Fréttablaðið - 02.07.2008, Blaðsíða 4
MARKAÐURINN 2. JÚLÍ 2008 MIÐVIKUDAGUR4
F R É T T I R
5,5%
16,2%15,9%13,8%13,5%11,7%
5,0% 10,2%8,2%
1 2 3 4 5 6 7 8 9
1 Ýmis smávara
2 Íþróttavörur
3 Aðrir safnmunir, til
dæmis vín, antík og
mynt
4 Heilsa
5 Lúxus neysluvörur
6 Lúxus ferðalög
7 Skartgripir
8 Listmunir
9 Lúxus faraskjótar
t.d. Bílar, bátar, flug-
vélar
N E Y S L A A U Ð M A N N A Á L Ú X U S V Ö R U M
Ingimar Karl Helgason
skrifar
„Atvinnuleysið er að síga svolítið af stað, en það er
minna en við bjuggumst við enn sem komið er, góðu
heilli,“ segir Gissur Pétursson, forstjóri Vinnu-
málastofnunar.
Fram kemur í skýrslu stofnunarinnar um stöðu
og horfur á vinnumarkaði um mitt árið, að nú sé
ljóst að samdráttur í efnahagslífinu, sem teikn hafi
verið um undanfarna mánuði, sé nú að byrja að
koma fram í atvinnuleysistölum.
Stofnunin gerir ráð fyrir því að atvinnuleysi í
júní nemi 1,2 prósentum og aukist nokkuð frá í maí,
þegar það mældist eitt prósent. Um 2.300 manns
hafi verið án vinnu í mánuðinum. Bent er á að at-
vinnuleysi hafi aukist nær eingöngu á höfuðborgar-
svæðinu, úr 0,8 prósentum í 1,1 í síðasta mánuði,
en atvinnuleysi á landsbyggðinni sé nánast óbreytt,
1,4 prósent.
„Yfirleitt eru umsvifin mest yfir sumarmánuðina
og það er ekki við því að búast að atvinnuleysið fari
af stað að ráði fyrr en í haust,“ segir Gissur.
Stofnunin bendir á ýmsar hópuppsagnir undan-
farnar vikur, sem komi til framkvæmda á haust-
mánuðum. Fram hefur komið í fréttum að um 800
manns hafi verið sagt upp í hópuppsögnum það sem
af er ári.
Eitthvað hefur verið um gjaldþrot, bæði í bygg-
ingariðnaði og fiskvinnslu, en ekki svo að það hafi
reynt verulega á ábyrgðarsjóð launa. Vinnumála-
stofnun bendir á að nokkuð sé um að sérfræðing-
ar eða fólk með mikla reynslu fái ekki vinnu. Það
bendi til þess að fyrirtækin haldi að sér höndum
við ráðningar.
Vinnumálastofnun gerir ráð fyrir um tveggja
prósenta atvinnuleysi um áramót. Meðalatvinnu-
leysi næsta árs verði um þrjú prósent, en spáin
sé mikilli óvissu háð. Hún velti meðal annars á
alþjóðlegri þróun efnahagsmála, eldsneytisverði,
uppbyggingu virkjana og stóriðju, auk vaxta- og
gengis þróunar.
Vinnumálastofnun gerir ráð fyrir því að er-
lendum ríkisborgurum á íslenskum vinnumark-
aði fækki um þrjú þúsund á árinu. Þeir séu nú um
sextán þúsund, en verði þrettán þúsund í lok árs.
Enn sé nokkuð um nýskráningar útlendinga. 2.500
hafi verið skráðir á fyrri hluta ársins, en það sé
minna en í fyrra. Þá hafi jafn mörg E-vottorð verið
gefin út á fyrstu fimm mánuðum ársins og allt árið
í fyrra, um tólf hundruð. Vottorðin eru gefin út til
handa erlendum ríkisborgurum til staðfestingar
því að þeir hafi unnið hér á landi og aflað sér rétt-
inda almannatrygginga í heimalandi sínu.
Stofnunin telur að stór hluti þeirra sem hingað
hafa komið undanfarin tvö ár, hafi komið til tíma-
bundinnar dvalar og hyggist ekki setjast hér að.
Flestir starfi í byggingariðnaði og í þjónustugrein-
um. Hins vegar hafi þeir sem starfi við fiskvinnslu
frekar sest hér að.
Samdrátturinn sést
í atvinnuleysistölum
Samdráttur í efnahagslífinu er farinn að sjást í tölum um
atvinnuleysi. Útlendingum á vinnumarkaði fækkar um 3.000
í ár. Atvinnuleysi eykst mest á höfuðborgarsvæðinu.
KONUR VIÐ FÆRIBANDIÐ Vinnumálastofnun segir að erlent
fiskvinnslustarfsfólk setjist frekar að hér á landi en starfsfólk í
byggingariðnaði og þjónustugreinum. MARKAÐURINN/GVA
Samkvæmt nýjum lista yfir
auðugasta fólk heims árið 2007
kemur fram að 10,1 milljón ein-
staklinga um heim allan á meira
en eina milljón dala í eignum.
