Fréttablaðið - 15.07.2008, Blaðsíða 22
● fréttablaðið ● börn 15. JÚLÍ 2008 ÞRIÐJUDAGUR2
Í skólagörðunum gefst
börnum tækifæri að læra að
gróður setja og rækta ásamt
því að njóta útiverunnar í
góðra vina hópi.
Skólagarðarnir sameina garð-
yrkjustörf, útivist og skemmtun
og eru tilvaldir til afþreyingar
fyrir börn á sumrin. Hverju barni
er úthlutað 18 m² garði og fræi,
útsæði, grænmetisplöntum og
blómum.
Hjá skólagörðunum í Reykja-
vík geta börn á aldrinum 8 til 12
ára sótt um svæði, en eldra fólki
gefst einnig kostur á garði ef
þeir eru afgangs. Skólagarðarnir
eru þannig ekki aðeins samkomu-
staður fyrir börn með áhuga á
ræktun heldur einnig tækifæri
fyrir mismunandi kynslóðir til
að koma saman og rækta áhuga-
mál sín.
Aðaláherslan er lögð á umhirðu
garðanna en markmiðið er meðal
annars að börnin læri grunnhand-
tök gróðursetningar og ræktunar
og njóti útiverunnar. Einnig eru
haldnir leikjadagar einu sinni í
viku. Þá er farið í bíó, keilu, skoð-
unarferðir eða grillað og farið í
leiki. Krakkarnir fá síðan afrakst-
ur erfiðisins í lok sumars þegar
þau fara heim með uppskeruna.
Skólagarðarnir eru opnir frá
klukkan 8 til 12 og 13 til 16. Nánari
upplýsingar á www.skolagardar.
bloggar.is og www.umhverfis-
vefurinn.is.
Meðfylgjandi myndir voru
teknar í skólagörðunum í Laugar-
dal fyrir skemmstu, þar sem
hóparnir voru að vinna á fullum
krafti. - stp
Gefandi vinna í
góðra vina hópi
Nauðsynlegt er að vökva reglulega og
hefur rigningin síðustu daga komið sér
vel. FRÉTTABLAÐIÐ/VALLI
Skólagarðarnir í Reykjavík eru kjörinn
staður fyrir unga sem aldna til að njóta
samverunnar.
Skólagarðarnir sameina fræðslu, útivist og skemmtun.
Garðarnir eru allir snyrtilega merktir,
og fallegar og sumarlegar stjúpur er að
finna í þeim öllum.
Félagarnir Ólafur og Steinn hugsa vel um garðana sína.
Í hverri viku er flottasti garðurinn
valinn.
„Ég fékk þessa hugmynd árið 2006 þegar ég flutti til
Íslands. Þegar ég kom hingað sá ég að það var mikið
um frístundir á Íslandi en ómögulegt að nálgast upp-
lýsingar um þær á einum stað og erfitt að fá þær á öðru
tungumáli en íslensku.
Ég hafði því samband við nokkur fyrirtæki og kann-
aði hvort áhugi væri fyrir hendi af þeirra hálfu að
stofna svona síðu. Þá fór boltinn að rúlla,“ segir Letetia
Beverley Jonsson, hjá Frístundum Íslands, sem er
stofnandi vefsíðunnar www.fristundir.is.
Á síðunni er hægt að nálgast upplýsingar um alls
kyns frístundir ætlaðar börnum, svo sem fimleika,
glímu, keilu, golf og fleira á þremur tungumálum, ís-
lensku, ensku og pólsku. „Ísland hefur breyst, það er
ekki eins og áður þegar hér voru bara Íslendingar.
Núna er mikið af erlendu fólki sem hér er með börn.
Nauðsynlegt er að taka tillit til þarfa þess.“
Sem stendur fjallar síðan um frístundir barna á
höfuð borgarsvæðinu en til stendur að bæta við upp-
lýsingum um frístundaiðkun barna um allt land árið
2009. Hinn 24. ágúst næstkomandi kemur út bækling-
ur á vegum Frístunda Íslands. „Í tilefni af útgáfunni
verður haldin fjölskylduskemmtun í Smáralind til að
auglýsa bæklinginn og kynna síðuna, því þar eru allar
nánari upplýsingar, eins og hvenær námskeið hefjast
og þar fram eftir götunum.“
Fyrirtæki sem hafa áhuga á að skrá sig á síðuna geta
gert það til 31. júlí. Sjá nánar á www.fristundir.is - stp
Frístundir fyrir alla krakka
Letetia segir að mikil þörf sé fyrir upplýsingar á fleiri tungu-
málum um afþreyingarmöguleika fyrir börn. FRÉTTABLAÐIÐ/ARNÞÓR
Á vef Landlæknisembættisins
má nálgast greinar um fjölbreytt
efni sem birst hafa í dagblöðum
og tímaritum. Á undirsíðunni
Hollráð um heilsuna er að finna
fræðslugreinar um margvísleg
efni er varða heilsufar og heil-
brigðisþjónustu, forvarnir og
heilsueflingu.
Einn af efnisflokkum Holl-
ráða er flokkurinn Börn en
meðal efnis í þessum flokki er
umfjöllun um heilsu skólabarna
þar sem velt er upp spurningum
um hvernig efla megi líkamlega
og andlega líðan barna í skólum
og bæta heilsufar þeirra til langs
tíma. Bæði er hugað að líkam-
legri og andlegri heilsu.
Auk efnis um heilsu skóla-
barna er fjallað um ýmislegt er
varðar öll börn, allt frá ungbörn-
um til hinna eldri. Einnig má
finna greinar tengdar börnum í
efnisflokknum Forðumst slysin
þar sem fjallað er meðal annars
um slysavarnir barna og í efnis-
flokknum Klínískar leiðbeining-
ar er fræðsla um offitu barna og
unglinga, þar sem fjallað er um
meðferð og forvarnir. Annars er
um að gera að heimsækja vefinn
www.landlaeknir.is og skoða það
sem vekur áhuga. - hs
Hollráð um heilsu
Á heimasíðu Landlæknisembættisins má finna fjölbreytt efni um heilsu barna.
Ofþyngd og hreyfingarleysi er eitt þeirra en fram kemur á síðunni að Æskilegt sé
að börn fari út og hreyfi sig en offita og ofþyngd barna á skólaaldri ásamt hreyf-
ingarleysi eru vaxandi vandamál sem leita þarf lausna við. FRÉTTABLAÐIÐ/VILHELM