Fréttablaðið - 12.07.2008, Blaðsíða 10
10 12. júlí 2008 LAUGARDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 219
4.217 -0,81% Velta: 2.118 milljónir
HLUTABRÉF Í ÚRVALSVÍSITÖLU: Alfesca 7,00 -0,43% ... Atorka 6,12
-1,29% ... Bakkavör 25,10 +1,56% ... Eimskipafélagið 14,30 0,00% ...
Exista 6,69 -2,62% ... Glitnir 15,05 -0,66% ... Icelandair Group 16,45
-0,90% ... Kaupþing 733,00 -0,81% ... Landsbankinn 22,80 -1,30% ...
Marel 89,30 -0,56% ... SPRON 3,25 0,00% ... Straumur-Burðarás 9,70
-0,92% ... Teymi 1,95 -0,51 ... Össur 87,90 0,00%
MESTA HÆKKUN
CENTURY ALUM. +3,72%
BAKKAVÖR +1,56%
MESTA LÆKKUN
EIK BANKI - 6,97%
FÆREYJABANKI -2,76%
EXISTA -2,62%
Greining Landsbanka gerir ráð
fyrir að Landsbanki og Kaupþing
þurfi samtals að afskrifa um sjö-
tíu milljarða króna á þessu ári og
næsta. Afskriftir í ár verði um
þrisvar sinnum meiri en í fyrra.
Sama á við um Glitni. Samkvæmt
upplýsingum frá greiningardeild
Kaupþings er gert ráð fyrir fjór-
tán milljarða afskriftum, tæp-
lega þrisvar sinnum meira en í
fyrra.
„Það eru tvær ástæður fyrir
þessum afskriftum,“ segir Grét-
ar Már Axelsson, sérfræðingur
hjá greiningu Glitnis. „Annars
vegar eru bankarnir að koma út
úr góðæristímabili þar sem
afskriftir hafa verið í sögulegu
lágmarki. Það mikla tap sem
hefur verið á hlutabréfamarkaði
og lækkun krónunnar gerir það
að verkum að afskriftir aukast
mjög hratt og mun hraðar en
menn sáu fyrir,“ segir hann.
Grétar segir afskriftirnar að
mestu vegna aukinna skulda
íslenskra fyrirtækja og einstakl-
inga. „Margir urðu fyrir áfalli
vegna gengislækkunar,“ segir
hann.
Greining Glitnis býst við því að
afskriftir Landsbankans verði 19
milljarðar króna í ár. Bankinn
afskrifaði sjö milljarða í fyrra.
Því er ljóst að þær næstum þre-
faldast í ár. Auk þess er talið að
Landsbankinn þurfi að afskrifa
17 milljarða á næsta ári.
Greiningin spáir því að Kaup-
þing afskrifi 16 milljarða króna í
ár. Kaupþing afskrifaði sex millj-
arða í fyrra. Því þrefaldast
afskriftirnar líka þeim megin. Á
næsta ári afskrifi Kaupþing átján
milljarða króna til viðbótar.
Greiningardeild Kaupþings
segir að Glitnir hafi afskrifað um
fimm og hálfan milljarð króna í
fyrra. Nú er gert ráð fyrir um
þrisvar sinnum meiri afskrifum;
fjórtán milljörðum króna.
Greining Glitnis spáir því að
úrvalsvísitalan endi í 4.000 stig-
um í ár. Nú þegar árið er rúm-
lega hálfnað stendur hún í um
4.200 stigum. Þetta er talsverð
breyting frá hennar fyrri spám. Í
byrjun ársins spáði hún því að
úrvalsvísitalan myndi enda í
7.200 stigum í lok árs. Í apríl
hafði spáin lækkað í 5.600 stig og
er nú 4.000 stig. Spá Glitnis frá
því í janúar hefur því lækkað um
45 prósent. Glitnir segir þó kaup-
tækifæri í Bakkavör og Marel
Food Systems.
„Afkomuhorfurnar fyrir árið
2008 hafa verið að versna þegar
liðið hefur á árið. Þetta á bæði við
um grunnafkomu fjármálafyrir-
tækja sem og önnur rekstrar-
félög,“ segir Valdimar Halldórs-
son, hagfræðingur í greiningu
Glitnis. annas@markadurinn.is
Búist við tugmilljarða
afskriftum bankanna
Búist er við því að Glitnir, Landsbanki og Kaupþing afskrifi að minnsta kosti
áttatíu og fjóra milljarða króna á þessu ári og næsta. Helsta ástæðan sé skuldir
fólks og fyrirtækja, vegna lækkunar hlutabréfaverðs og á gengi krónunnar.
SPÁ FYRIR UM AUKNAR AFSKRIFTIR Greining Glitnis telur afkomuhorfur versna.
