Fréttablaðið - 16.07.2008, Blaðsíða 11

MARKAÐURINN 11MIÐVIKUDAGUR 16. JÚLÍ 2008
S K O Ð U N
Samkeppniseftirlitið undirbýr
núna umsögn um fyrirhugaðan
samruna Kaupþings og SPRON.
Bankar og fjármálastofnanir
hafa fengið sent ítarlegt erindi
með fjölmörgum spurningum
um íslenskan viðskiptabanka-
markað. Háværar raddir eru um
frekari samruna fjármálafyrir-
tækja og því má ætla að það
verði í nægu að snúast fyrir Pál
Gunnar Pálsson, forstjóra Sam-
keppniseftirlitsins.
Páll Gunnar tók stúdentspróf
frá MA árið 1987 og nam svo
frönsku við Université de Paul
Valery í Montpellier í Frakk-
landi árin 1987–1988. Þaðan lá
leið hans í Háskóla Íslands þar
sem hann brautskráðist sem lög-
fræðingur árið 1994.
Páll Gunnar hóf starfsferil
sinn sem lögfræðingur hjá Seðla-
banka Íslands (1994–1995). Hann
gegndi stöðu lögfræðings iðn-
aðar- og viðskiptaráðuneytisins
(1995-1996) og síðar stöðu deildar-
stjóra við sama ráðuneyti (1996-
1998). Hann var forstjóri Fjár-
málaeftirlitsins 1999-2005 áður
en hann tók við sem forstjóri
Samkeppniseftirlitsins.
Páll Gunnar hefur setið í, starf-
að með og stýrt ýmsum nefndum
fyrir hönd iðnaðar- og viðskipta-
ráðuneytisins og síðar Fjármála-
eftirlitsins, s.s. nefndum um
breytingu ríkisviðskiptabanka í
hlutafélög, breytingu á fjárfest-
ingarlánasjóðum í eigu ríkisins
og sölu á eignarhlut ríkisins í
lánastofnunum. Hann hefur
einnig starfað með nefndum um
endurskoðun á opinberu eftirliti
með fjármálastarfsemi og var
formaður nefndar um stofnun
Fjármálaeftirlitsins. Páll Gunn-
ar tók einnig þátt í mótun lög-
gjafar á sviði orkumála og eign-
arhalds á auðlindum í jörðu og
var formaður prófnefndar verð-
bréfamiðlunar 1996-1999. Hann
var þátttakandi í erlendu sam-
starfi á vegum fjármálaeftirlits-
ins, m.a. fulltrúi á aðalfundum
Samtaka evrópskra verðbréfa-
eftirlita (CESR).
Páll Gunnar er fæddur 15.
september árið 1967. Hann er
kvæntur Signýju Mörtu Böðvars-
dóttur og eiga þau eina dóttur
og einn son. Páll Gunnar á einn-
ig tvo stjúpsyni og son frá fyrra
sambandi.
Frönskumælandi lögfræðingur
Good
swinger
„Show me the money, show me
the money,“ gargaði Cuba Good-
ing Jr. dansandi glaður í eyrað á
dvergnum Tom Cruise þar sem
hann hélt símtólinu þétt að eyra
sér í myndinni Jerry Maguire
hér um árið. Ég sá myndina aftur
um helgina. Hún eldist ekkert
sérlega vel. Mér líkar betur við
Michael Douglas í Wall Street,
sem var gerð einhverjum ára-
tug fyrr. Það virðist sem hún hafi
verið gerð í gær.
Lundin er létt hjá mér þessa
dagana og monníarnir láta á
sér kræla sem aldrei fyrr. Rétt
eins og hjá Gordon okkar manni
Gekko. Svei mér þá ef það er
ekki gósentíð.
Ég er búinn að taka nokkra
væna svinga á bandaríska hluta-
bréfamarkaðnum síðustu vikuna
og búinn að taka góða skammta
í hús. Setti nokkrar góðar kúlur
á klúðurfélögin í fasteignalána-
bransanum í US of A og tók enn
fleiri í hús á föstudaginn. Húsa-
smiðir í meistarafélaginu gætu
aldrei grætt jafn mikið á góðum
degi – jafnvel ekki þótt pípulagn-
ingameistari væri með í för og
kannski einn eða tveir rafvirkjar
til. Ekki séns. Ekki svo að skilja
að ég viti hvað þeir hafi mikið að
gera um þessar mundir.