Fjölgaði einstaklingum á listan-
um um sex prósent frá árinu 2006
og var mestur vöxtur í Indlandi,
Kína og Brasilíu.
Í skýrslunni er sérstaklega
skrifað um grænan vöxt og aukna
umhverfisvitund fjárfesta. Talað
erum að græn fjárfesting hafi
aukist um 41 prósent frá árinu
2005 og sérstaklega hafi fjár-
festing í sólar- og vindorku auk-
ist til muna.
Samkvæmt niðurstöðu skýrsl-
unnar fjölgaði einnig ofurauðug-
um einstaklingum, sem eru ein-
staklingar sem búa yfir meira en
30 milljónum dala í eignum.
Þrátt fyrir hnignandi efna-
hagsaðstæður á síðari hluta árs-
ins 2007 jókst neysla ofurauð-
ugra einstaklinga á lúxusvörum
um 6,2 prósent á milli áranna
2006 og 2007.
Ofurauðugir taka sér ýmislegt
fyrir hendur og fjárfesta í margs
konar leikföngum ríka fólks-
ins. Vinsælast er að fjárfesta í
bátum, einkaþotum og bifreiðum
sem samanstanda af um 16,2 pró-
sentum af eyðslu í lúxusvörur.
Skammt á eftir koma listmunir
og skartgripir með 15,9 prósent.
Ofurauðugir virðast hafa
minnstan áhuga á ýmsum smá-
munum og íþróttatengdum
vörum því einungis fimm pró-
sent útgjalda þeirra í lúxusvörur
fara í hvorn flokk. - bþa
Lúxuslíf þrátt fyrir kreppu
Bjórrisinn InBev ætlar að
standa fast á óvinveittu yfir-
tökutilboði sínu í bandaríska
drykkjavörurisann Anheuser-
Busch þrátt fyrir að stjórn fórn-
arlambsins hafi vísað því út af
borðinu.
Stjórn Anheuser-Busch segir
tilboðið ekki endurspegla raun-
virði fyrirtækisins og hefur
gripið til aðgerða til að draga úr
rekstrarkostnaði.
Tilboðið hljóðar upp á 65 dali
á hlut, samanlagt upp á 46 millj-
arða Bandaríkjadala. Það gerir
3.600 milljarða íslenskra króna.
Bandarískir fjölmiðlar reikna
ekki með stuðningi við tilboðið
vestanhafs og vitna til þess að
Anheuser-Busch snerti taugar í
bandarískri þjóðarsál.
- jab
Barist um bjórinn
Chris Ronnie, forstjóri bresku
íþróttavörukeðjunnar JJB
Sports, og kaupsýslumaðurinn
Nabeel Chowdery, sem hagn-
ast hefur á fasteignaverkefn-
um, eru orðaðir við hugsanlega
yfirtöku á breska úrvalsdeildar-
félaginu Blackburn Rovers.
Ronnie, sem heldur utan um
29 prósenta hlut í JJB Sports í
félagi við Existu, er talinn hafa
þegar rætt við eigendur félags-
ins en þeir ekki náð saman.
Knattspyrnufélagið er í eigu
félags sem breska Walker-fjöl-
skyldan á og vill nú selja.
Bresk dagblöð höfðu eftir
Chowdery um helgina að mats-
verðið sé 40 milljónir punda,
jafnvirði 6,3 milljarða króna.
Fjölskyldan vilji hins vegar fá
20 milljónum pundum meira.
Breski miðillinn Sunday
People sagði um helgina orðróm
á kreiki um að íslenskir fjárfest-
ar taki þátt í kaupunum en nefn-
ir enga á nafn. - jab
KNATTSPYRNUSTJÓRINN Paul
Ince var fyrir skömmu skipað-
ur í starf knattspyrnustjóra hjá
Blackburn. Liðið vermir sjöunda
sæti Úrvalsdeildarinnar.
MARKAÐURINN/ NORDIC PHOTOS/GETTY
Skoða kaup á Blackburn
Efnahagslægðin og þrenging-
ar á fjármálamörkuðum munu
vara lengur en reiknað hefur
verið með. Lægðin verður
sömuleiðis dýpri en í fyrstu
var ætlað. Á sama tíma gætu
seðlabankar heimsins þurft að
hækka stýrivexti til að sporna
við því að verðbólga aukist.
Reiknað er með því að
evrópski seðlabankinn hækki
stýrivexti um 25 punkta á
morgun.
Þetta er álit Alþjóðagreiðslu-
bankans (e. Bank for Inter-
national Settlements) og birt
er í ársskýrslu hans í viku-
byrjun.
Í skýrslunni segir að þótt
útlit sé fyrir að það versta
sé nú þegar yfirstaðið í þeim
vandræðum sem skekkt hafi
stoðið fjármálakerfisins þá sé
ekki víst að það sama eigi við
um alþjóðahagkerfið sem hafi
keyrt áfram á skuldasöfnun á
góðæristímum.
Skýrsla bankans þykir hafa
nokkra vigt, að sögn breska
dagblaðið Guardian, sem jafn-
framt bendir á að bankinn hafi
bent á það á síðasta ári að meiri
þrengingar væru yfirvofandi
en menn ættu von á. - jab
Þrengingar vara lengi