Fréttablaðið - 15.07.2008, Blaðsíða 42
26 15. júlí 2008 ÞRIÐJUDAGUR
sport@frettabladid.is
Hinn átján ára Gylfi Þór Sigurðsson hefur hægt og bítandi
verið að vinna sig upp hjá enska Íslendingaliðinu Reading
en félagið féll sem kunnugt er úr ensku úrvalsdeildinni
á síðustu leiktíð. Gylfi Þór kom til félagsins haustið 2005
og hefur fram að þessu leikið með unglinga- og varaliði
félagsins en vonast eftir því að fá tækifærið með aðalliðinu á
komandi leiktíð.
„Ég er náttúrlega búinn að læra heilmikið og
bæta mig mjög sem leikmaður síðan ég kom til
Reading á sínum tíma en maður vill alltaf meira.
Ég skrifaði undir nýjan tveggja ára samning við
félagið síðasta haust og vonast á þeim tíma til
þess að fá tækifæri með aðalliðinu og það er
stefnan. Á meðan félagið var í ensku úrvals-
deildinni var erfitt fyrir yngri leikmenn félags-
ins að fá tækifæri en eftir fallið hefur Steve
Coppell, framkvæmdastjóri Reading, sagt
að nú sé kjörið tækifæri fyrir yngri leikmenn
félagsins að sýna hvað þeir geta og stíga fram,“
sagði Gylfi Þór, sem æfir nú af kappi með aðalliði félagsins fyrir
átökin í ensku Championship-deildinni.
„Allur hópurinn er að æfa saman núna og þetta er búið að
vera mjög fínt. Æfingaprógrammið byrjaði rólega en núna er
það farið að þyngjast smátt og smátt auk þess sem við spilum
æfingaleiki nokkuð þétt,“ sagði Gylfi Þór, sem var meðal marka-
skorara Reading í fyrsta æfingaleiknum gegn utandeildarliðinu
Didcot Town í skrautlegum leik sem Reading vann 9-0.
„Ég náði að skora sjöunda markið með ágætu skoti
yfir markmanninn eftir sendingu frá Bobby Convey.
Það er alltaf gaman að skora mikið af mörkum og
gott upp á liðsandann á erfiðu undirbúningstímabili,“
sagði Gylfi Þór en stuttu eftir að hann skoraði markið
var honum skipt út af fyrir Simon nokkurn Holloway,
aðdáanda Reading, sem hafði unnið sér þátttökurétt
í leiknum á uppboði. Holloway fékk áttunda markið
skráð á sig eftir að hafa fengið fast skot í sig og inn
við mikinn fögnuð aðdáenda Reading. Reading leikur
annan æfingaleik í dag, gegn Forest Green.
GYLFI ÞÓR SIGURÐSSON, READING: HEFUR BÆTT SIG MIKIÐ Á TVEIMUR OG HÁLFU ÁRI HJÁ ENSKA FÉLAGINU
Vonast til að fá tækifæri með aðalliði Reading
Laugardalsv., áhorf.: 824
Fram Keflavík
TÖLFRÆÐIN
Skot (á mark) 3–11 (1-5)
Varin skot Hannes 2 – Ómar 1
Horn 4-4
Aukaspyrnur fengnar 9-13
Rangstöður 1-3
KEFLAVÍK 4–4–2
Ómar Jóhannsson 6
Guðjón Á. Antoníus. 6
Kenneth Gustafsson 7
Hallgrímur Jónasson 7
Nicolai Jörgensen 6
(46., Brynjar Guðm. 6)
Hörður Sveinsson 6
(80., Þórarinn Kristj. -)
Einar Orri Einarsson 5
(64., Hans Matthies. 6)
*Hólmar Ö. Rúnars. 8
Patrik Redo 7
Guðmundur Steinars. 6
Magnús Þorsteinsson 7
*Maður leiksins
FRAM 4–4–2
Hannes Þ. Halldórs. 6
Ingvar Ólason 4
Reynir Leósson 5
Auðun Helgason 6
Sam Tillen 6
Daði Guðmundsson 5
(80., Jón Orri Ólafs. -)
Paul McShane 6
Halldór H. Jónsson 7
Heiðar G. Júlíusson 6
Guðmundur Magn. 5
(62., Jón G. Fjólus. 4)
Hjálmar Þórarinsson 3
(46., Ívar Björnsson 4)
0-1 Þórarinn Kristjánsson (83.), 0-2
Þórarinn Kristjánsson (89.).
