Fréttablaðið - 05.07.2008, Blaðsíða 18

18 5. júlí 2008 LAUGARDAGUR
KÆRA DAGBÓK
Þráinn Bertelsson skrifar
SUNNUDAGUR, 29. JÚNÍ.
Segir sá sem vitið hefur
Nú ætla ég að vitna í mann sem
óumdeilanlega hefur áunnið sér
leyfi til að gefa góð ráð og ábend-
ingar á sviði fjármála. Maðurinn
heitir Jón Ásgeir Jóhannesson og
segir m.a. í viðtali við Morgun-
blaðið: „Við erum í stórkostlegri
tilvistarkreppu með þennan hand-
ónýta gjaldmiðil … ekkert nema
svartnætti framundan … Eina
raunverulega styrking krónunnar
sem við getum náð fram, er sú að
við lýsum því yfir að við ætlum að
hætta með þennan gjaldmiði og
undirbúa aðildarumsókn okkar að
Evrópu sambandinu. Við ættum að
lækka vexti strax og afnema verð-
trygging una …“
Varðandi Baugsmálið segir Jón að
margir hafi verið þeim feðgum
sammála um pólitíska rót þessa
máls.
Auðvitað er þetta mál er til-
komið eins og aðförin að Becket
sáluga erkibiskupi í Kantaraborg:
Reiður kóngur/einræðisherra
fjandskapast við Baug/Becket.
Skósveinar sem vilja koma sér vel
við valdið leggja af stað í leiðang-
ur til að ganga milli bols og höfuðs
á þeim sem pirrar valdhafann.
Munurinn er sá að Baugur tók
til varna en Becket ekki.
Þess vegna er hausinn enn á
Baugi. Hefur ekkert með
lýðræði og réttlæti að gera,
heldur bara snaggaraleg
varnarviðbrögð.
Jón Ásgeir segist
ætla að koma í veg
fyrir að svona mál
endurtaki sig og
glaður skal ég
halda áfram gera
allt sem ég get
til að styðja
hann í því, en
hann verður þá
að læra að
passa sig á
Flokknum þótt
mannleg ónátt-
úra búi auðvitað
víða.
Þetta hef ur
verið döpur
helgi. Hann
Krummi, yngri
sonur minn, er
sorgbitinn.
Góður vinur
hans og félagi
batt enda á
líf sitt. Það
er erfitt að kynnast sorginni og
því hve lífið er veikur logi.
MÁNUDAGUR, 30. JÚNÍ.
Ágætur bíll en ömurleg
þjónusta
Það er ekki lítið á sig lagt við að
selja fólki fokdýra bíla – en þegar
kemur að því að halda þessu drasli
gangandi kemur annað hljóð í
strokkinn.
Allt í einu hætti hætti afturá-
bak-gírinn á gamla BMW-inum
okkar að virka. Umboðið segir að
það sé hægt að fá tíma á verkstæð-
inu eftir hálfan mánuð til að gá að
afturábak-gírnum.
Ef við gætum verið bíllaus í
hálfan mánuð þyrftum við ekki
að eiga bíl.
ÞRIÐJUDAGUR, 1. JÚLÍ.
B o r g a r l e s t i n
hans Björns,
snilldarhug-
mynd
Andri sonarson-
ur okkar var
að koma heim
úr Ævintýra-
landinu á Klepp-
járnsreykjum og
var ánægður með bæði dvölina
og heimkomuna. Ég öfunda hann
pínulítið af því að vera tíu ára og
geta skroppið til Ævintýralands.
Mitt ævintýraland í gamla daga
var Vatnaskógur þótt allir yrðu
bílveikir í rútunni sem flutti
mann þangað.
Það er ekki glóra í elds-
neytisverði lengur. Það er
nokkuð ljóst að í borg eins
og Stór-Reykjavík þarf
fólk að komast á milli
staða. Almenningssam-
göngur verða að vera
alvöru valkostur, annars
líta allir svo á að almenn-
ingssamgöngur séu bara
handa geðfötluðum og
fátækum. Á heimasíðu
Björns Kristinssonar,
verkfræðings hef ég
verið að kynna mér
snilldarhugmynd um
Metró eða Borgarlest
sem tengir saman hina
ýmsu borgarhluta þannig
að maður kemst leiðar sinnar
hraðar en í einkabíl.
Til að komast á M-stöðvarnar
þarf að hafa hringakstur um
nágrenni þeirra, annaðhvort með
litlum strætisvögnum, skutlum
sem ganga ótt og títt ellegar þá
með sporvögnum.
Borgarlesta-kerfi er langskyn-
samlegasta lausn sem ég hef nokk-
urn tímann séð á samgöngumálum
höfuðborgarsvæðisins. Þetta
eigum við allt að knýja áfram með
íslensku rafmagni og stinga olíu-
peningunum í eigin vasa.
Ég vil taka það skýrt fram að ég
er alfarið á móti því að sletta máln-
ingu á hús. En úr því að menn
þurftu endilega að grípa til ólög-
legra mótmælaaðgerða gegn ein-
hverjum embættismanni finnst
mér að þeir hafi þó allavega valið
að skeyta skapi sínu á réttum
aðila.
