Fréttablaðið - 03.07.2008, Blaðsíða 64
44 3. júlí 2008 FIMMTUDAGUR
maturogvin@frettabladid.is
Hvaða matar gætirðu síst verið án?
Fisks. Ég borða mikið af honum og nýveidd
sjóbleikja úr Vatnsdalnum er í uppáhaldi.
Besta máltíð sem þú hefur fengið?
Það var máltíð sem ég borðaði árið 1986
með Richard Avedon á ódýrum veitingastað
í Kínahverfi New York-borgar. Richard þekkti
staðinn og ég gleymi ekki humrinum sem
við fengum. Það var eitthvað í bragðinu
sem ég hef aldrei fundið áður og svo var
félagsskapurinn ekki af verri endanum. Það
skiptir máli.
Er einhver matur sem þér finnst vondur?
Ég get ekki sagt að mér finnist nokkur
matur vondur, þó hugsa ég að mælaborðið
í nýja Hillmaninum hans pabba árið 1964
hafi ekki verið eins ljúffengt og lyktin gaf
til kynna þegar ég beit í það. Jóla- kúl-
urnar árið áður voru heldur ekki
bragðbesti desert sem ég hef
smakkað.
Leyndarmál úr eldhússkápn-
um:
Saffran krydd og Maldon salt.
Ég nota það út í hvað sem
er, til dæmis fiskisúpur.
Hvað borðar þú til að
láta þér líða betur?
Ávexti, helst melónur.
Þær eru æðislegar og
fullar af andoxunarefn-
um.
Hvað áttu alltaf til í ísskápnum?
Ég á alltaf til ost, mjólk og ávaxtasafa.
Ef þú yrðir fastur á eyðieyju, hvað tækirðu
með þér?
Ef maður fyndi ekki eitthvað matarkyns á
eyjunni væri maður dauðans matur, svo
ég myndi bara taka með mér eitthvert gott
krydd eins og saffran, salt og pipar.
Hvað er það skrítnasta sem þú hefur
borðað?
Það eru hrá risaskjaldbökuegg á
Kosta Ríka þar sem ég var að vinna
á fiskibát. Þau voru óútskýranleg á
bragðið og engu lík. Áferðin var svipuð
venjulegri eggjarauðu, en bragðið allt
öðruvísi.
MATGÆÐINGURINN VALDIMAR ÖRN FLYGENRING
Borðaði hrá risaskjaldbökuegg á Kosta Ríka
> DÖÐLUR...
eru brúklegar til margs. Mjög gott
er að bæta nokkrum döðlum í
salatið eða jógúrtina. Einnig eru
þær góðar með ostum eða bara
einar og sér sem smá
snarl á milli mála.
Í sumarhitanum getur verið gott
að svala þorstanum með ísköldu
ístei. Íste er vinsæll drykkur víða í
Evrópulöndunum og Bandaríkjun-
um og þykir góður og ferskandi
svaladrykkur. Íste er hægt að
kaupa tilbúið í flöskum og duft-
formi og fæst oft með mismunandi
bragðtegundum. Vinsælust eru
íste með sítrónu-, ferskju- og kirsu-
berjabragði. Það er þó mjög auð-
velt að blanda sitt eigið íste. Það
sem til þarf er:
4 tepokar
1 bolli af ferskum sítrónusafa
(5-6 sítrónur)
1/2 bolli af fínum sykri
3 sneiðar af sítrónu
Látið tepokana liggja í því sem
samsvarar fjórum bollum af sjóð-
andi vatni í tíu mínútur. Takið
tepokana úr vatninu og látið vatnið
kólna. Setjið sítrónusafann, sykur-
inn og fjóra bolla af köldu vatni í
könnu og hrærið vel. Bætið við
teinu og sítrónusneiðunum og loks
nokkrum ísmolum. Yfirleitt er
svart te notað í ísteið en þar sem
hægt er að kaupa margar spennandi
tegundir af tei í flestum verslun-
um gæti verið gaman að prófa sig
svolítið áfram sjálfur.
