Fréttablaðið - 03.07.2008, Blaðsíða 6

6 3. júlí 2008 FIMMTUDAGUR
Samstarfshópur skipaður
Skipaður hefur verið samstarfshópur
ýmissa ráðuneytisstjóra og fulltrúa
þeirra sveitarfélaga á Suðurlandi sem
urðu fyrir jarðskjálftanum á dögun-
um. „Þetta er gert til að halda áfram
endurreisnarstarfinu og koma því í
fastan og góðan farveg,“ segir Geir
Haarde forsætisráðherra.
ALMANNAVARNIR
Áhrif EES rannsökuð
Forsætisráðherra hefur boðað til sam-
starfs milli ríkis og sveitarfélaga við
að rannsaka áhrif EES-aðildarinnar á
sveitarfélögin. „Við ákváðum að taka
fyrir tvö mál og rannsaka þau. Annars
vegar reglur um opinber innkaup og
hins vegar urðun úrgangs,“ segir Geir
Haarde.
FORSÆTISRÁÐUNEYTIÐ
HÚSNÆÐI Árni M. Mathiesen
fjármálaráðherra „sér það ekki
gerast“ að Íbúðalánasjóður hverfi
af almennum markaði, spurður
um bráðabirgðaálit ESA, eftirlits-
stofnunar
EFTA, um
Íbúðalánasjóð.
Þar sagði að
starfsemi
sjóðsins bryti
ef til vill í bága
við EES-
samninginn.
„Það voru
engar stórar
fréttir í þessu
áliti,“ segir
Árni. „Og þetta
ætti ekki að hafa veruleg áhrif á
stöðuna á íbúðamarkaði.“
Aðgreina þyrfti félagslegan
þátt sjóðsins frá hinum almenna
og fyrirkomulagi almennra lána
þyrfti ef til vill að breyta, sem og
að bæta ríkisábyrgðargjaldi á
lánin. Þó mætti gefa út sérstök
bréf með lægra álagi en svo. - kóþ
Fjármálaráðherra um álit ESA:
Íbúðalánasjóður
láni sem fyrr
LÖGREGLUMÁL Þrjátíu til fjörutíu
tjaldgestir leituðu ásjár vegna
hvassviðris og fengu að gista í
Íþróttahúsinu á Hellu í fyrrinótt.
Tjöld fuku og hjólhýsi færðust úr
stað en engum varð meint af
óveðrinu að sögn lögreglu.
Landsmót hestamanna stendur
nú yfir á Hellu og því mikill fjöldi
fólks þar saman kominn.
Veðrið gekk að mestu niður
seint í gærkvöldi. Þó var tilkynnt
um hjólhýsi sem hafði fokið úr
stað undir Eyjafjöllum um
klukkan hálfsex í gærmorgun. - ht
Hvassviðri á landsmóti:
Tugir gistu í
íþróttahúsinu
Sjúkraliðar ljúka samningum
Engir samningar Sjúkraliðafélags
Íslands eru nú lausir. Sjúkraliðafélagið
samdi með BSRB við ríkið í vor um
20.300 króna hækkun. Í framhaldi af
því sömdu sjúkraliðar við sjálfseignar-
stofnanir og við Reykjavíkurborg um
sömu krónutöluhækkun. Í haust
verða samningar við launanefnd
sveitarfélaga lausir.
VINNUMARKAÐUR
KJARAMÁL Óánægja er innan
Bandalags háskólamanna, BHM,
með kjarasamninginn sem for-
menn stéttarfélaga innan banda-
lagsins og félaga í samstarfi við
það undirrituðu nýlega. Guðlaug
Kristjánsdóttir, formaður BHM,
segir að enginn sé sáttur við
samninginn en forystumenn
félaganna hafi metið stöðuna
þannig að rétt væri að gera þenn-
an samning.
„Það eitt að maður sé búinn að
skrifa undir kjarasamning hlýtur
að þýða að maður sé búinn að fara
yfir stöðuna og meta hana. Við
teljum að þetta sé skásti kostur-
inn,“ segir hún.
Vilborg Oddsdóttir, formaður
kjaranefndar Félagsráðgjafa-
félags Íslands, er á svipuðu máli.
