Fréttablaðið - 03.07.2008, Blaðsíða 61
FIMMTUDAGUR 3. júlí 2008
Síðar í þessum mánuði
býður hátíðin í Bayreuth
áhugasömum uppá sýningu
á veraldarvefnum á óperu
Richards Wagner, Meistara-
söngvurunum frá Nürnberg.
Viðbúnaðurinn vegna þessa
flutnings verður nokkur
því útsendingin á vefnum
verður frá frumsýningu
á verkinu, sem er um leið
opnunarsýning á hátíðahöld-
um sumarsins þar í borg.
Er þetta í fyrsta sinn sem ráðist er
í slíka útsendingu frá Bayreuth og
gengur þessi virta og eftirsótta
hátíð þá í lið með Metropolitan í
New York og Teatro alla Scala í
Mílanó. Það verður ekki ókeypis
að taka við streymi frá Bæheimi
klukkan 14 á GMT í þær tæpu
fimm klukkustundir sem óperan
tekur í flutningi: 49 evrur kostar
dýrðin. Þykir óperuunnendum víða
um heim það nokkuð dýr kostur en
verð á svipuðum viðburðum hefur
til þessa verið um 15 evrur. Miði á
frumsýninguna kostar á bilinu 50
til 200 evrur, ef þú ert svo heppinn
að eiga kost á miða. Sjö ára bið er
eftir miðum á hátíðina í Bayreuth.
Íslenskir Wagner-aðdáendur hafa
allar götur frá flutningi Niflunga-
hringsins hér á landi í Þjóðleikhús-
inu notið þeirrar gæfu að fá tiltek-
inn fjölda miða fyrir Wagner félagið
á Íslandi. Segja gárungar að það sé
stysta leiðin til að komast á hátíð-
ina í Bayreuth að ganga í Wagner-
félagið íslenska, en á þess vegum
fer hópur ár hvert á hátíðina þar
suður frá.
Hátíðin í Bayreuth er einn af
hápunktum í óperulífi Evrópu ár
hvert. Til hennar var stofnað af
tónskáldinu 1872 með tilstyrk
Leopolds konungs í Bæjaralandi.
Hún er helguð flutningi á tíu
óperuverkum Richards Wagner og
er með reglulegu millibili efnt til
nýrra sviðsetninga á verkunum
sem síðan eru endurflutt nokkur
ár í röð. Íslendingar hafa komist
næst framleiðslu á sýningum á
hátíðinni þegar Lars von Trier var
boðið að setja Niflungahringinn á
svið fyrir fáum árum og átti Karl
Júlíusson að gera leikmyndina. Á
síðasta snúningi heyktist Lars á
þessu mikla verki, en Árni Björns-
son þjóðfræðingur hefur sýnt fram
á með óyggjandi hætti að Richard
Wagner nýtti mikið af fornnorræn-
um textum við smíði Niflunga-
hringsins.
Að þessu sinni er það Katharina
Wagner, barnabarnabarn tón-
skáldsins sem setur verkið á svið: í
samtali við fréttaritara AP segir
hún þessa nýjung til að opna fleiri
áhorfendum leið að flutningi
hátíðar innar sem til þessa hefur
verið bundin við sjónvarpsútsend-
ingar og útgáfur á DVD. Upptaka
þann 27. júlí verður síðan klippt til
og gefin út á mynddiski í haust.
Það háa verð sem menn verða að
greiða segja forsvarsmenn að sé
nauðsynlegt til þess að greiða
kostnað við kaup á rétti söngvara.
Útsendingin verður sýnd á stóru
tjaldi á aðaltorgi bæjarins og er
ókeypis. Kaupa má flutninginn
eftir 27. júlí af vef hátíðarinnar til
2. ágúst. Þá geta menn fylgst með
hátíðinni á bak við tjöldin í stutt-
um myndum sem sækja má á
hátíðar vefinn í gegnum iTunes.