Af öllum þeim
embættis-
mönnum sem
ég hef þurft
að reyna að
eiga samskipti
við um dagana
hef ég dapurleg-
asta reynslu af
Magnúsi Sædal,
byggingafulltrúa
Reykjavíkur.
Þessari reynslu hef ég
áður lýst; en þessi embætt-
ismaður setti kíkinn fyrir
blinda augað og lét af einhverj-
um ástæðum byggingaraðila kom-
ast upp með að bæta sosum hálf-
um metra ofan á samþykktar
teikningar af hótelinu sem nú
stendur þar sem Hlaðvarpinn stóð
áður.
Af hverju þessi embættismaður
vanrækti skyldu sína í þessu til-
viki og af hverju borgaryfirvöld,
bæði vinstri- og hægri meirihluti,
láta hann komast upp með það er
og verður mér hulin ráðgáta. Því
að það er ekki eins og ég hafi
hylmt yfir þessu með honum.
Aumingjadómur eða spilling?
Ég bara veit það ekki.
Til að porra sig upp og dreifa
huganum frá ákúrum vegna for-
ystu- og lánleysis þjóðarinnar brá
forsætisráðherra undir sig betri
fætinum og fór í dag í opinbera
heim- sókn til Ríkis-
lögreglustjóra – væntanlega til að
sýna flokksbróður sínum stuðning
og velþóknun – og fékk að sjá flott-
asta einkennisbúning sem sést
hefur á Íslandi síðan óperettusýn-
ingar duttu úr tísku.
Ef Napóleon sem háði allar sínar
orustur í gráum frakka úr ullar-
vaðmáli hefði haft jafngóða klæð-
skera og Ríkislögreglustjóri finnst
mér ólíklegt að hann hefði tapað
orustunni við Waterloo.
Það getur verið að hérna á
Íslandi séu heimóttar-
legustu valdsmenn
norðan Alpafjalla
en því getur eng-
inn neitað að þeir
eru allra manna
flottastir í tau-
inu.
MIÐVIKUDAGUR, 2. JÚLÍ.
Skíttu-á-þig-rökfræðin
Björgvin G Sigurðsson, viðskipta-
ráðherra kemur fram með þá
skynsamlegu yfirlýsingu að Sjálf-
stæðisflokkurinn verði að gera
upp Evrópumálin fyrr en síðar og
nú sé brýnna en nokkru sinni að
undirbúa aðild að ESB.
Birgir Ármannsson, þingmaður
Sjálfstæðisflokksins, segir ráð-
herrann „varpa reyksprengjum“
og undrast að hann „efni til ófrið-
ar“ í stjórnarsamstarfinu með
þessum hætti.
Þetta er íslensk stjórnmálaum-
ræða í hnotskurn. Einhver stingur
upp á að eitthvað sé gert og fær
það svar að hann sé að efna til
ófriðar og varpa reyksprengjum.
Svona þrætubók hét á götumáli
„skítt’-á-þig“-rökfræði þegar ég
var að alast upp – og var frekar
til marks um barnslega trú á lík-
amlega yfirburði umfram andlega
getu.
Stundum verð ég þreyttur á því
þegar fábjánar tala til þjóðarinnar
og þar með mín eins og við séum
líka fábjánar – jafnvel þótt þeir
hafi álpast inn á þing.
FIMMTUDAGUR, 3. JÚLÍ.
Blind mannvonska lög-
regluríkisins
Í morgun sótti Krummi bílinn
okkar á verkstæði B&L þar sem
enga þjónustu var að fá fyrr en
eftir dúk og disk og kom honum á
verkstæði í neðanjarðarhagkerf-
inu.
Ekki veit ég hvort þjóðhagsleg-
ur sparnaður verður af þessu, en
hitt veit ég að ég hyggst aðeins
eiga lágmarks viðskipti við B&L í
framtíðinni.
Jónas Kristjánsson segir í dag
á jonas.is: „Paul Ramses er ætt-
aður frá Kenía … var í gærmorg-
un tekinn fastur af lögreglunni
og skyldi flytjast nauðugur úr
landi í morgun. Enginn getur
gefið skýringar á geggjun
íslenzka kerfisins. Sýnir blinda
mannvonzku lögregluríkisins,
sem Björn Bjarnason og Harald-
ur Johannessen eru að byggja
upp hér á landi. Auk skálkanna
tveggja ber Ingibjörg Sólrún
Gísladóttir einnig ábyrgð á
glæpnum.“ „Skítt’-á-þig“-rök-
fræði handa byrjendum.
„Skítt’-á-þig“-rökfræði
handa byrjendum
Í dagbók Þráins Bertelssonar er fjallað um Metró í Reykjavík, málningarslettur, „skítt’-á-þig“-rökfræð-
ina, Baug og Becket og bent á umhugsunarverða málverkasýningu.
SAMSETT MYND
SAMSETT MYNDSAMSETT MYND
M Á L S & M E N N I N G A R
L A U G A V E G I 1 8