Fréttablaðið - 13.07.2008, Blaðsíða 62
30 13. júlí 2008 SUNNUDAGUR
HVAÐ SEGIR MAMMA?
Hvað er að frétta? Við stöndum í ströngu við að
mála og skrúbba eftir seinustu sýningu í Gallerí
Íbíza Bunker og erum að gera allt klárt fyrir sýningu
Guðmundar Thoroddsen sem verður opnuð kl. 17 á
föstudaginn.
Augnlitur: Blár með brúnni sneið í vinstra auganu.
Starf: Gallerírekandi og nemi.
Fjölskylduhagir: Ógift og barnlaus en á voða
skemmtilegan kærasta, Loga Höskuldsson.
Hvaðan ertu? Reykjavík.
Ertu hjátrúarfull? Ég varð allavegana mjög skellkuð
þegar Ragnheiður vinkona mín sagði mér að það
boðaði ógæfu að drepa járnsmiði rétt eftir að ég
hafði endað líf eins slíks.
Uppáhalds sjónvarpsþátturinn: Simpsons.
Uppáhaldsmatur: Cappuccino og biscotti.
Fallegasti staðurinn: Á Sprengisandi umkringdur
jöklum.
iPod eða geislaspilari? iPod.
Hvað er skemmtilegast? Að hoppa á tramp-
ólíninu á Arnarstapa á Snæfellsnesi. Það er
rosalega stórt.
Hvað er leiðinlegast? Að hreinsa hár úr
niðurfalli.
Helsti veikleiki: Kex og nammi.
Helsti kostur: Kann að búa til sápukúluvél
og gufubað.
Helsta afrek: Að opna Gallerí Íbíza Bun-
ker ásamt Ragnheiði Káradóttur.
Mestu vonbrigðin: Að vera ekki
orðin rokkstjarna.
Hver er draumurinn? Að verða
rokkstjarna.
Hver er fyndnust/fyndn-
astur? Systa móðursystir
mín.
Hvað fer mest í taug-
arnar á þér? Hunda-
hár.
Hvað er mik-
ilvægast? Að
vera heiðarleg-
ur við sjálfan sig.
HIN HLIÐIN SIGRÍÐUR TORFADÓTTIR TULINIUS NEMI OG GALLERÍREKANDI
Hoppar á trampólíninu á Arnarstapa
13.03.
1986
„Ég var
alltaf
viss
um að
tónlistin
lægi
fyrir
henni.
Mér
finnst
hún
taka
rosalega
skyn-
samlega á öllu sem snýr að
Merzedes Club og vera niðri á
jörðinni. Ég er stolt af því hvern-
ig hún höndlar þetta og heldur
sínu striki.“
Katrín Óskarsdóttir, móðir Rebekku Kol-
beinsdóttir söngkonu í Merzedes Club.
„Ég veit ekki hvaðan þetta kemur.
Og hafði ekki heyrt af þessu fyrr
en ég las þetta á Vísi. Furðufrétt
um að reynt hefði verið að ná í mig
og Pálma sjónvarpsstjóra en ekki
tekist,“ segir Ragnar Bragason
kvikmyndaleikstjóri aðspurður
hvort Björk muni birtast í Dag-
vaktinni.
Þeir sem hafa séð forsýningu
fyrsta þáttar Dagvaktarinnar
halda vart vatni. Telja hana tals-
vert betri en Næturvaktina sem
sló heldur betur í gegn – þættir
Ragnars um þá félaga á bensín-
stöðinni: Georg Bjarnfreðarson,
Ólaf Ragnar og Daníel. Það gleður
Ragnar að heyra sem nú stend-
ur í ströngu við að klippa
þættina sem verða 11 að
tölu í þeirri syrpu sem sjónvarps-
áhorfendur bíða nú í ofvæni. „Ég
sjálfur er himinlifandi með þetta.
Við reynum að taka þetta á næsta
stig og hjakka ekki í sama farinu,“
segir Ragnar. Í Næturvaktinni
duttu ýmsir inn sem þeir sjálfir:
Hannes Hólmsteinn, Birgitta
Haukdal, Einar Bárðar
og fleiri. Þegar
eru menn farnir
að velta því
fyrir sér hverjir rekast inn á bens-
ínstöðina sem er vettvangur ævin-
týra bensínafgreiðslumannanna.
