Fréttablaðið - 16.07.2008, Blaðsíða 10

MARKAÐURINN 16. JÚLÍ 2008 MIÐVIKUDAGUR10
S K O Ð U N
ÚT GÁFU FÉ LAG: 365 – prentmiðlar RIT STJÓRAR: Björn Ingi Hrafnsson og Óli Kr. Ármannsson RITSTJÓRN: Annas Sigmundsson, Björn Þór Arnarson, Guðný Helga Herbertsdóttir, Hólmfríður
Helga Sigurðardóttir, Ingimar Karl Helgason, Jón Aðalsteinn Bergsveinsson, Sindri Sindrason AUGLÝSINGASTJÓRI: Jón Laufdal RIT STJÓRN OG AUGLÝSING AR: Skaftahlíð 24, 105 Reykja vík
AÐ AL SÍMI: 512 5000 SÍMBRÉF: 512 5301 NETFÖNG: rit stjorn@markadurinn.is og aug lys ing ar@markadurinn.is VEFFANG: visir.is UM BROT: 365 – prentmiðlar PRENT VINNSLA: Ísa fold ar-
prent smiðja ehf. DREIFING: Pósthúsið ehf. dreifing@posthusid.is Markaðinum er dreift ókeyp is með Fréttablaðinu á heim ili á höf uðborg ar svæð inu, Suðurnesjum og Akureyri. Einnig er hægt
að fá blaðið í völdum verslunum á lands byggðinni. Markaðurinn áskil ur sér rétt til að birta allt efni blaðs ins í staf rænu formi og í gagna bönk um án end ur gjalds.
annas@markadurinn.is l bjorn.ingi@markadurinn.is l bjornthor@markadurinn.is l
gudny@markadurinn l holmfridur@markadurinn.is l ingimar@markadurinn.is l
jonab@markadurinn.is l olikr@markadurinn.is l sindri@markadurinn.is
Sögurnar... tölurnar... fólkið...
Í nýlegri grein fullyrti The Ec-
onomist að konur stjórnuðu 80
prósentum af öllum kaupákvörð-
unum í heiminum. Þetta á ef-
laust ekkert síður við á Íslandi.
Sem dæmi sjá nærri 83 prósent
af íslenskum konum (25-55 ára)
um nær öll matarinnkaup heim-
ilisins samkvæmt neyslukönn-
un Gallup (NLG). Samt segja
YouGov-rannsóknir erlendis að
tveir þriðju hlutar kvenna finni
engin tengsl við auglýsingar sem
beint er að þeim. Enn fremur
segir helmingur kvenna að aug-
lýsendur láti þeim oft hreinlega
líða illa með hvernig auglýsing-
unum til þeirra er háttað.
Ef konur taka ákvarðanir um
svona stóran hluta af öllum kaup-
um skiptir auðvitað miklu máli
fyrir fyrirtæki að gera sér grein
fyrir því hvernig þessi hópur
hagar lífi sínu, en falla ekki í
þá gryfju að elta steríóímynd af
honum. Flestar auglýsingastof-
ur á Íslandi predika að konur á
aldrinum 25 til 55 ára sjái um
kaup á nærri öllum neysluvörum
heimilisins og að á þessu aldurs-
skeiði byrji fólk að stofna heim-
ili, koma sér upp fjölskyldu og
hefja vinnuferil. Því sé þetta án
efa langmikilvægasti markhóp-
urinn fyrir líklega flestar teg-
undir neysluvara. En hvernig er
þessi hópur íslenskra kvenna á
aldrinum 25 til 55 ára? Hvað
segja rannsóknirnar (stuðst við
NLG og Hagstofu)?
Helmingi fleiri konur á Ís-
landi en karlar stunda meist-
aranám og töluvert fleiri konur
eru í doktorsnámi en karlar. At-
vinnuþátttaka kvenna er með því
hæsta í heiminum, en rúmlega
85 prósent af þessum konum
eru þátttakendur í atvinnulífinu.
Tæplega 4 prósent af þessum
hóp eru atvinnurekendur á Ís-
landi (miðað við 5 prósent karl-
manna á sama aldri). 21 prósent
af hópnum er sammála eða mjög
sammála fullyrðingunni „Ég geri
allt fyrir starfsframann“ miðað
við 23 prósent karlmanna á sama
aldri. Enn fremur segjast jafn-
margar konur og karlar (23 pró-
sent) vinnu vera áfanga á frama-
brautinni fremur en bara vinna.
Það líkar jafn mörgum konum
og körlum ábyrgð fremur en að
vera sagt fyrir verkum. Konur
innan hópsins nota netið jafn
mikið og karlmenn og 71 pró-
sent af hópnum hefur verslað á
netinu. Nær allar eru jafn opnar
fyrir nýrri tækni og karlar og
tæplega helmingur hópsins reyn-
ir að fylgjast með nýjustu tækni-
nýjungum. 90 prósent af þeim
setja samverustundir með fjöl-
skyldunni efst í forgangsröðina
en það er aðeins 3 prósentustig-
um hærra en meðal karla á sama
aldri. 65 prósentum finnst spenn-
andi breytingar í lífinu mikil-
vægar svo lífið verði ekki leið-
inlegt, 48 prósent hafa gaman af
því að taka áhættu og 41 prósent
kunna vel við mikinn hraða.