Íslenski hlutabréfamarkaður-
inn er eitthvað sem ég vil ekki
vita af núna. Hann er handónýt
tuska og lítið á honum að græða.
Félagarnir löngu hættir að taka
svinga, vantar pjéninga til þess,
eins og skáldið tók til orða þegar
hann sníkti pjéning fyrir bjór, og
þora ekki að leggja pening í neitt.
Spurning hvort þeir geti pantað
iðnaðarmann til að laga pípulagn-
irnar. Skræfur sem horfðu ekki
fram í tímann og lifðu hátt á vit-
lausu gengi.
Allavega. Núna er ég endur-
fjármagnaður næstu tvö árin –
nema annað gerist. Sem skiptir
mig svo sem litlu máli en gerir
konuna afskaplega glaða. Glaða?
Já, það sagði ég víst og þegar
hún er það þá brosi ég út í eitt
þar til ég fer upp í rúm að sofa.
Sofa? Sagði ég það? Hvað um
það. Við konan brosum og það
skiptir máli.
Spákaupmaðurinn á horninu
S P Á K A U P M A Ð U R I N N
S A G A N Á B A K V I Ð . . . P Á L G U N N A R P Á L S S O N , F O R S T J Ó R A S A M K E P P N I S E F T I R L I T S I N S
V
ið erum alltaf á tánum, leitum stöðugt
nýrra leiða í kauphallarviðskiptum,“
segir Hans-Ole Jochumsen, forstjóri
norrænu kauphallasamstæðunnar
OMX.
Hann segir mikla breytingu hafa orðið á
kauphöllum víða um heim. Samþjöppun hluta-
bréfamarkaða hafi skilað sér í geysiharðri
samkeppni. Mikilvægt sé að vera á undan
öðrum mörkuðum og bjóða upp á bestu vör-
urnar hverju sinni. Hraði í kauphallarviðskipt-
um og lágt verð fyrir þjónustuna skiptir miklu
máli í dag, að hans sögn.
Hans-Ole tók við forstjórastarfinu í apríl
síðastliðnum af Jukka Ruuska. Hann var áður
aðstoðarforstjóri samstæðunnar sem rekur
hlutabréfamarkaði á Norðurlöndunum, að
Noregi undanskildu, og í Eystrasaltsríkjun-
um.
Forstjórinn var staddur hér á landi á dögun-
um og kynnti sér starfsemi Kauphallarinnar,
sem hefur verið hluti af norrænu kauphalla-
samstæðunni frá því um þarsíðustu áramót.
SPENNANDI TÍMAR
„Samkeppni á hlutabréfamörkuðum í Evrópu
mun verða mjög hörð á næstu árum. Henni
hefur ekki verið að skipta að svo miklu leyti
fyrr,“ segir Hans-Ole og vísar til þeirra miklu
breytinga sem orðið hafi á hlutabréfamörkuð-
um síðustu misserin. Eignarhald þeirra er nú
á færri höndum eftir umfangsmikil uppkaup
markaða hver í öðrum – jafnvel langt út fyrir
markaðssvæðin í Bandaríkjunum og Evrópu.
Viðburðaríkir tímar eru fram undan hjá
OMX-samstæðunni um þessar mundir. Banda-
ríska kauphöllin Nasdaq keypti hana með
manni og mús í fyrra og rennur starfsem-
in undir einn hatt í september. Hann hlakkar
mikið til samrunans. „Það er mjög heillandi
að hafa aðgang að markaðnum þar, fjárfest-
ar í Bandaríkjunum munu taka vel eftir þeim
norrænu fyrirtækjum sem eru skráð á mark-
að hjá okkur,“ segir forstjórinn. „Við eigum
mikla möguleika í Bandaríkjunum. Þetta eru
spennandi tímar.“
Hans-Ole segir margar nýjungar hafa verið
teknar upp vegna þessa. Bæði hafi samstæð-
an kynnt lausnir frá Bandaríkjunum auk þess
sem eigin afurðir og þjónusta hafi verið þróuð
áfram. Auðkennaleysi í hlutabréfaviðskiptum
og aðrar nýjungar eru hluti af breytingunni
hér en hefur verið þekkt um árabil vestan-
hafs. Þá er aðeins fátt eitt nefnt. „Við verðum
nokkurn veginn búin að innleiða flest atriði
þegar samruninn gengur í gegn,“ segir for-
stjórinn.
