Fréttablaðið - 15.07.2008, Page 12

12 15. júlí 2008 ÞRIÐJUDAGUR
Umsjón: nánar á visir.is
Forsætisráðherra segir að
kanna þurfi ofan í kjölinn
hvort tengja megi krón-
una evrunni. Hann telji þó
litlar líkur á því að þetta
verði gert. Hugmyndir um
tengingar eða evruupptöku
koma sendiherra Evrópu-
sambandsins gagnvart
Íslandi á óvart.
„Við höfum talið þetta fjarlægan
möguleika. En hins vegar eitt af
því sem nefndin, sem Illugi Gunn-
arsson og Ágúst Ólafur Ágústsson
stýra, eigi að taka til skoðunar,“
sagði Geir H. Haarde forsætis-
ráðherra á blaðamannafundi í
stjórnarráðinu í gær.
Geir boðaði til fundarins í til-
efni af ummælum Björns Bjarna-
sonar dómsmálaráðherra.
Björn reit á heimasíðu sína að
láta mætti á það reyna að taka upp
evru hér. Evran yrði þá þriðja
stoðin í samstarfi Íslendinga við
ESB, til hliðar við samninginn um
Evrópska efnahagssvæðið og
Schengen.
Geir sagði að í hugmynd Björns
fælist einnig frekari binding krón-
unnar við evruna.
„Evran yrði ekki tekin upp á
Íslandi án þess að Íslendingar
gerðust aðilar að sambandinu,“
segir Percy Westerlund, sendi-
herra Evrópusambandsins (ESB),
gagnvart Íslandi. Hann bætti því
við að ummæli Björns hefðu
komið sér á óvart.
Geir nefndi að Danir hefðu
farið þá leið að binda saman krónu
og evru og bætti því við að vafa-
laust væru til margar útfærslur á
slíku.
„Ég leggst ekki gegn því, og tel
það bara eðlilegt, að menn
rannsaki öll þessi atriði til hlítar.
Og það er bara eitt af því sem
okkur ber skylda til að gera,“
sagði Geir. Hann bætti því við að
athugun á málinu hefði leitt í ljós
að litlar líkur væru á þessu. Þá
ítrekaði hann að við núverandi
aðstæður teldi hann ekki að skipta
ætti um gjaldmiðil. Slíkt yrði
engin lausn á núverandi vanda.
Geir segist ekki hafa rætt þessar
hugmyndir við forystumenn ESB
í vetur þegar hann átti fundi með
þeim.
Geir bætti því við að hugmyndir
Björns hefðu ekki verið ræddar í
ríkisstjórn. ingimar@markadurinn.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 183
4.188 -0,69% Velta: 1.189 milljónir
HLUTABRÉF Í ÚRVALSVÍSITÖLU: Alfesca 6,99 -0,14% ... Atorka 6,12
0,00% ... Bakkavör 25,25 +0,60% ... Eimskipafélagið 14,30 0,00% ...
Exista 6,60 -1,35% ... Glitnir 14,94 -0,73% ... Icelandair Group 16,45
0,00% ... Kaupþing 725,00 -1,09% ... Landsbankinn 22,80 -0,22% ...
Marel 89,10 -0,22% ... SPRON 3,20 -1,54% ... Straumur-Burðarás 9,65
-0,52% ... Teymi 1,95 0,00 ... Össur 87,30 -0,57%
MESTA HÆKKUN
GRANDI +5,00%
CENTURY ALUM. +2,56%
BAKKAVÖR +0,60%
MESTA LÆKKUN
EIK BANKI -3,97%
ATL. PETROLEUM -2,94%
SPRON -1,54%
Gúrkutíð á fjölmiðlum?
Forsætisráðherra boðaði fríðan hóp fjölmiðlafólks
á sinn fund í Stjórnarráðinu í gær. Á ráðherra var
helst að skilja að mikið upphlaup hefði orðið út
af engu; hugmyndir Björns Bjarnasonar mörkuðu
enga stefnubreytingu hjá ríkisstjórninni og sagði
hann málið lýsa fullkominni gúrkutíð hjá blaða-
mönnum. Svo vill til að dómsmálaráðherra segir
rétt að kanna hvort ekki megi bæta
þriðju stoðinni við EES-samninginn.