En hvað með kauphegðun hóps-
ins? Tæplega 90 prósentum af
hópnum finnst það þess virði að
borga meira fyrir gæðavöru. 62
prósent eru til í að borga meira
fyrir umhverfisvænar vörur en
70 prósent forðast að kaupa vörur
sem eru skaðlegar umhverf-
inu. 76 prósent af hópnum kaup-
ir oft eitthvað án þess að gera
verðsamanburð og 56 prósent af
þeim reyna að fylgja tískunni.
Hópurinn er mjög tryggur vöru-
merkjum sem hann treystir en
62 prósent kaupa sjaldan eða
aldrei nýjar vörutegundir þegar
þau sjá þær. Fjórðungur hópsins
hefur sjaldan tíma til að elda mat
og rúmlega 40 prósentum finnst
alltaf gaman að versla.
Aðaláhugamál hópsins eru í
réttri röð: uppeldismál, ferðir
erlendis, ferðir innanlands, nær-
ing/hollusta og útivist. 56 pró-
sent af þeim stundar reglulega
líkamsrækt.
Það er því nokkuð ljóst að
konur eru mjög langt frá þeirri
steríóímynd að hópurinn vilji
helst sem minnst sækja fram
á vinnumarkaðinum og tileinka
sér tækninýjungar. Það breytir
því þó ekki að þær hafa eflaust
flestar fleiri keilum að halda á
lofti í lífinu en karlmenn á sama
aldri. Heimilið og uppeldismál
eru meira á þeirra herðum en
það breytir því ekki að þær eru
að mennta sig meira, hafa sama
metnað og taka virkan þátt í at-
vinnulífinu. Rétt eins og þegar
manneskja talar við okkur alveg
úr takt við sjálfsmynd okkar (t.d.
talar niður til okkar eða af skiln-
ingsleysi) viljum við ekkert með
þá manneskju hafa. Það sama
á við um vörumerki þegar þau
„tala“ við fólk á sama hátt.
David Ogilvy sagði eitt sinn:
„Viðskiptavinurinn er ekki hálf-
viti. Hann er konan þín! Ekki
gera lítið úr vitsmunum hennar.“
Hópurinn bregst við hugmynd-
um sem spara þeim tíma og svar-
ar þörfum þeirra. Með því að
tala í röngum tón eru engar líkur
á því að einhver árangur náist.
Sala gæti aukist í dag á vörum
sem eru auglýstar með taktlaus-
um skilaboðum en trúfesta (e.
commitment) gagnvart þeim
verður engin. Án trúfestu skiptir
hópurinn fljótt yfir í aðrar vörur
um leið og færi gefst.
Konur eru mikilvægasti
markhópurinn!
Guðmundur
Arnar
Guðmundsson
markaðsstjóri
O R Ð Í B E L G
O R Ð S K Ý R I N G I N
Nafnverð, einnig nefnt nafn-
virði, vísar til verðs eða virði
í peningum án tillits til verð-
bólgu. Raunvirði tekur aftur á
móti tillit til verðbólgu.
Þegar um verðtryggð lán er
að ræða er höfuðstóll það sama
og eftirstöðvar af nafnverði. Við
höfuðstólinn bætast svo upp-
safnaðar verðbætur.
Nafnverð vísar einnig til
skráðs virðis verðbréfa. Ef hver
hlutur er t.d. metinn á 100 krón-
ur að nafnvirði og gengið er 5
þá er markaðsvirðið 500 krón-
ur. Nafnverð er því ekki það
sama og markaðsvirði. Fjárfest-
ar nota gengi síðustu viðskipta
til að reikna út verðmæti hlutar
síns með því að margfalda það
með nafnverði hlutar. Það er al-
gengast að nafnverð hvers hlut-
ar sé 1 króna.
Nafnverð
Fáum blandast orðið hugur um að gjaldmiðill þjóðarinnar er upp-
spretta mikils óstöðugleika í hagkerfinu. Margítrekað hefur verið bent
á hvernig sveiflur í gengi krónunnar skaða starfsumhverfi fyrirtækja,
hvort sem þau byggja afkomu sína á inn- eða útflutningi, enda óviðun-
andi að geta ekki gert áætlanir nema örfáa mánuði fram í tímann. Þá
finna þetta nú fleiri en áður á eigin skinni, enda hafa lántökur í erlendri
mynt aukist mjög á meðal almennings. Ekkert grín er þegar greiðslu-
byrði heimilis sveiflast jafnvel um tugi þúsunda milli mánaða.
