Fréttablaðið - 05.07.2008, Side 32

● heimili&hönnun
V erslunin Nóra hefur verið opnuð í Kópavogi en hún sérhæfir sig
í sölu á frönskum húsgögnum og
heimilismunum.
„Við seljum heimilisvörur og hús-
gögn í þessum franska stíl. Við höfum
í rauninni allt sem þarf til þess að
skapa rómantískan franskan sveitastíl
á heimilinu,“ segir Jakobína Sigurðar-
dóttir, framkvæmdastjóri Nóru. „Okkur
fannst vanta svona búð á markaðinn
þar sem við Íslendingar höfum verið
mikið í þessari hörðu línu. Í Nóru er
allt önnur sýn.“
Jakobínu segir vörurnar enn fremur
henta þeim sem búa í litlum rýmum.
„Þetta er allt svona nett eins og Frakkarnir hafa hlutina.“
Verslunin Nóra hefur starfað í tvö ár og verið á þremur mismun-
andi stöðum, en að sögn Jakobínu kannast sennilega margir við hana
úr Bankastrætinu.
Rómantískur sveitastíll
Nóra selur vörur í rómantískum
frönskum sveitastíl.
FRÉTTABLAÐIÐ/ARNÞÓR
Sverrir Norðfjörð arkitekt lést
17. júní síðastliðinn. Sverrir
stundaði nám í arkitektúr við
Kunstakademiets Arkitektskole
í Kaupmannahöfn á árunum 1964
til 1971. Stærsta verkefni hans
var kirkjan og kirkjumiðstöðin
í Seljahverfi. Hann kom einnig
að skipulagi byggðar í Selási
og verslunarmiðstöðvar innar
í Mjódd en mestmegnis fékkst
hann við hönnun einbýlishúsa að
námi loknu og þótti byggingar-
lag hans stílhreint.
Við byggingu Seljakirkju leit-
aði bygginganefnd Seljasókn-
ar eftir samstarfi við Sverri
um hönnun kirkjunnar. Val-
geir Ástráðsson, sóknarprest-
ur í Selja sókn, segir Sverri hafa
verið valinn í verkefnið vegna
þess að hann var góður arki-
tekt, samvinnu lipur og vandvirk-
ur. Byggingin er fjögur hús sem
tengjast saman með miðrými og
var hugmyndin sem lá að baki
sú að hægt yrði að halda úti mis-
munandi starfsemi í húsinu án
þess að eitt truflaði annað. Einn-
ig var gert ráð fyrir því við hönn-
un kirkjunnar að hægt yrði að
byggja hana í áföngum.
„Seljakirkja er teiknuð innan
frá og fyrst og fremst byggð til
að hýsa fjölbreytilegt safnaðar-
starf,“ útskýrir Valgeir. „Við
getum haldið æskulýðsfundi og
kóræfingar og hugleiðslustund á
sama tíma án þess að það trufli
hvert annað og á kirkjan sér
ekki hliðstæðu hér á landi að því
leytinu til.“
Fyrsti hluti kirkjunnar var
vígður árið 1987 en síðasta álman
var svo tekin í notkun árið 1999.
Kirkjan er í hverfinu miðju og
hefur sinnt hlutverki sínu sem
þjónustumiðstöð við söfnuð-
inn vel en byggingarnefnd var
falið á sínum tíma að hafa orðið
„þjónusta“ að leiðarljósi. Kirkj-
an er einföld að sniði og yfirlæt-
islaus, sem má segja að sé ein-
kennandi fyrir stíl Sverris.
„Sverrir lagði áherslu á að
kirkjan yrði kurteis bygging,
eins og hann var sjálfur,“ segir
Valgeir. „Byggingarlag hans var
stílhreint og yfirlætislaust.“
- rat
Teiknaði kirkjuna innan frá
● Sverrir Norðfjörð arkitekt var þekktur fyrir stílhreinar og yfirlætislausar byggingar.
Seljakirkja er sjálfsagt þeirra þekktust en hún var byggð í fjórum áföngum frá 1983 til 1999.
Einbýlishús í Mosfellsbæ teiknað af Sverri Norðfjörð. Húsið er byggt árið 1991. FRÉTTABLAÐIÐ/ANTON
Seljakirkja í Seljahverfi var hönnuð svo hægt væri að byggja hana í áföngum.
Hliðarsalur í kirkjunni getur rúmað allt
að 150 manns í sæti. Seljakirkja hýsti um
180 manna prestastefnu í júní síðast-
liðnum án vandkvæða. FRÉTTABLAÐIÐ/AUÐUNN
„Sverrir lagði áherslu á að kirkjan yrði
kurteis bygging, eins og hann var sjálfur.“
Stórglæsilegt
GASGRILL
á veröndina
Sölustaðir: Járn og gler · Garðheimar · Húsasmiðjan
Egg · www.weber.is
X
E
IN
N
JG
S
U
M
S
420 2x25
S
um
m
it S
420
5. JÚLÍ 2008 LAUGARDAGUR4