Fréttablaðið - 05.07.2008, Blaðsíða 60

38 5. júlí 2008 LAUGARDAGUR
Í tilefni hins nýja veggl-
istaverks sem nú prýðir
hið fornfræga Sirkúsport
verður haldin garðveisla í
portinu í dag. Það eru
Gallerí Lost Horse og
Nýlenduverslun Hemma
og Valda sem standa fyrir
veislunni sem hefst
stundvíslega klukkan 15 og
mun standa fram að
miðnætti. Hægt verður að
kaupa mat og drykk á
staðnum en einnig verður
haldið listauppboð og mun
ágóðinn allur renna til
þeirra listamanna sem
stóðu að veggverkinu.
„Listamennirnir fengu
engin laun fyrir vinnu sína
og við erum að vonast eftir að geta með þessu framtaki borgað þeim
einhverja smá upphæð fyrir alla þá vinnu sem þeir lögðu á sig,“
segir Alexander Zaklynsky sem er einn þeirra sem stóð fyrir
verkefninu. Sérsmíðuð mínígolfbraut verður einnig afhjúpuð í dag
og munu ýmsar hljómsveitir og plötusnúðar spila fyrir gesti.
„Það er spáð góðu veðri þannig ég vona að sem flestir láti sjá sig
og komi og njóti dagsins með okkur,“ segir Alexander að lokum.
- sm
folk@frettabladid.is
„Söfnunin hefur gengið vel
og nær nýju hámarki á sunnu-
daginn,“ segir Hrafn Jökuls-
son í Trékyllisvík.
Mikil hátíð stendur fyrir
dyrum á sunnudaginn á hótel
Glym í Hvalfirði með kaffi-
hlaðborði, listaverkauppboði
og skemmtiatriðum en hátíð-
in er liður í fjáröflun Félags
Árneshreppsbúa sem stend-
ur yfir vegna endurreisnar
Finnbogastaða sem brunnu
nýverið ofan af Guðmundi
Þorsteinssyni. Öll innkoma
fer þráðbeint í söfnunina að
sögn Hrafns sem bendir að
sjálfsögðu á reikningsnúmer-
ið 1161-26-001050 við kenni-
tölu: 451089-2509. „Mundi
mætir sjálfur suður af þessu
tilefni. Ég get ekki nógsam-
lega undirstrikað mikilvægi
málsins,“ segir Hrafn sem
einatt lætur til sín taka þegar
góð málefni eru annars vegar.
Og þetta hlýtur sannarlega
að teljast eitt þeirra. „Nýtt
hús fyrir Munda. Roskna
kempu á heimsskautsbaug.
Sem missti hús sitt í bruna.
Hús sem stendur í fámenn-
asta byggðarlagi Íslands,”
segir Hrafn. Fjölmargir
ferðamenn hafa lagt leið sína
norður í Trékyllisvík – þeirra
á meðal gamall vinur Hrafns,
Guðni Ágústsson, formaður
Framsóknarflokksins, en þeir
elduðu grátt silfur í kosning-
um á Suðurlandi fyrir of
mörgum árum. Þá var Hrafn
einnig ritstjóri Alþýðublaðs-
ins. „Já, Guðni hefur heitið
liðsinni sínu og munar um
minna,” segir Hrafn. - jbg
Safnað fyrir roskna kempu
Í dag stendur Félag um stafrænt frelsi fyrir
ráðstefnu á Grand Hotel þar sem ætlunin er
að vekja Íslendinga til umhugsunar um frelsi
á upplýsingaöld. Einn ræðumanna er
Bandaríkjamaðurinn John Perry Barlow, sem
hefur látið mikið til sín taka á þessum
vettvangi. Réttindamál tónlistarmanna eru
John meðal annars hugleikin því sjálfur er
hann tónlistarmaður og gerði texta fyrir
Grateful Dead.
„Í Bandaríkjunum eru tónlistarfyrirtækin
farin að tala mikið um „tónlistarneytendur“.
