Fréttablaðið - 05.07.2008, Qupperneq 20
22 5. júlí 2008 LAUGARDAGUR
timamot@frettabladid.is
GEORGES POMPIDOU FÆDDIST
ÞENNAN DAG ÁRIÐ 1911
„Það eru til þrjár leið-
ir til glötunar; konur, fjár-
hættuspil og tæknimenn.
Sú ánægjulegasta er með
konum, sú fljótlegasta er
með fjárhættuspili en sú
öruggasta er með tækni-
mönnum.“
Georges Pompidou var forseti
Frakklands frá 1969 til dánar-
dags 1974. Pompidou-safnið er
nefnt eftir honum.
MERKISATBURÐIR
1643 Fyrsti hvirfilbylur í Banda-
ríkjunum skrásettur.
1841 Thomas Cook opnar
fyrstu ferðaskrifstofuna.
1846 Helgi G. Thordersen vígð-
ur biskup yfir Íslandi.
1865 Fyrstu lög veraldar um há-
markshraða sett á Bret-
landi.
1943 Bandarískur innrásarher
siglir 96 herskipum til Sik-
ileyjar á Ítalíu.
1983 George Bush, þáverandi
varaforseti Bandaríkjanna,
kemur í opinbera heim-
sókn til Íslands.
1983 Kona í Virginíu fæðir barn
84 dögum eftir að hafa
verið úrskurðuð heiladáin.
1989 Rod Stewart fær höfuð-
högg og rotast á tónleik-
um.
Það var þennan dag fyrir 22
árum að Nancy Reagan, þáver-
andi forsetafrú Bandaríkjanna,
klippti á fánalitaða borða við
Frelsisstyttuna í New York eftir
allsherjar upplyftingu og end-
urbætur á hundrað ára af-
mæli styttunnar. Frelsisstyttan
var gjöf frönsku þjóðarinnar til
þeirrar bandarísku árið 1886.
Hún stendur á Frelsiseyju og
fagnar hverjum þeim gesti,
innflytjanda og heimamanni
sem kemur vestur um haf.
Það var myndhöggvarinn
Frédéric Auguste Bartholdi sem skóp styttuna,
en Alexendre Gustave Eiffel, hönnuður Eiffel-
turnsins í París, hannaði byggingu og burðar-
verk styttunnar vestra. Hún er gerð úr gegnheil-
um kopar og stáli og nær 93
metra upp í loft á stalli sínum.
Frelsisstyttan er þekktasta
kennileiti Bandaríkjanna og
var fram að þotuöld eitt það
fyrsta sem mætti milljónum
innflytjenda eftir langa sjóferð
frá Evrópu.
Árið 1983 ákvað kredit-
kortafyrirtækið American
Express að ánafna einu penníi
af hverri færslu til endurgerðar
á styttunni. Alls söfnuðust 1,7
milljónir dala til verksins og
árið 1984 var Frelsisstyttunni
lokað svo 62 milljóna dala endurbætur gætu haf-
ist. Verkamenn byggðu rammgerða vinnupalla
utan um styttuna svo hún hvarf sjónum almenn-
ings allt til opnunar á ný 5. júlí 1986.
ÞETTA GERÐIST 5. JÚLÍ 1986
Frelsisstyttan afhjúpuð á ný
Í dag verður mikið um dýrðir á Sól-
heimum í Grímsnesi þegar Vigdísar-
hús verður blessað og tekið í notkun á
78 ára afmæli Sólheima.
„Við tókum ákvörðun um að nefna
húsið eftir frú Vigdísi Finnbogadótt-
ur. Vigdís hefur alla tíð verið einstak-
ur velvildarmaður Sólheima og reynst
samfélaginu feikilega vel; gaf meðal
annars eftirstöðvar kosningasjóðs síns
á sínum tíma til eflingar starfsemi Sól-
heima. Hún kemur reglulega til að eiga
með okkur stund og þær stundir eru
okkur virkilega kærar. Að eiga vináttu
frú Vigdísar og herra Sigurbjörns Ein-
arssonar eru hrein og klár forréttindi,“
segir Guðmundur Ármann Pétursson
forstöðumaður Sólheima, en frú Vigdís
opnar húsið formlega klukkan 15.30 og
Sigurbjörn biskup flytur húsblessun.
