Fréttablaðið - 15.07.2008, Page 8

8 15. júlí 2008 ÞRIÐJUDAGUR
1. Hversu miklar voru tekjur
ríkissjóðs fyrstu fimm mánuði
ársins?
2. Hvaða bandalag var stofnað
í París um helgina?
3. Hvar fæddust tvíburar
Angelinu Jolie og Brads Pitt á
laugardag?
SVÖRIN ERU Á SÍÐU 30
SKIPULAGSMÁL Húseigendur í
Staðar hvammi hafa kært Hafnar-
fjarðarbæ til úrskurðarnefndar
skipulags- og byggingarmála
vegna tveggja færanlegra
kennslustofa sem komið var fyrir
við leikskólann Hvamm.
„Það var alger samstaða um
þetta, enda er búið að reyna allt til
að vinna málið í sátt, án nokkurs
árangurs,“ segir Halldór Hall-
dórsson, íbúi í Staðarhvammi.
Í Fréttablaðinu í síðustu viku
kom fram að bæjaryfirvöld í
Hafnarfirði reyna nú að tryggja
að öll börn í bænum sem orðin eru
átján mánaða eigi kost á leikskóla-
plássi í haust. Sem hluti af lausn
þess verkefnis voru færanlegu
kennslustofurnar tvær fluttar að
Hvammi eftir að bæjaryfirvöld
höfðu samþykkt eins árs stöðu-
leyfi fyrir þau. Íbúarnir telja hins
vegar að fyrir stofurnar þurfi
byggingarleyfi með tilheyrandi
grenndarkynningu.
„Samkvæmt mínum upplýsing-
um eru aldrei settar upp færan-
legar kennslustofur á lóð skóla, til
dæmis í Reykjavík, án grenndar-
kynningar. Málið er í hnút vegna
þess að æðstu ráðamenn ætla að
keyra það í gegn. Þetta er mjög
vandræðalegt því skólastofurnar
eru í ofanálag settar utan lóðar
leikskólans á og við svæði sem
hefur svipað tilfinningalegt gildi
fyrir marga og Hamarinn í Hafnar-
firði,“ segir Halldór. - gar
Íbúar í Staðarhvammi segja fullreynt að ræða við bæjaryfirvöld í Hafnarfirði:
Heimta leikskólastofur burt
KÆRA BÆJARYFIRVÖLD Húseigendur í
Staðarhvammi spá auknum umferðar-
þunga vegna stækkunar leikskólans
Hvamms.
SAMGÖNGUR Félag flugmála-
starfsmanna ríkisins gekk frá
kjarasamningi við Samtök
atvinnulífsins og Flugstoðir ohf.
í hádeginu í gær. Laun hækka
um 21.000 krónur en í kjara-
samningi BSRB við ríkið var
kveðið á um 20.300 króna
hækkun.
Flugmálastarfsmenn eru
flestir sem koma að flugmálum
nema flugmenn og flug umferðar-
stjórar. Inn í hugtakið falla þeir
sem vinna á flugstöðvum sem og
tæknimenn, starfsmenn á
skrifstofu Flugstoða ohf. og
fleiri.
Samningurinn gildir frá 1. júní
2008 til 30. október 2009.
Atkvæðagreiðsla um samninginn
verður rafræn og hefst fimmtu-
daginn 17. júlí og lýkur viku
síðar. - vsp
Flugmálastarfsmenn sömdu:
Launin hækka
um 21 þúsund
ÍS
L
E
N
S
K
A
S
IA
.I
S
T
O
Y
4
30
39
0
7.
20
08
www.toyota.is
BETRI NOTAÐIR BÍLAR
ÚRVALSBÍLL GÆÐABÍLL
Toyota Kópavogi
Nýbýlavegi 4
Kópavogur
Sími: 570-5070
BNB-sölugreining
Bílarnir ganga í gegnum strangt gæðamat sem tekur mið af aldri, akstri
og viðhaldssögu bílsins. Þeir sem standast kröfurnar lenda annað hvort
í flokknum Úrvalsbílar eða Gæðabílar. Ef bíllinn stenst ekki kröfur okkar
bjóðum við þér hann ekki.
Núna bjóðum við 6 betri notaða bíla
með 12 mánaða viðbótarábyrgð.