0-2
Valgeir Valgeirsson (8)
Landsbankadeild karla:
1. Keflavík 11 8 1 2 25:15 25
2. FH 11 7 1 3 22:12 22
3. Fjölnir 11 7 0 4 19:10 21
4. Valur 11 6 1 4 18:14 19
5. KR 11 6 0 5 19:13 18
6. Breiðablik 11 5 3 3 19:16 18
7. Fram 11 5 0 6 10:11 15
8. Grindavík 11 4 2 5 15:19 14
9. Þróttur 11 3 4 4 15:20 13
10. Fylkir 11 4 0 7 12:19 12
11. ÍA 11 1 4 6 8:17 7
12. HK 11 1 2 8 12:28 5
STAÐAN
> Hörður Axel á leið til Spánar
Landsliðsmaðurinn Hörður Axel Vilhjálmsson er búinn að
gera tveggja ára samning við spænska B-deildarfélagið
Melilla eftir stutt stopp hjá Keflavík en Hörður Axel kom
þangað frá Njarðvík í lok síðasta mánaðar. Þetta staðfesti
Sigurður Ingimundarson, landsliðsþjálfari og þjálfari Kefla-
víkur, í samtali við Vísi í gærmorgun. Sigurður
kvað tíðindin vissulega vera blóðtöku fyrir
Keflavíkurliðið en samgladdist Herði Axel
aftur á móti þar sem hann fengi nú tæki-
færi til þess að reyna sig sem atvinnumað-
ur í sterkri deild. Sigurður og Hörður
Axel eru nú staddir í Litháen þar
sem íslenska landsliðið leikur í
kvöld seinni æfingalandsleik sinn
við heimamenn.
FÓTBOLTI Þórarinn Brynjar Kristj-
ánsson þreytist seint á því að koma
Keflavíkurliðinu til bjargar. Hann
kom inn á sem varamaður gegn
Fram í Laugardalnum í gær og
skoraði bæði mörk liðsins í 2-0
sigri. Keflavík komst þar með upp
í efsta sæti deildarinnar. Framar-
ar eru á niðurleið og töpuðu þriðja
leik sínum í röð. Leikurinn var
ekki mikil skemmtun fyrir utan í
lokin.
„Okkur tókst ekki vel upp í fyrri
hálfleiknum en það voru skýrari
línur í seinni hálfleiknum. Við
tókum smá glímu í klefanum í
hálfleik. Við skerptum á því sem
við ætluðum að gera og ræddum
um ákveðna grýlu sem hefur verið
að ulla á okkur og við viljum
jarða,“ sagði Kristján Guðmunds-
son, þjálfari Keflavíkur, dular-
fullur eftir leik en hann vildi ekki
ræða þessa grýlu nánar.
„Við erum komnir á toppinn og
höldum núna áfram að vinna eftir
okkar markmiðum. Seinni umferð-
in er öll eftir,“ sagði Kristján.
Fyrri hálfleikurinn var virki-
lega bragðdaufur. Keflvíkingar
voru mun meira með boltann en
varnarleikur Fram var virkilega
traustur og gestunum gekk brösug-
lega að skapa sér opin færi. Það
skall þó hurð nærri hælum
snemma leiks þegar boltinn fór
tvívegis í tréverkið á marki Fram.
Strax á eftir fékk Paul McShane
dauðafæri en skot hans fór fram-
hjá.
Hólmar Örn Rúnarsson átti
magnað skot úr aukaspyrnu sem
Hannes Þór Halldórsson varði
með miklum tilþrifum í horn-
spyrnu. Annars var fátt sem gladdi
augað. Seinni hálfleikur hélt síðan
áfram á sömu nótum og Frömur-
um gekk illa að skapa sér færi.
Keflvíkingar voru alltaf lík-
legri, Magnús Þorsteinsson fékk
dauðafæri en skotið sleikti stöng-
ina og fór framhjá. Stuttu áður var
Auðun Helgason næstum búinn að
skora sjálfsmark.
Á 81. mínútu kom síðan Þórar-
inn af bekknum og var bara búinn
að vera á vellinum í um tvær mín-
útur þegar hann skoraði glæsilegt
mark beint úr aukaspyrnu. Undir
blálokin innsiglaði hann síðan
sigur Keflavíkur eftir góða send-
ingu frá Patrik Redo.
„Þetta hefur verið ansi erfitt hjá
okkur í síðustu leikjum,“ sagði
Reynir Leósson, fyrirliði Fram.
„Við erum ekki að skapa nægilega
mikið af færum til að eiga eitt-
hvað skilið. Við verjumst ágæt-
lega en erum ekki að ógna. Þetta
minnti mig á FH-leikinn, þá héld-
um við lengi út en svo kom Arnar
(Gunnlaugsson) og skoraði svipað
mark og Þórarinn núna. Þetta var
bara ótrúlega vel gert hjá honum.“
sagði Reynir.
Það vantar bit í sóknarleik Fram
en félagaskiptaglugginn er nú
opinn og spurning hvort brugðist
verður við í Safamýri. „Ég ætla
ekki að tjá mig um það. Ég veit
ekkert hvernig staðan er varðandi
það en við sem erum í þessum hópi
eigum að geta gert betur. Við verð-
um allir að vinna að því saman,“
sagði Reynir.
