Fréttablaðið - 13.07.2008, Blaðsíða 6
6 13. júlí 2008 SUNNUDAGUR
MÓTMÆLI Fjórðu mótmælabúðir
Saving Iceland hafa verið settar
upp hjá Hellisheiðarvirkjun.
Um þessar mundir á stækkun
Hellisheiðarvirkjunar sér stað til
að afla orku fyrir stærra álver á
Grundartanga og eru búðirnar
settar upp í tilefni af því.
Um miðjan gærdag voru í
kringum 50 manns komnir og
búist við fleirum að sögn Snorra
Páls Jónssonar Úlfhildarsonar,
talsmanns Saving Iceland.
„Það er engin dagsetning komin
á það hvenær við hættum, fer
bara eftir því hversu mikla orku
við höfum,“ segir Snorri. - mmf
Mótmælabúðir á Hellisheiði:
Saving Iceland
á Hengilssvæði
WASHINGTON, AP Tony Snow,
fyrrum blaðafulltrúi George W.
Bush Banda-
ríkjaforseta,
lést úr ristil-
krabbameini í
gær, 53 ára.
Snow var
fyrsti stjórn-
andi fréttaþátt-
arins Fox News
Sunday en hóf
blaðafulltrúa-
störf hjá Hvíta húsinu árið 2006.
Snow var aldrei feiminn við
myndavélarnar og var líflegur á
blaðamannafundum. Hann sagði
af sér í september 2007.
Haft var eftir Bush að allir í
Hvíta húsinu myndu sakna Tonys,
ásamt milljónum Bandaríkja-
manna sem hann veitti innblástur
í baráttu sinni við krabbamein.
- mmf
Fyrrum blaðafulltrúi Bush:
Lést af völdum
ristilkrabba
TONY SNOW
STJÓRNMÁL Atli Gíslason, þing-
maður Vinstri grænna, hefur
beðið í rúma þrjá mánuði eftir
gögnum sem hann óskaði eftir
sem nefndarmaður í sjávarút-
vegs- og
landbúnaðar-
nefnd Alþingis.
Hann hefur nú
ítrekað kröfu
sína við forseta
og forsætis-
nefnd Alþingis.
Gögnin varða
samningavið-
ræður milli
Íslands og ESB
um afnám á undanþágu frá
ákvæði EFTA-samningins. Með
niðurfellingu undanþágunnar yrði
innflutningur hrás kjöts
heimilaður.
Að sögn Arnbjargar Sveinsdótt-
ur, formanns sjávarútvegs- og
landbúnaðarnefndar, voru
starfsmenn utanríkisráðuneytis-
ins að taka saman gögnin fyrir
Atla seinast þegar hún vissi. - sgj
Atli Gíslason, þingmaður VG:
Hefur enn ekki
fengið gögnin
ATLI GÍSLASON
STJÓRNSÝSLA „Ég skil vel að utan-
ríkisráðuneytið þurfi að standa í
hagsmunabaráttu fyrir hönd lands
og þjóðar. Starfsemi Þróunarsam-
vinnustofnunar (ÞSSÍ) á hins vegar
ekkert skylt við slíka hagsmuna-
baráttu og ég er alfarið á móti því
að stofnunin sé notuð í þeim til-
gangi,“ segir Sigfús Ólafsson, full-
trúi VG í stjórn Þróunarsamvinnu-
stofnunar Íslands. Sigfús telur
utanríkisráðuneytið hafa blandað
ÞSSÍ inn í baráttuna fyrir sæti í
öryggisráði Sameinuðu þjóðanna
að óþörfu. Hann er ósáttur við
vinnubrögð ráðuneytisins.
Forsaga málsins er sú að í mars
síðastliðnum stóð utanríkisráðu-
neytið fyrir ráðstefnu á Barbados
og óskað var eftir að fulltrúar ÞSSÍ
yrðu með í för. Orðið var við þeirri
beiðni. Yfirlýst markmið ráðstefn-
unnar var að leggja grunn að frek-
ari þróunarsamvinnu við þróunar-
ríki á smáeyjum í Karíbahafi.
Sigfús telur hins vegar höfuðtil-
gang fararinnar hafa verið að afla
atkvæða til kosningar í öryggis-
ráðið.
„Ég mótmælti kröftuglega þeirri
ákvörðun að senda fulltrúa ÞSSÍ á
ráðstefnuna. Ég tel að áherslan eigi
að vera á núverandi samstarfslönd
og er ekki talsmaður þess að við
bætum við samstarfslöndum að
svo stöddu. Ég tel sjálfsagt að
Íslendingar efli samskipti við þess-
ar eyþjóðir, til dæmis í viðskipta-,
mennta- og jafnréttismálum, en
Þróunarsamvinnustofnun á ekkert
erindi þarna,“ segir Sigfús.
