Fréttablaðið - 13.07.2008, Blaðsíða 2

2 13. júlí 2008 SUNNUDAGUR
LÖGREGLUMÁL Tveir voru hand-
teknir í gærkvöld eftir að hafa
rænt leigubíl með því að ógna
bílstjóranum með hníf. Þeim var
sleppt eftir yfirheyrslu.
Annar þeirra sem reyndi að
ræna leigubílinn var handtekinn
aftur stuttu síðar. Þá var hann í
matvöruverslun og gerði tilraun
til að ræna vörum.
Við komuna á lögreglustöðina
veittist drengurinn að lögreglu-
manni og skallaði hann. Drengur-
inn er innan við tvítugt að sögn
lögreglu. Lögreglumaðurinn er
með lítils háttar eymsli í andliti
og á handlegg eftir átökin.
- vsp
Pjakkur skallaði löggu:
Rændi leigubíl í
Garðabænum
FLATEYRI Margmenni var við
afhjúpun bautasteins til minning-
ar um Einar Odd Kristjánsson,
fyrrverandi alþingismann.
Steinninn var afhjúpaður á Sól-
bakka við hátíðlega athöfn á Flat-
eyri í gær. Bautasteinninn er
þakkarvottur Samtaka atvinnu-
lífsins og Alþýðusambands
Íslands fyrir störf hans í þágu
atvinnulífs á Íslandi en samtökin
standa í sameiningu að bauta-
steininum.
Geir H. Haarde forsætisráð-
herra flutti ávarp við athöfnina. Í
ræðu sinni talaði hann um nýtt
átak sem byggist á því að efla
menningarlíf á landsbyggðinni.
Hugmyndin er komin frá Einari
Oddi og mun bera heitið Líf og
list um landið. Einar Oddur var að
sögn Geirs mikill áhugamaður
um menningu og var honum sér-
staklega hugleikin sígild tónlist.
Fjölmenni var við athöfnina og
þar á meðal stór hluti ráðherra-
liðs ríkisstjórnarinnar.
Margir þakka Einari Oddi gerð
þjóðarsáttarsamninganna árið
1990 en hann var þá formaður
Vinnuveitendasambands Íslands.
Einar Oddur varð bráðkvaddur
14. júlí á síðasta ári. Hann sat á
þingi frá 1995 fyrir Vestfjarða-
kjördæmi og síðar Norðvestur-
kjördæmi til dauðadags.
Eftir athöfnina héldu Kristinn
Sigmundsson söngvari og Jónas
Ingimundarson píanóleikari tón-
leika í minningu Einars Odds
Kristjánssonar.
- vsp
Bautasteinn til minningar um Einar Odd Kristjánsson var afhjúpaður á Flateyri í gær:
Lífi og list um landið hrundið af stað
AFHJÚPUN BAUTASTEINSINS Hér sjást
Gunnar Ingi Birgisson, bæjarstjóri í
Kópavogi, og Ásmundur Stefánsson
ríkissáttasemjari afhjúpa bautastein til
minningar um Einar Odd Kristjánsson.
MYND/ÞORSTEINN J. TÓMASSON
JÖKULSÁRLÓN Sirin Johansen tók
nokkra sundspretti í Jökulsárlóni
á dögunum. Sirin er frá Tromsö í
Noregi og er félagi í Hafbaðs-
félaginu „Íshúð“ í heimabæ
sínum. Hún syndir reglulega í
köldum sjónum á veturna.
Að sögn Sirin var lónið í
meðal lagi kalt og henni þótti
ekkert tiltökumál að taka nokkur
sundtök framhjá jöklum Jökuls ár-
lóns.
Jökulsárlón er frægt fyrir
nokkrar eftirminnilegar kvik-
myndasenur. Lónið kom fyrir í
James Bond-kvikmyndunum A
View to a Kill og Die Another
Day. Í þeirri síðarnefndu er mjög
eftirminnilegur bílaeltingaleikur
sem á sér stað á lóninu. - vsp
Synti á slóðum James Bond:
Lítið mál að
synda í lóninu
SIRIN JOHANSEN Hún synti á slóðum
kvikmyndasögunnar í köldu lóninu.
MYND/GUNNAR
SLYS „Fyrir mér leit þetta út fyrir
að vera fall úr um það bil fimm til
sex metra hæð,“ segir Hafsteinn
Gunnar Hauksson, nítján ára pilt-
ur sem slasaðist í fyrrakvöld eftir
að hafa fallið úr leiktæki í Adrena-
língarðinum á Nesjavöllum.
„Ég lendi á grasi fyrir neðan og
finn fyrst mjög mikinn sársauka.