„Fáir núlifandi Íslendingar hafa
komið reglulega að Sólheimum í jafn
langan tíma og Sigurbjörn biskup.
Hann kom hingað fyrst sem ungur guð-
fræðingur og hefur allar götur síðan
látið sig samfélag Sólheima varða og
sýnt því fádæma tryggð.“
Vigdísarhús leysir af hólmi úrelta
þjónustubyggingu frá árinu 1970.
„Vigdísarhús er dásamleg smíð, alls
840 fermetrar og verður önnur af höfuð-
byggingum Sólheima. Arkitektinn
Árni Friðriksson hefur teiknað allar
megin byggingar hér síðustu tvo ára-
tugi og hans vegna er eitt af sérkenn-
um byggðarinnar heildstætt og fallegt
yfirbragð,“ segir Guðmundur Ármann
sem hlakkar til að nýta húsið í daglegu
lífi á Sólheimum.
„Í Vigdísarhúsi verður mötuneyti þar
sem íbúar geta borðað saman við bestu
aðstæður, matvinnsla, skrifstofur og
bakarí. Við höfum í mörg ár fiktað við
bakstur en opnum nú bakarí sem vinnu-
stað til að baka fyrir okkur sjálf, mötu-
neytið og búðina,“ segir Guðmundur
Ármann, búsettur á Sólheimum í 20 ár,
þar af sem forstöðumaður síðastliðin
þrjú ár.
„Í fyrsta hópnum fyrir 78 árum voru
sjö börn og búið í tjöldum. Í dag er hér
lítið þorp með fjölbreyttri flóru íbúa,
þar af 43 fatlaða einstaklinga. Við vinn-
um líka með Fangelsismálastofnun í að
gera fanga að hæfari mönnum áður en
þeir losna úr fangelsi; með Vinnumála-
stofnum í þjálfun fólks sem hefur lengi
verið að kljást við atvinnuleysi og bjóð-
um fólki með erfiða sjúkdóma að koma
hingað til hressingardvalar í samstarfi
við Bergmál,“ segir Guðmundur Ár-
mann um einstakt samfélag Sólheima
þar sem ríflega hundrað manns hafa
fasta búsetu. „Það eru alltaf forréttindi
að búa með góðu fólki og á Sólheimum
býr bara gott fólk. Okkur hefur farnast
vel með að búa til samfélag þar sem að-
greining er lítil sem engin á milli hópa.
Í íslensku þjóðfélagi hefur aðgrein-
ing aukist mjög, hvort sem um fatlaða,
geðfatlaða, aldraða eða aðra hópa er að
ræða. Aðgreining er kjánaleg og hefur
engan tilgang. Þegar maður lifir í um-
hverfi sem þessu fer einstaklingurinn
einn að skipta máli og fötlun verður
aukaatriði. Þess vegna er heilbrigt fyrir
ófatlaða að horfast í augu við þá stað-
reynd að minnihlutahópar hafa sitt að
segja og byggja samfélag sitt á öðrum,
en alls ekki ómerkilegri, gildum. Í því
felst jafnrétti að þeir hafi tækifæri til
að koma fram á sínum forsendum og
það dýpkar skilning hins ófatlaða á að-
stæðum fatlaðra. Af því hlýst sá lær-
dómur að ekki er sjálfgefið að laga sig
að samfélagi meirihlutans.“
Allir eru velkomnir að Sólheimum
í dag, eins og ævinlega. Ólöf Arnalds
heldur tónleika í Sólheimakirkju kl. 14.
