Fréttablaðið - 01.07.2008, Blaðsíða 30

● lh hestar 1. JÚLÍ 2008 ÞRIÐJUDAGUR10
Erling Sigurðsson er elsti kepp-
andinn á LM2008. Hann er 66
ára og hefur verið þátttakandi
í öllum Landsmótum hesta-
manna frá því á Skógarhólum
1958. Hann segir að aldur sé
afstæður.
Erling man vel eftir LM1958 á
Skógarhólum. Hann var þá knapi
á tveimur stökkhestum og komst í
verðlaunasæti á öðrum þeirra.
„Ég var með Þröst Ólafs Þór-
arins sonar og Feng Birnu Nor-
dal í 300 metra stökkinu. Fengur
varð í öðru sæti. Ég var 16 ára og
svo léttur að það þurfti að þyngja
mig með blýhlunkum úr kafara-
belti. Lágmarksþyngd knapa var
65 kíló með hnakk og beisli og ég
þurfti sex hlunka, sem vógu eitt
kíló hver. En það er nú liðin tíð,“
segir Elli og lítur til hliðar með
glotti – „Þetta með þyngdarleysið
á ég við!“
STEIKJANDI HITI
„Það var óskaplega gott veður alla
mótsdagana. Hitinn fór upp undir
30 gráður á daginn. Það var allt
orðið skraufa þurrt. Á kvöldin og
nóttunni lá dalalæða yfir jörðinni.
Það var mikil tjaldborg, öll tjöldin
á afmörkuðu svæði. Það var óskap-
lega skemmtileg stemning. Mér er
minnisstætt hve klæðnaður kepp-
enda var misjafn. Foreldrar mínir
voru leiðandi í klæðaburði hvað
reiðfatnað snerti. Mamma var öll
kvöld að pússa stígvél og passa
að allt væri hreint og snyrtilegt.
Svo voru aðrir sem létu sér bara
nægja Nokia-stígvél, gallabuxur
og uppábrot.
Höskuldur Eyjólfsson á Hofs-
stöðum reið með okkur á Þingvöll.
Hann var mikill vinur foreldra
minna. Hann var einn fremsti
reiðmaður landsins á þeim tíma.
Þetta var mikil upplifun fyrir mig,
16 ára unglinginn.“
KAFALDSBYLUR Á LM1970
„Landsmótið á Skógarhólum 1970
er náttúrlega það mót sem situr
fastast í minningunni. Þá fórst
Bjarni Benediktsson eins og
flestir muna. Sömu nótt skall á
aftakaveður; kafaldsbylur í miðj-
um júlí. Hugsaðu þér! Það var
ökkladjúpur snjór í hestagirð-
ingunni. Tveir hestar króknuðu
og drápust. Þetta var ömurlegt.
Það bjargaði okkar hestum að við
tókum með okkur strigaábreið-
ur sem pabbi átti. Ég man hve ég
var hissa þegar hann sagði mér
að kippa þeim með. Það var ekki
venjan um hásumar.
Það eru nokkur hross sem
standa upp úr í minningunni
frá Landsmótum. Hrímnir frá
Hrafnagili og Náttfari frá Ytra-
Dalsgerði voru afbrigði hvor
á sinn hátt. Ólíkir snillingar.
Hlynur frá Bringu og Kristall frá
Kolkuósi brutu líka blað. Sérstak-
lega var það reiðmennska Eyjólfs
Ísólfssonar á Hlyn sem mark-
aði ákveðin þáttaskil. Dimma frá
Gunnarsholti situr líka í mér. Vel
tamin og fallega sýnd af Rúnu
Einarsdóttur.“
ALDUR ER SPURNING UM AFSTÖÐU
Erling hefur varið ófáum stund-
um í að þjálfa og undirbúa keppnis-
hesta. Hann er mjög nákvæmur
og telur ekki eftir sér handtökin.
Skeiðið hefur alltaf verið í uppá-
haldi. Af þekktum gæðingum og
skeiðhestum sem hann hefur verið
með um dagana má nefna Frama
frá Kirkjubæ, Þrótt frá Tungu-
hálsi, Vana frá Stóru-Laugum og
Vafa frá Hofstöðum. En er áhug-
inn ekki farinn að dvína með aldr-
inum?
„Nei. Þetta er alltaf jafn gaman
og mér finnst ég ekkert farinn
að eldast,“ segir Erling. „Aldur
er bara spurning um afstöðu.
Mér er svo minnisstætt þegar ég
var einu sinni að aðstoða gamlan
Fáksmann, Ingólf Kristjánsson,
þá 93 ára. Hann var mjög þakk-
látur og sagði: „Þakka þér kær-
lega fyrir Elli minn. Þetta á nefni-
lega eftir að nýtast mér svo vel í
framtíðinni.“ Og þannig líður mér.
Mér finnst ég bara rétt að byrja,“
segir hinn hressi og síungi Erling
Sigurðsson.
