Fréttablaðið - 03.07.2008, Blaðsíða 31
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Jóhannes Þorleiksson, verkfræðinemi og
trompet leikari, heldur mikið upp á æfingadans-
skó sem hann fann sér á netinu.
„Ég er búinn að sprikla á þessum skóm salsa, boogie
woogie og lindy hop. Þeir hafa reynst mér ákaflega
vel og gert lífið mitt talsvert auðveldara á dansgólf-
inu,“ segir Jóhannes um eftirlætis fatnaðinn sinn
sem eru æfingadansskór frá merkinu Bloch. „Skórnir
eru nokkurra mánaða gamlir og ég er rosalega ham-
ingjusamur með þá. Ég tók þá áhættu að panta þá af
netinu en svo voru skórnir of litlir og ég var mjög
sorgmæddur yfir því. Ég sendi póst og spurði hvort
ég gæti sent skóna til baka og fengið stærri og það
var ekkert mál svo nú er ég hamingjusamur maður.“
Jóhannes er stór maður. Hann er tveir metrar á
hæð og notar skóstærð númer 47. „Ég er ekkert
afbrigðilegur. Ef ég væri 1,60 á hæð og með svona
fætur þá væri ég eins og L í laginu, en ég er stór svo
þetta er alveg eðlilegt,“ segir Jóhannes hlæjandi en
bætir því við að fatakaup geti stundum orðið erfið.
„Þetta getur verið dálítið pirrandi. Yfirleitt þegar
maður finnur einhverja skó sem eru flottir og manni
líst vel á, þá eru þeir ekki til í stærðinni manns.
Skórnir hér á landi ná oftast upp í 46 þannig að ég er
einu númeri frá.“
Jóhannes kveðst ekki vera mikill tískukall en á þó
heilt safn af bindum. „Ég klæðist oft jakkafötum þar
sem ég er tónlistarmaður og þarf því að eiga mörg
bindi.“ Jóhannes erfði bindi frá afa sínum en hefur
einnig keypt mörg þeirra í útlöndum, Herrahúsinu og
Sævari Karli. „Þeir í Sævari Karli eru alltaf rosa
vinalegir við svona stóra menn eins og mig, þar get
ég til dæmis fengið „long“ skyrtur og svona. Fólk
býst nefnilega yfirleitt við því að þegar fólk stækkar
þá fitni það bara, það reiknar ekki mikið með því að
hendurnar lengist. En það er fullt af búðum með
„long“ fatnað svo ég er ekki alveg á flæðiskeri stadd-
ur,“ segir Jóhannes brosandi. mariathora@frettabladid.is
Létta lífið á dansgólfinu
Forvitnir geta komið og litið á Jóhannes í þessum forláta dansskóm á salsakvöldi á Sólon næstkomandi mánudagskvöld. Dans-
gólfið er opið fyrir alla og hefst með ókeypis byrjendakennslu klukkan átta. FRÉTTABLAÐIÐ/ANTON
GEGNSÆTT Í TÍSKU
Nóg sést af beru holdi þetta
sumarið þar sem hátísku-
flíkurnar eru margar hverjar
hálfgegnsæjar.
TÍSKA 2
SUMAR Í ELDHÚSINU
Litríkur borðbúnaður getur
svo sannarlega lífgað upp á
sumarveislurnar.
HEIMILI 4
ÚTSALA