STÓR JAFNT OG SMÆRRI
Hans-Ole segir mikilvægt að halda norræn-
um fyrirtækjum á hlutabréfamarkaði. Ekki
megi þó einungis beina sjónum að stórum
fyrirtækjum heldur verði að gera millistór-
um fyrirtækjum auðveldara um vik að fara á
markað. Hann segir norræna markaðinn ekki
einsdæmi, þetta eigi við víðar í Evrópu. Slíkt
geti verið beggja hagur.
Hann telur stærstu fyrirtæki Norðurlanda
sem skráð eru í OMX-samstæðuna verða
skráð á öðrum hlutabréfamörkuðum á næstu
árum, jafnvel fimm til sjö öðrum. Hann vísar
til þess að ný tækni sem verið sé að taka í
gagnið geri miðlurum kleift að finna besta
verðið á hverjum stað.
KAUPHÖLL Í HVERJU LANDI
Hans-Ole segir leiðinlegt að vita til þess að
nokkur íslensk fyrirtæki hafi sótt um af-
skráningu. Hann telur hins vegar engar líkur
á að þeim muni fjölga sem hyggi á slíkt í nán-
ustu framtíð. Tryggja verði að virkur hluta-
bréfamarkaður verði í hverju landi í framtíð-
inni. „Ég er bjartsýnn. Þegar við höfum lokið
samruna við Nasdaq-markaðinn í september
verðum við áhugaverður kostur fyrir meðal-
stór fyrirtæki þar sem þau verða sýnilegri
vestanhafs en nú. Þau ættu þó að sjá hag
sínum borgið að fara á markað í heimalandi
sínu. Þar eru líka höfuðstöðvar þeirra og fjár-
festarnir sem þekkja fyrirtækin best,“ segir
Hans-Ole Jochumsen.
ENGIN STANGVEIÐI
Fyrirhugað var að kynna forstjóranum nýja
fyrir gjöfulli náttúrunni hér og bjóða honum
meðal annars í stangveiði. En nýja starfið
varð til þess að áætlanir röskuðust nokkuð og
verður veiðin að bíða betri tíma. „Við konan
seldum húsið okkar fyrir nokkru og verðum
að flytja út,“ segir Hans-Ole en þau hjón eru
að flytja af Stór-Kaupmannahafnarsvæðinu
til Stokkhólms en þar eru höfuðstöðvar kaup-
hallasamstæðunnar á Norðurlöndunum. Nýju
híbýlin fá þau ekki fyrr en í byrjun október.
„Ég verð að fara heim og pakka með konunni,
annað væri ósanngjarnt,“ segir forstjóri nor-
rænu kauphallasamstæðunnar OMX.
HANS-OLE JOCHUMSEN Forstjóri norrænu kauphallasamstæðunnar OMX segir mikilvægt að gera millistórum fyrirtækj-
um auðveldara um vik að fara á markað. Hann segir margar tækninýjungar í pípunum sem muni auka samkeppnishæfi
hlutabréfamarkaðarins til muna. MARKAÐURINN/ARNÞÓR
Alltaf á tánum í hlutabréfaviðskiptum
Hans-Ole Jochumsen, forstjóri OMX-kauphallasamstæðunnar á Norðurlöndunum, segir að sífellt
sé leitað leiða til að bæta hlutabréfamarkaðinn. Hraði og nýsköpun er lykillinn í harðri samkeppni.
Forstjórinn spjallaði við Jón Aðalstein Bergsveinsson.
N O K K R A R N Ý J U N G A R O M X
■ Áframsending tilboða (Order Routing). Er fyrir kaup-
hallaraðila sem senda áfram tilboð viðskiptavina
sinna (fjárfesta) til annarra markaða til þess að
finna besta verðið á hverjum stað.
■ INET. Viðskiptakerfið sem NASDAQ keyrir á og er
eitt það hraðasta sem til. Áætlað er að INET taki við
af SAXESS viðskiptakerfinu á næsta ári.
■ Auðkennaleysi í viðskiptum. Kauphallaraðilar eru
ekki skráðir fyrir kaupum og sölum á hlutabréfum.
Upplýsingarnar aðgengilegar eftir lokun markaða.
Auglýsingasími
– Mest lesið