Hann dofnaði þó stuttu á eftir og
ég hélt að ég væri bara nefbrotinn
og ætlaði að reyna halda áfram að
skemmta mér með félögum mínum
sem þarna voru,“ segir Hafsteinn.
Hann komst þó fljótlega að því að
hann var of slasaður til að geta
haldið skemmtuninni áfram og
þótt ekki hafi sjúkrabíll verið
hvaddur til ók einn starfsmanna
garðsins Hafsteini á sjúkrahús
þar sem hlúð var að honum. Við
læknisrannsókn kom í ljós að hann
var handleggsbrotinn, nefbrotinn
og rifbeinsbrotinn auk þess sem
hann hafði marist á lunga.
Tækið sem gaf sig í garðinum er
kallað „fljúgandi íkorninn“. Í
honum er fólk híft upp í nokkurra
metra hæð á talíu og því snúið í
hringi þegar það er komið í um
tólf metra. Hafsteinn þakkar fyrir
að hafa ekki fallið úr slíkri hæð
enda má hann teljast sérlega hepp-
inn með að hafa sloppið jafn vel og
raun ber vitni eftir um sex metra
fall. Hann segist telja að vír talí-
unnar sem hann hékk í hafa sigið
ögn áður en festingin gaf sig og
hafi sá slinkur líkast til orðið til
þess að hann féll ekki úr efstu
stöðu tækisins.
Benedikt Bóas Hinriksson,
starfsbróðir Hafsteins, segist hafa
verið síðasti maður á undan honum
í tækinu. Hann segir að þegar
hann hafi verið í tækinu hafi
komið slinkur á línuna. „Það virt-
ust allir hafa tekið eftir því nema
umsjónarmaðurinn. Hann bauð
mér bara að fara aðra ferð,“ segir
Benedikt, sem væntanlega þakkar
sínum sæla fyrir að hafa afþakkað
boðið og hleypt félaga sínum að.
Óskar Guðjónsson, fram-
kvæmdastjóri Adrenalíngarðsins,
segir að lás sem festur er við lín-
una sjálfa hafi gefið sig en nýlega
var skipt um hann og virðist sem
hann hafi ekki verið hertur nægi-
lega vel.
Hafsteinn segist ósáttur við að
koma þríbrotinn út úr leiktæki
sem ítrekað hafði verið að væri
alveg öruggt. „Ég ætla fara yfir
það með mér fróðari mönnum
hvort ég fari fram á bætur,“ segir
hann en ljóst er að hann verður frá
vinnu á næstunni.
Gylfi Thorlacius hæstaréttar-
lögmaður, sem mikið hefur starf-
að á sviði skaðabótaréttar, telur
miklar líkur á að Hafsteinn eigi
rétt á bótum vegna slyssins. Hafi
fyrirtækið ábyrgðartryggingu
muni hún sjá um greiðslu bótanna
annars standi fyrirtækið sjálft
straum af því. karen@frettabladid.is
Féll um sex metra
úr fljúgandi íkorna
Ungur maður féll um sex metra úr leiktæki í Adrenalíngarðinum í fyrrakvöld.
Félagi mannsins sem fór á undan í tækið segir óeðlilegan slaka hafa komið á
línuna þegar hann var í tækinu en umsjónarmaður hafi ekki sinnt því.
HAFSTEINN GUNNAR HAUKSSON Þríbrotinn eftir sex metra fall í Adrenalíngarðinum.
FRÉTTABLAÐIÐ/AUÐUNN
Ég ætla fara yfir það með
mér fróðari mönnum
hvort ég fari fram á bætur.
HAFSTEINN GUNNAR HAUKSSON
LÍKAMSÁRÁS Karlmaður á fertugs-
aldri var stunginn við skemmti-
stað á Tryggvagötu í gærmorgun.
Fórnarlambið var flutt á
slysadeild Landspítalans og
heilsast vel. Árásarmaðurinn var
hins vegar handtekinn og er enn í
haldi.
Um eina stungu var að ræða á
efri hluta líkamans, nálægt hálsi
og slapp fórnarlambið, að sögn
lögreglu merkilega vel. Ekki er
vitað um ástæður árásarinnar. - vsp
Hnífstunga á Tryggvagötu:
Stunginn ná-
lægt hálsinum
Braga, ertu búin að fríka út?
„Nei, og ég hef ekki verið í sambúð,
lamin, skilin eða bæld.“
Braga Stefaný Mileris kláraði stúdentspróf
frá Menntaskólanum Hraðbraut í gær
aðeins 17 ára gömul. Í texta Bjartmars
Guðlaugssonar „15 ára á föstu“ var
viðkomandi á föstu, í sambúð og búin
að fríka út við 17 ára aldur. Síðan lamin,
skilin, bæld og komin í kút um tvítugt.
