Fréttablaðið - 15.07.2008, Page 38

22 15. júlí 2008 ÞRIÐJUDAGUR
folk@frettabladid.is
> ENN MEÐ GÆJANUM
Misvísandi fregnir berast nú af því
hvort leikkonan Megan Fox sé á
lausu eður ei. Unnusti hennar, Brian
Austin Green, segir þau vera saman
en slúðurblöð halda hinu gagnstæða
fram. Á sunnudag sást aftur á móti til
Megan yfirgefa heimili hans svo það
virðist of snemmt að afskrifa sam-
bandið alveg.
Söngkonan Amy Winehouse þeytti
skífum eina kvöldstund á
skemmtistað í Camden í London.
Söngkonan stóð sig víst vel sem
plötusnúður og spilaði hvern
smellinn á fætur öðrum. Amy hélt
þó uppteknum hætti og drakk
stíft á meðan hún þeytti skífum
og í lok kvöldsins þurfti lífvörður
hennar að styðja hana út af
skemmtistaðnum á meðan
söngkonan reyndi án árangurs að
fela sig fyrir ljósmyndurum á bak
við tóman bjórkassa.
Amy virðist þó eiga eitthvað
erfitt með skapið í sér þessa
dagana því nýlega greindi
tímaritið The Sun frá því að hún
hefði ráðist á ljósmyndara fyrir
utan heimili sitt og
stuttu seinna
réðst hún á
lífvörð
sinn og
sló hann
í höfuðið.
Það er
kannski
kominn tími
til að Amy
íhugi
meðferð.
Þeytir skíf-
um á bar
Á barnum Q-bar á Ingólfsstræti eru
haldin vikulega svokölluð Open mike-
kvöld þar sem fólk getur mætt og látið
ljós sitt skína á sviðinu. Kvöldin hafa
hingað til verið haldin á tveggja vikna
fresti en vegna vinsælda verða þau
haldin vikulega nú í sumar.
„Mér fannst of lítið um að vera á
virkum dögum og fannst tími til kom-
inn að breyta því og fékk þá hugmynd-
ina að Open mike-kvöldunum,“ segir
Brad Houldcrost, skipuleggjandi
kvöldanna. Brad segir alls konar fólk
sækja þessi kvöld og að allt sé leyfi-
legt. „Hingað kemur til dæmis fólk og
les ljóð eða syngur lög eftir sjálft sig,
rapparar eru einnig duglegir að mæta.
Í síðustu viku kom meira að segja
gospelkór og söng,“ segir Brad.
Til þess að vera með segir Brad fólk
einungis þurfa að mæta á staðinn og
skrá nafn sitt á lista og svo sé það kall-
að upp á svið þegar tími þess í sviðs-
ljósinu er kominn. „Við vildum hafa
þetta einfalt og afslappað og fólk á að
hafa gaman af þessu.“ Open mike-
kvöldin eru haldin á þriðjudögum og
hefjast klukkan 22.00. - sm
Ljóðskáld, kórar og rapparar
ALLIR GETA LÁTIÐ LJÓS SITT SKÍNA
Brad segir alls konar fólk mæta á
Open mike-kvöldin á Q-bar. Hljóð-
neminn er laus í kvöld.
Pálmi Gestsson er ósáttur við nýjan
snjóflóðavarnargarð í Bolungarvík.
Honum sárnar að svæði þar sem hann
lék sér sem barn sé eyðilagt.
„Manni blæðir í froðu við að sjá þetta,“
segir Pálmi Gestsson, leikari og hafnarvörð-
ur í Bolungarvík. Nýlega hófst vinna við
gerð snjóflóðavarnargarðs í Bolungarvík og
segir Pálmi hann vera skelfileg náttúru-
spjöll. Nokkur hús í Bolungarvík
voru jöfnuð við jörðu til að
hægt væri að setja upp
garðinn. „Ég skil ekki þessa
pólitík. Að eyða fúlgum fjár í
að breyta fjalli í staðinn fyrir
að byggja annars staðar,“ segir
Pálmi, sem hefði frekar
viljað að fleiri hús á
hættusvæði hefðu
verið rýmd í staðinn
fyrir að byggja
garðinn. Enda eigi
Bolungarvík
töluvert af öruggu
byggingarlandi.
„Undarlegt að
menn vilji frekar
halda í mannanna
verk en náttúr-
unnar,“ segir
hann.
Pálmi er undrandi
á náttúruverndarsinn-
um. „Hvar eru þeir sem
láta hlekkja sig við
ýturnar núna? Það er
eins og þeir hafi sofnað á
verðinum.“ Pálma er umhverfið á
þessum slóðum afar kært enda lék hann
sér þarna sem barn. „Ég hélt til þarna í
svokölluðum bólum í fjallinu. Við
fórum í kúrekaleiki, byggðum hús og
hlóðum þarna virki. Mér finnst að
þarna sé verið að ráðast á sköpunar-
verkið að þarflausu. Auðvitað á að
vernda mannslíf en það hefði verið
hægt með
öðrum hætti,“
segir hann.
Elías
Jónatansson er bæjarstjóri í Bolungarvík.
Hann segir allt benda til þess að snjóflóða-
varnargarðurinn sé ódýrari en uppkaup á
húsum. Áætlað er að garðurinn kosti um 560
milljónir en Elías segir að uppkaupin á
þessum fimm til sex húsum sem þurfti að
kaupa upp hafi verið kringum 150 milljónir.
„Meginregla stjórnvalda er líka að verja
frekar byggð en að færa hana,“ segir hann.
„En þetta er auðvitað alltaf málamiðlun.“
Hann segir að þegar garðurinn verði
tilbúinn eigi hann að falla sem best inn í
umhverfið. soli@frettabladid.is
Pálmi ósáttur við snjóflóðavarnargarð
BOLUNGARVÍK Á myndinni sést hvar byrjað er að vinna að varnargarðinum. MYND/PÁLMI GESTSSON
PÁLMI GESTSSON Harmar
náttúruspjöll í heima-
byggðinni. FRÉTTABLAÐIÐ/HARI