Fréttablaðið - 01.07.2008, Blaðsíða 32
● lh hestar 1. JÚLÍ 2008 ÞRIÐJUDAGUR12
Hestamiðstöðin Dalur er
gamalgróið nafn í hesta-
mennskunni. Hún var stofnuð
1978. Þar hafa starfað margir
af bestu tamningamönnum
okkar. Aðaltamningamaður
og bústjóri í dag er Halldór
Guðjónsson frá Kirkjubæ.
HROSSARÆKT OG SKÓGRÆKT
Dalur er hluti af hrossaræktar-
búinu Dallandi, sem er í eigu
Gunnars B. Dungal, sem átti og
rak bóka- og ritfangaverslanir
Pennans – Eymundssonar í ára-
tugi, og Þórdísar Öldu Sigurðar-
dóttur, myndlistarmanns. Búið
er ekki byggt af neinum vanefn-
um. Þau hjónin lagt mikinn metn-
að í það og hrossaræktin hefur
borið árangur. Hross frá Dallandi
eru oftar en ekki í fremstu röð.
Frægasti gæðingur frá búinu er
án efa Ormur frá Dallandi, sem
varð efstur alhliða gæðinga á
LM2000. Einnig er þekktur Nátt-
hrafn frá Dallandi sem kemur
inn á LM2008 með þriðju hæstu
einkunn ársins í tölti.
En Gunnar og Þórdís hafa
ekki síður lagt metnað í að rækta
garðinn sinn – og það í eiginlegri
merkingu! Dalland er tvímæla-
laust eitt fegursta býli lands-
ins. Það er í litlu dalverpi í Mos-
fellsbæ. Þar er mikill og fagur
trjágróður sem þau hjónin hafa
ræktað. Trén sem þau hafa plant-
að um dagana skipta tugum þús-
unda. Mitt í þessum sælureit
er lítil tjörn og á bakka hennar
stendur íbúðarhús þeirra hjóna.
Hestamiðstöðin er aðeins spöl-
korn þar frá. Þar er aðstaðan með
því besta sem gerist í dag: Rúm-
góð hesthús, reiðhöll, hringgerði
og útigerði.
ÞJÓÐHÖFÐINGJAR Í DALLANDI
Háttsettir embættismenn og
þjóðhöfðingjar hafa ófáir heim-
sótt þetta fallega hrossabú. Má
þar nefna Jóhann Karl Spánar-
konung, Johannes Rau, forseta
Þýskalands, Oscar Luigi Scal-
faro Ítalíuforseta og Elísabetu
Englandsdrottningu. Og nú síð-
ast Friðrik krónprins í Danaveldi
og hin ástralska kona hans, Mary
krónprinsessa. Þar er engum í
kot vísað. Dalland er fallegt and-
dyri hestamennsku á Íslandi.
AÐ SKAPA OG RÆKTA
Sama er hvar borið er niður. Þörf-
in fyrir að skapa og rækta blas-
ir allstaðar við. Sama hvort það
er heimilið, vinnustofa Þórdís-
ar, útihúsin, túnin eða úthagarn-
ir. Þegar Gunnar og Þórdís fluttu
að Dallandi árið 1975 var þar ekki
hríslu að sjá. Það var óralangt til
Reykjavíkur og oft bras að kom-
ast í vinnuna. Gamli Saabinn sat
oft fastur. Nú er öldin önnur. Erf-
iðið hefur borið ávöxt. Með elju
og dugnaði hafa þau látið draum
sinn rætast: Að eiga sælureit í
sveitinni!
Gróskumikil ræktun í Dallandi
Dalland er fagurt býli eins og sjá má á þessari mynd. MYND/ANNA MARÍA SIGURJÓNSDÓTTIR
Gunnar og Þórdís fyrir framan heimili sitt á Dallandi. MYND/JENS EINARSSON
Fallegt sumarkvöld við tjörnina. Þetta fallega smáhýsi var á sínum tíma turn á tré-
smiðju Völundar í Reykjavík. MYND/JENS EINARSSON
Ormur frá Dallandi tekinn til kostanna. Knapi Þórdís Alda Sigurðardóttir.
MYND/ANNA FJÓLA GÍSLADÓTTIR
J Á R N I N G A V Ö R U R F A G M A N N S I N S