MARKAÐURINN/HEIÐA
Glitnir banki hefur selt tíu prósenta eignarhlut í Eignarhaldsfélaginu
Fasteign hf. Glitnir hefur verið stærsti hluthafinn í félaginu ásamt
Reykjanesbæ.
Glitnir hefur farið með 25 prósenta hlut en selur nú 10 prósent af honum
til Eik Properties. Glitnir á helming í Eik Properties á móti Saxbygg ehf.,
félags í eigu Jóns Helga Guðmundssonar.
Aðrir hluthafar eiga forkaupsrétt í Fasteign og eru mörg sveitarfélög
þar á meðal eins og Reykjanesbær, Vogar og Vestmannaeyjar. Hluthafar
hafa nú þrjá mánuði til að ákveða hvort þau ætli sér að nýta forkaupsrétt
sinn. Í eignasafni Fasteignar eru rúmlega 70 eignir af ýmsum gerðum og
stærðum, samtals um 110.000 fermetrar. -as
Glitnir selur í Fasteign
Miklar vangaveltur hafa verið um
það hvort sænski bankinn, Swed-
bank, verði að afla sér nýs eigin
fjár, jafnvel fyrir allt að tíu millj-
arða sænskra króna.
„Við þurfum ekki aukið eigið fé,“
segir Johannes Rudbeck fram-
kvæmdastjóri fjárfestatengsla hjá
Swedbank í viðtali við CNN. Hann
bætir því við að bankinn sé ágæt-
lega fjármagnaður.
Margir fjárfestar telja hins
vegar að kólnun í Eystrasaltslönd-
unum geti haft slæm áhrif á rekstr-
arafkomu bankans. Hagvöxtur
hefur dregist hratt saman og er
það talið geta haft slæm áhrif á
bankann. Um 30 prósent af tekjum
hans hafa komið frá svæðinu frá
árinu 2005.
Rudbeck segir að bankinn reikni
með að tapa 0,5-0,7 prósentum af
viðskiptum sínum í Eystrasalts-
löndunum. Fjárfestar telja það
vanmat og óraunhæft. Nær sé að
reikna með að tapið nemi einu til
þremur prósentum. Goldman Sachs
gaf nýlega út spá þar sem spáð var
að hagnaður bankans muni dragast
saman um 30 prósent á þessu ári.
Swedbank er sjötti verðmætasti
bankinn á Norðurlöndum og hafa
bréf í bankanum fallið um tæplega
60 prósent á síðastliðnu ári. - bþa
Svíar í vandræðum
ERFIÐLEIKAR SWEDBANK Talið er að sænski bankinn Swedbank hafi tapað einu til
þremur prósentum af kröfum sínum í Eystrasaltslöndunum. MARKAÐURINN/SWEDBANK
Greiningardeild Landsbankans
gerir ráð fyrir minni verðbólgu-
hraða og að verðbólga aukist um
0,5 prósent í júlí. Deildin býst við
13,1 prósents verðbólgu á
ársgrundvelli í mánuðinum og að
hún nái hámarki í ágúst og nái
hámarki í haust, verði rúm
fjórtán prósent. Greining Glitnis
hefur aftur á móti spáð því að
verðbólguhraðinn aukist, vísitala
neysluverðs hækki um 1,6
prósent í mánuðinum. Tólf
mánaða verðbólga verði 14,3
prósent í þessum mánuði og 15,6
prósent í ágúst. Verðbólgan jókst
um 0,9 prósent í síðasta mánuði,
samkvæmt mælingu Hagstofunn-
ar. - ikh
Spá minnkandi
verðbólguhraða
Roskilde Bank hefur farið mikinn
í útlánum til fasteignamarkaðar-
ins í Danmörku og oft og tíðum
verið ansi djarfur í fjárfestingum
sínum. Meðan árferðið var gott
var stefna bankans árangursrík.
Árið 2005 var Roskilde Bank til
að mynda í 1. sæti yfir þá nor-
rænu banka sem höfðu ávaxtað
eigið fé sitt mest fyrir skatta á
fyrstu níu mánuðum ársins. Eftir
að fór að kreppa að á danska fast-
eignamarkaðnum harðnaði á
dalnum hjá Roskilde Bank. Bank-
inn hefur reynt um tíma að afla
nýs hlutafjár án árangurs. Nú
hefur danski seðlabankinn hlaup-
ið undir bagga og veitt Roskilde
Bank ótakmarkað lán með því
skilyrði að kaupandi finnist að
bankanum. Nordea, Handels-
banken og Svenska Handelsbank-
en hafa verið nefndir sem hugs-
anlegir kaupendur.
Bréf Roskilde Bank hröpuðu
um 57% í fyrstu viðskiptum gær-
dagsins. Hann hefur því fallið um
87% á síðastliðnum 12 mánuðum.
