Fréttablaðið - 03.07.2008, Blaðsíða 53

FIMMTUDAGUR 3. júlí 2008 33
Skipulagsmál úr sjálfheldu
UMRÆÐAN
Snorri Sigurjóns-
son skrifar um
Reykjavíkurflugvöll
Nú liggur fyrir að rangtúlkað hefur
verið að borgarstjóri
sé einangraður í
svokölluðu flugvallar-
máli. Samkvæmt
skoðanakönnun Fréttablaðsins eru
tæp 60% Reykvíkinga fylgjandi
því að ekki verði hróflað við
Reykjavíkur flugvelli. Það liggur
hins vegar fyrir að mikill
meirihluti borgarfulltrúa vill
flugvöllinn burt og því
hefur málið verið rekið
á þeim vettvangi gegn
vilja fólksins. Þetta er
þó ekki einkamál þeirra,
fjarri því, og klárt að ef
lands byggðar fólk hefði
verið haft með í þessari
könnun hefðu enn fleiri
lýst sig fylgjandi því að
flugvöllur verði áfram á
þessum stað.
Skipting í þessu
deilumáli fer ekki eftir flokkslín-
um, en fólki er þó mjög heitt í
hamsi og heldur fast í að vera með
eða á móti. Málamiðlanir hafa
ekki átt upp á pallborðið enn sem
komið er. Nú er hins vegar svo
komið að við verðum að höggva á
hnútinn, helst í þokkalegri sátt.
Ekki líst mér á „verðlaunatillög-
una“ um nýja byggð og er reyndar
viss um að ekki næst friður í
landinu um þetta mál nema
flugvöllur verði þarna áfram, en í
breyttri mynd, og í takt við álit
fagmanna um flugtæknileg atriði.
Ómar Ragnarsson hefur t.d. bent
á möguleika með tveimur
brautum sem fullnægðu öryggis-
þáttum, annarri mjög langri og
hinni styttri sem draga úr lágflugi
yfir byggð. Þeim er þannig fyrir
komið að ótrúlega stórt svæði yrði
til uppbyggingar á svæðinu og
kæmi þannig til móts við skoðanir
beggja deiluaðila um nýtingu.
Óhjákvæmilegt er að endur-
skoða hverjir þurfa að hafa þarna
aðstöðu með það fyrir augum að
draga úr umfangi mannvirkja og
flugumferð. Aðstaða fyrir
ferjuflug og „góðviðrisflugmenn“
gæti t.d. verið utan þessa svæðis.
Víst er að einhverjir verða ósáttir
með að þurfa að fara, en það er
löngu kominn tími til að taka af
skarið í þessu máli og ganga
þannig frá svæðinu að sómi verði
af. Eitt er að geta lent þarna, ef
þannig stendur á, og annað að hafa
þarna aðstöðu.
Ég er ekki sérfræðingur um
flugöryggismál, en tel þó nauðsyn
á öruggum flugvelli þarna til
frambúðar og legg hér með til að
Reykjavíkurborg feli einhverjum
fagaðilum að útbúa kort til
kynningar með raunhæfum
hugmyndum sem falla að þessari
sýn. Toronto-hugmynd Hjörleifs
Sveinbjörnssonar sem birt var hér
í blaðinu á dögunum mun ekki
ganga upp.
Höfundur er lögreglufulltrúi.
SEND IÐ OKK UR LÍNU
Við hvetj um les end ur til að senda
okk ur línu og leggja orð í belg um
mál efni líð andi stund ar. Grein ar
og bréf skulu vera stutt og gagn-
orð. Ein göngu er tek ið á móti efni
sem sent er frá Skoð ana síð unni
á vis ir.is. Þar eru nán ari leið bein-
ing ar. Rit stjórn ákveð ur hvort efni
birt ist í Frétta blað inu eða Vísi eða
í báð um miðl un um að hluta eða
í heild. Áskil inn er rétt ur til leið rétt-
inga og til að stytta efni.
SNORRI SIGURJÓNSSON
UMRÆÐAN
Ólafur Sigurðsson gerir athuga-
semd við fréttaflutning
Í Fréttablaðinu 30.6. er greint frá því að Fuglaverndarfélag
Íslands ásamt Einari Þorleifssyni
hafi kært Kóngulóarmanninn
fyrir að drepa starraunga. Engin
kæra hefur borist, en samkvæmt
fréttinni hlýtur hún þá að vera á
leiðinni. Ljóst er því að Einar
hefur komið þessu á framfæri við
blaðið enda áhugamaður um
fuglavernd.
Hið rétta er að engir ungar voru
drepnir, hreiðrið fannst ekki í
þetta skiptið (öfugt við það sem
Fréttablaðið segir), heldur nokk-
uð af grasi úr þakkanti hússins
sem er næsta hús við Einar.
Hreiðrið fannst þó nokkrum
vikum seinna, eftir að blaðamaður
hringdi vegna tilkynningar Ein-
ars. Hreiðrið er tæpir 2 metrar á
lengd, vel undir þakkanti hússins,
frá útidyrum að bílskúrshurð.
Mikið ungagarg og tveir fuglar
stöðugt að færa björg í bú. Þetta
er augljóst þarna, fuglaskítur á
gluggum og planinu og víða strá.
Mikil fló. Fólkið býr ekki í húsinu,
nema einn. Þetta allt saman hlýt-
ur nágranninn Einar að vita.
Fréttamaðurinn Kjartan var
ítrekað beðinn um að fara og
skoða aðstæður, til að greina frá
því að hreiðrið væri þarna enn.
Ekki var minnst á það í fréttinni.
Það sem þarf að biðjast afsökunar
á er að undirritaður sagði m.a. við
Einar: „Sný þetta allt í sundur,
hringdu á lögguna strax.“ Þetta
var ósmekklegur fíflaskapur. En
Einar lét mikinn niðri á bílaplani
síns húss, þegar verið var að leita
að hreiðrinu uppi á þaki.
Ég vil hvetja félaga í Fugla-
verndarfélaginu að skoða aðstæð-
ur þarna áður en þeir leggja nafn
félagsins við þessa vitleysu. Það
er andstyggilegt að segja það sem
Einar sagði.
Þetta er eins og frétt í teikni-
myndasögublaðinu um Kóngulóar-
manninn er dagblaðið „Daily
Bugle“ greinir frá myrku hliðinni
á Kóngulóarmanninum: „Hann
drepur!!“ Og fréttamennskan
eftir því.
Höfundur er er eigandi
Kóngulóarmannsins sf.
Athugasemd
frá Kóngulóar-
manninum
Víst er að einhverjir verða
ósáttir með að þurfa að fara,
en það er löngu kominn tími
til að taka af skarið í þessu
máli og ganga þannig frá
svæðinu að sómi verði af.
Geislaðu í allt sumar...
Ef þig vantar ferskan
blæ notaðu þá þessar
nauðsynjar sumarsins sem
konur um allan heim hafa
sett í fyrsta sæti