Tungu
varð efst í flokki fjögra vetra
hryssna, fékk 8,49 í aðaleinkunn
og var ein af stjörnum mótsins.
Knapi Erlingur Erlingsson. Geisli
frá Sælukoti varð efstur í A flokki,
knapi Steingrímur Sigurðsson, og
í B flokki var það Rökkvi frá Hár-
laugsstöðum sem hirti gullið,
knapi Þorvaldur Árni Þorvaldsson.
Töltið vann Björn Jónsson á Lydíu
frá Vatnsleysu og Sleipnisbikarinn
hlaut Kraflar frá Miðsitju.
Tímarnir breytast og mennirn-
ir með. Sérð þú nokkuð fyrir þér
buxnasíða rappara á Þingvöllum
1950? Nei. En LM2008 á Gadd-
staðaflötum er allt annað mál.
Þar mun stíga á stokk rapphópur-
inn Óskar Axel og Karen, ásamt
DíJei Sigurði Antoni. Óskar og
Karen urðu í öðru sæti á Músík-
tilraunum í Tónabæ síðastlið-
inn vetur og hafa komið fram
við ýmis tækifæri síðan, meðal
annars á 17. júní í Reykjavík
þar sem þau sungu og léku fyrir
5.000 manns. Óskar Axel er texta-
höfundur hópsins. „Okkur lang-
ar að flytja birtu þangað sem
myrkur er. Textarnir fjalla meðal
annars um kynþáttafordóma og
eiturlyf. Við viljum vinna gegn
slíku,“ segir Óskar Axel.
Rappað á Landsmóti
Rapphópurinn: Karen Pálsdóttir, Óskar Axel Óskarsson og Sigurður Anton Kristjánsson.
MYND/JENS EINARSSON
Hafrar & bygg