Hann telur veru ÞSSÍ á fundin-
um hafa leitt til þess misskilnings
að nú sé almennt talið að stofnunin
muni koma af krafti að aðstoð á
svæðinu. Ekkert hafi þó verið
afráðið í þeim efnum, hvorki hjá
ÞSSÍ né ráðuneytinu.
Jón Skaptason, fulltrúi Sjálf-
stæðisflokksins í stjórn ÞSSÍ, tekur
undir að ráðstefnan hafi alið af sér
miklar væntingar til Íslendinga
um þróunaraðstoð. Engin loforð
hafi þó verið gefin í því efni. Hann
vill ekkert fullyrða um tilgang
ferðarinnar en segir hana velta
upp ýmsum spurningum. „Maður
spyr sig hvers vegna þetta svæði
var valið á þessum tímapunkti.
Ljóst mátti vera fyrirfram að ÞSSÍ
myndi ekki koma að þróunarstarfi
á þessu svæði,“ segir Jón.
Haukur Már Haraldsson, fulltrúi
Samfylkingar í stjórninni, segist
ekki vilja taka þátt í neinum vanga-
veltum um hvað í störfum ráðu-
neytisins flokkist undir áróður
fyrir sæti í Öryggisráðinu og hvað
ekki. „Flokkspólitík hefur aldrei
verið uppi á borðinu í stjórn
Þróunar samvinnustofnunar,“ segir
Haukur.
Katrín Ásgrímsdóttir, fulltrúi
Framsóknar í stjórninni, segist
ekki vera í stöðu til að segja
nákvæmlega til um tilgang ferðar-
innar. „Ef það hafði eitthvað með
hagsmunabaráttu vegna öryggis-
ráðsins að gera tel ég menn vera á
mjög rangri braut,“ segir Katrín.
kjartan@frettabladid.is
Segir ráðuneytið nota
ÞSSÍ til atkvæðaveiða
Fulltrúi VG í stjórn Þróunarsamvinnustofnunar Íslands segir utanríkisráðu-
neytið nota stofnunina sem tæki í hagsmunabaráttu fyrir sæti í öryggisráði SÞ.
Hann segir þessi vinnubrögð ráðuneytisins grafa undan starfi stofnunarinnar.
ÞRÓUNARSAMVINNA Fulltrúi VG í stjórn ÞSSÍ er ekki talsmaður þess að stofnunin
bæti við samstarfslöndum að svo stöddu. Hann telur áhersluna eiga að vera á núver-
andi samstarfslönd eins og Malaví, þar sem þessi mynd er tekin.
ÚTVIST Metþátttaka var í Lauga-
vegshlaupinu sem hlaupið var í
tólfta sinn í gær. Alls tóku 236
keppendur þátt í hlaupinu en
margir voru á biðlista. Hlaupið er
frá Landmannalaugum í Þórs-
mörk, 55 kílómetra vegalengd.
Tuttugu hlauparar stóðust ekki
tímatakmarkanir í Emstrum þar
sem fjórði hluti hlaupsins hefst.
Fyrstur í karlaflokki varð
Daníel Smári Guðmundsson og í
kvennaflokki varð Eva Margrét
Einarsdóttir fyrst.
Að sögn Friðriks Þórs Óskars-
sonar hefur Laugavegshlaupið
verið valið eitt af þremur
skemmtilegustu fjallahlaupunum
á franskri vefsíðu. - mmf
Eitt skemmtilegasta hlaupið:
Alls hlupu 236
Laugaveginn
HLAUPARAR Ríflega tvö hundruð lögðu
af stað frá Landmannalaugum í gær.
Finnst þér rétt að láta flugfélög
borga fyrir losun gróðurhúsa-
lofttegunda?
Já 48,8%
Nei 51,2%
SPURNING DAGSINS Í DAG:
Ber ríkislögreglustjóra að svara
fyrir um hvort leysa skuli 10-11
lögregluþjón frá störfum?
Segðu skoðun þína á visir.is.
SAMGÖNGUR Ferðalag 65 krakka í
Leikni fór úr skorðum þegar
mikil seinkun varð á flugi Iceland
Express til Danmerkur í gær-
morgun. Þar hugðist hópurinn
gera stuttan stans á leið sinni á
fótboltamót í Gautaborg í Svíþjóð.
Frá þessu er greint á Vísi.is. Vélin
mun hafa lagt af stað um kvöld-
matarleytið í gær.
Þórður Einarsson, þjálfari í
hópnum, var að vonum svekktur
og sagði biðina algjöra martröð.
Lára Ómarsdóttir, upplýsinga-
fulltrúi Iceland Express, sagði að
ekki hefði verið vitað um
seiknunina fyrr en snemma í
gærmorgun og að reynt hefði
verið að finna aðra vél fyrir
hópinn. - mmf
Bilun í vél Iceland Express:
Fótboltakrakkar
biðu í tíu tíma
FLUGVÉL ICELAND EXPRESS Seinkun
varð á flugi félagsins til Danmerkur.