Hvað þýðir það?,“ spyr hann. „Ef ég neyti
hamborgara þá veit ég hvað kemur út um
hinn endann, en ef ég „neyti“ lags, hvað
kemur þá út? Ég neyti lagsins en lagið er
samt enn þá á sínum stað, en ef ég neyti
hamborgara þá hverfur hann. Þess vegna fæ
ég ekki skilið hvernig hægt er að kalla fólk
sem hlustar á tónlist „neytendur“.“
John er kominn í stuð og heldur áfram:
„Fyrir mér er tónlist ekki eins og nafnorð
heldur eins og sögn – tónlist er aðgerð,
samskiptaleið. Nú er tónlistar- og kvik-
myndabransinn alltaf að tala um mannlega
tjáningu sem innihald. Ef þeir breyta þessu í
nafnorð geta þeir eignað sér það. Fyrir mér
er tónlist ekki hlutur.“
John hefur þá sýn á lagasmíðar að tónlist
sé ekki „búin til“ af einhverjum, heldur
„flæði“ í gegnum hann. „Ég samdi ekki lögin
sem eftir mig liggja. Ég skrifaði þau bara
niður. Ef ég eignaði mér þessi lög væri það
eins og að kraninn eignaði sér vatnið. Sem
hann getur svo sem að hluta. Sumir kranar
eru svo heppnari en aðrir. Ég hefði til dæmis
alveg verið til í að vera kraninn sem Bob
Dylan-lögin flæða í gegnum.“
John er umhugað um rétt almennings til
upplýsinga eins og titill fyrirlesturs hans
gefur til kynna, „The Right to Know“. „Á
sínum tíma kom hópur fólks með kröfur um
almenn mannréttindi og þær kröfur gengu
eftir þótt það tæki tíma að ná þeim fram. Nú
stöndum við frammi fyrir svipuðum grund-
vallarspurningum með tækninýjungum
tölvutækninnar og internetsins. Nú ætti
almenningur til dæmis að geta fræðst um allt
sem hann vill, í mínum huga eiga allar
upplýsingar um yfirvaldið að liggja fyrir. Það
er bara hægt ef yfirvaldið er gegnsætt. Vald
er tjáð á tvennan hátt: með ofbeldi og með
því að hefta upplýsingaflæði. Ef þú getur
stjórnað því hvað fólk veit, þarf ekki að
hleypa af einu skoti.“
Ráðstefnan stendur frá kl. 12 til 18.
Aðgangur er ókeypis.
gunnarh@frettabladid.is
Tónlistarmenn eru kranar
SPYR GRUNDVALLARSPURNINGA John Perry Barlow
talar um stafrænt frelsi í dag. FRÉTTABLAÐIÐ/VILHELM
Faðir Amy Winehouse hefur
undanfarið verið í fullri vinnu við
að vakta dóttur sína og passa upp
á að hún haldi sig fjarri eiturlyfj-
um og áfengi. Nú hefur honum
hlotnast liðsstyrkur því útgáfufyr-
irtæki Amy hefur fengið öryggis-
vörð til að standa vakt fyrir utan
heimili stjörnunar og fær nú
enginn fyrir utan fjölskylduna að
koma nálægt henni. Þetta
mun vera síðasta
hálmstráið í björgun-
artilraunum vina og
vandamanna
en heilsu
Amy hefur
hrakað ört
síðustu
mánuði og
var hún
meðal
annars lögð
inn á spítala
fyrir stuttu.
Amy vöktuð
Ásgeir Þórðarson, leikari, og Soff-
ía Jóhannesdóttir opnuðu á
fimmtudag vespuleigu sem hefur
fengið nafnið Lundavespur. Slegið
var upp veislu í tilefni dagsins og
líkt og myndirnar bera með sér
skemmtu gestir sér vel.
Lundavespur eru til húsa við
hvalskipin við Reykjavíkurhöfn
og þar geta menn leigt sér vespu
til þess að rúnta um borgina. Ves-
pur hafa verið að ryðja sér til
rúms á síðustu mánuðum og þykja
góður og sparneytinn ferðakostur
nú á krepputímum. Það er því um
að gera að bregða sér niður á höfn,
anda að sér sjávarloftinu, leigja
sér vespu og taka eins og einn rúnt
niður Laugaveginn. - sm
Fögnuðu vespuleigu

GARÐVEISLA Á SIRKUS Alexander Zaklynski
skreytti Sirkusportið.
> LÍK ANGELINU JOLIE
Mörgum þykir leikkonan unga,
Megan Fox, svipa mjög til Ang-
elinu Jolie. Megan var valin
kynþokkafyllsta kona ársins
af tímaritinu FHM, en það er
titill sem Angelina hefur einn-
ig hampað. Leikkonurnar eiga
einnig sameiginlegt áhugamál,
en það eru húðflúr og skarta
þær báðar nokkrum slíkum.
ÁNÆGT VESPUFÓLK Soffía Jóhannes-
dóttir og Ásgeir Þórðarson opnuðu
vespuleigu. FRÉTTABLAÐIÐ/DANÍEL
LILJA, GUÐRÚN, ÞURÝ OG ÁSTA
Skemmtu sér vel í blíðunni.