Toyota Corolla S/D Sol
1600 Bensín sjálfsk.
Á götuna: 07.06 Ekinn: 42.000 km
Verð: 2.050.000 kr. Skr.nr. DL-278
Toyota Corolla W/G
1600 Bensín sjálfsk.
Á götuna: 10.03 Ekinn: 79.000 km
Verð: 1.450.000 kr. Skr.nr. RU-587
Toyota Aygo
Álfelgur, filmur, spoiler, snúningsmælir
1000 Bensín 5 gíra
Á götuna: 07.06 Ekinn: 22.000 km
Verð: 1.540.000 kr. Skr.nr. VN-202
Toyota Yaris
1000 Bensín 5 gíra
Á götuna: 05.05 Ekinn: 53.000 km
Verð: 1.130.000 kr. Skr.nr. NB-864
SUMIR NOTAÐIR BÍLAR ERU
EINFALDLEGA BETRI EN AÐRIR
Toyota Yaris Sol
Álfelgur, spoiler, filmur, þokuljós, Xenon,
krómstútur á pústi
1300 Bensín 5 gíra
Á götuna: 07.07 Ekinn: 36.000 km
Verð: 1.990.000 kr. Skr.nr. JKY-36
Toyota Aygo
1000 Bensín 5 gíra
Á götuna: 05.06 Ekinn: 30.000 km
Verð: 1.340.000 kr. Skr.nr. TA-374
ORKA Laun stjórnarmanna í REI duga fyrir
kostnaði, en duga skammt fyrir vinnunni
sem starfið krefst, að sögn varaformannsins,
Ástu Þorleifsdóttur.
Sjálf þiggur hún 125.000 krónur á mánuði
og segir fundi að meðaltali vera þrjá á viku.
En Ásta fær ekki greiddan útlagðan
kostnað, svo sem vegna síma og aksturs.
„Ég fæ útborgað um 80.000 krónur og ég
hugsa að kostnaðurinn sé allt að 40.000,“
segir hún. Þar af leiðandi sé ekki mikið eftir
af laununum, þegar allt komi til alls.
Þegar Ásta er stödd erlendis og hringt er
frá Íslandi í farsíma hennar vegna starfsins
segist hún þurfa að hugsa sig tvisvar um
áður en hún svarar, því hún greiði kostnað-
inn af utanlandssamtalinu.
„Ég er reyndar í töluvert annarri stöðu en
aðrir stjórnarmenn,“ segir Ásta. „Þeir eru
borgarfulltrúar og hafa því tölvur, síma og
akstursaura inni í launum sínum sem slíkir.“
Hún hafi farið í eina ferð utan á vegum
REI og skoðaði þá jarðhitasvæði í Jemen og
Eþíópíu.
„Ég tel það hafa verið afar gagnlegt. Ég
nýtti mér það að vera bæði jarðfræðingur og
sérhæfð í vatni og borunum sem jarðverk-
fræðingur. Ég hitti líka ráðamenn og fékk
staðfestingu á því að þessi verkefni væru
fýsileg að teknu tilliti til umhverfissjónar-
miða og samfélagslegrar ábyrgðar, auk þess
að vera verulega arðbær,“ segir hún.
Aðrir stjórnarmenn í REI eru Kjartan
Magnússon formaður og Sigrún Elsa
Smáradóttir. Þeim var send sama fyrirspurn
og Ásta svarar hér fyrir sig.
- kóþ
Ásta Þorleifsdóttir, varaformaður stjórnar REI, hugsar sig tvisvar um þegar hún er erlendis og fær símtal:
Borgar símakostnað og akstur fyrir REI
ÁSTA ÞORLEIFSDÓTTIR Varaformaðurinn segir starfið
í aðra röndina hugsjónastarf, en hún er áhugasöm
um umhverfismál og orkunýtingu. Hún greiði ýmsan
kostnað við starfið úr eigin vasa.
RÍKISSJÓÐUR Útgjöld ríkissjóðs til
umhverfisverndar, fyrstu fimm
mánuði ársins, drógust saman um
5,9 prósent. Á sama tíma í fyrra
jókst útgjaldaliður ríkissjóðs til
umhverfisverndar um 27,9 prósent.
Umhverfisráðuneytið segir
lækkunina á fyrstu fimm mánuð-
um ársins líklega skýrast af því að
útgjaldafrek verkefni falli á síðari
helming ársins. Jafnframt er sagt
að útgjöld til umhverfismála muni
aukast um átta prósent á þessu ári.
Útgjöld til umhverfisverndar
eru eini málaflokkurinn sem
lækkar frá árinu 2007 til 2008
samkvæmt nýjustu skýrslu
fjármálaráðuneytisins. - vsp
Umhverfisverndin rýrnar:
Eini liðurinn
sem lækkar
VEISTU SVARIÐ?