Svalandi íste í hita
ÍSTE KÆLIR OG KÆTIR Í SUMAR
Ísteið er kjörið í lautarferðina og fyrir
börnin.
„Fólk er byrjað að gera meira af
því að grilla fisk og við finnum
aukningu með hverju sumrinu
sem líður,“ segir Sveinn Kjartans-
son einn af eigendum Fylgifiska á
Suðurlandsbraut. „Það er komið
svo mikið af góðum hjálpartækj-
um á grillið að það er ekki lengur
nauðsynlegt að setja fiskinn bara í
álpappír og sjóða hann á grillinu.
Það eru bæði til góðar tangir og
grindur svo það er miklu minna
mál en áður fyrr að grilla fisk,“
segir Sveinn.
„Fiskur eins og lúða og skötu-
selur þolir vel að fara beint á
grillið og þá er um að gera að snúa
honum ekki of oft. Fiskurinn þétt-
ist nefnilega þegar hann eldast
svo það borgar sig að leyfa hvorri
hlið að grillast fyrir sig áður fiskn-
um er snúið svo flakið haldist
heilt,“ útskýrir Sveinn.
„Fiskur eins og þorskur þolir
síður að fara beint á grill svo við
bjóðum upp á þorskbita sem búið
er krydda léttilega með engifer og
spænskri kryddblöndu og vefja
inn í bananalauf. Þannig er auð-
velt að setja þorskinn á grillið,“
segir Sveinn, sem gaf okkur hug-
mynd að sumarlegri fiskmáltíð.
Fiskurinn kjörinn á grillið
Ingólfur Þór Pétursson
flugþjónn hefur gaman
af því að elda og hanna
eigin uppskriftir. Hann fer
yfirleitt eftir tilfinningunni
þegar kemur að magni og
býður lesendum upp á létt-
an pastarétt með kjúklingi.
„Einhverra hluta vegna elda ég
aldrei eftir málum, grömmum,
eða öðrum fyrir fram ákveðnum
mælieiningum. Ég nota bara
hendurnar og sjónina þegar
kemur að magni og það virðist
gagnast mér best í eldamennsk-
unni. Maturinn virðist alltaf duga
og rétt rúmlega það,“ segir Ingólf-
ur, sem hefur mjög gaman að því
að prófa sig áfram í eldhúsinu.
„Ég reyni yfirleitt að elda frek-
ar hollan mat, en miða þá bara út
frá því sem er til hverju sinni í
búðinni því mér finnst algjör
óþarfi að eltast við einhver sér-
stök hráefni og að peningabuddan
þurfi að gjalda fyrir að maður
vilji borða hollt. Oftast geri ég
líka frekar einfalda rétti svo þeir
taki ekki of langan tíma, því þó
svo að mér finnist virkilega
gaman að elda gefst mér sjaldn-
ast mikill tími í eldhúsinu svona
dags daglega,“ útskýrir Ingólfur,
sem starfar sem flugþjónn hjá
Icelandair.
Spurður hver séu uppáhalds-
hráefnin segist Ingólfur vera
mikið fyrir að blanda saman upp-
skriftum frá mismunandi heims-
hornum. „Þá nota ég til dæmis
gott íslenskt hráefni í kryddaðan
austurlenskan mat. Annars elda
ég mikið úr kjúklingi, fiski og
svínakjöti og svo eru nokkrir
hlutir sem mér finnst lífsnauð-
synlegir í eldhúsinu. Það er sítr-
óna, hvítlaukur, timían, salvía og
rósmarín, en með þremur síðast-
nefndu kryddunum er hægt að
töfra fram merkilegustu rétti,“
segir Ingólfur og er sannfærður
um að hægt sé að framreiða fín-
ustu rétti úr því sem er til í
ísskápnum með réttu kryddun-
um.