Garðveisla í portinu
Kreppa kreppa kreppa. „Krónan í
frjálsu falli.“ Ertu komin með nóg
af því hvað allt er dýrt? Örvæntu
ekki. Hér eru hugmyndir að
dægradvöl sem kostar ekki krónu.
Alveg satt!
Bleyttu fæturna í Nauthólsvík.
Það er ekkert alltaf rok og það er
náttúrulegra (og ódýrara) en að
liggja í klór. Ef þig langar ekkert í
vatnið er sandurinn tilvalinn
undir kastalabyggð, boltaleiki,
sólbað …
Kíktu á bókasafnið. Hver veit
nema þú dettir inn í einhverja
ódauðlega snilld, eða eigir augn-
gotur í gegnum bókaskápana. Svo
eru kvöldgöngur frá Borgarbóka-
safninu fimmtudagskvöld klukk-
an átta með leiðsögumanni og má
þar fræðast um borg og bý.
Gefðu öndunum. Það er ekki
bara fyrir ungbörn að hlusta á
gutlið í tjörninni og kvakið í bra
bra. Þú getur fengið brauð í bakar-
íinu og verið sátt/ur við góðverk
dagsins.
Prufukeyrðu bíl. Er ekki í lagi
að láta sig dreyma? Akstur í
nýþvegnum bíl með græjurnar á
góðum styrk kemur skapinu í lag.
Svo er þetta ekki þinn tankur.
Sestu í garð Einars Jónssonar.
Rýndu í högglist meistarans og
gleymdu öllum ysi í hjarta borgar-
innar.
Fáðu frítt að borða. Food for
Bombs eða Matur ekki einkaþotur
gefa mat alla laugardaga á Lækj-
artorgi. Komdu þér í pólitískar
umræður við róttæklinga Íslands.
Samræðurnar gætu komið þér á
óvart.
Kíktu á Listasafn. Það er hvergi
meiri ró en á söfnum borgarinnar
og myndlist vekur alltaf einhverj-
ar kenndir eða hugmyndir.
Farðu á tónleika. Djass á Jóm-
frúnni er klassískur á laugardög-
um, sumarhópar Hins Hússins
dúkka upp á föstudögum. Renndu
á hljóðið.
Finndu þér grasblett. Hvort sem
það er á Austurvelli, Grasagarðin-
um, Miklatúni eða uppi í Heið-
mörk. Þú þarft ekki að liggja og
sóla þig. Þú gætir farið í folf, skellt
þér í fótbolta, hlaupið í skarðið eða
rúllað þér í dögginni. Hvað sem
hentar þér best.
Farðu að dorga. Á bryggjunni er
skemmtun fyrir fleiri en hug-
myndaríka polla. Afhverju ekki að
virkja veiðimanninn og barnið í
sér í einu?
Skelltu þér í Bingó. Það kostar
kannski að spila en það getur verið
stórkostlegt að fylgjast með
spennunni rísa í Vinabæ áður en
allt springur í stórkostlegu Bingó!
Finndu þér kvikmyndaklúbb.
Víða leynast ókeypis kvikmynda-
sýningar, t.d. í Goethe-Institut og í
Bæjarbíói. Einhver þeirra er sér-
sniðinn að þínu áhugasviði.
Farðu í Kolaportið. Þú þarft
ekkert að versla, það eitt að vera
þar er feikinóg. Ef þig langar á
annars konar útimarkað geturu
kíkt á Organ og ruggað þér í takt.
Klífðu Esjuna. Hættu að tala um
það og gerðu það. Þá er það afrek-
að. Og hana nú.
Vertu heima hjá þér. Það er líka
gott að vera heima með góða bók
eða sjónvarpsfjarstýringuna
límda við lófann. Leyfðu þér það.
kolbruns@frettabladid.is
Ókeypis? Á Íslandi? Ekki séns!
SANDURINN KITLAR Það má ýmislegt
finna sér til dundurs á ylströnd Íslend-
inga, Nauthólsvík. FRÉTTABLAÐIÐ/E.ÓL.
SVANASÖNGUR Brauð gæti verið góðverk
dagsins. FRÉTTABLAÐIÐ/STEFÁN
RÓIN HÖGGVIN Í STEIN. Garður Einars Jónssonar er tilvalinn til afslöppunar.
FRÉTTABLAÐIÐ/GVA
BÍÐA EFTIR NÝJU HEIM-
ILI Mundi og læðan Písl
sem er 18 ára gömul.
Þegar brann ofan af
þeim tóku sveitungarnir
höndum saman.
FR
ÉTTA
B
LA
Ð
IÐ
/H
R
A
FN