Fréttablaðið - 03.07.2008, Blaðsíða 16

16 3. júlí 2008 FIMMTUDAGUR
nær og fjær
„ORÐRÉTT“
Engar fjöldauppsagnir
„Það stefnir ekki í neinar
fjöldauppsagnir vegna sam-
einingarinnar.“
GUÐMUNDUR HAUKSSON, FOR-
STJÓRI SPRON, UM SAMEININGU
SPRON OG KAUPÞINGS.
Fréttablaðið, 2. júlí
Ekkert útilokað
„Á þessu stigi er alltof
snemmt að segja nokkuð um
hugsanlega hagræðingu.“
INGÓLFUR HELGASON, FORSTJÓRI
KAUPÞINGS, UM SAMEININGU
SPRON OG KAUPÞINGS.
Fréttablaðið, 2. júlí.
Blaðberinn bíður þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...
Fyrsta helgin í júlí er ein vinsælasta ferðahelgi
ársins. Fréttablaðið tók saman helstu viðburði
helgarinnar á landsbyggðinni.
Í Vestmannaeyjum fer hin árlega gosloka hátíð
fram um helgina. Hátíðin hefst í dag og er þétt
dagskrá allt fram á sunnudagskvöld, þegar hátíð-
inni lýkur. Dagskrá hátíðarinnar er fjölbreytt, allt
frá hátíðarmessu og gönguferða til tónleika og
dansleikja.
Á Hellu er landsmót hestamanna í fullum gangi
og nær hámarki um helgina. Búist er við að um
fimmtán þúsund manns verði á Hellu. Úrslit og
verðlaunaafhendingar á mótinu. Á laugardags-
kvöld verður glæsileg skemmtidagskrá sem endar
með dansleik við undirleik Hjálma.
Humarhátíð á Höfn í Hornafirði stendur fram á sunnudag og
verður sett formlega á föstudagskvöld klukkan átta. Þá verður humar-
veisla í Akurey og ýmis skemmtiatriði verða í boði. Á laugardagskvöld
verður meðal annars boðið upp á varðeld, söng og stórdansleik.
Þjóðlagahátíð er haldin á Siglufirði í áttunda
sinn um helgina. Fjöldi tónleika bæði íslenskra
og erlendra tónlistarmanna eru á dagskránni auk
þess sem ýmis námskeið eru á boðstólum.
Á Bolungarvík verður árlegur markaðsdagur
haldinn á laugardag. Dagskrá dagsins hefst þó
degi fyrr með varðeldi og söng. Á laugardaginn
verður markaður á hátíðarsvæðinu og Ný dönsk,
Ragnar Bjarnason og Þorgeir Ástvaldsson troða
upp meðal annarra samhliða markaðnum.
Í Ólafsvík fer fram fjölskylduhátíðin Ólafsvíkur-
vaka. Bæði föstudags- og laugardagskvöld verða
haldin bryggjuböll og á laugardag verða ýmis
skemmtiatriði fyrir börn og fullorðna á dagskrá.
Að lokum eru írskir dagar haldnir á Akranesi
um helgina. Þekktasti viðburður írskra daga er líklega keppnin um
rauðhærðasta Íslendinginn, sem fer fram á laugardaginn.
Veðurspá fyrir helgina er nokkuð góð og stefnir í góðviðri með
töluverðum hlýindum víða um land.
HVAÐ ER AÐ GERAST UM HELGINA?
Góð veðurspá eina mestu ferðahelgi ársins
LANDSMÓT HESTAMANNA Landsmótið
verður líklega langstærsti atburður
helgarinnar, en búist er við um fimmtán
þúsund manns á Hellu um helgina.
Ættingjar, vinir og kunn-
ingjar taka oft klaufalega
til orða þegar krabbameins-
sjúklingar eru annars
vegar. Mary Schnack, sem
hefur greinst fjórum sinn-
um með krabbamein, segir
að fyrir krabbameinssjúk-
linga skipti mestu að taka
viljann fyrir verkið, láta
ekki heimskulegar athuga-
semdir trufla sig og biðja
fólk um aðstoð.