Seðlabanki Danmerkur vill
ekki gefa það upp hvort það sé í
augsýn að fleiri bankar muni hafa
þörf fyrir viðlíka aðstoð og Rosk-
ilde Bank. Roskilde Bank er annar
bankinn sem danski seðlabankinn
kemur til bjargar en ekki er langt
síðan hann veitti Bank Trelleborg
aðstoð. Þá hefur Forstædernes
Bank gefið út afkomuviðvörun
fyrir árið 2008 auk þess sem
gengi bréfa Danske Bank hefur
fallið um helming frá upphafi
ársins 2007. - ghh
Hrun hjá Roskilde
Danski seðlabankinn veitir Roskilde Bank ábyrgðir. Lík-
legt að fleiri bankar þurfi aðstoð seðlabankans.
Ísland auðmannanna
Fregnir af þyrlunotkun auðmanna, þar sem skotist
er í pylsukaup í Baulu í Borgarfirði eða skutlast
með steypu í bústaðinn við Þingvallavatn, hafa
óneitanlega vakið mikla athygli að undanförnu og
undrun, enda eru slík flottheit fremur kennd
við 2007 en 2008 í daglegu tali fólks. Þótt
ekki telji allir auðmenn nauðsynlegt að
auglýsa ríkidæmi sitt með jafn áberandi
hætti, er ljóst að talsverð breyting hefur
orðið á Íslandi hin síðari ár með auknum
og sýnilegri efnamun. Í því ljósi hlýtur
væntanleg bók Guðmundar Magn-
ússonar sagnfræðings að vekja
athygli, en í henni verður fjallað
um íslensku efnastéttirnar og þær
miklu breytingar sem orðið hafa
á íslensku þjóðfélagi frá því að
það var almenn tilfinning fólks
að hér á landi væri vart nokkur
stéttamunur af því tagi sem þekktist erlendis og
lífskjör jafnari en í öðrum löndum. Guðmundur
hefur áður kannað svipaðar lendur, til dæmis
með bók sinni um Thorsarana, sem seldist eins
og heitar lummur um árið. Gæti hér ekki verið
komin metsölubókin í ár?
Óvenjulegt starf
Heldur óvenjuleg starfsauglýsing birtist
í blöðunum í gær frá sjónvarpsstöðinni
ÍNN, þar sem auglýst er eftir markaðs- og
kynningarstjóra. Auk alls þess sem
sá titill gefur til kynna að felist í
starfinu, er tekið fram að viðkom-
andi þurfi að vera búinn undir að
farða stjórnendur og gesti, stjórna
eigin þætti, vaska upp og verða
almennt skemmtilegur og í góðu
skapi. Laun fyrir þetta eru sögð
„örugglega breytileg“. Við spáum
metfjölda umsókna.
Peningaskápurinn …
„Meginskýringin er sú að ég er óánægður með það verð
sem stjórn Spron leggur upp með í innlimunarferlinu við
Kaupþing,“ segir Rögnvald Othar Erlingsson.
Hann hefur sagt sig úr varastjórn Spron. Hann segir
að úrsögnin sé ein leið til þess að tjá þá skoðun sína að
hann sé ósammála stjórn Spron um þetta.
Hann segir jafnframt að fleiri ástæður liggi að baki
uppsögninni. „Ég vil ekki fara nánar ofan í það. Þetta er
fyrsta og stærsta málið. Það mætti segja ýmislegt fleira
ástæður mínar,“ segir Rögnvald.
Birkir Baldvinsson hafði áður sagt sig úr varastjórn.
Ástæða þess er ókunn.
Stjórnir Spron og Kaupþings hafa komið sér saman
um að Kaupþing taki yfir Spron. Verðið er markaðsverð í
Spron 30. júní, að viðbættu fimmtán prósenta álagi. Það
gerir 3,38 krónur á hlut; 60 prósent greiðslunnar eru í
formi hlutabréfa í Exista og restin í hlutum í Kaupþingi.
Samruninn er háður samþykki hluthafafundar í Spron
sem verður haldinn í byrjun næsta mánaðar, auk sam-
þykkis Fjármálaeftirlitsins og Samkeppniseftirlitsins.
Því má halda til haga að Guðmundur Hauksson,
forstjóri Spron, situr í stjórn Exista. Erlendur Hjaltason,
stjórnarformaður Spron, er forstjóri Exista. - ikh
ÓÁNÆGJA MEÐ VERÐIÐ Á
SPRON RÉÐ ÚRSÖGNINNI
GUÐMUNDUR HAUKSSON Forstjóri Spron hefur talað fyrir
sameiningu við Kaupþing. Rögnvald Erlingsson hefur sagt
sig úr varastjórn Spron vegna óánægju með þau kjör sem
hluthöfum Spron bjóðast í skiptunum. FRÉTTABLAÐIÐ/TEITUR