Áttu fjölmiðlar ekkert að gera með
það? Svo segir Össur Skarphéðins-
son iðnaðarráðherra að Samfylk-
ingin eigi að taka Björn á
orðinu og ríkisstjórnin eigi
þegar að fara í viðræður við
framkvæmdastjórn ESB í
Brussel. Er það heldur
ekki frétt? Hvað þá með
útspil atvinnulífsins, til
dæmis stórkaupmanna?
Getur verið að stærstur hluti pólitískrar umræðu
í landinu að undanförnu hafi hreinlega farið
framhjá forsætisráðherranum?
Árni Snævarr ósáttur
Að venju sýnist sitt hverjum um útspil Björns
Bjarnasonar, sem Andrés Jónsson bloggari hefur
um snjallyrðið e-beygja. Árni Snævarr í Brussel
hefur nýlega gert heimildarmynd um
Evrópumálin fyrir Samtök iðnaðarins
og hann hefur sínar skýringar á afstöðu
Björns: „Hann er bara að kaupa sér
tíma, að leika millileik og vonast til
að staðan í refskákinni skáni
af sjálfu sér,“ segir Árni og
bætir við: „Hve lengi eigum
við Íslendingar að borga fyrir
að forystumenn Sjálfstæðis-
flokksins séu ekki menn til
að horfast í augu við stað-
reyndir?“
Peningaskápurinn ...
Stærsti bjórframleiðandi í heimi
varð til í fyrradag þegar stjórn
bandaríska bjórrisans Anheuser-
Busch ákvað að taka yfirtökutil-
boði bjórframleiðandans Inbev í
fyrirtækið.
Við kaupin renna einar
þekktustu bjórtegundir heims í
eina krús. Inbev framleiðir Stella
Artois en Anheuser-Busch
Budweiser. Fyrirtækið keypti
fyrir ári fimmtungshlut í
Icelandic Water Holdings, sem
framleiðir átappað vatn í
Ölfusinu.
Upphaflegt tilboð hljóðaði upp
á 65 dali á hlut. Það var hækkað
um fimm dali um helgina og
nemur nú 52 milljörðum banda-
ríkjadala, jafnvirði fjögur þúsund
milljarða íslenskra króna. - jab
Bjórrisi verður til
Bandarísk stjórnvöld sam-
þykktuí fyrradag að veita
húsnæðislánasjóðunum
Fannie Mae og Freddie Mac
hjálparhönd og tryggja fjár-
mögnun þeirra.
Henry Paulson, fjármálaráðherra
Bandaríkjanna, sagði í síðustu viku
stöðu sjóðanna sterka og væru þeir
nægilega fjármagnaðir. Á sunnu-
dag var hins vegar samþykkt að
kaupa lán sjóðanna eftir þörfum og
veita auknu hlutafé í reksturinn.
Fjármálasérfræðingar sögðu í
samtali við fréttastofu Reuters í
gær að þótt björgunaraðgerðir
stjórnvalda hafi náð að róa fjár-
málamarkaði um stundarsakir sé
óvíst hverju það skili enda sé
bandarískt efnahagslíf ekki burð-
ugt um þessar mundir.
Þótt báðir sjóðirnir séu skráðir á
hlutabréfamarkaði í Bandaríkjun-
um sækja þeir fé sitt í ríkiskass-
ann, sem þeir lána áfram til ann-
arra lánveitenda. Verðmæti lána
þeirra beggja er tæplega helmingi
minna en samanlagðir sjóðir allra
slíkra fyrirtækja í Bandaríkjunum.
Það segir sitt um umfangið en af
þeim sökum telja menn harla ólík-
legt að bandarísk stjórnvöld muni
leyfa sjóðunum að sigla í strand.
- jab
Stjórnvöld til bjargar
ríkislánasjóðum
Láta kanna hvort tengja
eigi krónuna við evrunaTvenn stór viðskipti upp á tæpa 4,5 milljarða króna hvor í bréf Landsbankans á genginu 22,8
krónur á hlut voru felld niður í
Kauphöll Íslands í gær. Heildar-
verðmæti þeirra nam tæpum 8,9
milljörðum króna.
Tilboðin voru lögð fram
fyrir upphaf viðskiptadagsins í
gærmorgun en felld niður um
hádegisbil.
Ekki var um raunveruleg og
tilkynningaskyld viðskipti að
ræða, samkvæmt upplýsingum frá
Kauphöllinni.