Bandaríkjakonan Mary Schnack
hefur greinst fjórum sinnum með
krabbamein frá árinu 1996, síðast
árið 2007. Hún býr í Bandaríkjun-
um og rekur almannatengslaskrif-
stofu. Hún var einstæð móðir
þegar hún fyrst greindist með
krabbamein.
„Krabbameinið reyndist dóttur
minni erfiðara en mér því að hún
varð hrædd um að missa mig. Þó
að ég vissi að ég myndi ekki deyja
var erfitt að sannfæra hana um
það,“ segir Schnack, sem hefur
flutt erindi hjá Krabbameins félagi
Íslands um tíu heimskulegustu
athugasemdirnar sem krabba-
meinssjúkir fá að heyra.
„Fólk veit ekki hvað það á að
segja svo að í rauninni eru þessar
athugasemdir ekki heimskulegar.
Fólk veit bara ekki hvernig það á
að láta í ljós að því standi ekki á
sama um viðkomandi. Til að láta
vita að manni sé umhugað um ein-
hvern þá spyr maður hvernig
honum líði og hvernig maður geti
orðið að liði og fólk kann kannski
ekki að gera það,“ segir Mary
Schnack.
„Þegar krabbameinssjúklingur
fer í uppskurð og meðferð eru
allir dagar mismunandi. Manni
getur liðið vel í dag en kemst
kannski ekki upp úr rúminu á
morgun svo að maður þarf alltaf á
símtali að halda þó að manni líði
vel,“ segir hún og bendir á að
hvatningarorð virki ekki vel.
„Eitt það skrítnasta sem maður
heyrir er þegar einhver segir „Þú
ert allavega með góða tegund af
krabbameini“. Ég veit ekki hvað
það þýðir. Fólk vill trúa því að
maður hafi gott krabbamein og
reynir að sýna að því standi ekki á
sama með því að taka svona til
orða en það er ekki til nein góð
tegund af krabbameini,“ segir
hún.
Mary Schnack segir að krabba-
meinssjúklingar verði að skilja að
orðin séu látin falla vegna þess að
viðkomandi láti sér annt um hinn
sjúka. „Það skiptir máli að reiðast
ekki, bregðast ekki harkalega við
heldur þakka fólki fyrir að láta sér
annt um mann og leyfa sjálfum
sér að biðja um aðstoð. Það er
erfitt en við verðum að gera það.
Stundum þurfum við, sem erum
með krabbamein, að hugsa um
vini okkar og vera sterk fyrir þá
um leið og við erum sterk fyrir
okkur sjálf. Ég hef hins vegar lært
að vera hreinskilin við fólk og
segja hreint út hvaða þarfir ég
hef. Ég segi: Ég veit að mér líður
vel eftir tvo mánuði en næstu tvo
mánuðina þarf ég á aðstoð þinni að
halda og fólk er hæstánægt með
að geta aðstoðað mann. Það vill
gjarnan liðsinna.“
ghs@frettabladid.is
Mikilvægt að
tala hreint út
TÍU HEIMSKULEGUSTU
HLUTIR SEM SAGÐIR ER VIÐ
FÓLK MEÐ KRABBAMEIN
1 Þú hefur að minnsta kosti ekki
vont krabbamein.
2 Guð lætur okkur ekki fá erfiðari
viðfangsefni en við ráðum við.
3 Frændi minn fór í geisla og hann
varð aldrei veikur.
4 Þú hefur að minnsta kosti góða
tegund af krabbameini.
5 Svo að þú missir ekki hárið eftir
geislameðferðina?
6 Kannski að þú slappir nú af og
losir þig við stressið.
7 Hverjar eru líkurnar?
8 Ó, ég er viss um að það kemur
ekki aftur.
9 Þú lítur svo vel út.
10 Skiptir það einhvern máli ef ég
dey?
GOTT KRABBAMEIN EKKI TIL „Fólk vill trúa því að maður hafi gott krabbamein og
reynir að sýna að því standi ekki á sama með því að taka svona til orða en það er
ekki til nein góð tegund af krabbameini,“ segir Bandaríkjakonan Mary Schnack, sem
hefur greinst fjórum sinnum með krabbamein. Hún flutti nýlega fyrirlestur um tíu
heimskulega hluti sem fólk segir við þá sem greinast með krabbamein.
FRÉTTABLAÐIÐ/VILHELM