Um það vill Ragnar ekkert tala.
Segist varla vita það – eins líklegt
og það má teljast. Telur það auka-
atriði í sjálfu sér hverjir koma
við til að kaupa bensín. Og
hváir þegar Fréttablaðið
ber undir hann, og þykist
hafa fyrir því öruggar
heimildir, að stórstjarnan
Stefán Hilmarsson sé einn
þeirra. Þannig að menn
verða að geta í eyðurnar
þegar þeir velta því
fyrir sér hvað verður
þegar Ólafur Ragnar,
umboðsmaður Sólar-
innar, hittir fyrir for-
söngvara Sálarinnar
á bensínstöðinni. - jgb
Stefán Hilmars hittir Ólaf Ragnar
STEFÁN HILMARSSON Sam-
kvæmt heimildum Frétta-
blaðsins mun söngvarinn
snjalli detta inn á bensínstöð-
inna þar sem Georg Bjarnfreð-
arson ræður ríkjum.
ÓLAFUR RAGNAR Á án
vafa, sem umboðsmað-
ur Sólarinnar, ýmislegt
vantalað við söngvara
Sálarinnar.
Ilmur Kristjánsdóttir leikur
Ástríði í sjónvarpsþáttaröðinni
Ástríður. Tökur hefjast í lok mán-
aðarins og Silja Hauksdóttur leik-
stýrir. Þetta verða tólf framhalds-
þættir sem Stöð 2 sýnir, líklega
skömmu eftir áramót.
„Ástríður er ung kona sem
kemur úr námi erlendis og fer að
vinna hjá fjármálafyrirtæki,“
segir Ilmur. „Þetta eru grín og
dramaþættir sem fjalla um líf
hennar og ástir. Þetta fjallar
minna um fjármálaheiminn, þó
við skyggnumst aðeins inn í
hann.“
Ilmur segir handritshöfunda –
Sigurjón Kjartansson, Silju leik-
stjóra, Kötlu Margréti Þorgeirs-
dóttur og hana sjálfa – forðast
samanburð við erlenda þætti en
fer þó ekkert í vörn þegar nafn
Allyar McBeal ber á góma. „Við
erum ekkert að finna upp hjólið
og vorum bara í þessu til að hafa
gaman af því. Það er vonandi að
áhorfendur hafi gaman af líka.
Við þekkjum þennan heim úr
amerískum þáttum en höfum
aldrei séð þetta í íslensku
umhverfi áður. Ég held að sam-
svörunin við íslenskan raunveru-
leika sé mjög þakklát. Við verðum
alltaf ofsalega glöð ef við sjáum
Laugaveginn í sjónvarpinu.“
Ástríður lendir í ýmsu í gegn-
um þættina tólf; karlamál og til-
finningakreppur, átök og ástríður,
ber hátt eins og nafnið bendir til.
„Ég vona að allar konur finni eitt-
hvað af sér í Ástríði. Við sýnum
íslenska kvennaheiminn og leit
Ástríðar að sannleikanum og ham-
ingjunni. Hvort hún finnur þetta
tvennt í síðasta þættinum verður
bara að koma í ljós.“ - glh
Hamingjuleit í
fjármálaheiminum
Nokkrir nemendur við Hótel og matvælaskólann í
Kópavogi héldu út til Sviss í vor í sannkallaða
sælkeraferð. Tilgangur ferðarinnar var að skoða
aðstæður við hinn virta Cesar Ritz skóla, en
Menntaskólinn í Kópavogi tók nýverið upp samstarf
við skólann. Skólinn er nefndur eftir Cesari Ritz sem
var frumkvöðull í hótelrekstri og jafnframt
stofnandi Ritz hótelanna. Einar Helgi Ármann var
einn nemendanna sem lagði land undir fót en hann,
líkt og samferðarmenn hans, stundar nám í hótel-
rekstri. „Við fórum út til þess að skoða skólann en
ákváðum svo að gera meira úr ferðinni og ferðast
aðeins um í leiðinni.“
Einar segir alla aðstöðu við skólann hafa verið til
fyrirmyndar og að námið hljómi mjög spennandi.