„Þessi samningur er enginn gleði-
samningur. Við mátum það svo að
það yrði ekki lengra komist. Nú
bíðum við eftir útspili frá ríkis-
stjórninni um hvernig eigi að leið-
rétta kjör kvennastétta,“ segir
hún.
Í viðræðum Fréttablaðsins við
aðra forystumenn innan BHM og
samstarfsfélaga kemur fram að
flestallir formennirnir hyggjast
kynna samninginn með sem hlut-
lausustum hætti og leyfa félags-
mönnum að taka afstöðu til hans á
eigin forsendum.
Hvert og eitt stéttarfélag innan
BHM er sjálfstæður samnings-
aðili og því kemur formaður BHM
ekki að kynningunni nema hún sé
sérstaklega beðin um það. Hún
kveðst munu kynna samninginn
og lýsa aðstæðum en ekki gefa
upp afstöðu sína.
Nýgerður kjarasamningur jafn-
gildir rúmlega fimm prósenta
kauphækkun hjá verkfræðingum
í starfi hjá ríkinu. Sveinn V. Árna-
son, formaður Stéttarfélags verk-
fræðinga, segir ljóst að verkfræð-
ingar séu að taka á sig talsverða
kjaraskerðingu. „Við hefðum
kosið að innihald samningsins
væri annað en þetta var niður-
staðan,“ segir hann.
Kynning á kjarasamningum
háskólamanna hefst í þessari viku
og næstu og er stefnt að því að
atkvæðagreiðsla hefjist strax í
næstu viku. Inga Rún Ólafsdóttir,
framkvæmdastjóri Huggarðs,
segir að kynningarfundur verði í
dag og svo hefjist netkosning.
Andrúmsloftið sé misjafnt eftir
félögum. Búast megi við að mesta
ánægjan sé innan félaga sem hafi
fengið mest út úr samningnum en
minni gleði hjá þeim sem fengu
minna.
ghs@frettabladid.is
Samningurinn var
skásti kosturinn
Forystumenn félaga í BHM-samstarfinu segja að nýi kjarasamningurinn sé
„enginn gleðisamningur“ heldur „skásti kosturinn“ í stöðunni. Þeir reyna að
halda hlutleysi í kynningunni til að leyfa félagsmönnum að taka afstöðu.
EKKI VERÐUR LENGRA KOMIST Forystumenn félaga innan BHM og samstarfsfélaga
telja að nýi kjarasamningurinn sé „enginn gleðisamningur“ en meta stöðuna þannig
að ekki hafi verið lengra komist að sinni. Hér sést Ásmundur Stefánsson ríkissátta-
semjari með samningamönnum BHM og samstarfsfélaga í Karphúsinu.
FRÉTTABLAÐIÐ/GVA
HESTAR Landsmót hestamanna
verður sett með viðhöfn klukkan
átta í kvöld. Í hópreiðinni verða
fimm ráðherrar, forseti Alþingis
og fleiri góðir gestir, að ógleymd-
um fulltrúum allra hestamanna-
félaga á landinu. Alls verða á
vellinum rétt 500 hross og knap-
ar þeirra, sem ríða við blaktandi
fána svo sem venja er.
Þeir ráðherrar sem prýða
hópreiðina annað kvöld eru Geir
H. Haarde forsætisráðherra,
Þorgerður Katrín Gunnarsdóttir
menntamálaráðherra, Björgvin
G. Sigurðsson iðnaðarráðherra,
Einar Guðfinnsson landbúnaðar-
ráðherra og Árni Mathiesen
fjármálaráðherra. Sturla
Böðvarsson forseti Alþingis
verður einnig í reiðinni. Að sögn
Telmu Tómasson, upplýsingafull-
trúa LM 2008, streymdu gestir
að í gær. Slegið var á að þeir
væru orðnir um eða yfir fjögur
þúsund talsins síðdegis. Veður
var þá orðið með eindæmum
gott, stilla og hiti.
Ýmislegt bar til tíðinda á LM í
gær. Ekki síst þó það að Sigur-
björn Bárðarson endaði með tvo
efstu hestana í A-flokki gæðinga
eftir forkeppni, þá Kolskegg frá
Oddhóli í 1. sæti og og Stakk frá
Halldórsstöðum í 2. sæti.
- jss
Landsmót hestamanna 2008 sett með viðhöfn annað kvöld:
Hálf ríkisstjórnin í hópreið
Í BREKKUNNI Margt áhugafólk um
hestamennsku var samankomið í
áhorfendabrekkum á LM 2008.
