Fréttablaðið - 03.07.2008, Blaðsíða 58

38 3. júlí 2008 FIMMTUDAGUR
menning@frettabladid.is
> Ekki missa af...
Sýningu Kristbergs Ó. Péturs-
sonar í húsnæði SÍM, Hafnar-
stræti 16. Verk hans standa í
húsnæðinu út mánuðinn og
eru til sýnis á milli kl. 10 og
16 alla virka daga. Kristbergur
útskrifaðist úr Myndlista- og
handíðaskóla Íslands árið
1985 og úr Rijksakademie van
Beeldende Kunsten í Amster-
dam árið 1988.
Í júlí og ágúst býður Rás 1 hlustendum sínum
að slást í hóp tónleikagesta á hinum fjölmörgu
tónlistarhátíðum sem haldnar
eru vítt og breitt um Evrópu á
sumrin. Á meðal hátíða sem
útvarpað verður frá í sumar má
nefna listahátíðina í Björgvin,
kammerhátíðina í Cork á
Írlandi, Mikkeli-tónlistarhátíðina
í Finnlandi, Styriarte-hátíðina í
Austurríki, Schubert-hátíðina í
Schwarzenberg, Verbier-hátíð-
ina í Sviss, kammertónlistar-
hátíðina í Delft í Hollandi og
tónlistarhátíðina í Montpellier í
Frakklandi.
Á meðal flytjenda eru Christian Tetzlaff
fiðluleikari, píanóleikarinn Leif Ove Andsnes,
Marinskíj-hljómsveitin frá Sánkti Pétursborg og
stjórnandi hennar Valery Gergiev, Michala Petri
blokkflautuleikari, Concentus Muscius Wien og
Nikolaus Harnoncourt, Kammersveit Evrópu,
Ian Bostridge tenór, Belcea-strengjakvartettinn,
Leonidas Kavakos fiðluleik-
ari, söngvararnir Nathalie
Dessay og Jonas Kaufmann og
Shlomo Mintz fiðluleikari.
Þá er ótalin ein frægasta
tónlistarhátíð heims, Proms-
hátíðin, sumartónlistarhátíð
Breska útvarpsins. Opnunar-
tónleikum hátíðarinnar verður
útvarpað fimmtudagskvöldið
24. júlí og verða fimmtudags-
kvöldin fram í september
síðan helguð útsendingum
frá hátíðinni. Á meðal þeirra
sem þar koma fram má nefna sópransöngkonuna
Karitu Mattila, Olivier Latry organleikara, píanó-
leikarana Pierre-Laurent Aimard og Lars Vogt og
hljómsveitarstjórana Gustavo Dudamel, Pierre
Boulez, Thomas Adés og Myung-Whun Chung. - vþ
Útvarpað frá Evrópu
RÍKISÚTVARPIÐ Niðurskurður
stofnunarinnar nær ekki til erlendra
tónlistarhátíða eða fótboltamóta.
Um þessar mundir standa yfir
mikil hátíðarhöld í sambandi við
1.200 ára afmæli borgarinnar Bad
Krozingen í Þýskalandi. Stór þátt-
ur hátíðarinnar er málverkasýning
sem fer fram í fjórum sýningar-
rýmum í borginni.
Menningarmálanefnd borgar-
innar bauð Guðmundi Karli
Ásbjörnssyni, einum erlendra
myndlistarmanna, að taka þátt í
sýningunni, en Guðmundur starfar
mikið að list sinni í borginni og
hefur skapað sér nafn í myndlist-
arbransanum þar. Sýningin verður
opnuð 15. júlí og stendur til 15.
ágúst. Einnig má geta þess að í
fyrra kom út hjá bókaforlaginu Art
und Weise í Badenweiler leiðsögu-
bók um menningu og listir í Suður-
Þýskalandi og eru í henni nokkrar
blaðsíður helgaðar þessum íslenska
myndlistarmanni. - vþ
Sýnir í Þýskalandi
GUÐMUNDUR KARL ÁSBJÖRNSSON
MYNDLISTARMAÐUR Sýnir verk sín í
borginni Bad Krozingen í Þýskalandi.
FRÉTTABLAÐIÐ/ARNÞÓR
Sumartónleikaröð í Skál-
holti fer af stað nú um
helgina 34. árið í röð. Þar
verður margt um dýrðir
að vanda og boðið upp
á skemmtun og andlega
næringu fyrir alla fjöl-
skylduna.
Að þessu sinni nær tónlistar-
hátíðin yfir sex vikur og hefur
aldrei verið umfangsmeiri. Tón-
leikarnir verða alls 27 auk sex
fyrirlestra og fjögurra listsmiðja
fyrir yngri kynslóðina. Fyrstu
tónleikar sumarsins fara fram á
laugardag kl. 14. Þar flytur Kjart-
an Óskarsson erindi um Blásara-
tónlist í Bæheimi og Vínarborg
og svo verður leikin blásaratón-
list eftir Myslivececk, Fiala, Moz-
art og Cartellieri. Sama dag kl. 17
verður leikin tónlist fyrir bassa-
fiðlur og pikkólóselló frá 17. öld,
en flytjendur á þeim tónleikum
eru þeir Dean Ferrell og Sigurð-
ur Halldórsson.