„Þetta er þriggja ára nám allt í allt. Við tökum fyrsta
árið hér heima, förum svo út til Sviss í hálft ár og
eftir það er þrisvar sinnum hálfs árs starfþjálfun
sem við tökum bæði hér heima og erlendis.“ Eftir að
hafa skoðað skólann ferðaðist hópurinn til borgar-
innar Lyon í Frakklandi þar sem þau dvöldu á gömlu
sveitahóteli. Hótelið státar af vinsælum Michelin-
veitingastað sem matreiðslumeistarinn Friðgeir
Eiríksson stjórnaði áður við góðan orðstír.
„Máltíðin sem við borðuðum þar var sú besta sem
ég hef nokkurn tímann fengið. Eigandi hótelsins tók
mjög vel á móti okkur og sýndi okkur staðinn. Hann
sýndi okkur einnig vínkjallara hótelsins og leyfði
okkur að smakka á nokkrum vínum sem hann
geymir þar. Eigandinn er mikill Íslandsvinur og
hefur nokkrum sinnum komið hingað til lands og á
hér marga kunningja,“ segir Einar. Eftir dvölina í
Lyon lá leið hópsins til Parísar þar sem þau snæddu
kvöldverð á einum frægasta veitingastað borgarinn-
ar. „Staðurinn á að vera sá flottasti í París en eftir að
hafa verið borðað á Clairfontaine veitingastaðnum í
Lyon þá fannst okkur lítið varið í þennan stað þrátt
fyrir Michelin stjörnurnar.“
Hópurinn endaði ferðina í London þar sem þau
ákváðu að heimsækja veitingastaðinn Texture sem
er að hluta til í eigu íslenska kokksins Agnars
Sverrissonar. „Texture er frekar nýr staður en hefur
fengið topp dóma og á matseðlinum er meðal annars
að finna íslenskt lamb og skyr.“ Einar segist hlakka
mikið til þess að hefja nám við Cesar Ritz og finnst
ekki ólíklegt að hann ílengist að útskriftinni lokinni.
„Ég væri til í að fara til Frakklands og kynnast betur
þeirri matarmenningu eftir námið, en maður veit
svo sem aldrei hvar maður endar.“
Samnemandi Einars, Guðrún Dröfn Emilsdóttir,
ber skólanum einnig vel söguna. „Skólinn er alveg
magnaður og öll aðstaða fyrir nemendur er fyrsta
flokks. Hann er staðsettur í fallegu fjallaþorpi rétt
við ítölsku landamærin í mjög fallegu umhverfi.“
Guðrún segir einnig að það hafi verið alveg sérstök
upplifun að koma til Lyon og telur að jafn fagmann-
lega rekið hótel sé vandfundið. „Veitingastaðurinn
er sérstaklega þekktur innan kokkaheimsins og
margir kokkar koma þangað til þess að næla sér í
reynslu. Eigandinn sagðist hafa lært hótelrekstur af
ömmu sinni sem eitt sinn rak hótelið. Heimsóknin á
þennan stað var án efa hápunktur ferðarinnar,“
segir Guðrún að lokum. sara@frettabladid.is
EINAR HELGI ÁRMANN: SNÆDDI KVÖLDVERÐ Á FRÖNSKUM MICHELIN-STAÐ
Íslenskt hótelfólk fór í
sælkeraferð um Evrópu
UNG KONA Á UPPLEIÐ
Ilmur Kristjánsdóttir
leikur Ástríði í sam-
nefndri þáttaröð.
VELJUM LÍFIÐ
ÆVINTÝRAFERÐ UM MATARLENDUR EVRÓPU Einar Helgi
Ármann, lengst til hægri, fór ásamt nemendum við Hótel
og matvælaskólans í Kópavogi í sælkeraferð til Sviss. Þau
heimsóttu líka Michelin-staði í Frakklandi og enduðu ferðina
á íslenska veitingastaðnum Texture í London. Með Einari á
myndinni eru Torfi Kristleifsson og Anzhela Klimets.
FRÉTTABLAÐIÐ/ANTON
„...fyrst á visir.is“
...ég sá það á visir.is