Kvikmyndun á verkinu er gerð
með átta fjarstýrðum tökuvélum
sem er haganlega komið fyrir í
hinum sérstaka sal óperuhússins
þar sem hljómsveitargryfja fyrir
hljómsveit af stærstu gerð er
hulin. Flest fyrirtæki sem sérhæfa
sig í tökum af þessu tagi nota bæði
mannstýrðar og fjarstýrðar töku-
vélar en þess er ekki kostur hér:
löngu er uppselt á frumsýninguna
og því ekki létt að rýma fyrir töku-
vélum. Þetta er í fyrsta sinn sem
sviðsetning á vegum hátíðarinnar
er fest á band síðan 1991 og í fyrsta
sinn sem það er gert að áhorfend-
um viðstöddum. „Við verðum að
fylgja tímanum,“ segir Katharina
Wagner og segir þessa tilraun
marka nýja stefnu fyrir hátíðina
og auðvelda áhugasömum aðgang
að tónlist langafa síns. Meðal flytj-
enda eru Klaus Florian Vogt, Franz
Hawlata og Michaela Kaune.
Sebastian Weigle stjórnar hljóm-
sveitinni. Þeir sem vilja kynna sér
þessa útsendingu geta leitað á slóð
http://live.bayreuther-festspiele.
de/index.html.
Forstjóri Norræna hússins hafði
í hyggju að bjóða upp á beinar
útsendingar frá óperum norður-
landa og víðar að í starfsemi Nor-
ræna hússins. Af því hefur ekki
orðið enn. Áhugamenn um óperur
og óperutónlist hér á landi skipta
þúsundum og gæfist þeim kostur á
slíkum útsendingum yrði það vafa-
lítið vel þegið.
pbb@frettabladid.is
Meistarasöngvararnir eftir
Wagner sendir út á vefnum
MENNING Wolfgang, sonarsonur Wagners og Kosimu, kona hans Guðrún og dóttir
þeirra Katharina, en hluti fjölskyldu Wagners heldur fast um stjórnartauma í Bayreuth.
MYND/NORDICPHOTOS/AFP
Út er kominn kassi með fyrstu sjö diskunum sem gefnir voru út
undir heitinu Íslandslög, en safnið er
hugarfóstur
Björgvins
Halldórssonar
söngvara og
framleiðanda.
Fyrsti diskurinn
kom út 1991
og sá sjöundi
í safninu er
frá í fyrra. Kassanum fylgir vandaður
bæklingur með upplýsingum um
lögin sem eru frá ýmsum tímum á
liðnum hundrað árum og ægir þar
saman sönglögum fyrri tíma í bland
við yngri tónsmíðar. Flutningur er í
höndum allra helstu söngvara okkar
og gefur safnið því einstakt yfirlit yfir
íslenska sönglagahefð þótt útsetningar
og túlkun sé okkar tíma. Það er Sena
sem gefur kassann út og eru skýringar
í bæklingnum á íslensku og ensku
en safnið mun í upphafi hafa verið
hugsað jafnt fyrir íslenska njótendur og
erlenda gesti.
Sena hefur einnig staðið fyrir útgáfu á nýjum diski með söngvaranum
Helga Björnssyni þar sem saman
er safnað íslenskum söngvum sem
tengjast hesta-
mennsku og
útreiðum. Ann-
ast Helgi sjálfur
flutninginn og
hefur kosið
að setja lögin,
sem eru af
ýmsum uppruna og frá ýmsum tímum,
í búning bandarískrar kántríhefðar.
Diskurinn ber nafnið Ríðum sem fjand-
inn og eru fjórtán lög í þessu safni af
hestavísum og reiðlögum.
Breska fyrirtækið Believer hefur sent frá sér nýjan disk með hljóðrit-
unum Garðars Thors Cortes. Sena
annast íslenska
útgáfu á þessu
nýja safni, en
Cortes – When
You Say You
Love Me kom
út samtímis
hér á landi og
á Bretlandseyj-
um. Á disknum eru fjórtán lög, kunnar
óperuaríur og kunn erlend lög auk
íslenska lagsins við ljóð Jóhanns Sigur-
jónssonar, Sofðu unga ástin mín. Frið-
rik Karlsson stjórnar upptökum sem
fóru fram í Tékklandi og á Englandi, en
útsetningar eru eftir Óskar Einarsson.
Þetta er þriðji diskurinn sem Garðar
sendir frá sér á skömmum tíma.
NÝJAR PLÖTUR
+ Bókaðu flug á www.icelandair.is
*
ÍS
L
E
N
S
K
A
S
IA
.I
S
I
C
E
4
28
90
0
6
2
0
0
8
HUGURINN BER ÞIG AÐEINS HÁLFA LEIÐ
Alla daga
frá10 til 22
800
5555