Fréttablaðið - 15.07.2008, Síða 17

HEIMILI HEILSA HÚS BÖRN SUMAR FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Íslenska hásumarið dregur Áslaugu Dóru
Eyjólfsdóttur, sérfræðing í menntamálaráðu-
neytinu, og hennar fjölskyldu út á land þetta
árið. Hún var einmitt að pakka niður þegar haft
var samband. Förinni er heitið á norðanverða
Vestfirði.
„Við byrjum á að fara norður á Strandir og verðum
þar eina nótt. Sofum í litlu sundlaugarhúsi í Kross-
nesi í Árneshreppi og hlökkum mikið til að gista þar
alveg við úthafið,“ segir Áslaug Dóra þegar forvitn-
ast er um ferðaáætlunina. Spurð hvort hún þekki til í
Árneshreppi kveðst hún hafa komið þar áður enda sé
systir hennar skólastjóri í Finnbogastaðaskóla. En
hversu lengi er ekið þangað? „Bara svona fimm til
sex tíma. Við förum að morgni og erum komin norður
um kaffileytið,“ segir Áslaug Dóra og hlakkar greini-
lega til að komast í heimabakaða snúða í sveitinni.
Reyndar fræðir hún blaðamann um að komið sé nýtt
kaffihús í kaupfélaginu í Norðurfirði. Samt er það
ekki síður umhverfið sem heillar. „Strandirnar eru
sjarmerandi svæði, með mikla sögu og náttúru-
fegurð,“ bendir hún á. „Mig langar til dæmis að skoða
Gjögur og jafnvel skreppa til Kúvíkur sem er síldar-
verksmiðja nálægt Djúpavík.“
Eiginmaður Áslaugar Dóru er Sigurður Nordal
hagfræðingur og börnin þeirra eru þrjú. „Það verður
fjör í bílnum,“ segir Áslaug Dóra hlæjandi og spáir í
hverju hún eigi að pakka niður handa börnunum því
eftir Strandirnar ætlar fjölskyldan til Ísafjarðar og
dvelja þar í vikutíma. „Við fórum um sunnanverða
Vestfirði í fyrra og vorum mjög hrifin svo nú erum
við komin með Vestfjarðabakteríuna. Ætlum að skoða
Vigur, Hesteyri og svo firðina í kringum Ísafjörð í
þessari ferð. Svo höfum við aldrei stoppað neitt á Ísa-
firði sjálfum en hlökkum til að kynnast bænum
aðeins. Ætlum svo að koma við í Húnavatnssýslunni í
bakaleiðinni,“ segir Áslaug Dóra og bætir við að
lokum: „En við sleppum því að taka tjaldið með núna
því við leigjum hús fyrir vestan.“ gun@frettabladid.is
Með Vestfjarðabakteríu
„Við fengum mjög gott veður á Vestfjörðunum í fyrra, glampandi sól allan tímann og spáin er alveg sæmileg núna, en við tökum
samt að sjálfsögðu regngallana með,“ segir Áslaug Dóra, sem hér er ásamt tvíburunum Stefáni og Sólveigu Nordal.
FRÉTTABLAÐIÐ/ARNÞÓR
SUMAR Í HÖMRUM
Tónlistarfélag Ísafjarðar
stendur fyrir tónleikaröð-
inni Sumar í Hömrum í júlí
og ágúst og hefst hún á
fimmtudaginn með
tónleikum tónleika-
hópsins Slyngs.
SUMAR 3
OFNÆMI Í HÁMARKI
Óvenjumikið hefur verið af
frjókornum í loftinu í sumar
og því hafa margir sem
ekki hafa áður fundið fyrir
frjókornaofnæmi verið
greindir með slíkt ofnæmi
núna.
HEILSA 2