Eins og gefur að skilja lækkaði
heildarveltan á hlutabréfamarkaði
verulega við þetta en hún nam í
enda dags rúmum 1,3 milljörðum
króna. - jab
Tilboðin
felld niður
„Þessi hugmynd Björns [Bjarnasonar]
gengur út á tvíhliða samning sem
gefur kost á að Evrópski seðlabank-
inn verði bakhjarl
íslenska seðlabankans.
Nú þurfa ríkisstjórn-
arflokkarnir að bretta
upp ermarnar og fara
alla leið með þessa
hugmynd,“ segir Þór
Sigfússon, formaður
Samtaka atvinnulífsins.
„Það þarf töluverðan
pólitískan vilja af hálfu
Evrópusambandsins
til að af verði,“ segir
Erlendur Hjaltason, for-
maður Viðskiptaráðs.
Hann bætir því við
að það ætti að vera
auðvelt að láta á það
reyna á skömmum
tíma. „Aftur á móti
er mikilvægt að hafa í huga að
formlegar viðræður af þessu tagi
fælu í sér ákveðna yfirlýsingu af hálfu
stjórnvalda um íslensku krónuna og
peningastefnu Seðlabanka Íslands.“
Gylfi Arnbjörnsson, framkvæmda-
stjóri Alþýðusambands Íslands, segir
að Björn Bjarnason sé augljóslega að
ræða um að evran verði tekin upp
hér án þess að gengið verði í Evrópu-
sambandið. Þá sé það ný hugmynd
að tengja krónuna evrunni. Hann
bendir hins vegar á að árið 1992 hafi
krónan verið tengd
mynteiningunni EMU
um eins árs skeið.
„Því var hætt, því það
hentaði okkur ekki
mjög vel að vera með
þess háttar fast gengis-
stefnu.“
Erlendur og Gylfi
bæta því báðir við
að mikilvægt sé að umræðan og
framtíðarskipan peningamála þokist
áfram og sjálfsagt sé að kanna kosti
þessarar leiðar. Hins vegar eigi
Íslendingar eftir að standa frammi
fyrir hinni sömu spurningu, hvort
krónunni verði haldið og peninga-
kerfið styrkt, eða hvort Íslendingar
gangi í Evrópusambandið og tækju
upp evru í kjölfarið. - ikh
Aðeins spurning um krónu eða evru
ERLENDUR
HJALTASON
GYLFI ARN-
BJÖRNSSON
ÞÓR
SIGFÚSSON
GEIR H. HAARDE OG MANUEL BARROSO
Forsætisráðherrann og framkvæmda-
stjóri Evrópusambandsins ræddust við í
vetur. Hvorki voru þá ræddar hugmyndir
um tengingu evru og krónu né hug-
myndir Björns Bjarnasonar um þriðju
stoðina. FRÉTTABLAÐIÐ/BÞS
Bakkavör var í enda síðustu viku
gert að greiða rúm 30 þúsund
punda, jafnvirði 4,5 milljóna
íslenskra króna, í sekt vegna
mengunar frá einni af verksmiðj-
um fyrirtækisins í Grimsby í
Bretlandi.
Leifar af pasta,
hrísgrjónum,
baunum og öðrum
úrgangi fundust í
árfarvegi í
námunda við
verksmiðjuna, að
sögn breska
dagblaðsins
Grimsby Telegraph
um málið í gær.
Fram kemur að
Bakkavör hafi síðan þá varið háum
fjárhæðum í hreinsunarbúnað til að
koma í veg fyrir að úrgangur berist
framvegis frá verksmiðjunni.
Sektað er í tveimur hlutum fyrir
jafnmörg mengunartilfelli í ágúst
og október á síðasta ári og eru
greiðslurnar jafnháar, hvor upp á
fimmtán þúsund pund. Þá hljóðar
annar kostnaður upp á rúm sautján
hundruð pund, jafnvirði rúmra 260
þúsunda íslenskra króna. - jab
Bakkavör sektað
ÁGÚST GUÐ-
MUNDSSON
Fo
rn
ub
úð
ir
Fo
rn
ub
úð
ir
St
ra
nd
ga
ta
Hvaleyrarbraut
Óseyrarbraut
Sparaðu hjá Orkunni í dag!
SPÁÐU Í HVAÐ ÞÚ SPARAR!
-2 krónur
í Hafnarfirði
í dag!
Afsláttur er veittur af almennu verði Orkunnar sem er
173,1 kr. á 95 okt. bensíni og 190,6 kr. á dísel.
M.v. verð 15. júlí 2008.