Þetta er alltaf jafn gaman
Erling Sigurðsson, elsti keppandinn á LM2008. MYND/JENS EINARSSON
Kveðskapur hefur ætíð verið hluti af íslenskri
menningu. Til forna mærðu hirðskáld konunga
og jarla í kvæðum og drápum. Hetjukvæði voru
dægrastytting. Enn í dag reyna skáld og hagyrð-
ingar að fanga stemningu líðandi stundar í bundið
mál. Á LM2008 mun fjórtán ára stúlka flytja Lands-
mótsgestum kvæði sem faðir hennar orti í tilefni
mótsins. Hún heitir Steinunn Arinbjarnar dóttir og
er í hestamannafélaginu Fáki. Hún keppir fyrir
Fák á Landsmótinu á hestinum sínum Ás frá Kára-
gerði.
Steinunn er nemandi við Réttarholtsskóla í
Reykjavík. Hún stundar einnig nám í fiðluleik
við Suzukitónlistarskólann Allegro. Faðir hennar,
Arinbjörn Vilhjálmsson, er arkitekt og starfar
sem skipulagsstjóri Garðabæjar. Hrossið á mynd-
inni heitir Dagný frá Hlemmiskeiði 3, Kolfinns-
dóttir frá Kjarnholtum.
LANDSMÓT HESTAMANNA 2008
Nú komin er á keppnisvöll
um kvöld á úrvalshestum
sú hofmannlega hersing öll
er heilsar landsmótsgestum
og óskar þess að eigi þjóð
hér unaðslega daga,
að ríki fjör og gleði góð
svo gangi allt án baga.
Nú látum rætast lífsins draum
sem leiddi skáldið forðum,
að finna í æðum fjörsins straum
sem fæst vart lýst með orðum;
sem kóngar saman koma um stund
án kórónu en glaðir,
á sumarbjörtum sælufund
við saman þéttum raðir.
Og hlátrasköll og hófadyn
mun hátíð þessi bjóða.
Við hyllum íslenskt hestakyn,
já! hestinn okkar góða.
Nú lífsfákinn skal leggja á skeið
svo líki mönnum öllum,
og glöð svo höldum heim á leið
frá Hellu á Rangárvöllum!
Arinbjörn Vilhjálmsson
Fjórtán ára flytur kvæði
Steinunn ásamt Arinbirni föður sínum. MYND/JENS EINARSSON
Gaman verður í Húsasmiðjugarð-
inum á Landsmóti hestamanna.
Hér er brot af því sem við ætlum
að gera með þér:
Komdu í ratleiki með okkur!
Hefur þú séð víkinga skylmast?
Það er líka gaman að dunda
bara inní tjaldi
Stelpum og strákum finnst
gaman í fótbolta í sveitinni.
Lista- og leiksmiðjur... og flottur
smíðavöllur.
Viltu fara á hestbak? Eða ertu
kannski lestrarhestur?
Rólur, sandkassar, rennibrautir
og trampólín og fleira.
Svo er gaman að leika sér í hey-
böggum ...eða bara að blása á
fífur. Hvað ætli séu mörg fífufræ
á einum stöngli?
Húsdýr verða í garðinum og svo
koma mjög skemmtilegir gestir í
heimsókn.
Halla og Gulli syngja lög úr vin-
sæla söngleiknum Abbababb!
Búri og Bína syngja skemmtileg
lög með ykkur – lög sem allir
kunna!
SÖNGVAKEPPNI LANDSMÓTS
Ertu góður söngvari? Jónsi og Einar
Örn úr hljómsveitinni Í svörtum
fötum stýra söngvakeppni á laug-
ardeginum. Sigurvegarinn fær að
troða upp á kvöldvökunni á Lands-
móti... fyrir framan fleiri þúsund
áhorfendur. Slærð þú í gegn?
MUNIÐ ÞIÐ EFTIR ÞVÍ HVAÐ SKÓLA
HREYSTIN VAR SKEMMTILEG Í VETUR?
Nú er það Landsmótshreysti með
Jónsa! Allur tækjakostur verður
settur upp í Húsasmiðjugarðin-
um og við gerum armbeygjur, þol-
fimi æfingar, hoppum og skoppum,
hlaupum og lyftum! Sveppi mætir
í stuði og segist ætla að vinna! En
við erum nokkuð viss um að allir
sem taka þátt verði sigurvegarar í
Landsmótshreystinni 2008!
Það verður svo margt um að
vera í Húsasmiðjugarðinum að
við komum því ekki fyrir á þess-
um síðum en þegar þú mætir á
Landsmót færðu ítarlega dagskrá
og færð að vita nákvæmlega hve-
nær þetta allt verður í boði!
Barnadagskrá
Jón Jósep Snæbjörnsson mætir í Húsa-
smiðjugarðinn. FRÉTTABLAÐIÐ/STEFÁN
Sverrir Þór Sverrisson, Sveppi, lætur sjá sig. FRÉTTABLAÐIÐ/VILHELM