Fréttablaðið - 08.07.2008, Blaðsíða 37

ÞRIÐJUDAGUR 8. júlí 2008 21
Tónleikaröðin Þriðjudagskvöld í
Þingvallakirkju heldur áfram í
kvöld, en í þetta skipti flytur
Hafdís Vigfúsdóttir flautuleikari
fjölbreytta dagskrá fyrir einleiks-
flautu. Hafdís er búsett í París um
þessar mundir þar sem hún leggur
stund á framhaldsnám í flautuleik
en kemur víða fram með flautuna
sína hér á landi nú í sumar. Meðal
verka á efnisskrá Hafdísar er
fantasía eftir Telemann, einleik-
sverk eftir Toru Takemitsu,
tangóetýður eftir Piazzolla og
frumflutningur á nýju verki eftir
Ásrúnu I. Kondrup. Tónleikarnir
hefjast kl 20.00 og standa yfir í
tæpa klukkustund. Enginn
aðgangseyrir er að tónleikunum en
tekið við frjálsum framlögum í
tónleikalok. - vþ
Flauta á
Þingvöllum
HAFDÍS VIGFÚSDÓTTIR Leikur fagra
flaututónlist á tónleikum í Þingvalla-
kirkju í kvöld.
Breski listamaðurinn Hamish
Fulton opnaði nýverið sýningu í
sýningarrýminu i8 á Klapparstíg.
Fulton vakti fyrst athygli seint á
sjötta áratugnum fyrir verk sem
voru á mörkum skúlptúrs og
landslagslistar. Í kringum 1970 fór
hann að fara í gönguferðir og taka
ljósmyndir af upplifun ferðarinn-
ar. Eftir því sem árin liðu varð
áherslan í listsköpun Fultons meiri
á gönguferðirnar og urðu þær á
endanum að aðalatriði í verkum
hans. Fulton miðlar síðan upplifun
sinni af göngunum í gegnum bæði
myndir og texta. Hann hefur farið
langt yfir hundrað gönguferðir
víðs vegar um heiminn, en
sýningin í i8 er afrakstur fjórtán
daga gönguferðar sem Hamish
Fulton fór um Ísland nú í lok júní
og byrjun júlí.
Fulton hefur sýnt verk sín víða,
meðal annars á Tate Britain,
Serpentine Gallery í London,
Danese Gallery í New York,
Gallery Koyanagi í Tokyo og
Museum of Modern Art í New
York.
Sýningin stendur til 9. ágúst. - vþ
Afrakstur
gönguferðar
I8 Hýsir nú sýningu breska listamanns-
ins Hamish Fulton.
Myndlistartvíeykið Sally
og Mo, eða þær Þóra Gunn-
arsdóttir og Elín Anna
Þórisdóttir, opna sýningu
í Gallerí Auga fyrir auga,
Hverfisgötu 35, á laugardag
kl. 15.
Sýningin nefnist „Sally og Mo:
Ríða á vaðið“. Þær Elín og Þóra
hafa starfað saman undir vinnu-
heitinu Sally og Mo í um þrjú ár;
þær eru vinir sem vinna saman
að listverkefnum þar sem sköpun
og spuni eru í fyrirrúmi, einkum
og sér í lagi upplifun þeirra af
líðandi stundu. Í gegnum spun-
ann safna þær saman reynslu
sinni í formi ljósmynda, mynd-
banda eða þrívíðra hluta og finna
úr þeim augnablik mynd líkinga.
Um þessar mundir skoða þær
táknmynd og þýðingu fagurfræð-
innar í hversdagslegu umhverfi
og er sérstakur miðpunktur
athugana þeirra hugmyndin um
„stofustássið“, en það er fyrir-
bæri sem flestir Íslendingar
kannast við að heiman.
Þær stöllur gera tilraunir með
að tengja saman spuna og sköpun
við táknmynd styttunnar í stof-
unni og myndarinnar yfir sófan-
um og þær hugmyndir sem við
höfum um hvort tveggja í okkar
nánasta umhverfi. Með þessari
nýju sýningu reyna þær að brjóta
upp þessar hugmyndir og láta
vaða, ef svo mætti að orði kom-
ast, á einlægan hátt.
Samstarf þeirra Elínar og Þóru
hófst í listahópnum Skúla í Túni,
sem starfræktur var á vinnu-
stofu nokkurra listamanna í
Skúlatúni á árunum 2005-2007.
Elín Anna útskrifaðist með BA-
gráðu í myndlist frá Listaháskóla
Íslands árið 2004 og Þóra árið
2005, en hún lauk auk þess meist-
aranámi frá Listaháskólanum í
Gautaborg árið 2007. Þær hafa
tekið þátt í fjölda samsýninga
sem og haldið einkasýningar;
Elín Anna nú síðast í Anima Gall-
erí í febrúar síðastliðnum og Þóra
í Gallerí Cosmopolitan í Gauta-
borg í mars 2007. Sem Sally og
Mo hafa þær meðal annars sýnt á
síðustu Sequences-hátíð og á
NordArt-hátíðinni í Carlshütte í
Þýskalandi árið 2007.
Sýningin „Sally og Mo: Ríða á
vaðið“ verður opin miðvikudaga
til sunnudaga frá kl. 14 til 18 í
Gallerí Auga fyrir auga fram til
1. ágúst næstkomandi.
vigdis@frettabladid.is
Riðið á vaðið um helgina
STOFUSTÁSS Verk eftir þær Sally og Mo.
*
ÍS
L
E
N
S
K
A
/S
IA
.I
S
/I
C
E
4
29
64
7
/0
8
HUGURINN BER ÞIG AÐEINS HÁLFA LEIÐ
+ Bókaðu flug á www.icelandair.isÍ Shaftesbury Theatre er sæti
fyrir þig. Ítalskur meistara-
kokkur við Duke Street hefur
lagt á borð fyrir þig. Það er
beðið eftir þér í Notting Hill.
*Flug aðra leiðina með sköttum.
Safnaðu
Vildarpunktum Punktarnir upp í Ferðaávísun gildir
Komdu til London, í helgarferð eða í sumarleyfi.
Lífvörður drottningar hefur æft vaktaskipti síðan á
19. öld og menn skilja ekkert í hvers vegna þú skulir
ekki hafa látið sjá þig ennþá.