LÖGREGLUFRÉTTIR
Þrír ölvaðir undir stýri
Þrír voru teknir fyrir ölvunarakstur
í lögregluumdæmi lögreglunnar á
Selfossi í gærkvöldi. Einn keyrði út
af veginum og lenti út í móa. Fimm
voru teknir fyrir of hraðan akstur og
hraðast mældist mótorhjól á 161
kílómetra hraða.
EFNAHAGSMÁL „Okkur finnst þessi
ærandi þögn stjórnvalda varðandi
stöðu krónunnar orðin allt of löng,“
segir Skúli J. Björnsson, formaður
Félags íslenskra stórkaupmanna
(FÍS). Félagið birti í gær heilsíðu-
auglýsingu í Morgunblaðinu þar
sem krafist er aðgerða í efnahags-
málum.
Auglýsingin er í formi opins
bréfs sem skrifað er Geir Haarde
forsætisráðherra og Ingibjörgu
Sólrúnu Gísladóttur utanríkisráð-
herra. Í bréfinu segir að stjórn FÍS
hafi verulegar áhyggjur af „því
alvarlega ástandi sem skapast
hefur í íslensku efnahagslífi“.
Íslenska krónan fái ekki staðist til
lengdar og breyta þurfi peninga-
stefnu þjóðarinnar, að mati félags-
manna.
Skoðanakönnun meðal félags-
manna sýndi meirihlutastuðning
við viðræður um inngöngu í Evr-
ópusambandið og upptöku evru.
„Við svona kyrrstöðu er ekki
hægt að búa lengur,“ segir Skúli.
„Auðvitað eru skiptar skoðanir
meðal félagsmanna um hvort ganga
eigi í Evrópusambandið eða ekki.
En það þarf að kanna hvort hægt sé
að ná ásættanlegum samningi.“ - sgj
FÍS segir nauðsynlegt að koma á stöðugleika í gengismálum þjóðarinnar:
Kaupmenn vilja ESB viðræður
OPIÐ BRÉF Í bréfinu er krafist lægri
vaxta, erlendrar lántöku og aukins
aðgengis að lánsfé.
BANDARÍKIN John McCain forseta-
frambjóðanda lá svo á að ganga
að eiga Cindy Hensley að hann
kvæntist henni á meðan hann var
kvæntur Carol McCain.
McCain giftist Cindy 6. mars
árið 1980 en lögformlegur skilnað-
ur við Carol gekk ekki í gegn fyrr
en 2. apríl sama ár.
Ástæða skilnaðarins við Carol á
að hafa verið að hún þyngdist
verulega og minnkaði um 13
sentímetra vegna alvarlegs
bílslyss. Hann á að hafa sagt að
þetta hafi ekki verið sú Carol sem
hann kvæntist en á þeim tíma
sem hún lenti í bílslysinu var
hann í fangabúðum í Víetnam. - vsp
McCain sakaður um tvíkvæni:
Lá of mikið á
að giftast Cindy
ATVINNUMÁL Fangelsismálastofnun leitar leiða til að
fjölga atvinnutækifærum fanga í afplánun í
fangelsinu á Akureyri og Kvíabryggju.
Páll Winkel, forstjóri Fangelsismálastofnunar,
segir að sótt sé eftir því að finna föngum verkefni
sem unnin eru inni í fangelsunum en jafnframt komi
til greina að fangar vinni undir eftirliti fangavarða
utan fangelsa.
Páll segir stækkun og endurbætur á húsnæði
fangelsanna hafa aukið atvinnutækifæri fanga.
„Slíka möguleika er mikilvægt að nýta enda
markviss vinna mikilvægur hluti betrunar og getur
dregið úr líkum á að fólk leiðist aftur út í afbrot að
lokinni afplánun,“ segir hann.
Páll segir erindi vegna þessara hugmynda
starfsmanna Fangelsismálastofnunar hafa verið
send bæjarfulltrúum á Akureyri og Grundarfirði. Á
Akureyri hefur verið vel tekið í hugmyndir um að
möguleikar á samstarfi við fangelsið þar í bæ verði
kannaðir.
Guðmundur Ingi Gunnlaugsson, bæjarstjóri á
Grundarfirði, segir erindið ekki hafa verið tekið efn-
islega fyrir en farið verði yfir erindið á mánudag og
kannað hvort möguleiki sé á því að fangar geti unnið
verkefni á vegum sveitarfélagsins. - kdk
Fangelsismálayfirvöld leita verkefna fyrir fanga á Akureyri og Grundarfirði:
Vilja fjölga atvinnutækifærum fanga
BÆTT AÐSTAÐA TIL ATVINNU Í fangelsunum á Akureyri og Kvía-
bryggju hafa endurbætur skapað aukin tækifæri til atvinnu-
þátttöku fanga en markviss vinna er mikilvæg fyrir betrun
fanga. FRÉTTABLAÐIÐ/PJETUR
KJÖRKASSINN