Fréttablaðið - 08.07.2008, Blaðsíða 12

12 8. júlí 2008 ÞRIÐJUDAGUR
Apple IMC
Apple IMC | Humac ehf.
Sími 534 3400
www.apple.is
Laugavegi 182
105 Reykjavík
Kringlunni
103 Reykjavík
MacBook Air 1,36 kg, þyngd í samanburði við:
Fartölvu . . . . . . . . . . . . . . . . . . . . . . . . . . . . . . . . . . . 2,50 kg
Erlent tímarit . . . . . . . . . . . . . . . . . . . . . . . . . . . . . . 1,64 kg
Handtösku . . . . . . . . . . . . . . . . . . . . . . . . . . . . . . . . 2,37 kg
F
í
t
o
n
/
S
Í
A
MacBook Air – örþunn, fislétt, líka fyrir Windows
Þegar þú snertir nýju MacBook Air breytist allt sem þú taldir þig vita um fartölvur
og verður aldrei eins aftur. MacBook Air á þig um leið og þú sérð hana.
Létt, örþunn, öflug.
Fágun. Upplifun. Óviðjafnanleg.
MENNING Stjórn Starfsmannasam-
taka Ríkisútvarpsins ohf. hefur
sent frá sér yfirlýsingu þar sem
skorað er á ráðamenn að tryggja
fyrirtækinu þær tekjur sem lofað
var þegar rekstrarfyrirkomulagi
þess var breytt.
„Þetta bitnar mest á starfs-
mönnum en við teljum að
uppsagnir ættu að vera síðasta
úrræði stjórnenda en ekki
sjálfsagður liður í hagræðingu,“
segir Baldvin Þór Bergsson,
formaður samtakanna. - ges
Starfsmenn RÚV ósáttir:
RÚV vantar
rekstrartekjur
Hitler verður sýndur aftur
Vaxmyndin af Adolf Hitler verður aftur
sett upp í vaxmyndasafni Tussaud í
Berlín. Gera þarf við myndina eftir að
fertugur Berlínarbúi tók höfuðið af
henni til að mótmæla þeirri vegsemd
sem honum þótti Hitler sýnd.
ÞÝSKALAND
JAPAN, AP Dimitrí Medvedev Rúss-
landsforseti ræddi í gær við aðra
þjóðarleiðtoga á fundi G8-ríkja í
Japan. Þetta er mikilvægasti
alþjóðlegi fundur hans frá því
hann tók við forsetaembættinu af
Vladimír Pútín.
Að sögn sérfræðinga virðist
Medvedev ætla að fylgja áfram
harðlínustefnu forvera síns. Hann
sé hins vegar kurteisari og mýkri í
fari en Pútín, sem falli betur í
kramið hjá vestrænum leiðtogum.
Medvedev telur samband Rúss-
lands og Bandaríkjanna á heildina
litið jákvætt. Hann hefur þó, eins
og forveri hans, lýst andstöðu sinni
við áætlanir Bandaríkjamanna um
að koma upp eldflaugavarnarkerfi
í Austur-Evrópu og áætlunum um
að Georgía og Úkraína gangi í
Atlantshafsbandalagið.
Samband Rússlands og Bret-
lands er enn stirt vegn Litvinenko-
málsins. Samband Rússa við
Frakka og Þjóðverja er vinalegra.
Nicolas Sarkozy hefur talað fyrir
nýjum heildarsamningi Rússlands
og Evrópusambandsins. - gh
Medvedev hittir aðra þjóðarleiðtoga á fundi G8-ríkja:
Framfylgir stefnu
Pútíns í fágaðra gervi
MEDVEDEV OG BUSH George Bush
Bandaríkjaforseti segir að Medvedev
virki „klár gæi sem skilji vel málefnin“.
JAPAN, AP Leiðtogar sjö Afríku-
ríkja mættu á fund í gærmorgun
með leiðtogum G8-ríkjahópsins í
Japan, á fyrsta degi leiðtogafund-
arins. Rætt var um efnahags aðstoð
til Afríku, en sum ríkjanna átta,
einkum þó Frakkland, Kanada og
Ítalía, hafa verið gagnrýnd fyrir
að skammta Afríkuríkjum naumt
alla aðstoð.
Fyrir þremur árum samþykktu
ríkin átta að auka verulega aðstoð
sína við Afríku, en þau loforð hafa
ekki skilað sér í auknu fjármagni.
„Ef þetta fé væri komið á stað-
inn, þá teljum við að bjarga hefði
mátt fimm milljónum mannslífa á
hverju ári,“ sagði Charles Abani
hjá Oxfam, stofnun á vegum Sam-
einuðu þjóðanna, í Nígeríu.
Thabo Mbeki, forseti Suður-Afr-
íku, sætti á fundinum harðri gagn-
rýni fyrir stuðning sinn við Robert
Mugabe, forseta Simbabve. Meðal
annars gagnrýndi George W. Bush
Bandaríkjaforseti hann harðlega.
Mbeki hefur verið í lykilhlutverki
í viðræðum við Mugabe, en þykir
hafa sýnt honum mikla linkind.