LÖGREGLUMÁL Tveir jeppar skullu
saman á Biskupstungnabraut við
Kerið í Grímsnesi í gær. Í öðrum
jeppanum voru auk ökumanns
þrjú börn en í hinum jeppanum
ökumaður og tveir farþegar.
Ökumaður fyrrnefnda jeppans
var ásamt börnunum þremur
fluttur á Heilbrigðisstofnun
Suðurlands til aðhlynningar en
ekki var talið að um alvarlega
áverka væri að ræða.
Bílarnir komu úr gagnstæðum
áttum og eru báðir óökufærir. Að
sögn lögreglu fór betur en á
horfðist. - vsp
Jeppaárekstur við Kerið:
Fjórir fluttir á
sjúkrahús
NOREGUR, AP Tveir fundust látnir á
rokktónlistarhátíð í Suður-Noregi
í gær og sex aðrir eru á spítala.
Fórnarlömbin fundust inni í og í
kringum strætisvagn á hátíðinni.
Þau sex sem fundust lifandi
voru flutt með þyrlu á næsta
spítala. Bráðabirgðaskýrslur
þaðan segja að kolmónoxíðeitrun
gæti hafa verið ástæðan en sum
þeirra sem fundust lifandi voru
ekki með meðvitund.
Öll fórnarlömbin voru norskir
ríkisborgarar á þrítugs- og
fertugsaldri að sögn lögreglu í
Noregi. Rokkhátíðin er haldin í
bænum Kvinesdal sem er 430
kílómetra suðvestur af Osló. - vsp
Hörmulegt slys í Noregi:
Tvö ungmenni
fundust látin
MIÐ-AUSTURLÖND, AP Nicolas Sar-
kozy staðfesti í gær að viðræður
Sýrlands og Líbanon um að opna
sendiráð í landi hvort annars væru
komnar vel á veg. Forseti Sýrlands,
Bashar Assad, vildi ekki taka jafn
djúpt í árina.
Assad segir að hann og Michel
Suleiman, forseti Líbanons, hafi
rætt þetta tiltekna mál en það væri
enn á umræðustigi og ákvarðanir
um nokkra hluti ætti eftir að taka.
Sarkozy virtist töluvert bjart-
sýnni og sagði að þegar væri byrj-
að að gera ráðstafanir en nokkrum
lögfræðilegum spurningum væri
ósvarað hvað Sýrland varðar. Það
myndi hins vegar leysast.
Suleiman, forseti Líbanons, tók í
sama streng og Sarkozy. „Ég er
mjög ánægður með gang mála,“
sagði hann. „Við viljum sendiherra-
skipti og stjórnmálasamband við
Sýrland.“
Sarkozy vonast til að sendiráðs-
skiptin rói stöðuna í Mið-Austur-
löndum. Hann sagðist ætla að
heimsækja Damaskus, höfuðborg
Sýrlands, í september vegna máls-
ins en hefur ekki ákveðið nákvæma
dagsetningu.
Sýrland og Líbanon hafa ekki
haft sendiráð hvort í landi annars
síðan Líbanon fékk sjálfstæði árið
1943.
- vsp
Forseti Frakklands segir Sýrland og Líbanon opna sendiráð í landi hvort annars:
Sýrlendingar ekki jafnbjartsýnir
NICOLAS SARKOZY Hann er mjög bjart-
sýnn á að stjórnmálasamband Sýrlands
og Líbanon gangi eftir. FRÉTTABLAÐIÐ/AP
ÍTALÍA, AP Stytta af úlfynju sem
öldum saman hefur verið eitt
helsta tákn Rómaveldis er ef til
vill ekki jafn gömul og talið var.
Sérfræðingar sem kannað hafa
styttuna undanfarið telja að hún
sé frá miðöldum, en ekki frá
etrúskum tíma, meira en þúsund
árum fyrr, eins og talið hefur
verið.
Styttan er af úlfynju sem
samkvæmt goðsögninni nærði
tvíburana Rómulus og Remus,
stofnendur Rómar, eftir að þeir
höfðu verið bornir út.
Beðið er niðurstaðna úr
kolefnisrannsókn sem skorið gæti
úr um aldur styttunnar. - gh
Endurskoðaður aldur styttu:
Úlfynja kannski
ekki svo gömul
ÚLFYNJUSTYTTAN Fyrir neðan má sjá
Rómulus og Remus sjúga mjólk út
spenum úlfynjunnar. NORDICPHOTOS/AFP
SPURNING DAGSINS