„Að elda er eitt það skemmti-
legasta sem ég geri, en ég gæti
samt ekki hugsað mér að vinna
við það. Maður gefur svo mikið af
sér þegar maður leggur hjarta og
sál í að elda góðan mat fyrir ein-
hvern og mér finnst ekki verra
þegar einhver eldar fyrir mig,“
segir Ingólfur að lokum.
alma@frettabladid.is
Innblástur úr öllum áttum
HOLLT OG EINFALT Ingólfur er mikið fyrir að búa til holla og einfalda rétti úr því sem
er til hverju sinni og finnst gaman að prófa sig áfram í eldhúsinu.
Easy breezy Ingó pasta!
(fyrir 4)
4 bollar ostafyllt Tortellini
(eða önnur tegund)
4 góðar kjúklingabringur
slatti af sveppum
1 stór laukur
4 stórir hvítlauksgeirar, eða meira
smá börkur af sítrónu
2-3 vænar slettur grænt basil
pestó
2 hnefar pekan hnetur
(eða hnetur að eigin vali)
ferskur parmesan ostur
salt og pipar
ólífuolía
Aðferð
Grænmetið grófskorið og kjúklingur
skorinn í teninga. Pastað soðið.
Kjúklingurinn steiktur á pönnu
með salt og pipar þar til hann er
tilbúinn og tekinn af. Sveppirnir
snöggsteiktir á pönnunni, hvít-
lauknum og lauknum bætt við,
passað vel að hvítlaukurinn brenni
ekki. Pastað sigtað og bætt aftur á
pönnuna ásamt kjúklingnum, tekið
af hitanum. Pestóinu bætt út í og
sítrónubörkur rifinn yfir. Öllu bland-
að vel saman og kryddað með salt
og pipar.
Borið fram með ferskum parmesan,
pekanhnetum, fersku salati og
brauði, en fyrir þá sem vilja minnka
kolvetnisneyslu er brauðinu sleppt.
Rétturinn er sérstaklega ljúffengur
með köldu hvítvíni, til dæmis
Riesling.
VINSÆLDIR FISKSINS FARA VAXANDI
Sveinn segir það hafa færst í aukana
síðastliðin sumur að fólk grilli fisk.
FRÉTTABLAÐIÐ/ARNÞÓR
Mörgum þykir salat vera
ómissandi partur af máltíð.
Fyrir þá sem vilja auka salat-
neyslu sína, en eru ekki hrifn-
ir af venjulegu fersku salati
er tilvalið að breyta til með
því að setja þurrkaða ávexti,
ost, fræ og balsamikedik út á
salatið. Hrásalat er líka vin-
sælt meðlæti með kjöti og
grillmat, en fyrir þá sem
hugsa um línurnar er gúrku-
salat með jógúrtdressingu, oft
kallað „tzatziki” ef til vill betri
kostur.
Gúrkusalatið passar vel með flestum mat og er algengt meðlæti með
krydduðum austurlenskum mat. Kosturinn við salatið er að það er bæði
ferskt og fljótlegt í undirbúningi og passar vel með grilluðu kjöti og
fiski.
Gúrkusalat með
jógúrtdressingu
TILVALIÐ MEÐLÆTI Gúrkusalat passar vel með
flestum mat og er gott meðlæti með grilluðu
kjöti og fiski.
Grillaður þorskur
í bananalaufi
meðlæti
sætar kartöflur
kúrbítur
paprika
Allt skorið í sneiðar, penslað með
olíu og sett beint á grillið. Paprik-
una er líka hægt að grilla heila.
Einföld sósa
sýrður rjómi
sítrónusafi
ferskar kryddjurtir að eigin vali
Gúrkusalat í jógúrtsósu
2 gúrkur, fræhreinsaðar og sneiddar niður.
Einn bolli hrein jógúrt eða AB-mjólk
1 teskeið þurrkað dill eða tvær af fersku
Öllu blandað saman í skál
Kryddað með salti og pipar
Einnig getur verið gott að setja ferska myntu út í salatið í staðin fyrir dill.