Á morgun er guðsþjónusta í Sólheima-
kirkju kl. 14 þar sem Garðar Cortes
syngur einsöng og Styrmir Gunnarsson
flytur predikun. thordis@frettabladid.is
SÓLHEIMAR Í GRÍMSNESI: VIGDÍSARHÚS VÍGT Í TILEFNI AF 78 ÁRA AFMÆLI
Gott fólk laðar að sér góða
M
YN
D
/V
A
LG
EI
R
B
A
C
K
M
A
N
VIÐ VIGDÍSARHÚS
Hér stendur Guð-
mundur Ármann
Pétursson, forstöðu-
maður Sólheima, við
fagurt gluggahorn í
Vigdísarhúsi.
Innilegar þakkir til allra þeirra sem sýndu
okkur samúð og hlýhug vegna fráfalls eig-
inkonu minnar, mömmu, tengdamömmu,
ömmu og langömmu,
Elínar Jóhönnu
Guðlaugsdóttur Hannam.
Ralph Th. Hannam
Vilhjálmur Leifur Tómasson Hannam
Sólveig Hannam Árni Ólafur Lárusson
Júlía Hannam Ragnar Þ. Ragnarsson
Elísabet Hannam Örn Helgason
og fjölskyldur.
Ástkær móðir okkar, tengdamóðir, amma
og langamma,
Lilja Guðlaugsdóttir
Víðilundi 24, Akureyri,
(áður í Hafnarstræti 33),
lést miðvikudaginn 2. júlí á Sjúkrahúsinu á Akureyri.
Margrét Þórhallsdóttir Karl Eiríksson
Þórhalla Þórhallsdóttir Hjörtur Hjartarson
Valdimar Þórhallsson Inga Hjálmarsdóttir
Gylfi Þórhallsson
Eyþór Þórhallsson Margrét Sigurðardóttir
ömmubörn og langömmubörn.
Ástkær eiginmaður minn, faðir,
tengdafaðir, afi og langafi,
Gísli Guðmundsson
Sléttuvegi 23, Reykjavík,
lést á hjartadeild Landspítalans, föstudaginn 4. júlí
2008.
Dagbjört Ólafsdóttir
Svanbjörg Gísladóttir Jón Hansson
Ester Gísladóttir
Viðar Gíslason Kristín S. Svavarsdóttir
Þórir Gíslason Sigrún Hinriksdóttir
barnabörn og barnabarnabörn.
Innilegar þakkir til allra þeirra sem sýndu
okkur samúð og hlýhug við andlát og útför
ástkærrar móður okkar, tengdamóður,
ömmu og langömmu,
Önnu Jóhannesdóttur
Hóli við Dalvík.
Guð blessi ykkur öll.
Jóhannes Markússon
Svanhildur Karlsdóttir Hallgrímur Tómasson
Sigurbjörg Karlsdóttir Friðrik Þórarinsson
Þorleifur Karlsson Sigurbjörg Einarsdóttir
ömmubörn og langömmubörn.
Ástkær eiginmaður minn, faðir okkar,
tengdafaðir, afi og stjúpfaðir,
Hilmar Jóhannesson
rafeindavirkjameistari,
Brekkugötu 19, Ólafsfirði,
sem lést þriðjudaginn 24. júní síðastliðinn á
Sjúkrahúsinu á Akureyri, verður jarðsunginn frá
Ólafsfjarðarkirkju þriðjudaginn 8. júlí klukkan 14.00.
Hrafnhildur Grímsdóttir
Jóhann G. Hilmarsson Anne Irmeli Turunen
Haukur Hilmarsson
og fjölskyldur.
Ástkær eiginmaður minn, faðir,
tengdafaðir og afi,
Jón Ármann Jakobsson
Pétursson
Tæknifræðingur, Kringlunni 17,
lést á gjörgæsludeild Landspítala fimmtudaginn 26.
júní. Útför hans fer fram frá Háteigskirkju mánudag-
inn 7. júlí kl. 15.00
Hafdís Einarsdóttir
Pétur H. Jónsson Oddný Þ. Óladóttir
Margrét Jónsdóttir Arnór H. Arnórsson
Einar Þór Jónsson Gina Jónsson
og barnabörn.