Það má síðan hrósa Valgeiri Val-
geirssyni dómara leiksins en hann
stóð sig virkilega vel með flautuna
og hélt öllum spjöldum í vasanum.
Þetta var fyrsti leikurinn í Lands-
bankadeildinni sem hann flautar á
en áður hafði hann fengið að koma
inn sem varamaður þegar Magnús
Þórisson meiddist í leik Fram og
Breiðabliks.
- egm
Bjargvætturinn stóð undir nafni
Varamaðurinn Þórarinn Brynjar Kristjánsson sá til þess að Keflvíkingar kæmust í góða stöðu á toppi
Landsbankadeildar þegar hann skoraði bæði mörkin í 0-2 sigri gegn Fram á Laugardalsvelli í gærkvöld.
BARÁTTA Keflvíkingurinn Magnús Þorsteinsson er hér í baráttunni við Framarann
Halldór H. Jónsson á Laugardalsvelli í gærkvöld. Það var hins vegar varamaðurinn
Þórarinn „bjargvættur“ Kristjánsson sem stal senunni og skoraði bæði mörk Keflvík-
inga í 0-2 sigri Suðurnesjaliðsins, sem er komið á toppinn. FRÉTTABLAÐIÐ/AUÐUNN
FÓTBOLTI Grindavík og Þróttur skildu jöfn, 2-2, í
Grindavík í dramatískum leik í Landsbankadeildinni
í gærkvöld.
Lítið var um dýrðir í fyrri hálfleik og
gerðist fátt markvert fyrir utan að
Tomasz Stolpa náði að kjafta Eyj-
ólf Kristinsson dómara á að gefa
sér sitt annað gula spjald átta
mínútum fyrir leikhlé.
Seinni hálfleikur var mun fjör-
ugri og virtust Þróttarar ætla að
nýta sér liðsmuninn til hlítar þegar
Þórður Hreiðarsson kom Þrótti yfir
eftir 54 minútna leik.
Grindavík jafnaði aðeins þremur
mínútum síðar þegar Zoran Stamenic
skallaði hornspyrnu Scott Ramsay í
netið. Ramsay var svo sjálfur á ferðinni
þrettán mínútum fyrir leikslok þegar hann
skoraði frábært mark eftir að hafa farið illa
með nánast alla vörn Þróttar.
Þremur mínútum fyrir leikslok jafnaði Hjörtur
Hjartarson metin með marki úr vítaspyrnu. Orri
Freyr Hjaltalín var dæmdur brotlegur þegar
hann og Rafn Andri Haraldsson áttust við í
teignum og var Orri Freyr allt annað en ánægð-
ur með þann dóm.
„Þetta var ekki víti. Ég er aðeins að
pressa á hann og hann hendir sér niður.
Svo kemur hann upp með skítaglottið
framan í mann á eftir. Það er grautfúlt að fá
svona jöfnunarmark á sig upp úr engu,“
sagði Orri Freyr.
Grindvíkingar voru afspyrnuslakir þar
til Stolpa var rekinn af leikvelli. „Það voru
allt of margir leikmenn í okkar liði sem
voru ekki mættir út á völl í byrjun leiks.
Svo fáum við spark í rassinn þegar hann er
rekinn út af og þá fórum við að gera þetta
eins og menn,“ sagði Orri, sár og svekktur
yfir að hafa ekki náð að landa fyrsta sigrin-
um á heimavelli í sumar.
Gunnar Oddsson, þjálfari Þróttar, var
vægast sagt ósáttur við spilamennsku síns
liðs. „Úr því sem komið var var ágætt að
jafna þetta en mér fannst við spila leikinn
ferlega illa í seinni hálfleik hafandi alla
möguleika á að spila þá sundur og saman.
Það vantaði yfirvegun á boltann og
ákvarðanatakan var skelfileg þegar við
vorum komnir á þeirra vallarhelming.
Þegar við áttum möguleika á að gefa úrslita-
sendingu kom mjög slök sending. Við köstuðum
dýrmætum stigum frá okkur í dag og gáfum
þeim allt of mörg færi með óskynsömum leik.
Ég er mjög óánægður með að hafa ekki náð í þrjú
stig hér í dag. Ég er þó þakklátur að ná í þetta
eina sem við vorum búnir að kasta frá okkur á
tímabili,“ sagði Gunnar ómyrkur í máli. - gmi
Grindavík þarf enn að bíða eftir fyrsta heimasigrinum eftir 2-2 jafntefli í gær:
Umdeild vítaspyrna í blálokin
ÖFLUGUR Scott Ramsay skoraði
seinna mark Grindavíkur í gær.
MYND/VÍKURFRÉTTIR