KJARAMÁL Krónutöluhækkunin í
kjarasamningum BHM-félaganna
kemur misjafnlega út fyrir stéttar-
félögin innan og í samstarfi við
Bandalag háskólamanna, BHM, sé
hækkunin reiknuð út hlutfallslega.
Þannig kemur hún einna best út
fyrir leikara innan Leikarafélags-
ins en einna síst út fyrir félagsmenn
Dýralæknafélags Íslands í starfi
hjá hinu opinbera þó að krónutalan
sé sú sama, 20.300 krónur.
Aðalsteinn Sveinsson, formaður
kjaranefndar Dýralæknafélagsins,
segir að samningurinn feli í sér
kjaraskerðingu og enginn sé sáttur
við slíka samninga. Samningamenn-
irnir hafi hins vegar talið að þeir
kæmust ekki lengra og því gert
þennan samning.
„Okkar laun eru í efri kantinum
og þar af leiðir að við fáum minnst
út úr þessum samningi,“ segir Aðal-
steinn. „Þeir dýralæknar sem starfa
hjá hinu opinbera eru flestir í yfir-
mannastöðum og launin eru í sam-
ræmi við það. Dýralæknar í opin-
bera geiranum eru 35-40 talsins og
krónutalan veldur um 4-7 prósenta
hækkun.“
Þórunn Lárusdóttir, formaður
samninganefndar Leikarafélagsins,
segir að samningurinn komi vissu-
lega einna best út fyrir leikara en
krónutalan sé alltaf sú sama. Lítið
sé að gera í stöðunni þegar ríkið
verði að halda að sér höndum.
Aðildar félög BHM hafi skrifað
undir samninginn og það sé gott
fyrir leikara að vera í samfloti með
öðrum. „Við verðum bara grimmari
næst,“ segir hún. - ghs
Dýralæknar fá hlutfallslega minnst út úr BHM-samningnum:
Leikarar bera mest úr býtum
GRIMMARI NÆST„Við verðum bara
grimmari næst,“ segir Þórunn Lárus-
dóttir, formaður samninganefndar
Leikarafélagsins.
Hefur þú farið í útilegu í
sumar?
Já 28,7%
Nei 71,3%
SPURNING DAGSINS Í DAG:
Telur þú að skipulögð og harð-
svíruð glæpagengi séu að ná
styrkri fótfestu hér á landi?
segðu skoðun þína á vísir.is
LÖGREGLUMÁL Karlmaður um
þrítugt var mjög undrandi vegna
afskipta lögreglu þegar hann var
handtekinn á þriðjudag. Þá hafði
bifreið mannsins mælst á 156
kílómetra hraða á Hafnarfjarðar-
vegi og reyndist hann jafnframt
undir áhrifum áfengis.
Lögreglumenn við eftirlits-
störf í Kópavogi urðu mannsins
varir og veittu eftirför í Hafnar-
fjörð. Þar var hann handtekinn
og færður á lögreglustöð.
Maðurinn var sviptur ökuréttind-
um á staðnum en hann taldi sig
hafa ekið á eðlilegum umferðar-
hraða.
- ht
Ölvaður og ók of hratt:
Undrandi yfir
handtökunni
EVRÓPUMÁL Á ráðherrafundi
Fríverslunarsamtaka Evrópu,
EFTA, í Lugano í Sviss í byrjun
vikunnar var samþykkt að stofna
sveitarstjórnavettvang innan
samtakanna.
Utanríkisráðherra Íslands var
falið að vinna að frekari útfærslu
þessa verkefnis í samvinnu við
sveitarfélagasamböndin í EFTA-
ríkjunum fjórum, það er Noregi,
Sviss, Liechtenstein og Íslandi.
„Með þessari samþykkt er náð
merkum áfanga um stöðu og
hlutverk sveitarfélaga í EES-
samstarfinu,“ segir í fréttatilkynn-
ingu. Stofnun svona vettvangs var
meðal tillagna í skýrslu sem
starfshópur á vegum utanríkis-
ráðuneytisins samdi árið 2004. - aa
Ráðherrafundur EFTA:
Stofna sveitar-
stjórnavettvang
ÁRNI M.
MATHIESEN
KJÖRKASSINN