Angela Merkel, kanslari Þýska-
lands, hvetur leiðtoga hinna G8-
ríkjanna til þess að grípa til harðra
aðgerða gegn Mugabe vegna
ný afstaðinna forsetakosninga í
landi hans, sem almennt hafa verið
taldar ómarktækar.
„Ég tók það skýrt fram að úrslit
kosninganna væru ógild,“ sagði
Merkel við blaðamenn að fundin-
um loknum.
Töluvert hefur verið rætt um að
fjölga í G8-hópnum til að gefa
fleiri upprennandi áhrifaríkjum
kost á að taka þátt í þessum árlegu
fundum, þar sem heimsmálin eru
rædd.
Ekki eru mörg ár síðan Rúss-
land fékk aðild að hópnum, sem þá
hét G7-hópurinn, en Nicolas
Sarkozy Frakklandsforseti hefur
nú lagt til að Kína, Indland, Brasil-
ía, Suður-Afríka og Mexíkó fái inn-
göngu. Í ár er þó látið nægja að
bjóða leiðtogum þessara fimm
ríkja til fundarins í Japan, þar sem
þeir ræða í dag við leiðtogana átta,
en Sarkozy segir það lágmark að
heill dagur verði tekinn undir við-
ræður þessa stækkaða hóps.
Loftslagsmál og efnahagsmál
verða annars helstu málefni fund-
arins í ár. Meðal annars verður
reynt að ná samkomulagi um að
ríkin átta dragi úr losun gróður-
húsalofttegunda um 50 prósent
fyrir árið 2050, en óvíst er með
öllu hvort slíkt samkomulag næst.
gudsteinn@frettabladid.is
Thabo Mbeki
gagnrýndur
Málefni Afríku voru í brennidepli á fyrsta degi leið-
togafundar G8-ríkjanna í Japan í gær. Tillögur um
að fjölga í ríkjahópnum fá byr undir báða vængi.
LEIÐTOGAFUNDINUM MÓTMÆLT Mótmælendahópar fylgja jafnan árlegum leiðtoga-
fundum G8-ríkjanna, sem að þessu sinni er í Japan. FRÉTTABLAÐIÐ/AP
FÉLAGSMÁL Leiga Félagsbústaða
í Reykjavík hækkaði um síðustu
mánaðamót um 6,4 prósent
vegna vísitölu sem leigan er
bundin við. Nokkuð hefur verið
gagnrýnt að húsaleigubætur
séu ekki vísitölubundnar á sama
hátt.
Fréttablaðið hefur undir
höndum reikninga frá tveimur
leigjendum Félagsbústaða. Hjá
öðrum þeirra hækkaði leigan úr
ríflega 54.600 krónum í rúmlega
58 þúsund krónur. Hjá hinum úr
um það bil 94.000 krónum í ríf-
lega 102.600 krónur.
Vísitölubreytingar á leigunni
verða á hverjum ársfjórðungi
og tóku síðast gildi nú um mán-
aðamótin.
Líkt og Fréttablaðið hefur greint
frá var nýverið gerð breyting á
niðurgreiðslu Reykjavíkurborgar.
Leigan var færð að raunvirði og í
stað niðurgreiðslu á henni komu
sérstakar húsaleigubætur.
Nokkuð hefur borið á óánægju
leigjenda með það hve breytileg
sú upphæð sem leigjendur þurfa
að greiða sé. Greiðsluseðlar hálfs
árs sýna útgjöld frá bilinu tæp-
lega 27 þúsund í ríflega 41 þúsund.
Aðeins í einu tilvikinu er leigan sú
sama á milli mánaða.
Stjórn Félagsbústaða hefur
óskað eftir 10 prósenta hækkun á
leiguna umfram verðlagshækkan-
ir. Velferðarráð hefur ekki svarað
erindinu og er nú komið í sumar-
frí. - kóp
Leiga Félagsbústaða hækkar í tengslum við vísitölu:
Félagsleg leiga hækkar enn
FÉLAGSBÚSTAÐIR Húsaleigan hefur
hækkað í tengslum við hækkun vísitölu
undanfarið. FRÉTTABLAÐIÐ/VILHELM
SVEITARSTJÓRNIR Fimmtán íbúar á
Höfn í Hornafirði hafa sent
bæjaryfirvöldum mótmæli vegna
staðsetningar fyrirhugaðs
knattspyrnuhúss.
Fólkið, sem býr við göturnar
Bogaslóð og Garðsbrún, segir að
útsýni muni breytast mikið og
hús þar muni því falla í verði. Í
fundargerð bæjarráðs kemur
einnig fram að aðalstjórn
Ungmennafélagsins Sindra fagni
staðsetningu knattspyrnuhússins.
Hún henti vel vegna nálægðar við
önnur íþróttamannvirki. Bæjar-
ráðið ákvað að framlengja
umsagnarfrest um deiliskipulags-
tillöguna um tvær vikur. - gar
Knattspyrnuhús í Hornafirði:
Ósátt við að
missa útsýnið
ALLIR FRÁ! Þátttakendur í árlegu
nautahlaupi í Pamplona á Spáni flýja
viðskotaill nautin. FRÉTTABLAÐIÐ/AP