Fyrr á árinu birti Viðskiptaráð Íslands könnun sem gerð var á meðal
aðildarfélaga þess þar sem kom fram að 70 prósent þeirra vildu kasta
krónunni. Aðild að Evrópusambandinu er hins vegar umdeildara mál og
mikilvægt að taki að skýrast hvaða leiðir eru færar í þessum efnum.
Ef hægt er að semja um aðild að Myntbandalagi Evrópu og taka
hér upp evru án þess að ganga fyrst í Evrópusambandið líkt og Björn
Bjarnason dómsmálaráðherra stakk upp á í byrjun vikunnar á vef
sínum eru það góðar fréttir, svo fremi sem það flýti því að hér verði
skipt um gjaldmiðil. Margir telja hins vegar að ráða megi af fyrri
orðum forsvarsmanna Evrópusambandsins og Seðlabanka Evrópu
að leiðin sé vægast sagt torfær. Þannig var í gær haft eftir Percy
Westerlund, sendiherra og yfirmanni fastanefndar Evrópusambands-
ins, að hugmyndir Björns hefðu komið honum á óvart og að evra yrði
ekki tekin hér upp án aðildar að ESB.
Ætli menn sér að vera í forystu fyrir stjórnmálaflokk gengur ekki
að burðast með skoðanir sem ganga í berhögg við skoðanir meginþorra
flokksmanna. Er nærtækt að líta til Framsóknarflokksins í þessum
efnum þar sem greina má nokkurn blæbrigðamun frá því sem áður var
í orðum og æði núverandi formanns flokksins þegar kemur að Evrópu-
málum. Þar í flokki hefur enda fjölgað mjög þeim sem sjá kosti þess
að láta reyna á Evrópusambandsaðild, en þar á meðal eru líka tveir síð-
ustu formenn flokksins. Forvitnilegt verður að fylgjast með hvaða línur
verða lagðar í þessum efnum á næsta landsfundi Sjálfstæðisflokksins,
en komið hefur fram að þar eigi að fjalla sérstaklega um Evrópumál.
Þótt aðild sé enn umdeild hefur síðustu ár verið sívaxandi þungi í
þessari umræðu og ljóst að innan stærsta stjórnmálaflokks landsins
er nú orðið mikið fylgi við að brugðist verði við í gjaldmiðilsmálum
og jafnframt að látið verði reyna á aðild að Evrópusambandinu, verði
raunin sú að þessi mál verði ekki slitin í sundur.
Stefnuleysi í þessum málaflokki er hins vegar skaðlegt og óvissa um
afstöðu ráðamanna rýrir traust á gjaldmiðlinum og hagkerfi þjóðarinnar.
Að dómsmálaráðherra skuli taka upp á vef sínum hugmyndir um leiðir
að upptöku evru hér á landi er mikilvægt útspil og kann að vera nauð-
synlegt fyrir umræðu um Evrópumál innan Sjálfstæðisflokksins. Ráða-
menn þjóðarinnar þurfa hins vegar að gæta að því hvernig þeir haga
orðum sínum þegar kemur að umræðu um efnahagsmál. Komist á um
það sátt á vettvangi stjórnmálanna að leita beri nýrra leiða í skipan
gjaldeyrismála þjóðarinnar og gengið verði til samninga við Evrópu-
sambandið í þeim efnum er einnig vandséð að horfið verði frá þeirri
leið á ný. En líkt og Erlendur Hjaltason, formaður Viðskiptaráðs Ís-
lands, bendir réttilega á er „mikilvægt að hafa í huga að form legar við-
ræður af þessu tagi fælu í sér ákveðna yfirlýsingu af hálfu stjórnvalda
um íslensku krónuna og peningastefnu Seðlabanka Íslands“.
Mestu máli skiptir að marka stefnu og eyða óvissu og þar er ábyrgð
stjórnmálamanna mikil. Líklegt er að valið muni eftir sem áður snúast
um hvort stefna skuli að upptöku evru og aðild að Evrópusambandinu,
eða hvort við viljum halda krónunni og grípa til hverra þeirra aðgerða
sem nauðsynlegar kunna að vera til að draga úr sveiflum hennar.
Dómsmálaráðherra hefur tekið upp hugmyndir um leið
að upptöku evru hér. Línur þurfa að skýrast í málinu.
Stöðugt fækkar í
vinahópi krónunnar
Óli Kristján Ármannsson
Nýskráður jan. 2006. Ekinn 19 Þ km. Fiat Ducato 18, 2,8 JTD 127 hö,
lengd 6,2 heildarþyngd 3500/3850 kg. Tvöfaldur botn. Góð veghæð.
Helsti búnaður; 17”TV+DVD; Radio+CD; TrumaC6002; bakk-
myndavél; A/C, Heki I topplúga; hjólagrind, snúningsstólar; 2 sófar;
hjónarúm, eldavél, ísskápur, WC, sturta ofl .ofl .
Kostar nýr 16,0 Tilboð 8,5 Sími: 660 5440
ARTO Þýskur Lúxus húsbíll
frá Niesmann+Bischoff