Sigurður er ekki einungis flytj-
andi á tónleikahátíðinni heldur
einnig listrænn stjórnandi henn-
ar. „Þetta er afar viðamikil tón-
leikadagskrá; haldinn verður
fjöldinn allur af tónleikum í viku
hverri þessar sex vikur sem
hátíðin stendur yfir og fjöldi
flytjenda er hátt í 200 manns.
Tónlistarhópar á borð við Hljóm-
eyki og Bachsveitina í Skálholti
verða á sínum stað og svo verður
einnig boðið upp á flutning nokk-
urra erlendra tónlistarmanna,“
segir Sigurður.
Sem fyrr verður megináhersla
hátíðarinnar á barokktónlist og
nýja íslenska tónlist. Sigurður
segir efnisskrána þó spanna
breitt svið barokktímabilsins.
„Að þessu sinni verður flutt tón-
list frá Frakklandi, Ítalíu, Þýska-
landi, Englandi og Spáni sem
spannar allt frá upphafi og til
enda barokktímabilsins. Það
mætti því segja að á hátíðinni
verði boðið upp á eins konar yfir-
lit yfir barokktónlist eins og hún
leggur sig. Við erum þó farin að
læða að tónlist frá rómantíska
tímabilinu á tónleikum á fimmtu-
dögum. Þar geta áhorfendur átt
von á að heyra verk eftir tón-
skáld á borð við Verdi og Schu-
bert sem hafa ekki mikið verið
leiknir á þessari hátíð hingað
til.“
Aðgangur að tónleikum hátíðar-
innar er ókeypis og öllum opinn.
Dagskrá sumarsins í heild, með
söngtextum og upplýsingum um
verkin á efnisskránum, verður
þó seld á vægu verði í anddyri
Skálholtskirkju, áhugasömum til
glöggvunar. Nánari upplýsingar
um hátíðina má nálgast á slóðinni
www.sumartonleikar.is.
vigdis@frettabladid.is
Viðamikil dagskrá Sumar-
tónleika í Skálholti
SIGURÐUR HALLDÓRSSON Listrænn stjórnandi Sumartónleika í Skálholti.
Sunnudag-
stónleikaröð
Gljúfrasteins
heldur áfram
á sunnudag kl.
16. Þá troða
þar upp þau
Kristjana Stef-
ánsdóttir
djasssöng-
kona, Agnar
Már Magnús-
son píanóleik-
ari og Helga
Björg Ágústs-
dóttir sellól-
eikari og spila
djass fyrir við-
stadda. Á efnisskránni má
finna verk eftir tónskáldin
Sunnu Gunnlaugsdóttir, Tómas
R. Einarsson og Sigurð Flosa-
son við ljóð
ýmissa
þekktra
íslenskra ljóð-
skálda, þar á
meðal Tómas-
ar Guðmunds-
sonar og Hall-
dórs Laxness.
Unnendur
djass og góðr-
ar tónlistar,
sem og unn-
endur
íslenskrar
ljóðlistar,
ættu því ekki
að láta þennan
viðburð framhjá sér fara. Sem
fyrr er aðgangseyrir aðeins
500 kr. og allir velkomnir
meðan húsrúm leyfir. - vþ
Djassað á
Gljúfrasteini
HELGA BJÖRG, AGNAR OG KRISTJANA
Spila djass á Gljúfrasteini á sunnudag.
Myndlistarkonan Jóna Hlíf Hall-
dórsdóttir opnar sýninguna Aðlög-
un í 101 Gallerý, Hverfisgötu 18b, á
morgun. Sýningin stendur til 15.
ágúst.
Á sýningunni kennir ýmissa
grasa; þar má sjá ljósmyndir, inn-
setningu og myndbandsverk sem
Jóna hefur unnið að síðastliðin ár.
Líkt og í fyrri verkum Jónu eru
meginþemu á sýningunni valdið,
manneskjan, náttúruleg fyribæri
og blekking. Líkt og titill sýningar-
innar gefur til kynna er aðlögunar-
hæfni ofangreindra fyrirbæra
nokkuð í brennidepli. Í fréttatil-
kynningu frá listakonunni segir
meðal annars: „Það hversu mót-
tækilegur maður er fyrir breyting-
um, hversu auðveldlega maður
breytist, er einn af mikilvægustu
mælikvörðum manneskjunnar
segja sumir, þar á meðal Darwin.“
Jóna Hlíf fæst mestmegnis við
innsetningar, myndbönd, málverk,
ljósmyndir og texta í listsköpun
sinni. Hún er sýningarstjóri fyrir
VeggVerk og Gallerí Ráðhús á
Akureyri. - vþ
Valdið, manneskjan
og blekkingin
AÐLÖGUNARHÆFNI Ljósmynd eftir Jónu
Hlíf Halldórsdóttur.
Kl. 17
Útgáfufagnaður í tilefni af öðru
tölublaði sjónritsins Rafskinnu
verður haldinn í Sirkusportinu
svokallaða á horni Laugavegs og
Klapparstígs í dag á milli kl. 17 og
20. Hljómsveitin Hjaltalín treður
upp, plötusnúðar þeyta skífum og
hönnunarfyrirtækið Borðið býður upp
á sérstakan timburís í samvinnu við
landsliðskokkinn Gunnar frá Vox.